Te Kaawa ae Akea Tokina, iroun Keith

Ritembwa 25–31

Te Kaotioti 15–22

“Ane E Tokanikai Ao E na Bwaini Bwaai Aikai Ni Kabane”

N tabetai te totoko ae bubura nakon te reiakinaki bon ara atatai are tiaki kainanoia n reiakinna—anne are tia kaman ataia. Ngkana ko wareki koroboki aika tabu, kauka am iango nakon karekean te taratara ae boou are te Atua e tangiria n anganiko.

Korei Am Namakin

N aron ae ko na uringnga n te boki ae Te Kaotioti e moanaki ma te Tia Kamaiu are e katanoata bwa Ngaia bon “te moa ao te toki” (Te Kaotioti 1:8). Katonuana, e kabaneaki ma te taeka ae ti tebo: “Bon ngai … te moa ao te toki” (Te Kaotioti 22:13). Ma tera ae nanonaki n anne? Te moa ao te toki n tera? Te boki ae Te Kaotioti e korakora ana kakoaua bwa Iesu Kristo bon te moa ao te toki bwaai ni kabane—man te korakora, n taea ingaingaia aomata ake a karikaki ao kamaiuaia. Bon Ngaia “te Tibutetei are e kamateaki man moa ni karikan te aonaaba” (Te Kaotioti 13:8). Ao Ngaia bon aia Uea uea are e uota tokin te buakaka, nanokawaki, ao riki te mate ao taan tei n te mataroa i “karawa naba ngkai ao te aonaaba naba ngkai” (Te Kaotioti 21:1).

Ma imwain rokon karawa naba ngkai ao te aonaaba naba ngkai, a bon mwaiti ibukira bwa ti na tokanikai iai: kamamate, taiani buaka, rikiraken te buakaka—ni kabane mai iai Te Kaotioti kabwarabwaraki ma te wanawana. Ma Iesu Kristo e bon mena irarikira inanon te mwakoro aei naba. Bon Ngaia te “oota ao te itoi ni ngaina” are e oota inanon roon karawa n aron are e beritanaki bwa te karangaina e na waekoa rokona (Te Kaotioti 22:16). Ao e na bon roko n te tai ae waekoa. E na bon roko. Riki ngkana E kaoiira, “Nakomai nakoIu” (Mataio 11:28), E na roko naba nakoira. “I a waetata n roko,” E katanoata. Ao ma te kantaninga ao te onimaki are e a tia ni kaitiakaki inanon karawawatakira, ti kaeka, “E ngae n anne, mai ikai, Iesu te Uea” (Te Kaotioti 22:20).

Iango ibukin te Kamatebwai i bon Iroum ni Koroboki aika Tabu

Te Kaotioti 16–18; 21–22

Te Uea e kaoai ni birinako mai Baburon ao ni bwaibwai n “te kaawa ae tabu.”

Imwiin kakoauan te urubwai ao te mate n te kabanea ni bong, Ioane e noori taai aika ana roko are a nang ikoti rake ana katanoata te Uea “Nooria, I manga karaoi bwaai ni bane bwa bwain naba ngkai” (Te Kaotioti 21:5). Teuana te kawai ni kaota bwa tera ae nanonaki bon te kaokoro n ana kabwarabwara Ioane ibukin Baburon, te kanikina man bwai korakin te aonaaba ao buakakana (taraa Te Kaotioti 16–18), ma ana kabwarabwara iaon Ierutarem ae boou kanikinaean miitongin te tiretio imatan te Atua (taraa Te Kaotioti 21–22). Te tiaata ae inano e na kona ni buokiko:

Baburon	Ierutarem ae Boou
Baburon Te Kaotioti 16:3–6	Ierutarem ae Boou Te Kaotioti 21:6; 22:1–2, 17
Baburon Te Kaotioti16:10; 18:23	Ierutarem ae Boou Te Kaotioti 21:23–24; 22:5
Baburon Te Kaotioti 17:1–5	Ierutarem ae Boou Kaotioti 21:2
Baburon Te Kaotioti 18:11, 15	Ierutarem ae Boou Kaotioti 21:4
Baburon Te Kaotioti 18:12–14	Ierutarem ae Boou Te Kaotioti 21:18–21; 22:1–2

Tera tabeua kaokoro aika ko noori?

Ko riai naba n iangoia bwa tera ae e nanonaki ibukim n “otinako mai” Baburon (Te Kaotioti 18:4). Tera ae ko kunea inanon Te Kaotioti 21–22 are e kaungako ni karaoia?

Te Kabanea Ni Motikitaeka, iroun John Scott

Te Kaotioti 20:12–15; 21:1–4

Ni kabane natin te Atua a na bane ni motikaki taekaia man te boki ni kamaiu.

Katautaua te tia koro karaki e anganano bwa e na korea te boki ae taekan maium. Tera te kabwarabwara ke te taneiai are ko na tangiria n karinna? Ngkana ko ataia bwa am mwakuri n taai aika ana roko e na koreaki naba, e kanga arom ni karokoa maium ni kaokoro? Iangoa taekan aei ngkana ko wareka Te Kaotioti 20:12–15. Tera ae ko kantaningai bwa e na koreaki bwa taekan arom n te boki ni kamaiu? Kona kanga ni kabwarabwara taben te Tia Kamaiu inanon am boki ni kamaiu? Inanon am iango, bukin tera e bon kakawaki bwa e na aranaki bwa “ana boki ni kamaiu te Tibutetei”? (Te Kaotioti 21:27).

Ngkana iangoan te tei imatan te Atua ni motikaki taekam e bon aki kamweraoiko iangoa warekan Te Kaotioti 21:1–4. Ni kaineti nakon kiibu aikai, Unimwaane Dieter F. Uchtdorf e taku:

“Bongin te Motikitaeka bon te bong n akoi ao n tangira—te bong are naano aika uruaki a karauaki, ranimata n nanoanga a oneaki nakon ranimata ni kakaitau, bwaai ni kabane a na kaetaki. Eng, e na korakora te nanokawaki ibukin te bure. Eng, a na mwaiti nanokawakira riki rootakira ae korakora bukin ara kairua, nanobabara, ao ara kamaraki nano are karikiira bwa ti na kabuai aanga ibukin te tai ae tamaroa ae na roko.

“Ma iai irou te onimaki bwa ti na aki rauaki ti n ana motikitaeka te Atua; ti na bon kubanako riki n Raoiroina ae akea tiana, ana nanoanga, ana tituaraoi ao ana tangira ibukira, ngaira Natina.” (“O How Great the Plan of Our God!,” Riaona, Nob. 2016, 21).

A kanga koaua aikai n roota taraan te Kabanea ni Motikitaeka iroum? Tera aron koaua aikai ni kaungako bwa ko na bitaki ni maium?

Taraa naba te Bible Dictionary, “Te Boki ni Kamaiu.”

Te Kaotioti 22:18–19

Kiibu aikai a nanonaki n ae bwa a na akea reitan koroboki aika tabu irarikin te Baibara?

Tabeman aomata a tia n taetae ni kaineti ma n Te Kaotioti 22:18–19 ngkai anne bukina a totokoa Ana Boki Moomon ao tabeua ana boki aika tabu ni boong aika kaitira. Ko kona ni kunei kaekaana n ana rongorongo Unimwaane Jeffrey R. Holland “My Words … Never Cease” (Riaona, Meei 2008, 91–94).

Iango ibukin Kamatebwai ni Koroboki aika Tabu n te Utu ao te Bootaki n te Tairiki

Te Kaoitoti 15:2–4.Ngkana a marooroakin kiibu aikai am utu, are e kaineti nakon “ana anene Mote” ao “ana anene te Tibutetei,” ko riai ni wareka ana anene Mote inanon Te Otinako 15:1–19, n reitaki ma anene ake tabeua ake a taekinaki inanon koroboki aika tabu, n aron Reirei ao Berita aika Tabu 84:98–102. Bukin tera koraki ake a riai ni karekea “tokanikai iaon te man” (Te Kaotioti 15:2) a namakina aneneakin kuuna aikai? Tao am utu a kona n anenea kuuna n taromauri ke aia anene n nenebo ataei.

Te Kaotioti 19:7–9.Tao ko kona n tarai tamnein te mare man rongorongoia am utu ke taetae iaon te tai ngke am utu a ira te bukamaru n tain te mare. Bukin tera te mare bon te kabotau ae tamaroa ibukin ana berita aika tabu te Uea ma Ana Ekaretia? (Taraa naba Mataio 22:1–14.)

Te Kaoitoti 20:2–3.E kanga 1 Nibwaai 22:26 ni buokiira n ota bwa tera ae e nanonaki ibukin Tatan n riki ni kabaeaki”?

Te Kaoitoti 22:1–4.Tera ae e nanonaki ni karekean aran te Tia Kamaiu “iaon [toan] ramwara”? (Te Kaoitoti 22:4; taraa naba Te Otinako 28:36–38; Motiaea 5:7–9; Aramwa 5:14; Moronaai 4:3; Reirei ao Berita aika Tabuu 109:22; David A. Bednar, “Honorably Hold a Name and a Standing,” Riaona, Meei 2009, 97–100).

Ibukin iango aika a mwaiti riki ibukin reireinakiia ataei, taraa te kamataata n te wiiki aei n Nakomai, Iriirai—Ibukin te Moanrinan.

Te anene ae rineaki: “When He Comes Again,” Aia Boki n Anene Ataei, 82–83.

Kanakoraoan Ara Anga Reirei

Rimwiian kakao ake a karaoaki ma mwakuriana. “Ngkana ko rimwiin taian kakao ma mwakuriana, ko kaotia nakoia [kaain am utu] bwa ko tabe ibukiia ao e kanga te euangkerio ni kakabwaiai maiuia. Ko anganiia naba taai n tibwauai aia taneiai” (Angareirei n ana Kawai te Tia Kamaiu,, 35).

Kristo n te kunnikai ae uraura e tekateka iaon te aoti ae mainaina.