“Ritembwa 25–31. Te Kaotioti 15–22: ‘Ane e Tokanikai iaon Bwaai nako e na reke nakoina Bwaai ni kabane,’” Nakomai, Iriirai—Ibukin te Moanrinan: Nu Tetemanti 2023 (2021)
“Ritembwa 25–31. Te Kaotioti 15–22,” —Ibukin te Moanrinan: 2023
Te Kaawa are akea tokina, iroun Keith Larson
Ritembwa 25–31
Te Kaotioti 15–22
“Ane e Tokanikai iaon Bwaai nako e na reke nakoina Bwaai ni kabane”
Ngkai ko katauraoiko n angareirei, okira am taneiai n kamatebwaian Te Kaotioti 15–22 i bon iroum ke ma am utu. Tera ae e ootara nakoim? Tera namakin aika ko karekei? Uringa are waaki ni kakukurei ake a kaotaki ikai a kona n karaoaki irouia ataei ibukin rooro nako.
Kaunga te Tibwatibwa
Kaoiia ataei bwa ana tibwauaa bukin ae a kan maeka ma te Tama ae i Karawa. Rinanon te tai n reirei, buokiia bwa ana kakaai bwaai ae a kona n karaoi are e na katauraoiia n okira Tamara are i Karawa.
Reirei te Reirei: Ataei aika a Uarereke Riki
I kona n neboa te Atua rinanon te anene.
Aika a itiaki ake e kabwarabwaraia Ioane n Te Kaotioti 15:2–4 a bon anene n neboa te Atua ibukin kororaoina. Tera kuuna n nebonebo ae a kona n buokiia ataei bwa ana kaota aia tangira nakon te Tama ae i Karawa ao Iesu Kristo?
Waaki ni Kakukurei aika a Kona ni Karaoaki
-
Ngkai ko wareka Te Kaotioti 15:2–4, ma te bwanaa ae baibati tuangiia ataei bwa ana katea kain ae aongkoa a katanga te harp ke n kaira te kuaea. Tera ae ti namakinna ngkana ti anenea taekan Iesu?
-
Tuangiia ataei bwa ana tibwauaa tabeua mai buakon kunaia ae a taatangiria ae taekan te Tama ae i Karawa ao Iesu Kristo. Anenei tabeua kuuna ni kabane, ao buokiia ataei bwa ana oota n nanon kunaia are taekan te Tama ae i Karawa ao te Tia Kamaiu.
I kona n katauraoi nakon Kauaokin Iesu Kristo man rinean te eti.
Ko na kanga ni buokiia ataei n oota n te Kauaoki bon te bwai ae kukurei ngkan ti ira ana tua Iesu?
Waaki ni Kakukurei aika a Kona ni Karaoaki
-
Titirakiniia ataei ngkana a tia n kaea te bootaki ni mare. Aekakira arona? Bukin tera a kukurei aomata n te mare? Kaota tamnein Kauaokin Te Tia Kamaiu n te kanoa n reirei n te wiiki aei n Nakomai, Iriirai—Ibukiia Aomata n Tatabemaniia ao Utu, ao wareka Te Kaotioti 19:7. Kabwarabwaraa are “mareakin te Tiibu te tei” e bon tei ibukin Kauaokin Iesu Kristo. Bukin tera ti na kimwareirei n rokon te Tia Kamaiu? Buokiia ataei n kabootaua te kukurei n tain te bootaki ni mare ma okin te Tia Kamaiu.
-
Tibwaua ma ataei bukin tera bukin ingaingam nakon Kauaokin Iesu Kristo. Ko kona naba n anenea kunan te Kauaoki, n aron “When He Comes Again” (Aia Boki n Anene Ataei, 82–83).
-
Kaoiia ataei bwa ana tibwauaia bwa e kanga aron katauraoaia nakon botaki n taromauri n te Taabati. Bukin tera ti karaoi bwaai aikai imwaain te taromauri? Bukin tera ti katauraoi imwain Ana Kauaoki Kristo? Te iteraniba ibukin te waaki ni kakukurei ibukin te wiiki aei, kariaia bwa a na koro tamnei ataei iaon baika a kona n katauraoi imwain te Kauaoki.
Te Kaotioti 21:1, 3–4, 22–27; 22:1–2
Tamau are i Karawa e tangirai bwa n na maeka ma Ngaia n te abanuea ae te tiretio.
Kabaenan mwakoron Te Kaotioti aika uoua, Ioane e bon kabonganai taeka aika tamaroa n kabwarabwaraa te abanuea ae te tiretio are a na kukurei ni maeka inanona ake a kakaonimaki.
Waaki ni Kakukurei aika a Kona ni Karaoaki
-
Buokiia ataei ni korea tamnein te aroka are kabwarabwaraaki n Te Kaotioti 22:2 iaon te burakibooti. Kabwarabwara bwa te aroka aei bon te aroka ni kamaiu, uaa e tei ibukin ana tangira te Atua (taraa 1 Nibwaai 11:21–22). Anganiia ataei moti ni beeba ake a karaoaki n aron tein te uaanikai, ao kaoia bwa korea tamnein te bwai ae e buokiia n namakina ana tangira Tamara are i Karawa. Kabwarabwaraa bwa naake a tangira ao man ongoeaba nakon Tamara are i Karawa a na bon maeka ma ngaia n te abanuea are te tiretio.
-
Tibwaia nakoia ataei bwa tabeua tamnein Ioane a kabwarabwara te mimitong n teretio (taraa Te Kaotioti 21:1, 3–4, 22–27; 22:1–2), ao kaoiia ataei bwa a na korei tamnein bwaai aikai.
-
Anene ma ataei te kuna ae reiakiniia bwa ana kanga n katauraoiia n okira Tamara are i Karawa, n aron “I Will Follow God’s Plan” (Aia Boki n Anene Ataei, 164–65). Kaoiia ataei n tuangiia bwa tera ae ana karaoia bwa aonga ni manga maeka riki ma Tamaia are i Karawa.
Reirei te Reirei: Ataei aika a Ikawai Riki
I kona n katauraoi nakon Kauaokin Iesu Kristo man rinean te eti.
Ko kona ni buokiia ataei n oota bwa Ana Kauoaki Iesu Kristo bon te bwai ae rangi ni kakukurei ibukiia aomata aika raoiroi?
Waaki ni Kakukurei aika a Kona ni Karaoaki
-
Bootaki wareka Te Kaotioti 19:7–8, ao buokiia bwa a na atai nanon kanikina ni kiibu aikai—te mare bon te Kauaoki, te Tibuteteei bon te Tia Kamaiu, ao Kainnabana bon te Ekaretia (ke ngaira ni kabane). Tera baika tina kona n katauraoi ibukin manga okin te Tia Kamaiu?
-
Manga rinanona ao kamatea Taekan te Onimaki 1:10 ma ataei. Kabwarabwaraa bwa taekan te onimaki aio e kaotii baika ana riki aika kakukurei man mimitong n manga okin Iesu. Kaota tamnein Kauaokin Iesu n Nakomai, Iriirai—Ibukiia Aomata n Tatabemaniia ao Utu, ao kaoiia ataei bwa ana korea tamnein Kauaokin Iesu Kristo n aia iango.
E na bon motikaki taekau iroun te Atua.
Ngaira ni kabane ti na bon tei i matan te Atua ni motikaki taekara. Ko kona ni buokiia ataei ni kaotaia ae Ana motikitaeka e na bon tuaraoi, aki tabeitera, ao man nanoanga.
Waaki ni Kakukurei aika a Kona ni Karaoaki
-
Korea iaon te burakibooti E na aekakira te Bong ni Motikitaeka? Kaoia ataei bwa an kakaai reken titiraki aika kuneaki n Te Kaotioti 20:12–13 ao n “Judgment, the Last” n Kairi nakon Boki aika Tabu (scriptures.ChurchofJesusChrist.org). Tera ae e karaoia te Tia Kamaiu bwa e aonga ni kaukurei te Bong ni Motikitaeka? (taraa Taekan te Onimaki 1:3–4). Tera ae ti kona n karaoia bwa e aonga n riki bwa te bong ae kimwareirei ibukira?
TamneiIesu ma aomata inanon te oota n baina te angatai ao aomata n te rootongtong n angamainginaThe Last Judgement, iroun Ioane Scott
-
Uota nakon te kiraati te boki ae uarereke are e na tei bwa te “boki ni kamaiu“ (Te Kaotioti 20:12), are inanona ko a tia ni korei tabeua anua ni maiun Kristo ao mwakuri aika tamaroa mai irouia ataein am kiraati. Wareka nakoia ataei bwaai ake a korei, ao kaoiia bwa a na maroroakin katein Kristo are a noori ibon imarenaia. Tibwauaa am kakoaua ae Iesu Kristo e buokiira n riki n aiarona ao e katauraoa naba te kawai ibukira bwa tina kona n raira n nano ao n tokanikai iaon te bure.
Te Kaotioti 21:1, 3–4, 22–27; 22:1–2, 17
Tamau are i Karawa e tangirai bwa n na maeka ma Ngaia n te abanuea ae te tiretio.
Ngkai ko wareka ana kabwarabwara Ioane iaon te abanuea are te tiretio n Te Kaotioti 21–22, tera te bwai ae e teretere nakoim? Tera ae ko namakinna bwa ko riai n tibwauaia ma ataei ngkai ko anga reirei?
Waaki ni Kakukurei aika a Kona ni Karaoaki
-
Kaoia ataei bwa ana kakaai taeka ke kibu n taeka are e kabongana Ioane n kabwarabwaraa iai te abanuea ae te tiretio ni kiibu aikai: Te Kaotioti 21:1, 3–4, 22–27; 22:1–2. Anganiia bwa ana bon rinei bwaai ake a kan korei man kiibu aikai. Ao ngkanne a kona ni maroroakina aia korotamnei ma kaain te kiraati. Kaungaia bwa a na kaotii aia korotamnei nakoia kaain aia utu ni mweengaia.
-
Bootaki wareka Te Kaotioti 22:17, ao bwa te buu te aine are kangai “Nakomai” bon te Ekaretia. Bukin tera, ngaira kaain te aro, ti kaoiia aomata bwa a na“nako” nakon? (taraa Moronaai 10:30–33). Tera bwaai ae a kona kaain rarikira n “bwatakataka” ibukina? Tera kawai aika tamaroa aika tina kona iai ni kaoia raora bwa a na “roko”?
Kaungaa te Kamatebwai n te Mweenga
Buokiia ataei ni katauraoiia bwa a na wareka Ana Boki Moomonn te ririki ae e na roko man kaoaia bwa ana titirakina temanna kain aia uti ke raraoia bwa ana tibwauaa te kibu ke te karaki ae a tatangiria man Ana Boki Moomon.
Kanakoraoan Ara Anga reirei
Reireiniia ataei bwa a na korea aia namakin. Ngkana a moantaai ataei n kareka te anua ae te rekootinii aia namakin, e na kona n buokiia n kinaa ao n iira te Tamnei ae Raoiroi. Ataei a kona n reekotinii aia namakin man mwaakenakin kiibu, korean tamnei, ke koroboki n aia tienoo. (Tara Reirei n Ana Kawai te Tia Kamaiu, 30.)