“Ritembwa 4–10. Te Kaotioti 1–5: ‘Te Mimitong, ao te Mwaaka, Ana bwai … te Tiibu te tei n Aki Toki,’” Nakomai, Iriirai—Ibukin te Moanrinan: New Testament 2023 (2021)
“Ritembwa 4–10. Te Kaotioti 1–5,” —Ibukin te Moanrinan: 2023
Ritembwa 4–10
Te Kaotioti 1–5
“Te Mimitong, ao te Mwaaka, Ana bwai … te Tiibu te tei n Aki Toki”
Te boki ae Te Kaotioti e kona n rangi ni kanganga bwa ana oota iai ataei, ma bon iai inanona reirei aika kakawaki aika tamaroa ao man beebete.
Kaungaa te Tibwatibwa
Kaoiia ataei bwa ana tibwaua aia namakin ngkana a noora Iesu Kristo n te kaotioti. Tuangiia bwa ana tibwauaa bwaai ake a ataia iaon kaotin Iesu nakon Ioane n te kaotioti inanon te boki ae Te Kaotioti.
Reirei te Reirei: Ataei aika a Uarereke Riki
I kona n kaotaa ana oota te Tia Kamaiu.
N Te Kaotioti 1:20, te Tia Kamaiu e kabootaua Ana Ekaretia nakon taura te nenea. Buokiia ataei ni kaotaia bwa a kona kaotaa otan te Tia Kamaiu man maiuakinan Ana reirei.
Waaki ni Kakukurei aika a Kona ni Karaoaki
-
Kaota nakoia ataei aekan taura aika kakaokoro, n aron te taura ae maiu man te iti, te taura te nenea, ao taai. Ngkai ko wareka “Itiua te taura te nenea are ko noorii bon itiua te ekaretia” (Te Kaotioti 1:20), kaoiia ataei n kaotia nakoia tamnein te nenea are e taekinaki n te kibu aio. Buokiia ataei n maroroakinna ae ngaira, kaain ana Ekaretia Iesu Kristo, ti kona n riki bwa kanga te taura te nenea—te katooto, ngkana ti karaoi baika a raraoi ibukiia tabemwaang.
-
Anenea te kuna ae iaon rikira bwa te taura nakoia tabemwaang, n aron “Jesus Wants Me for a Sunbeam” (Aia Boki n Anene Ataei, 60–61). Tibwauai taai ake ko nooriia iai ataei n maiuakina ana euangkerio Iesu Kristo ao rikiia bwa ngaia te oota nakoia ake irarikiia. Tibwauaia bwa e kanga rikim bwa te oota nakoia ake irarikim ea tia ni buokiko n namakinna bwa ko kaaniiaki riki ma Tamam are i Karawa ao Iesu Kristo.
I kona ni kaoa Iesu Kristo nako nanon maiu.I can invite Jesus Christ into my life.
Tamnein Iesu are e tei n te mataroa ao n karebwerebwe e kona n buokiia ataei n kaotaia bwa E tangiria bwa e na kaan nakoia.
Waaki ni Kakukurei aika a Kona ni Karaoaki
-
Ngkai ko wareka Te Kaotioti 3:20, kaota tamnein Kristo imatan te mataroa man te kanoa n reirei n te wiiki aei n Nakomai, Iriirai—Ibukiia Aomata n Tatabemaniia ao Utu. Kaoiia ataei bwa ana iangoia bwa aongkoa ea karebwerebwe Iesu n mataroan mweengaia. Anganiia aia tai bwa ana taekinii baika ana karaoi.
-
Kaoiia ataei bwa ana karakinii taai ike a tia n tataningaa kawarakin mweengaia iroun temanna are a nang ingainga ni kan nooria. Tera aroia n tataningaa te aomata arei bwa e na karebwerebwe iaon te mataroa? Ao ngkana arona bwa ti aki karina te aomata anne inanon mweengara? Wareka Te Kaotioti 3:20, ao tuangiia ataei bwa a na ikaruoruo n taua tamnein Iesu ao aongkoa a karebwerebwe n te mataroa. Kaain te kiraati ake tabeman a kona n katea kain are aongkoa a kauka te mataroa. Tera ae ti kona ni karaoia bwa e aonga ni kaan nakoira Iesu, e ngae ngkana ti aki kona n nooria?
Iesu Kristo bon tii ngaia ae e kororaoi n riki bwa au Tia Kamaiu.
E reiakinna Ioane man ana kaotioti ae bon tii Iesu (are ea tei ibukina te tiibu te tei) ae e kona n riki bwa ara Tia Kamaiu ao man kakoroa bukin ana Babaire Tamara. (are e tei ibukin te boki are kainaki).
Waaki ni Kakukurei aika a Kona ni Karaoaki
-
Imwain te kiraati, niira katooton te Boki n Tamnei n te Euangkerio ni kabongana te beebwa ke te kora. Kabonganai tabeua kibu n taeka man Te Kaotioti 5:1–10, ni kabwarabwaraa te kaotioti are e roko nakon Ioane. Kaota te boki nakoia ataei, ao tuangiia bwa te bwai ae e na kona n uki iai te boki aei bon tii man kakaean tamnein Iesu are ko a tia ni karabaa inanon te ruu. Ngkana e reke irouia te tamnei, kauka te boki ao tibwauaa nakoia ataei tabeua tamnein te boki are a riki bwa kakabwaia nakoira ibukin ana Mwakuri ni Kamaiu Iesu Kristo (n aron te tembora, te bwabetito, ao ara utu). Kakoaua ae te Tia Kamaiu bon tii ngaia ae e kona ni kakoroi bukin bwaai ni kabane.
-
Kakimototoa karakinan te kaotioti are e kabwarabwaraki Te Kaotioti 5:1–10, ao kaoiia ataei bwa ana katei kain aia namakin Ioane ao raona ake tabeman n tai te kaotioti anne. Te katooto, a kona n tang ngke akea ae e kona n kauka te boki, ke a kona n kaungaunga ngke ea kaukaki iroun te Tia Kamaiu.
Reirei te Reirei: Ataei aika a Ikawai Riki
Ngkana I kakaonimaki nakon ana euangkerio Te Tia Kamaiu, N na bon karekei kakabwaia aika bati mai karawa.
Ngke iroum tera nanona bwa kona “aabue, ao tiaki mwaitoro ke ni kabuebue”? Kakaaei kawai ni buokiia ataei bwa ana riki bwa kaitaraan te aabue—ana unga n nanoa aia kakaonimaki nakon te Tia Kamaiu ao ana euangkerio.
Waaki ni Kakukurei aika a Kona ni Karaoaki
-
Bootaki wareka Te Kaotioti 3:5, 12, 21, ao kabwarabwarai taeka ake aki bati n atai ataei. Tera nanon te “tokanikai”? Kaoiia ataei bwa ana korea tamnein teuana te kakabwaia are ea tia n beritaaki n kiibu aikai ao tibwauaia ma te kiraati.
-
Bootaki wareka Te Kaotioti 3:15–16. Tuangiia ataei bwa ana marooroakin baika a rangi ni boongana ke ni kangkang ngkana e kabuebue (n aron te tuubu) ke ni mwaitoro (n aron te aitikuriim). Bukin tera kaitaran te Tia Kamaiu e totokoira man karekean kakabwaia ni kiibu 5, 12, ao 21?
-
Iaon te burakibooti, korea aabue, n raonaki ma taeka ae titebo nanona ma ngaia, n aron halfhearted, indifferent, ke casual. Kabonganai taeka aikai n buokiia ataei ao ni kaotaiia n bukina kai te Uea e aki tangiriira bwa tina kaitara. Tera taeka tabeua ae ti kona n iangoi ae e na kona n kabwarabwara te aroaro ke teira are e tangiria te Uea bwa tina riki nako iai? Tibwauaia bukin tera ngkai ko tangiria ni kan kabanea nanom ni kakaonimakin nakon te Tia Kamaiu, ao kaoiia ataei bwa ana tibwauai aia iango naba.
I kona n rineia bwa N na karika Iesu Kristo e na riki bwa mwakoron maiu.
Ko na kanga ni buokiia ataei n kauki nanoia ao maiuia nakon mwaakan ma korakoran Iesu Kristo?
Waaki ni Kakukurei aika a Kona ni Karaoaki
-
Ngkai ko wareka Te Kaotioti 3:20, kaota tamnein Kristo imatan te mataroa man te kanoa n reirei n te wiiki aei n Nakomai, Iriirai—Ibukiia Aomata n Tatabemaniia ao Utu. Buokan aia taratara ataei n te tamnei, kaoiia bwa a na mwakuri ni kakauoman ni kaekai titiraki aikai: Bukin tera Iesu e karebwerebwe n te mataroa? Bukin tera akea bwain kaukan te mataroa mai tinaniku? Tera nanon ae kona kariaia bwa e na rin Iesu inanon maiura?
-
Tuangiia ataei bwa ana korea iaon te burakibooti kawai aika a kakaokoro are ana kona n “kauka te mataroa” nakon Iesu. Tabeua katooto n aron te beku ibukiia tabemwaang, warekan booki aika tabu, kawakinan ara berita ake ti karaoi ngke ti bwabetito, ao kanakin te toa.
Iesu Kristo bon tii ngaia ae e kororaoi n riki bwa au Tia Kamaiu.
Te kaotioti are e kabwarabwaraaki n Te Kaotioti 5 e reiakiniira ae bon tii Iesu ae e kororaoi ao e kona n karaoa te mwakuri ni kamaiu ao n kamaiuiira man te bure.
Waaki ni Kakukurei aika a Kona ni Karaoaki
-
Kaoiia ataei bwa a na karakina te tai ae a tia ni kainanoa iai temanna bwa e na buokiia bwa aki kona n karaoa te bwai teuana i bon ibukiia. Tuangiia bwa ana wareka Te Kaotioti 5:1–10 ao ni kakaea te bwai are e kainanoaki bwa e na karaoaki ae tii temanna te aomata ae kona ni karaoia (kabwarabwaraa ae te Tiibu te tei bon Iesu Kristo ao te boki e bon tei ibukin ana babaire te Atua). Tera ae karaoia ibukira Iesu ae akea riki temanna ae kona n karaoia?
-
Tuangaiia ataei bwa ana kakaea te anene ke kunaia ataei ae e kakoaua ibukin Iesu Kristo (n aron “Beautiful Savior,” Aia Boki n Anene Ataei, 62–63). Tera ae ti kona n reiakinna man taekan te anene aio? E kanga te kuna aei n titebo ma te kuna n nebo ibukin Iesu Kristo n Te Kaotioti 5:9–10?
Kaungaa te Kamatebwai n te Mweenga
Kaoiia ataei bwa ana tibwauaia ma aia utu aanga ae a kona iai n kaoa bannan te Tia Kamaiu nako nanon mweengaia.
Kanakoraoan Ara Anga reirei
Kaungaa te karinerine. Teuana kakawakin naba te kaina bwaabu bon iangoakin te Tama are i Karawa ao Iesu Kristo. Ko na kona n kauringiia ataei bwa ana kaina bwaabu ao n anene n te bwanaa ae uareereke ke n anene i nanoia ke tao n kaota tamnein Iesu Kristo.