“Ritembwa 11–17. Te Kaotioti 6–14: ‘A tokanikai… n Raraan te Tiibuteteei,’” Nakomai, Iriirai—Ibukin te Moanrinan: Nu Tetemanti 2023 (2021)
“Ritembwa 11–17. Te Kaotioti 6–14,” Nakomai, Iriirai—Ibukin te Moanrinan: 2023
Ana korobanna Eric Johnsen: Te Bowi ae Bubura, iroun Robert T. Barrett; star cluster courtesy of European Space Agency
Ritembwa 11–17
Te Kaotioti 6–14
“A tokanikai… n Raraan te Tiibuteteei”
Ngake ko wareka Te Kaotioti 6–14, iangoia am ataei. Te Tamnei ae Raoiroi e kona ni buokiko ni kinaa te koaua are e kaineti nakoia.
Kaungaa te Tibwatibwa
Kaotii tabeua tamnei ake a na buokiia ataei ni kauringa te reirei are a reiakinna n te wiki ae nako ni mweengaia ke n te kiraati. Kaoiia ataei bwa a na tibwaa aia atatai n tamnei akanne.
Reirei te Reirei: Ataei aika a Uarereke Riki
Iesu Kristo e buokai ni kaitiakai.
Ioane e nooria aomata ni kunikainiia ni kunnikai aika mwarairai “ake a … itiaki n raraan te tibuteteei” (kibu 14). Iangoa bwa tera ana ibuobuoki te kaotioti aei nakoia ataa ngkana a oota ni kakawakin te kaitiakaki rinanon ana mwakuri ni Kamaiu Iesu Kristo.
Waaki ni Kakukurei aika a Kona ni Karaoaki
-
Kaota nakoia ataei kunnikai aika mainaina (ke tamnein kunnikai aika mainaina) ao tamnein Iesu. Wareka Te Kaotioti 7:9, 13–14 nakoia ataei, ao tuangiia bwa a na kotea te tamnei ao kunnikai ngkana a ongo te taeka ae mainaina. Kabwarabwarabwa kunnikai aika mainaina e tei ibukin te itiaki ao e kauringiira bwa Iesu Kristo e kaitiaki ara kairua.
-
Kaota nakoia ataei te kunnikai ae mainaina ke te beeba ae mainaina, ao tuangiia bwa a na kabareka n te been ke te bareka. Tuangiia bwa ngkana a aki ongeaba nakon tuua, kanga ai aron ae bareka ara kunnikai. Kaota tamnein Iesu i Ketetemwane (e kona n reke n Boki n Tamnei n te Euangkerio, nambwa. 56), katuka te kunnikai are bareka, ao anaa ae e itiaki. Kaota am koaua bwa Iesu Kristo e kona ni katiakiira.
-
Anene te kuna ae taekina te bwabetito, n aron “When I Am Baptized” (Aia Boki n Anene Ataei, 103), ao kaota am koaua bwa e kaitiakiira Iesu ngkana ti bwabetitoaki.
I kaota au onimaki iroun Iesu Kristo n te maiu are imwain te maiu aei.
N te buaka i Karawa, natin te Atua aika kakaonimaki a tokanikai iaon Tatan man “ni kaotan aia koaua” ao n onimakinan Iesu Kristo (Te Kaotioti 12:11). A teimatoa n tokanikai ni karokoa boong aikai.
Waaki ni Kakukurei aika a Kona ni Karaoaki
-
Aron buokan te aomata bwa e na oota n iran ana katoto temanna, rinea temanna te ataei bwa e na riki bwa te “tia kairiiri,” ao tuangiia ataei bwa a na iriiria ni katotongan are e karaoia. Ngkanne karekea aia tai ataei ake tabeman bwa a na kairiiri. Wareka Te Kaotioti 12:7–11 nakoia ataei ao kabwarabwara bwa imwain ae ti bungiaki, ti rineia bwa ti na ira Iesu ao tiaki Tatan.
-
Anenea te kuna ae taekina te maiu imwain te maiu aei, n aron “I Lived n Heaven” ke “I Will Follow te Atua’s Plan” (Aia Boki n Anene Ataei, 4, 164–65). Tabeki titiraki n aron, “Tera ae e riki i karawa imwain bungiakira?” ao “Tera ae ti karaoia?” (Taraa naba “Kabwarabwarana: Ana Babaire Tamara are i Karawa” n Karaki man te Nu Tetemanti, 1–5, ke tamnei are irekereke ma te reirei n ChurchofJesusChrist.org.)
E kaokaki te euangkerio n ara bong.
Ioane e korea rongorongon te anera are e na uota “te euangkerio ae akea tokina” (Te Kaotioti 14:6). Marorokinan Te Kaotioti 14:6–7 bon te tai ae tamaroa ni kaota am koaua ni Kaokakin ana euangkerio Iesu Kristo ni boong aikai.
Waaki ni Kakukurei aika a Kona ni Karaoaki
-
Kaota nakoia ataei tamnein Moronaai ngke e maroro ma Iotebwa Timiti ngkae e wareka Te Kaotioti 14:6 (taraa Boki n Tamnei n te Euangkerio, nambwa. 91). Kaoiia ataei bwa a na kotea te anera n te tamnei. Karakina rongorongon rokon Moronaai (taraa “Mwakoro 3: Te Anera ae Moronaai ao Bwaatua aika Koora,” n Reirei ao Berita aika Tabu Stories, 13–17, ke te tamnei are irekereke ma te reirei n ChurchofJesusChrist.org).
-
Kaoiia ataei bwa a na katea kain kaotin Moronaai nakon Iotebwa Timiti (taraa Iotebwa Timiti—Rongorongo 1:29–35). Buokiia ni karekei aran kakabwaia ake ti karekei man kaokakin ana euangkerio Iesu Kristo. Kaota au koaua iaon Kaokakin Bwaai.
Reirei te Reirei: Ataei aika a Ikawai Riki
Te euangkerio e na buokai n tokanikai iaon te kariiri.
Te bubu are e kabareka te eea Te Kaotioti 9:2 e kona ni kabotauaki ma taian kariirii (taraa 1 Nibwaai 12:17).
Waaki ni Kakukurei aika a Kona ni Karaoaki
-
Korea tamnein taai ke te nang ae roo, ao korei. Kaoiia ataei bwa a na wareka Te Kaotioti 9:2 ao 1 Nibwaai 12:17 ao korea iaon te nang roo bwa tera ae tei ibukin te bubu ke te nangiroo. Katekea te nangiroo iaon te burakibooti, ao kaoiia ataei bwa a na taekin taian kariiri ake a kaitarai. Manga katekea tamnein taai iaon te burakibooti ao tuangiia bwa a na taekin bwainimwakuri ake e anganira Tamara are i Karawa ni tokanikai iaon rootongitongin te aonnaba.
-
Ti na kanga ni buokiia aomata ake e rootongitong tamneia? Aron buokaia ataei bwa a na mataata n te titiraki aei, kaota mwakorn te tamnei ae “Choose the Light” (ChurchofJesusChrist.org), riki are kabaneana. Ti na kanga n riki n ai aron te aomata are e buoka te tia bwatika n te nono?
I kaota au onimaki iroun Iesu Kristo n te maiu are imwain te maiu aei.
Ataei ake ko reireiniia a roko i aonnaba ibukina bwa iai aia onimaki iroun Iesu Kristo n te maiu imwain te maiu aei ao a rineaia.
Waaki ni Kakukurei aika a Kona ni Karaoaki
-
Bootaki wareka Te Kaotioti 12:7–11, ao korei taeka aikai iaon te burakibooti raakon, Buaka i Karawa, tewenakoaki, koaua, ao Tibuteteei. Tuangiia ataei bwa a na kakimototoi kiibu aikai n oin aia taeka iaon te burakibooti. Tera ae ti reiakinna n taekan Iesu Kristo (te Tibuteteei) mani kiibu aikai? Tera ae ti reikinna n ara rinerine ake ti karaoi imwain te maiu aei?
-
N te burakibooti, karaoi teniua rinan ao korei atuuia Imwain te maiu aei, Te maiu aei, ao Ni kauoua. Katauraoi mwakoro ni beeba are a kaoti koaua n te maiu imwain te maiu aei ao te maiu aei, n aron Iai rabwatara, Akea rabwatara, Ti maeka ma te Atua, Ti buaka ni kaitaraa Tatan, Ti onimakina Iesu Kristo, ao Ti ira ana babaire te Atua. Tuangiia ataei bwa a na ikaruoruo n anai mwakoro ni beeba ao ni katikui ni nneia ake a taku. Kaota am onimaki bwa a kona ataei n teimatoa n onimakina Kristo.
Kanoan Kaokakin Bwaain, bwa e na tataekinaki te euangkerio n mwakoron nako te aonnaba.
Ataei ake ko reireiniia a kona n ibuobuoki n tataekina te euangkerio “nakon aaba nako, reeti nako, neewe nako, ao aomata” (Te Kaotioti 14:6).
Waaki ni Kakukurei aika a Kona ni Karaoaki
-
Tuangiia ataei bwa a na wareka Te Kaotioti 14:6–7 ao ni korei iaon te burakibooti taeka ma mwakorontaeka man kiibu aikai ake a teke iai nanoia. Tuangiia bwa a na tibwaia bwa bukin tera a rinei taeka ma mwakorontaeka akanne. Kabwarabwara bwa kiibu aikai a kabwarabwara Kaokakin te euangkerio ni boong aikai. Titirakiniia bwa tera ae a kona ni karaoia n tataekina ana euangkerio n te aonnaba.
-
Kaoiia ataei bwa a na wareka Te Kaotioti 14:7 ao n taekina ana taeka te anera ibukin te aonnaba n oin aia taeka. Ke kaoiia bwa a na korea tamnein ana rongorongo te anera. Tera ae ti kona n tibwauaia nakoia aomata n ana euangkerio Iesu Kristo?
Kaungaa te Kamatebwai n te Mweenga
Buokiia ataei ni korea te taeka ke mwakorontaeka are e na kakauringiia te reirei n te bong aei. Kaoiia bwa a na aia iango nakon kaain mweengaia ao n tibwaua te reirei are a karekea.
Kanakoraoan Ara Anga reirei
Anga te reirei rinanon te anene. Anenean kuuna ma ataei e kona ni kamatoa te reirei are ko anga man koroboki aika tabu. Ibukin iango, taraa “Kabongana te Anene n Reiakina te Reirei” n mwakoro are atuunaki n ae kangai “Kaetieti ibukin te Tai n Anene ao Aia Tai ni Kaira te Botaki n Toa Ataei” ibukin te boki aei.