“Mwakoro 3: Te Anera ae Moroni ao Raurau Aika Kora: 1823–1827,” Te Boki Wareware n Tuua ma Berita (2002), 13–16
“Mwakoro 3,” Te Boki Wareware n Tuua ma Berita, 13–16
Mwakoro 3
Te Anera ae Moroni ao Raurau Aika Kora
(1823–1827)
E koro tenua te ririki imwin te moani kaoti nakon Ioteba. Ai 17 ana ririki ngkai ao e a tabe ni iangoia bwa tera ae tangiria te Atua bwa e na karaoia. N te tairiki teuana ao e a tataro Ioteba. Bon iai ana onimaki bwa e na bon tuanga te Atua bwa tera are e na karaoia.
E a nora te ota ae rangi ni itiaki bwa e a ota inanon ana ru. E a tei te anera ibuakon te ota anne ao e kona n noraki matana raoi. E kunikaina te kamwarai ae mainaina ae koro arona.
E taku te anera bwa arana Moroni ao e kanakoaki iroun te Atua bwa e na taetae ma Ioteba. E taku bwa iai te mwakuri ae tangiria te Atua bwa e na karaoia Ioteba.
Te anera are Moroni e tuanga Ioteba taekan te boki teuana ae koreaki iai rongorongoia aomata ake a kaina Amerika ngkoa. A kawaraki aomata aikai iroun Iesu Kristo. E reireinia ana euangkerio.
E taku naba Moroni bwa a koreaki rongorongo n iteran baan te boki aio aika koora. Iteraniba aika koora aikai a bon aranaki bwa koora. Te boki aio e koreaki n te taetae ae itiaki. Ataia ma e tangiraki Ioteba bwa e na rairia nakon te taetae ae ti a ataia.
E taku te Anera ae Moroni bwa raurau aikai a karabaki i aon te maunga ae uakaan ma ana auti Ioteba. A taunaki i aan te tano ao iai uoua taian atibu i aoia. Atibu aikai bon te Urim ao te Tuminam ake ana buoka Ioteba inanon ana tai n rairairi.
E kaongoa naba Ioteba teuae Moroni taekan Eria. Eria bon te burabeti ae rangi n ataki n taai ake rimoa. Bon iai naba irouna te mwaaka ao e mena karakin Eria n te O-Tetemanti. E taku Moroni bwa e na manga oki Eria nakon te aonnaba aei ke e na kaota n iai nakoia aomata taekaia aia bakatibu. Ara babkatibu bon kain ara utu ake a maeu imaira.
Moroni e kaongoa naba Ioteba aron te mwaaka mai iroun te Atua. E taku naba Moroni bwa Eria e na uota te mwaaka aio ni kaokia nakon te aonnaba aei ike a na buokaki iai aomata aika kororaoi. N te mwaaka aio ao a na kabeaki iai n te maiu aio ao n te maiu naba are akea tokina. Imwina ao e a nako Moroni.
E oki uoua te tai n te tairiki anne te Anera ae Moroni ao a bati bwaai ake a tuanga Ioteba. E kitana Ioteba ngke e a kan ngaina. Ngke e a ngaina ao e a teirake Ioteba ao n nako ni mwakuri n ana o-naroka tamana.
E kua Ioteba ni mwakuri Ioteba ao akea bwa e a tekateka. Ma ngke e a tabe n tekateka ao e a manga moa n roko naba Moroni. Ioteba e a tuanga tamana bwaai ake e tuanga Moroni ao e kakoaua tamana. E ataia tamana bwa e kanakoaki Moroni iroun te Atua ao e tuanga Ioteba bwa e na ira ana taeka Moroni.
E nako ni kakaea taian raurau ake koora n te maunga are irarikin mwengana. Aran te maunga aio bon Cumorah ao a bon mena koora akanne ikekei. A bon taunaki i aan te atibu ae bubura inanon te baoki ae te atibu. A mena naba ikekei te Urim ao te Tuminam inanon te baeki.
E a manga roko naba te Anera are Moroni ao n tuanga Ioteba bwa e na aki uoti raurau ake koora nakon mwengana. E tuanga Ioteba bwa e na okioki nakon te tabo arei n te bong ae ti teuana inanon aua te ririki.
E ongo Ioteba ana taeka Moroni ao e okiokira te maunga are Cumorah ni katoa ririki ike e reiakinaki iai iroun Moroni. E a tuangaki Ioteba iroun Moroni bwa e nang moana ana Aro lesu Kristo ae te koaua ni kateia n te aonnaba aei.
N te 1827 ao e anganaki iai Ioteba raurau ake koora iroun Moroni. E a tia n tataninga Ioteba inanon aua te ririki imwain reken raurau akanne irouna. E tuangaki iroun Moroni bwa e kawakin raoi raurau akanne.
E a uoti raurau ake koora akanne Ioteba nakon mwengana ao e bon rangi ni kawakin raoi. Iai aomata aika bubuaka ake a katai ni iraei ma ngaia are e karabai Ioteba n te tabo are ana aki konan n nori iai. E buokaki naba iroun te Atua ni kawakin raurau aike koora aikai.