“Mwakoro 41: Te Kabuanibwai i Kirtland: 1837,” Te Boki Wareware n Tuua ma Berita (2002), 158–60
“Mwakoro 41,” Te Boki Wareware n Tuua ma Berita, 158–60
Mwakoro 41
Te Kabuanibwai i Kirtland
(1837)
Tabeman mataikawain a kitana Kirtland. A nako n reirei aomata taekan te euangkerio. A mwaiti aika a kan ongora nakoia mataikawai aikai ao a kaina te Aro.
Imwina e a riki te kabuanibwai i Kirtland. Kain te Aro iai aia bangke. A karin aia mwane n te bangke.
Tabeman Kain te Aro a tangiria ni kan kaumwane. Temanna te mwane ae mwakuri n te bangke e aki kan karaoa ae raoiroi. E iraei tabeua mwaane.
Ioteba Timiti e tuangia tabeman aomata bwa a na kawakina raoi te mwane. Ma mwaane akanne a aki ongeaba nakon Ioteba. E a riai ni kainaki te bangke. E a bane ni bua te mwane. Kain te Aro airoa kona ni manga karekei aia mwane ake a tia ni bua.
Mwaitia Kainte Aro a un. A taku bwa bon ana bure Ioteba Timiti ngaia ae e a kainaki te bangke. Tabeman mai ibuakoia raoraon Ioteba aika tatangiria a taekin bwaai aika bubuaka ibukina. Tabeman a tangiria ni kamatea Ioteba.
Tabeman irouia taan kairiri n te Aro a un. Aikoa tangiria n riki bwa Kain te Aro. A riki bwa aia kairiribai te Aro. A riki bwa taan karaoa ae buakaka. E rangi n nanokawaki Ioteba.
Taan kairiri n te Aro ake tabeman a tangira Ioteba ma n kan buokia. Ataia bwa Ana Aro Iesu Kristo e koaua. Brigham Young bon temanna mai ibuakoia taan kairiri ae karaoa ae raoiroi Brigham e tuangia Kain te Aro bwa e ata Ioteba bwa bon ana burabeti te Atua.
Ana kairiribai te Aro a rangi n un iroun Brigham Young. E a kitana Kirtland n te aro bwa aonga n aki karaoa ae aki riai nakoina.
Ana kairiribai te Aro a karaoi mwakuri aika bati aika buakaka i Kirtland. A nakon te tembora ma n karaoi mwakuri aika rangi ni buakaka.
E aki mimitong te tembora. E aki kona n riki bwa ana Auti te Uea. E nanokawaki Ioteba ibukina bwa aomata a karaoi mwakuri aika buakaka. E rawawata bwa e a rangi ni bati te kabuanibwai.