“Mwakoro 58: Te Moan Koraki Irouia Kain te Aro a Kitana Nauvoo: Tebetemba 1845–Beberuare 1846,” Te Boki Wareware n Tuua ma Berita (2002), 209–11
“Mwakoro 58,” Te Boki Wareware n Tuua ma Berita, 209–11
Mwakoro 58
Te Moan Koraki Irouia Kain te Aro a Kitana Nauvoo
(Tebetemba 1845–Beberuare 1846)
Imwin maten Ioteba Timiti a taku aomata aika bubuaka n aia iango bwa te Aro e nang mauna. A aki ataia bwa te Uea e na manga rinea te mataniwi ae bou. Aomata aika buakaka a tangiria ni kamauna te Ekaretia. Taian nutibeba a taekin rongorongo aika kewe ae taekaia Kain te Aro. A taku bwa Kain te Aro a tiringia aomata ao a ira.
Te Kowana n te aba e aki kona ni buokia Kain te Ekaretia. E taku bwa taan kakiriwe a ribaia. E tuangia Kain te Ekaretia bwa a na nako Maeao. E taku Brigham Young bwa kain te Ekaretia a na nako Maeao. Ma a tangira aia tai ae riai bwa a na katauraoia iai. A kainnanoa te mwane ibukin boon kanaia ma kunnikaia. A riai ni karaoi kaa aika a na katikaki n taian aoti ao ni kaboi taian kaomwane. A riai ni kaboi nako aia auti.
Aomata aika buakaka a aki tangiria Kain te Aro bwa a na anganaki aia tai ni katauraoaki. Aomata a aki tangiria ni kaboi mwengaia Kain te Aro. Aomata aika buakaka a karaoia Kain te Aro bwa a na kitan mwengaia. A kimoai bwaai man mwengaia. Imwina a kabuoki taian auti aika bati.
A mwakuri korakora Kain te Aro bwa aonga n tauroi ni kitana Nauvoo. A korei kaai ma n karaoi kaa aika a na katikaki irouia aoti. A kaboi aia man. A ikoikoti amwarake. A tangiria Kain te Ekaretia ni katia aia tembora imwain nakoia.
Anga mwane Kain te Ekaretia ibukin karaoan te tembora. A mwakuria te tembora. A tia mwaitin taian ruu. A katau taekan taian ruu nako ngke a tia. A kabongana teuana te ruu ibukin bwabetitoaia aomata ake a tia n mate. A karaoa aia kabowi inanon te tembora ibukia Kain te Ekaretia.
E roko bongin te kamariri. E rangi ni kamwaitorotoro. Aomata aika bubuaka a kanakoia aomata aika mwaiti bwa a na kitan mwangaia. Kain te Aro a katokai aia bai ni kabane i aon aia kaa are a katiki aoti. A katiki aia kaa aika katikaki n taian aoti nako aon taian booti ebaeba. A rinukan te karanga ae te Mississippi.
E a bon rang ni kamaitorotoro karanga a banin n riki n aiti. Brigham Young ma tabeman Kain te Ekaretia a katiki aia kaa aika katikitiki n taian aoti ri nukan te karanga i aon te aiti.
A kaembwa Kain te Ekaretia irarikin te karanga. Tabeman mai ibuakoia aia koraki a aki tau mwaitin aia kunnikai irouia. A rootaki n te kamariri. Tabeman ma ibuakoia aaki tau maitin kanaia. Kain te Aro ake a mwaiti kanaia ma kunnikaia a tibwai aia bwai ma raoia aika kainnano. A tiku Kain te Ekaretia irarikin te karanga inanon tabeua te bong. Rimwi a nwananga ma n manga kaembwa n te tabo teuana. E a rineia taan kairiri Brigham Young. Taan kairiri a buokia aomata bwa a na tauraoi ni mwananga nakon taabo ake a maungaunga i Maeao.