“Mwakoro 10: Te Moan Kakai Inanon te Ekaretia: Eberi 1830,” Te Boki Wareware n Tuua ma Berita (2002), 43–44
“Mwakoro 10,” Te Boki Wareware n Tuua ma Berita, 43–44
Mwakoro 10
Te Moan Kakai Inanon te Ekaretia
(Eberi 1830)
A mwaiti aomata riki tabeman ake a roko n tain te botaki. Bon tiaki kain te Aro ngaia. Oliver Cowdery e reireia taekan te reirei ae koaua. Tabeman mai ibuakoia a kakaoaua Cowdery ao a tangiria n riki bwa kain te Aro. A bwabetitoaki imwin te botaki are karaoaki.
Tatan e aki tangiri aomata bwa a nakaina te Aro. E kataia Tatan ni karaoi nanoia aomata aika raraoi bwa a na buakaka. Temanna mai rouia aomata aika bon te mwane ae arana Newel Knight. Bon tiaki kain te Aro Newel Knight. E aki tamgiria Tatan bwa e na bwabetitoaki.
Ioteba e butia Newel bwa e na karaoa te tataro n tain karaoan te botaki. E taku Newel bwa e na karaoa te tataro.
Tatan e riba Newel bwa e na ongeaba nakon Ioteba. E kawara te botaki Newel, ma e aki kona n tataro. E taku n ana taeka bwa e maaku ni kabaibati ni tataro.
Rimwi Newel Knight e nakon te buakonikai. E tangiria n tataro n ti ngaia. Tatan e ribaia bwae na tataro. Newel e kataia n tataro ma e aki kona n taetae. E a ri ki n aoraki E nanokawaki ma ni maaku. E okira mwengana Newel.
E a tabeaianga nanon bun Newel irouna. E a butia Ioteba Timiti bwa e na buokia. Ioteba Timiti e a kabongana mwakana n te nakoa n ibonga ni kakabwaia Newel. Imwina e a manga moanna ni marurung. E aki aoraki. E aki maaku. E a kukurei Tatan e aki kona ni kammarakia. Imwina Newel Knight e a bwabeti toaki.