Mwakoro 64

Ana Ekaretia Iesu Kristo ni Boong Aikai

A mwaiti ririki n nako ngke e moan kateaki te Aro n te kawa ae Fayette i New York. Je Ekaretia e a rikirake ni bubura inanon ririki akanne. N te ririki 1830 onoman aomata aika moa n kateirakea te Aro ma a ti mama-taku aomata.

A mwaiti mitinare aika nako aba tabeua n reireiakina taekan te euangkerio. A ongo aia reirei mitinare aomata. A kakoaua taekan te reirei ae koaua ao a riki bwa Kain te Aro. N te ririki 1983, e raka i aon aua tabun te miiron Kain te Ekaretia. A kakaokoro aekan aomata nako. A maeka n taabo nako n te aonnaba. A taetae n taetaen aaba aika kakaokoro.

N 6 n Eberi 1980 iai ana reke ni bong te Ekaretia. Ai 150 ririkina n tei. Iai ana kabowi ae, okoro te Ekaretia n ana reke ni bong. Iai kabowi aika uoua aika a na karaoaki n te tai ae ti teuana. Teuana te botaki e na karaoaki Fayette, New York. Te burabeti ae Spencer W. Kimball e mena n te auti n ai aron teuare Peter Whitmer ngke e mena n ana auti.

Te botaki are teuana e karaoaki n maneaban te Atua i Salt Lake City. Bon te nga tabun mwaitia aomata aika roko n tain te kabowi. E taetae Beretitenti Kimball nakoia Kain te Ekaretia n te “television” ae te bwai ae taetae ao e kaoti tamnei. E na katabua te auti ae arana Peter Whitmer bwa ana auti te Atua. A kukurei ni kabane Kain te Ekaretia n nora te burabeti ma n ongo banana. A kakabwaiaki Kain te Ekaretia. Ti riai n kaitau bwa ti a riki bwa Kain Ana Ekaretia Iesu Kristo Ibukia Aika Itiaki Mi Boong Aika Kaitara. Iai ara burabeti ae kairirira.