“Mwakoro 22: Kain te Aro Aika tan Itiaki i Missouri : Turai–Aokati 1831,” Te Boki Wareware n Tuua ma Berita (2002), 84–88
“Mwakoro 22,” Te Boki Wareware n Tuua ma Berita, 84–88
Mwakoro 22
Kain te Aro Aika tan Itiaki i Missouri
(Turai–Aokati 1831)
Te Burabeti Ioteba Timiti, Sidney Rigdon, Edward Partridge, ma tabeman riki a nako Missouri. A rangi ni kukurei ni mwananga nako. A tangiria ni katea te kawa ae bubura ae Tion. A tangira te Uea bwa e na kaota nakoia te tabo are kataua bwa e na kateaki iai.
A mananga tabeua te tai i aon kawaia i aon kaibuken te karanga. Ngke a roko i Missouri Ioteba e a tangiria n nako nako iaon waena. E ata aron te aba ae Missouri bwa e tabutabu. E tangiria n noria.
Ioteba ma raoraona a nakonako n te raroa ae 300 te maire ni karokoa Jackson County. E kabuebue, ma aaki tabe iai. A tangiria n nako ikekei bwa a na katea Tion.
Te burabeti ma raoraona a nako Jackson County i Missouri. A butimwaeaki irouia mitinare ake kain Kirtland ake a mena imwaia.
Imwin tabeua te bong, Kain te Aro mai New York a manga nako, Jackson County. A rangi ni bane ni kukurei ni mena ikanne.
Te Burabeti ae Ioteba ma Ebikebo Edward Partridge a tuangia aomata bwaai ake a na karaoi. Tabeman a riai ni kaboi abaia i Missouri. Oliver Cowdery ma William W. Phelps a riai ni kateirakea te reirei. A riai ni korei booki ake a na konai ataei ni wareware iai.
Ioteba e kan ata te tabo are na kateaki iai te kawa ae Tion. E tataro nakon Tamara Are I Karawa. E kaboaki ana tataro.
E taku te Uea bwa e na kateaki Tion ni kaan ma te kawa ae Independence i Jackson County i Missouri. Te Uea a tuanga Ioteba te tabo are e na kateaki iai te tembora. E taku bwa e na aki waetata kateakin Tion. Ana mwaiti kanganga ake a na kaitarai moa Kain te Aro. Ma e na kona n te Tion ngkana iai aia onimaki ae tau.
Te Uea e tuanga Ioteba bwa Kain te Aro a riai n ongeaba n tua i Missouri. A riai n ongeaba nakon a na tua ni kabane te Atua. A na kona ni karaoi bwaai aika raraoi n aki tangira tuangakia. A riai Kain te Aro n rairi nanoia man aia bure aika a tia ni karaoi. Te Uea e naaki uringa aia bure aomata ngkana a tia n rairi nanoia.
E taku te Uea bwa Sidney Rigdon e na rinea te tabo ae riai ibukia. Sidney Rigdon e tuangia Kain te Aro bwa a na anga aia kaitau ibukin te aba ae a anganaki. E tuangia bwa tera ngke a ongeaba n ana tua ni kabane te Atua. A kaeka Kain te Aro ni kangai: “Eng.” Imwina e a tataro Sidney Rigdon ao ma n rinea te aba ae riai ibukia.
N te bong are imwina Ioteba Timiti, Oliver Cowdery, Sidney Rigdon, ma raoraoia tabeman a karaoa aia botaki. A botaki n te tabo teuana ae okoro. A wareware man booki aika tabu. Ioteba Timiti e rinea te tabo ae bon katauaki ibukin katean te tembora.
Kain te Aro ni kabane i Missouri a bane nako n te kabowi. A kaonaki n te Tamnei Ae Raoiroi. Ioteba e tuangia Kain te Aro bwa te Atua e na kakabwaiaia ngkana a kawakina aia berita ni kabane.
Imwin tabeua te bong Iesu e angan Ioteba te kaotioti teuana. E taku bwa te Tabati bon te bong ae kaokoro ma ibuakon bong. Te Tabati bon te bong are ti riai iai ni karaoi bwaai nako are e na kona ni buokira n ururinga iai Iesu. Tiaki riai n aki mwakuri n te Tabati. Ti riai n nakon te taromauri ao ma n kana rabatan te Uea. Ti riai n rairi nanora man ara bure nako. Ti riai ni kawaria aika aoraki. Ti riai ni kaitau ibukin taian kakabwaia aika ti a tia n anganganaki. Ti riai n ongeaba nakon ana tua ni kabane te Atua n taai nako.
Kain te Aro aika karaoi bwaai aikai ni kabane ana reke nakoia bwaai ni kabane aika kainnanoi. A na anganaki kanaia, kunnikaia, aia auti ma aia nnen aroka. A na kukurei. E na reke nakoia te rau inanon maiuia. E na reke nakoia te maiu are aki toki.