“Mwakoro 6: Ioteba ma Oliver Anganaki te Nakoa n Ibonga: Mei 1829,” Te Boki Wareware n Tuua ma Berita (2002), 26–30
“Mwakoro 6,” Te Boki Wareware n Tuua ma Berita, 26–30
Mwakoro 6
Ioteba ma Oliver Anganaki te Nakoa n Ibonga
(Mei 1829)
Ioteba Timiti ma Oliver Cowdery a raira te Boki ni Moomon rongorongoia tibun Iteraera ake a mananga mai Ierutarem nako Amerika. A wareka taekan te bwabetito. A rangi ni kan ata aron te bwabetito ni koaua.
A baireia Ioteba ma Oliver bwa a na bubutia te Atua. Bon iai irouia te onimaki bwa te Atua e kona ni buokia bwa a na ata te reirei ae koaua. N 15 Mei 1829, a nako n te buakonikai ma n tataro.
E kaoti te anera nakon Ioteba ma Oliver. Te ota ae rangi ni itiaki e a otabaninia te anera. Te anera bon Ioane te Tia Bwabetito. Ngaia are bwabetitoa Iesu n taai ake rimoa.
Ioane te Tia Bwabetito e a tia n roko n anga Ioteba ma Oliver te nakoa n ibonga. Te nakoa n ibonga bon te mwaaka mairoun te Atua. E angan Ioteba ma Oliver te nakoa n ibonga ae te Aaron. Ibonga n te nakoa n ibonga ae te Aaron bon iai mwakaia ni bwabetitoia aomata.
Ioane te tia Bwabetito e tuanga Ioteba ma Oliver bwa a na uaia ni bwabetitoia i bon irouia. Ioteba e bwabetitoa Oliver. Rimwi Oliver e bwabetitoa Ioteba. A uaia n tebonako rabwataia inanon te ran ngke a bwabetitoaki.
N taai ake ngkoa Ioane te tia Bwabetito e bwabetitoa Iesu n te aro naba anne. Iesu e bon kateboaki nako naba i nanon te ran ngke a bwabetitoaki.
Ioteba ma Oliver a kaonaki n te Tamnei ae Raoiroi imwin bwabetitoaia. A tuangaki iroun te Tamnei are Raoiroi bwa te Ekaretia ae koaua ae na bon waetata ni manga roko n te aonnaba.
Ioteba ma Oliver a tuangia raraoia aika nim raoi ma ngaia bwa a tia ni bwabetitoaki. A tuangia ibukin te nakoa n ibonga. Ma Ioteba ma Oliver aki tuangia riki tabeman aomata. A ataia aomata aika bubuaka bwa a na aki kakoauai . Aomata aika bubuaka e na kona ni karaoi mwakuri aika aki raraoi nakoia.
Imwin tabeua te bong imwina, a roko teniman anera. Bon Betero, Iakobo ma Ioane. Bon ana Abotoro Iesu n taai ake rimoa, Betero, Iakobo ma Ioane angan Ioteba Timiti ma Oliver Cowdery te nakoa n ibonga ae te Merekitereka.
Te nakoa n ibonga are mai roun te Atua e a roko n te aonnaba. Aomata aika raraoi ni kabane a kona n anganaki te mwaka n te nakoa n ibonga. Mwaane ake a tia n anganaki te nakoa n ibonga ae te Merekitereka a kona n riki bwa tan kairiri n te Ekaretia. A kona ni kakabwaiaia aomata. A kona n angania aomata te bwai n tituaraoi mai roun te Tamnei Are Raoiroi.
D&C 20:41–44