“Mwakoro 16: Ioteba Timiti ma Sidney Rigdon a Reirei Taekan Tion: 1830,” Te Boki Wareware n Tuua ma Berita (2002), 61–63
“Mwakoro 16,” Te Boki Wareware n Tuua ma Berita, 61–63
Mwakoro 16
Ioteba Timiti ma Sidney Rigdon a Reirei Taekan Tion
(1830)
Ngkai a tabe Oliver Cowdery ma raona ni karaoa aia mwakuri ni mitinare a tiku ni kaan Kirtland, Ohio. A kaitibo ma te aomata temanna ae arana Sidney Rigdon. Bon te tia kairiri temanna n te aro teuana.
Mitinare akanne angan Sidney te Book of Mormon. A reireinna taekan te reirei ae koaua. Sidney Rigdon e wareware n te Book of Mormon. E tataro ibukina. Tamara are i Karawa e tuanga bwa te reirei e koaua. E bwabetitoaki Sidney Rigdon.
Sidney Rigdon e tuangia kain ana Aro bwa a na ongo aia reirei mitinare. A mwaiti ake a bwabetitoaki. Ni waetata 1,000 mwaitia aomata ake a bwabetitoaki i Kirtland.
E tangiria Sidney Rigdon ni kaitibo ma Ioteba Timiti. E nako New York bwa e na kawara te burabeti. Iesu e angan Ioteba Timiti te kaotioti ibukin Sidney Rigdon. E taku Iesu bwa Sidney Rigdon e na karaoi mwakuri aika moan te kakawaki. E na reirei taekan te reirei ae koaua nakoia aomata aika bati. E na bwabetitoia ao man angania te bwai n tituaraoi are mai roun te Tamnei ae kabirol.
Iesu e tuanga Ioteba ma Sidney bwa tabeua mwakoron te Bwaibwara a tia ni bitaki n ririki aika mwaiti aika a tia n nako. Iai rongorongo tabeua aika kakawaki aika akea inanon te Bwaibwara. Iesu e na tuanga Ioteba rongorongo ake akea n te Bwaibwara Sidney Rigdon e na korei nako aon te beba.
Teuana mai buakoia taian rongorongo bon taekan Enoka. Enoka bon te burabeti ae rangi ni korakora. E tuangia ana aomata bwa a riai ni karaoa kororaoin te raoiroi ni kabanea. Te Uea e arania ana aomata aika rangi n raraoi aikai bwa Tion. I Tion aomata aika rangi n itangitangiri imarenaia. A kakawakinia i marenaia nako. Aeka ae kainano ke ae aki.
Aomata ni kabane i Tion a ongeaba nakon ana tua ni kabane Tamara Are i Karawa. Aomata a bon rangi ni kororaoi n te raoiroi ma ngaia are e a roko Iesu ni maeka ibuakoia. Rimwi te Atua e anaia aomata ake i Tion ni uotia rake nako karawa bwa a na maeka ma ngaia.
Iesu e tuanga Ioteba Timiti bwa e na reireia ana aomata bwa a na karaoa ae moan te raoiroi. A riai ni kataia ni katea te kawa ae arana Tion. Te kawa e na rangi n tamaroa. Aomata ni kabane aika maeka iai a riai n tangira Tamara are i Karawa. A riai n tangiria n tatabemania nako. Aomata ni kabane i Tion a rangi ni kukurei. Iesu e na roko ma n maeka ma ngaia.