“Mwakoro 14: Te Burabeti ma Kaotioti Ibukin te Ekaretia: Tebetemba 1830,” Te Boki Wareware n Tuua ma Berita (2002), 56–57
“Mwakoro 14,” Te Boki Wareware n Tuua ma Berita, 56–57
Mwakoro 14
Te Burabeti ma Kaotioti Ibukin te Ekaretia
(Tebetemba 1830)
Ioteba Timiti ma Emma a manga nako New York. Te aomata temanna ae arana Hiram Page e maeka ikanne. Bon kain te Aro. Bon iai ana atibu. E taku bwa te atibu e buokia n anganna te kaotioti ibukin te Ekaretia.
A mwaiti kain te Ekaretia aika kakoaua Hiram Page. Oliver Cowdery e kakoaua naba. A taku tabeman aomata bwa te burabeti Hiram.
D&C 28: Preface
Oliver e tuanga Ioteba taekan Hiram Page. Ioteba e tataro nakon te Atua. Iesu e angan Ioteba te kaotioti ibukin Oliver Cowdery. E taku bwa ti temanna te aomata ae e kona karekei kaotioti ibukin te Aro. Te aomata anne bon te Burabeti ae Ioteba Timiti.
E taku Iesu bwa aomata a kona ni bon karekea te kaotioti i bon ibukia. Ma ti te burabeti ae ti kona ni karekei kaotioti ibukin te Ekaretia ae bwanin. Oliver e kakoaua Ioteba. E ataia bwa ana kaotioti Hiram Page ake taekin a bon kairua.
Imwina Iesu e a tuanga Oliver bwa e na taetae ma Hiram Page. Oliver e tuanga Hiram bwa ana kaotioti bon tiaki mai roun te Atua. Kaotioti akanne bon mai roun Tatan.
Oliver e taku bwa Tatan e a tia ni kewena Hiram Page. Hiram e bon ongo are taekinna nakoina Oliver. E raira nanona.
Ti temanna te aomata ae karerekei kaotioti ibukin te Ekaretia. Te aomata anne bon te Beretitenti n te Ekaretia. Bon te tia kairiri n te Ekaretia. Bon ana burabeti te Atua. Kain te Ekaretia ni kabane a riai n ongeaba nakon te burabeti.