“Mwakoro 48: Taian Mitinare n Aaba Tabeua: Tun 1837–Okitoba 1841,” Te Boki Wareware n Tuua ma Berita (2002), 180–82
“Mwakoro 48,” Te Boki Wareware n Tuua ma Berita, 180–82
Mwakoro 48
Taian Mitinare n Aaba Tabeua
(Tun 1837–Okitoba 1841)
Te Uea e tangiria aomata n aaba tabeua, bwa a na reiakinaki taekan te euangkerio. E tuanga Ioteba bwa riai Kain te Aro tabeman nako ni karaoi mwakuri ni mitinare nako Engiran. A rineak Mataikawai aika Heber C. Kimball ma teniman mwaane bwa ana nako. A toka i aon te kaibuke n ieie nako Engiran.
A kaitibo ma mataniwin te aro temanna. E kariaia te mwane anne bwa a na kabongana ana umantabu mitinare akanne n anga reirei. A mw‘aiti aomata aika kakoauaia mitinare. A tangiria ni bwabetitoaki. Aei are e karekea unin mataniwin te aro. E taku bwa mitinare aikoa kona ni manga anga reirei n ana umwantabu.
Mitinare a nako n reireirei n mwengaia nako aomata. A mwaiti aomata aika riki bwa kain Ana Ekaretia Iesu Kristo Ibukia Aika Itiaki Ni Boong Aika Kaitira.
Rimwi a manga mwananga tabeman mwaane ni karaoa te mwakuri n mitinare i Engiran. Tabeman maiibuakoia bon Abotoro. E bon taetae Ioteba nakoia imwain aia tai ni mwananga. E tuanga aroia are a na reireia iai aomata.
E tuangia Abotoro Ioteba bwa ana ongeaba nakon ana tua ni kabane te Atua. E taetae nakoia ibuki taekan te nakoa n ibonga. E kangai nakoia bwa ti te koaua Ana Ekaretia Iesu Kristo bwa iai te nakoa n ibonga iai.
A tauraoi mwaane nakon karoan aia mwakuri n mitinare. Bon akea aia mwane teutana irouia. Mwaitia aoraki. Tabeman irouia kainnabaia ma natiia oaraki. Ma aomata aikai ata Tamara Are I Karawa bwa e na bon buokia ma n kakabwaiaia aia utu.
A mwananga mitinare nako Engiran. A tataekina te euangkerio ni kawa aika bati. E ngaa tabun te aomata ae raoiroi aika kakoaua te reirei ae koaua. A riki bwa kain Ana Ekaretia Iesu Kristo. E kakabwaiaia mitinare Tamara Are I Karawa. A oki raoi nakon mwengaia imwin aia mwakuri n mitinare are a karaoia.
Orson Hyde bon temanna mai ibuakoia Abotoro ake Tengaun ma Uoman. E taku Ioteba bwa iai ana mwakuri Orson ae okoro ae riai ni karaoia ibukia Iutaia. Orson e nako n te aba ae Baretain. N Okitoba 24, 1841, e a tataro ma n kataua te aba ae Baretain.
E butia Tamara Are I Karawa bwa e na kakabwaia te aba. E tataro bwa e bia reke te rau bwa aonga ni main kai n amwarake. E tataro bwa natin Aberam ni kabane a na kona n aki ni maeka i Baretain. A kona ni katei mwengaia ma aia nnen aroka ikanne.
Te Atua e a tia ni kakabwaia te aba ae Bwaretain. Ngkai e aranaki bwa Iteraera n 1979 e a tataro Beretitenti Spencer W. Kimball bwa e na katauki te tabo teuana i Iteraera bwa te nne n aroka. E aranaki bwa The Orson Hyde Memorial Garden.