“Mwakoro 61: Ana Taanga ni Buaka te Mormon: Tun 1846–Turai 1847,” Te Boki Wareware n Tuua ma Berita (2002), 218–22
“Mwakoro 61,” Te Boki Wareware n Tuua ma Berita, 218–22
Mwakoro 61
Ana Taanga ni Buaka te Mormon
(Tun 1846–Turai 1847)
A mena Kain te Ekaretia i Council Bluffs. E roko ni kawara Brigham Young kabenin ana taanga ni buaka Amerika. Aran te kaben anne bon Allen.
E taku Kaben Allen bwa te Beretitenti n te tauteka n Amerika e tangiria 500 mwaane bwa a na kaina te taanga ni buaka. E taku Brigbam Young bwa Kain te Ekaretia ana ka rao are e tangiria te Beritenti bw a na ka raoia.
E a taetae Kaben Allen nakoia mwaane 500 mwaitia ake a riki bwa taan buaka. Aranaki bwa Ana Taanga ni Buaka te Mormon. N taai tabetai ao Kain te Aro aranaki bwa taian Mormon ibukina bwa kakoaua te Book of Mormon.
E tuangia mwaane Brigham Young bwa a na riki bwa tautia aika taian kabanea n te tamaroa n te taanga ni buaka. A riaia n uota te Bwaibwara ma te Book of Mormon bwa iriaia. A riai n tara raoi n itiaki ao n nanorinano. A rial n aki tatabora ke n takakaro n te kaati. E tuangia mwaane Brigham Young bwa a na ongeaba nakon ana tua ni kabane te Atua. Ngkanne a na bon aki kona n tiringa te aomata temanna.
Ana Taanga ni Buaka te Mormon a nako ma Kaben Allen. Kain te Ekaretia a kainnanoia aia mwane ni kabane bwa a na buokia nako Maeao. Aki tangiria aia mwaane bwa ana nako-ni buaka. Ma ataia bwa a na bon kaboaki tautia. Te mwane e na kona ni buokia Kain te Ekaretia.
Ana Taanga ni Buaka te Mormon a mwananga nako maiaki. Aia utu tabeman tautia a bon iria kain Ana Taanga ni Buaka te Mormon. E bon rangi n kanganga aron te mwananga nakoia aomata. A bon riai n nakonako ni karokoa tokin kawaia.
Kawai aika bati a rang n buakaka. N taai tabetai ao kaa ake a katikitikaki a bae inanon te tano ae nano. Bon akea te ran are ana moi iai. Bon akea naba taian kai are a na kona mwaane ni motirawa i aan nuun kaina.
Kaben Allen e baireia bwa a riai n tiku tautia ma aine ao ataei n te tabo ae Colorado. A tiku n te kawa te arana Pueblo. Tautia a bon kaboaki inanon menaia inanon te taanga ni buaka. Tabeman tautia aika aoraki a kaoki mwane nakoia aia utu i Council Bluffs. A kanakoi naba mwaane ibukia aomata aika kawa ma n kananoanga i Nauvoo ao ibukia mitinare.
A waaki nako ni mwaati kain te tanga ni buaka. N taai tabetai ao aikoa ata te tabo are a nako iai. A kena rikaki te tano ni kakaea te ran. E a kamwara nimakin te ran. E bon aki tau naba kanaia tautia. Akea te kai are e na kona ni kaura iai aia ai. A kaurai uteute aika akea manenaia.
A kaitibo tautia ma inria ma aomata tabeman ake iai kanaia. Bon akea aia mwane tautia are a na kaboa iai te amwarake. Angania inria, tabeua maiibuakon aia kunnikai. Inria angania tautia teutana te amwarake.
A mwananga Ana Taanga ni Buaka te Mormon nako Maeao. A roko n taabo tabeua aika rang n katati rikaki i aon maunga. Mwaane a kabaei robu nakon kaa aika katikitikaki ma n katiki rake nako aon taubukin maunga. Imwina a manga karuoi rikaki.
N te bong teuana tautia a nori kaomwane tabeman. A un kaomwane aikai nakoia. Tautia a buakania kaomwane. Te mwane temanna e a ikoaki. E bon aki kona n nakonako i nanon te tai ae maan.
N tokina ana Taanga ni Buaka te Mormon a roko n te Marawa ae te Betebeke. Bon 29 n Tianuare 1847. A rangi ni kua mwaane. Aia kunnikai a raeraeaki. A kukurei bwa aia mwaati man te tabo ae raroa e a roko n tokina.
A kaboaki tautia ibukin kainakin te tangani tuaka. Aikoa manga katauaki bwa a na riki bwa tautia. A kona n okiri mwengaia ma aia utu.
Tabeman mai buakoia mane a tiku i California. Ma angia a nako n te Rocky Mountains ni maeka ma Kain te Aro ake a roko mai Council Bluffs.