“Mwakoro 24: Kaato ni Kabane a Riai n Reireia Natia: Nobemba 1831,” Te Boki Wareware n Tuua ma Berita (2002), 93–95
“Mwakoro 24,” Te Boki Wareware n Tuua ma Berita, 93–95
Mwakoro 24
Kaato ni Kabane a Riai n Reireia Natia
(Nobemba 1831)
E taku Iesu bwa a riai ni bwabetitoaki ataei ngkana a koro waniua aia ririki ni maiu. E tuangia kaaro Iesu bwa a riai n reireia natia taekan te reirei ae koaua imwain bwabetitoaia.
Ataei a riai n ata Iesu. A riai n onimakinna.
A riai ataei n raraoma ma n rairi nanoia.
A riai ataei n ata aron te bwabetito. A na riai n rabakau ni karaoa ae raoiroi bwa aonga n riki bwa kain te aro aika raoiroi.
A riai ataei n rabakau n tataro. A riai n rabakau n ongora nakon te Tamnei Ae Raoiroi.
Ataei a riai n atai ni kabane ana tua te Atua. A riai n ongeaba nakon tua ni kabane.
Kaaro a riai n reireia natia bwaai aikai ni kabane. A na bukinaki kaaro irouia natia ibukin aia bure nako ake a karaoi ngkana aki reireia natia taekan te reirei ae koaua.