Mwakoro 20

Ana Bwai n Tituaraoi te Tamnei ae Raoiroi

(8 Maati 1831)

Tabeman mai buakoia Taan Itiaki a akl oota n aron te Tamnei ae Raoiroi. Iesu e tuanga Ioteba aron te Tamnei Ae Raoiroi. Te Tamnei Ae Raoiroi e buoka Tamara Are i Karawa ma Iesu. Te Tamnei Ae Raoiroi bon akea rabwatana ae te iriko ma rarana. Bon te tamnei.

D&C 130:22

E taku Iesu bwa te Tamnei Ae Raoiroi e buokia aomata aika raoiroi. E buoka te Atua n angania bwai n tituaraoi ake a na kona ni buokia iai i bon irouia. Iesu e tuanga Ioteba bwa baikara bwaai n tituaraoi akanne.

D&C 46:9–12

Te Tamnei Ae Raoiroi e angania Taan Itiaki tabeman te bwai n tituaraoi ni kona ni kaota raoi aia koaua. Ataia ba Iesu bon Natin te Atua. Ataia bwa e mate ibukira. Tabeman Taan Itiaki anganaki te bwain tituaraoi ni kona ni kakoauai taian koaua ake taekan Iesu.

D&C 46:13–14

Tabeman Taan Itiaki anganaki te bwai n tituaraoi bwa ana riki bwa taan kairiri.

D&C 46:15

Tabeman Taan Itiaki anganaki te bwai n tituaraoi ni kona n atai tamnei aika kaota te raoiroi ma ake a karaoi nanon tamnei aika buakaka. Tamnei aika raoiroi a bon kanakoaki mai roun te Atua. A karika te kukurei inanora. Kanga ti tebo ma ai aron te ota. Tamnei aika buakaka bon mai roun Tatan. A kairira bwa ti na karaoi aro aika bubuaka.

D&C 46:16, 23; 50:23–24

Te Tamnei Ae Raoiroi e angania Taan Itiaki tabeman te bwai n tituaraoi bwa ana rabakau. N te aro bwa ana kona n rineia n te aro ni wanawana. Tabeman Taan Itiaki anganaki te bwai n tituaraoi bwa ana rabakau aron bwaai nako. A kona n reireia kain te Aro tabeman are a tia n rabakau. A kona naba ni karaoa te rinerine ae raoiroi.

D&C 46:18

Tabeman Taan Itiaki anganaki te bwai n tituaraoi are a na kona ni katoki aoraki. Tabeman kaatn te Aro anganaki te bwai n tituaraoi ni kona ni katoki arokia aomata. Te Tamnei Ae Raoiroi e angania tabeman kain te Aro te bwai n tituaraoi bwa a na kona ni karaoi kakai. Taian kakai a kaota mwakan te Atua.

D&C 46:19–21

Tabeman Taan Itiaki anganaki te bwai n tituaraoi bwa a na kona n rabakau n taetae n aba tabeua aika a bon babanga.

D&C 46:24

Te Tamnei Ae Raoiroi e angania kain te Aro tabemwang te bwai n tituaraoi bwa a na kona n ata te bwai ae na riki imwain taina are e na bon riki iai.

D&C 46:22

Tabeman Taan Itiaki a bon anganaki bwaai n tituaraoi aika rangi ni bati.

D&C 46:29

Te ebikebo e atai bwai n tituaraoi ake a tia n reke nakoia kain te Aro. E ataia bwa antai taan reirei aika raoiroi. Antai ae kona ni karaoi kakai. E ataia bwa antai kain te Aro aika tangira te Atua ma n ongeaba nakon a na tua ni kabane te Atua.

D&C 46:27

Taan Itiaki aika karaoa ae raoiroi a kona n anganaki bwai n tituaraoi aika bati. Bwaai n tituaraoi aikai ni kabane bon mai roun te Atua.

D&C 46:9, 28, 32