“Mwakoro 33: Te Kaotioti ae Taekan Iesu Kristo: Mei 1833,” Te Boki Wareware n Tuua ma Berita (2002), 126–27
“Mwakoro 33,” Te Boki Wareware n Tuua ma Berita, 126–27
Mwakoro 33
Te Kaotioti ae Taekan Iesu Kristo
(Mei 1833)
Te bong teuana Iesu e taetae nakon te Burabeti ae Ioteba Timiti. E tuanga Ioteba inrsiti bon taekana. E taku Iesu bwa aomata kona n nora ubuna ma n ataia. Te moan mai a riai n toki, ni karaoan bwaai aika ubuaka ni kabane. A riri n tataro man ongeaba nakon ana tua ni kabane te Atua. N e bong teuana a na kona n nora Iesu.
Taku Iesu bwa ngaia otan te aonnaba. Teta e kaota kawaira are ti na nako iai. isu bon otan te aonnaba ibukina bwa e kaca raoi te kawai ni koaua ae ti na maeuanna.
Iesu e maeka ma Tamara Are I Karawa imwain karikan aonnaba. E karaoa te aonnaba Iesu. E kariki bwaai ni kabane i aon te aba.
Iesu n te moa n tai ti aki ti tebo arona ma Tamana i Karawa. E aki atai bwaai ni kabane ake atai Tamana. Bon akea irouna te mwaka ma te mimitong are iroun Tamana. E kakorakora bwa e na riki n ai aron Tamana. Rimwi e a riki n aiaron te Atua, te Tama. Iesu bon iai mwakana ma mimitongina.
E taku Iesu bwa ti riai n ongeaba nakon ana tua ni kabane te Atua. Ngkanne ti na kona n ata te koaua. Ti na atai bwaai ni kabane. Ngkanne ti kona n riki n ai aron te Atua, te Tama. Ti kona ni karekea te mwaka ma te mimitong.
E taku Iesu bwa Tatan e aki tangiria aomata bwa a na riki n ai aron te Atua. E aki tangiria bwa a na ata te koaua. Iesu e tuanga Ioteba bwa e na reireia ana utu te koaua.
E taku Iesu bwa Sidney Rigdon ma Frederick G. Williams a riai n reireia aia utu bwa a na ongeaba nakon ana tua te Atua ni kabane. Ngkanne Tatan e na aki kona n tauia ana utu man atakin te koaua.