“Mwakoro 59: Temboran Nauvoo e a tia: Okitoba 1845–Tebetemba 1846,” Te Boki Wareware n Tuua ma Berita (2002), 212–14
“Mwakoro 59,” Te Boki Wareware n Tuua ma Berita, 212–14
Mwakoro 59
Temboran Nauvoo e a tia
(Okitoba 1845–Tebetemba 1846)
Tabeman mai ibuakoia Kain te Ekaretia a aki kitana Nauvoo. E a tia n tuangia te Uea bwa a na katea te tembora i Nauvoo. A tangiria n ongeaba nakoina. Aomata ake a tiku i Nauvoo a mwakuri korakora ni karaoan te tembora.
Mwaitia Kain te Ekaretia a taonaki n te aoraki. Mwaitia a bon akea aia bwai ma n kananoanga. Ataia bwa a riai ni kitana Nauvoo n waetata. Ma e tangiria moa ni katia mwakurin te tembora.
Akea bwa e a tia raoi te tembora. A karaoa mwakurin te tembora kain te Ekaretia n katoa te bong ma te ngaina. A bon anganaki kakabwaia tabeua ibukia. A rangi n kukurei bwa iai te tembora.
E a roko te tai are a nang bane iai Kain te Ekaretia are te nikira ni kitana Nauvoo. A bane ni katokai aia bwai ni kabane i aon aia kaa ake a na katiki taian aoti. A rinukan te karanga ae te Mississipi nakon iterana are teuana.
A tanrikaki n tara iteran te karanga are teiterana ao a nora Nauvoo. A nora te tembora n tei i aon te tabuki. A nanokawaki ngkai a kitana Nauvoo. Ma e kukurei bwa a tia ni katia karaoan ana tembora te Uea.
A tiku Kain te Ekaretia irarikin te karanga inanon boong tabe bong. E bon aki tau mwaitin kanaia are a na kang. E buokia te Uea. E a kanakoia tabeman mannikiba aika uarereke aika aranaki bwa “quail”. A tiringi mannikiba akana uarereke akanne Kain te Ekaretia ma n kang.
Rimwi e a kanakoia tabeman mwaane Brigham Young bwa e na buokia Kain te Ekaretia. Mwaane aikai a kairia te koraki aei nakon te tabo are a kaembwa iai raoia ake Kain te Ekaretia naba ake a rimoaia.