“Mwakoro 11: A Maiti Riki Aomata Aika a Kaina te Aro: Eberi–Tun 1830,” Te Boki Wareware n Tuua ma Berita (2002), 46–47
“Mwakoro 11,” Te Boki Wareware n Tuua ma Berita, 46–47
Mwakoro 11
A Maiti Riki Aomata Aika a Kaina te Aro
(Eberi–Tun 1830)
A mwaiti wiki n nako. Ai uangaun ma itiman kain te Ekaretia. A aki bane ni maeka n te kawa ae ti teuana. Ioteba Timiti e a bane ni kaoia nakon aia bowi ae bubura. Te botaki aei bon te aeka ni kabowi ae kaokoro arona ibukia Taan Iti aki ni kabane. Taan Iti aki ni kabane bon kain ni kabane Ana Ekaretia Iesu Kristo.
N tain te kabowi e a karaoaki iai katabuan rabwatan te uea irouia Taan Iti aki. Tabeman mai buakoia mwaane a katabuaki nakon nakoa n ibonga. Te Tamnei ae Raoiroi e kakabwaiaia Taan Iti aki ni kabane. A rangi ni kukurei.
Iai tabeman aomata aika roko naba n te kabowi. Bon tiaki kain te Aro. A karekei taekan reirei aika koaua n tain te bowi. A tangiria ni kan kaina te Aro. A bwabetitoaki. Imwin te kabowi Ioteba Timiti e a manga nako nakon te kawa teuana. Tabe man aomata aika raoiroi a tangiria ni bwabetitoaki. E a kangai Ioteba bwa a konani bwabetitoaki inanon karanga aika uararake.
Aomata a karaoa te bwaro n ran ae uarereke n te karanga ae uarereke. A karaoa te tabo ae raoiroi ibukin te bwabetito. Ngke e a bong a roko tabeman aomata aika bubuaka ma n urua te bwaro n ran anne.
A bon manga karaoa te baro n ran aomata aika raoiroi. Ngkanne e a moanna Oliver Cowdery ni bwabetitoia. E aki maan a roko aomata aika taan kakiriwe. Aekan aomata aikai bon katein aomata aika teitei n rang ma n buakaka. Aomata aika bubuaka aikai a taekin taeka aika aki raraoi nakoia aomata aika raraoi. A kataia ni karawawa taia nakai. Ma te Uea e boni kawakinia ana aomata aika raoiroi.
Tatan e tangiria aomata aika bubuaka aikai bwa a na karaoi mwakuri aika aki karau nakon Ana Ekaretia Iesu Kristo. Aomata aika bubuaka a taekin rongorongo aika kairua ibukin Ioteba Timiti. A taku bwa e karaoi bwaai aika bubuaka. E a kainaki Ioteba n te auti n kaikain.
Aomata aika taan tataekina te rongorongo ae kairua a kataia ni karawawata Ioteba. A bwareia. A rawa n anganna te amwarake. Tabeman mai ibuakoia a taekin taeka aika kewe ibukin Ioteba. Ma aomata aika raraoi a taekin te koaua ibukin Ioteba. A taku bwa te aomata ae moan te raoiroi. Imwina e a bon kaotinakoa man te auti ni kaikain.