“Mwakoro 30: Te Kaotioti Ibukin te Buaka: 25 Ritemba 1832,” Te Boki Wareware n Tuua ma Berita (2002), 117–18
“Mwakoro 30,” Te Boki Wareware n Tuua ma Berita, 117–18
Mwakoro 30
Te Kaotioti Ibukin te Buaka
(25 Ritemba 1832)
A mwaiti aomata aika a tia ni bwabetitoaki nakon te Ekaretia. Te reirei ae koaua e a kakukureia. Ma Kain te Aro a bon raraoma ibukin taekan bwaai aika riki n aaba tabeua.
Bwaai a riki naba aika rangi ni mwaiti a karika te nanokawaki. Iai taian mwaeiei. Aomata a taonaki n aoraki. A mwaiti aomata aika a kaan mate.
Bwaai aika kananokawaki a bon riki naba i aon Amerika. Tabeman aomata aaki tangiria n riki bwa mwakoron Amerika. A tangiria ni karekea aia tia kairiri i bon irouia.
N bongin te Kiritimati, 1832, Iesu e angan Ioteba Timiti, te kaotioti. Te kaotiti bon taekan te buaka.
E taku Iesu bwa e na bo te buaka i aon Amerika. Aomata i aon Amerika ana bon buakania i bon irouia.
Rimwi a na manga buaka aaba tabeua. E na bo te buaka n te aonnaba ni kabane, Iesu e tuangia Kain te Aro bwa ana karaoa ae raoiroi. A riai n tauraoi imwain manga rokona nakon te aonnaba.
Ioteba e nanokawaki n ataia bwa e na iai taian buaka. E ataia bwa a riai aomata ni kabane n ongeaba nakon ana tua ni kabane te Atua. Ma ikanne are aikoa kona iai n un ma n buaka.