Melkisedek ej leļo̧k juon kōjeraam̧m̧an n̄an Ebream

Melkizedek ej Kōjeraam̧m̧an Ebream, jān Walter Rane Mennin letok eo an jin̄a

Nobōm̧ba 6–12

Hibru 7–13

“Āinwōt Pris Eļap n̄an Men ko Rem̧m̧an Renaaj Itok”

Ilo am̧ etale im ļōmņake laajrak in, lukkuun lale im̧we ko kwoj būki kōn ajri ro kwoj katakin. Jetōb enaaj jipan̄ eo lo ennaan ko n̄an er ilo Hibru 7–13

pija ej bōk jikin kwaļo̧k

Kajjitōk bwe ren Kwaļo̧k

Kajjitōk ippān ajri ro n̄an kwaļo̧k men ko er im baam̧le ko aer rej kōm̧m̧ani n̄an ekkatak gospel in ilo m̧weo . Kajjitōk ippāer n̄an kwaļo̧k jet iaan en̄jake ko aer rem̧m̧aan kōn ekkatak gospel eo ippān baam̧le ko aer.

pija ej bōk jikin katakin

Katakin Katak eo: Ajri ro Reddikļo̧k

Hibru 7:1–6

Priesthood emaron̄ jipan̄ kōj ilo elōn̄ wāween ko.

Hibru 7:1–6 emaron̄ letok juon iien em̧m̧an n̄an kwaļo̧k kadkadin n̄an ajri ro kōn kōjeraam̧m̧an ko an priesthood.

M̧akūtkūt ko Maron̄ Kōm̧m̧ani

• Kōmeļeļeiki ilo tukaduin wōn eo Ebream, innām kōjerbal Hibru 7:1–6 n̄an kwaļo̧k bwe Ebream eaar kōļļa juon m̧ōttan jon̄oul n̄an Melkisedek (bar lale Josep Smith Ukook, Jenesis 14:36–40 [ilo Baibōļ appendix]). Kōmeļeļeiki bwe Melkisedek ekar kabwijer priesthood eo, eo ej kajoor an Anij, im Melkisedek ekar kōjerbale n̄an kōjeraam̧m̧an Ebream. Ajri ro remaron̄ m̧ōņōņō kōn bwebwenato ko kōn repidodo meļeļeier, āinwōt kuraun im juon nien juon m̧ōttan jon̄oul.

• Kajjitōk ippān juon rikabwijer Priesthood eo an Aron im Melkisedek Pristhood bwe ren lotok kūlaaj eo im kwaļo̧k n̄an ajri ro elmen aer kar kōjerbal priesthood in n̄an kōjeraam̧m̧an ro jet. Innām kwaļo̧k n̄an ajri ro pija ko roktak kōn kain̄i ko an priesthood (n̄an waanjon̄ak, lale pija 103–8 ilo Gospel Art Book). Jipan̄ ajri ro ļōmņake ewi wōt priesthood eo ekakr n̄an kajjjojo kain̄i, im leļo̧k pija eo ekkar n̄an rikabwijer priesthood eo bwe en jibwe.

Hibru 11:1–32

Tōmak ej tōmak ilo men ko jejjab loi.

Men̄e jejjab lo Jemedwōj Ilan̄ im Jisōs Kraist, jemaron̄ kōļapļo̧k tōmak ilo Er im kallim̧ur ko aer, ļoor waanjon̄ak eo kōn armej ro retiljek kar kwaļo̧ki ilo Hibru 11.

M̧akūtkūt ko Maron̄ Kōm̧m̧ani

• Juon pija in Jisōs. Likūt ipeļakin ruum̧ eo jet menin ekkatak ko n̄an pinej jenkwan “mennin ko” me E ej lukkuun mour men̄e jejjab lo E (āinwōt pija ko, pija in Visōn Moktata, im pija in laļin). Kajjitōk ippān ajri ro n̄an pukoti aitōm̧ kein, innām kwaļo̧ki n̄an er elmen an aetōm̧ kein jipan̄ kōj bōk tōmak bwe Jisōs emour.

• Bōktok juon deel peba, im kōm̧m̧an bwe ajri ro ren bōk kuņaer en̄jake kutuwōn deel eo kōn mejeer. Katakin er bwe jejjab maron̄ lo kōto eo, ak jemaron̄ en̄jake. Ejjeļo̧k oktak, jejjab lo Jemedwōj Ilan̄ im Jisōs Kraist, ak jej maron̄ en̄jake iakwe eo Aer n̄an bōk tōmak bwe rej lukkuun m̧ool.

• Kwaļo̧k bwebwenato ko juon ak elōn̄ armej kar kwaļo̧kki ilo Hibru 11:4–32. Kwomaron̄ bar lo bwebwenato kein an armej rein ilo Bwebwenatoin Kallim̧ur M̧okta. Ta eo armej rein rekar kōm̧m̧an n̄an kwaļo̧k ke raar tōm men ko reban loi? Kwaļo̧k jet kōjeraam̧m̧an ko kwaar būki kōn wōt am tōmak.

Hibru 13:5–6

Jemedwōj Ilan̄ im Jisōs Kraist renaaj jipan̄ kōj im jamin ilo̧k jān kōj.

Ta apan̄ ko ajri ro remaron̄ kar iooni? Elmen an ennaan in ilo Hibru 13:5–6 jipan̄ er?

M̧akūtkūt ko Maron̄ Kōm̧m̧ani

• Etale jet iaan bwebwenato ko ilo Kalim̧m̧ur Ekāāl me ajri ro rekar ekkatak ilo iiō in me Rilo̧mo̧o̧r ekar jipan̄ ro jet, āinwōt ke E ekar kōmour em̧m̧aan eo ekar ake (lale Luk 5:18–26) ak naajdik 5,000 (lale Matu 14:15–21). Jipan̄ ajri ro katak naan in “Irooj ej aō Ri jipañ” (Hibru 13:6).

• Kajjitōk ippān ajri ro n̄an jin̄aik juon pija in juon tōre ke juon ekar kaenōm̧m̧an e ke ekar mijak. Riiti Hibru 13:5–6 n̄an er, im kam̧ool bwe Jemedwōj Ilan̄ enaaj jipan̄ kōj im jamin etal jān kōj. Jipan̄ ajri ro m̧wijit peba bōro ko ebwe aer ikillep n̄an pinej jin̄a ko. Ta jet iaan men ko me rej jipan̄ kōj epaakeļo̧k Jemedwōj Ilan̄? Je jet iaan men ko ilo bōro ko.

• Katakin ajri ro juon al kōn Jemedwōj Ilan̄ im Jisōs iakwe im jipan̄ kōj, āinwōt “Tell Me, Dear Lord” (Children’s Songbook, 176). Elmen ad jeļā bwe Jemedwōj Ilan̄ im Jisōs Kraist rej epake kōj? Kōnono kake jidik ke kwaar en̄jake an “Irooj [kar] am rijipan̄.”

pija ej bōk jikin katakin

Katakin Katak eo: Ajri ro Rerūttoļo̧k

Hibru 7:1–4

Ritōl ro an Kabun̄ rej ļoor Rilo̧mo̧o̧r eo.

Elmen am̧ maron̄ kōjerbal eoon ko n̄an jipan̄ ajri ro meļeļe bwe ro rej kūr n̄an jerbal ilo Kabun̄ in an Irooj rej ro retiljek n̄an jerbal n̄an ro jet āinwōt kar E?

M̧akūtkūt ko Maron̄ Kōm̧m̧ani

• Jipan̄ ajri ro kōlaajraki men ko rejeļā kōn ruo ritōl ro rem̧m̧an Ebream im Melkisedek. Remaron̄ lo jipan̄ ilo Hibru 7:1–4; Ebream 1:1–2; im Josep Smith Ukook, Jenesis 14:25–40 (ilo Bible appendix). Ta mour Āinwōt Kraist eo ippān em̧m̧aan rein me rekar jipan̄ er kōjparok priesthood eo?

• Kajjitōk ippān ajri ro n̄an riiti Hibru 7:1–2 im lali taitōļ ko kar kōjerbal n̄an kōmeļeļeiki Melkisedek. Ta eo taitōļ kein rej katakin kōj kōn Jisōs Kraist? Jipan̄ er ļōmņake wāween ko me Jisōs ekar juon “Kiin̄ in aenōm̧m̧an.” Kajjitōk ippāer n̄an kōnono kake rikabwijer priesthood ro me rej bar juon waanjon̄ak n̄an ļoor Rilo̧mo̧o̧r eo.

• Kwaļo̧k juon waanjon̄ak me tōmak eo am̧ ilo Rilo̧mo̧o̧r ekar kajoorļo̧k kōn wōt jerbal ijpan̄ eo an rikabwijer priesthood eo. Jipan̄ ajri ro ļōmņak kōn wāween ko me priesthood eaar kōjeraam̧m̧an er.

Hibru 11

Jemedwōj Ilan̄ ej kautiej ro ewōr aer tōmak.

Hibru 11 epād ie elōn̄ waanjon̄ak in armej ro rekar jeraam̧m̧an n̄e rej em̧m̧akūt kōn tōmak. Ewi wōt bwebwenato ko relukkuun im̧we ak jipan̄ ajri ro kwoj katakin?

M̧akūtkūt ko Maron̄ Kōm̧m̧ani

• Kajjitōk ippān ajri ro n̄an kōm̧m̧ane juon laajrak ioon bo̧o̧t eo men ko rekar ekkatak kōn tōmak ilo Hibru 11:1–3, 6. Leļo̧k n̄an kajjojo ajri etan armej eo ej waļo̧k ilo Hibru 11, im kajjitōk ippāer n̄an riiti eoon ko kōn armej eo. Kajjitōk ippāer n̄an kwaļo̧k jidik kōn armej eo bwe ajri ro jet ren jeļā jidik wōn eo. Elmen an kar armej rein kwaļo̧k tōmak, im elmen an kar Jemedwōj Ilan̄ kautiej er? (Pijain armej rein, lale Jekjen in Kallim̧ur M̧okta in Gospel Art Book.)

• Ālkin riiti kōn waanjon̄ak in ro retiljek ilo Hibru 11, kajjitōk ippān ajri ro n̄an je kōn armej eo rejeļā kajjien me ekar kwaļo̧k tōmak. Kūr jet ajri ro n̄an kwaļo̧k waanjon̄ak ko aer n̄an kūlaaj eo.

Hibru 12:5–11

Irooj ej kauweiki ro Ej iakwe.

Eoon kein remaron̄ jipan̄ ajri ro meļeļe bwe Jemedwōn̄ Ilan̄, ro jineer im jemeer, im ro jet rej kajim̧we er kōnke rej iakwe er im kōņaan bwe ren ekatak jān bōd ko aer.

M̧akūtkūt ko Maron̄ Kōm̧m̧ani

• Riit ippān doon Hibru 12:5–11, im kajjitōk ippān ajri ro n̄an kappukot un ko etke Jemedwōj Ilan̄ ej kauwei kōj (kajim̧we ak kauweiki kōj). Ta eo ej katakin kōj kōn ro jined im jemed ilaļin rej bar katakin ro nejier? Ewi wāween ad leļo̧k kauwe ilo iakwe?

• Kwaļo̧k waanjon̄ak in armej ro ilo jeje ko rekwojarjar me rekar Irooj ekar kauweik er im rekar ukweļo̧k (n̄an waanjon̄ak, lale 1 Nipaii 16:25–27; Ether 2:13–15). Elmen aer waanjon̄ak ko rem̧m̧an kōn pedped ko ilo Hibru 12:5–11?

• Ālkin riiti Hibru 12:5–11, kajjitōk ippā ajri ro n̄an je jejjeo̧ men ko renaaj kajjieon̄ in keememej n̄e rekar kauweik er jān bōd ko aer.

pija ej bōk jikin ekkatak

Kōketak Ekkatak ilo M̧weo

Kajjitōk ippān ajri ro n̄an jin̄aik juon pija in men ko rekar ekkatak ilo kūlaaj rainin. Rōjan̄ er n̄an kōjerbale im kwaļo̧k ta eo rekar ekkatak ippān baam̧le ko aer.

Kōkm̧anm̧anļo̧k Ad Katakin

Kōjerbal peij in m̧akūtkūt ko. Ilo an ajri ro kadedeļo̧k peij in m̧akūtkūt eo, kōjerbal awa eo n̄an etale pedped in katak ko jān katak in.

peij in m̧akūtkūt: tōmak ej tōmak ilo men ko jejjab loi