Balm of Gilead,, Annie Henrie

Oktoba 30–Nobōm̧ba 5.

Hibru 1–6

Jisōs Kraist, “Ej Ri Lo̧mo̧o̧r Indeeo”

Ta m̧ool ko kwoj loi ilo Hibru 1–6 me kwaar en̄jake n̄an katakin ajri ro?? Lukkuun lale n̄an im̧we ko jān Jetōb me rej itok n̄an eok ilo am kōppopo, im lukkuun lale n̄e je.

Kajjitōk bwe ren Kwaļo̧k

Ajri ro rekar ke bōk kajjitōk eo jem̧ļo̧kin katak eo an wiik eo ļo̧k n̄an pukōt juon eoon ilo jeje ko rekwojarjar remaron̄ kwaļo̧ke? N̄e em̧m̧an, leļo̧k aer iien em̧m̧an n̄an kwaļo̧ke. N̄e ejjab, jipan̄ er ļōmņaki men ko remaron̄ ekkatak jān jeje ko rekwojarjar me remaron̄ kwaļo̧ki.

Katakin Katak eo: Ajri ro Reddikļo̧k

Hibru1:1–10; 2:8–10, 17–18

Ij tōmak ilo Jisōs Kraist.

Eoon kein remaron̄ jipan̄ ajri ro jeļā eļapļo̧k kōn Jisōs Kraist n̄an kōkajoorļo̧k jemdoon eo aer Ippān.

M̧akūtkūt ko Maron̄ Kōm̧m̧ani

• pukōt m̧ool ko kōn Jisōs Kraist ilo Hibru 1:1–10; 2:8–10, 17–18, im je ioon jidik peba. Ņooj jet peba ipeļaakin ruum̧ eo im kajjitōk ippān ajri ro n̄an kappukoti. Jipan̄ ajri ro riiti m̧ool ko ioon peba eo, im kōnono kaki ta meļeļein m̧ool kein. N̄e ekkar, kōmeļeļeiki bwe kar ņaetan Jisōs Nejin Anij kōnke Jemedwōj Ilan̄ ej Jemen jim̧or jemen ilo Jetōb im Kanniōk.

• Kotak juon pija in Rilo̧mo̧o̧r eo, im kajjitōk ippān ajri ro n̄an aiintok doon n̄an E. Kōtļo̧k an kajjojo ajri bōk kuņaer kotak pija eo im kwaļo̧k etke ej kam̧m̧oolo kōn Jisōs Kraist.

Hibru 3:8

Jemedwōj Ilan̄ ekōņaan bwe jen “kapen būruwōd.”

Hibru 3 kōmeļeļeiki bwe riIsrael ro rekar kapen būruweer im kōjedkoon kōjeraam̧m̧an ko an Irooj. Menin emaron̄ juon kakkōļ n̄an kōj aolep n̄an jab kapen būruwōd.

M̧akūtkūt ko Maron̄ Kōm̧m̧ani

• Bōktok n̄an kūlaaj jet menin kōnono (āinwōt kein karreeo ak juon nuknuk in karreeo) im jet men repen (āinwōt dōkā). Kajjitōk ippān ajri ro n̄an jibwe menin ekkatak eo im kōmeļeļeiki elmen en̄jke menin ekkatak eo. Likūt jidik pilil in dān kajjojo menin ekkatak, im kwaļo̧k bwe dān ej jojo kein karreeo em̧m̧anļo̧k jān dōkā eo. Kōmeļeļeiki bwe būruwōd eaikuj in pidodo im jab pen bwe jen maron̄ bōk m̧ool ko an Jemedwōj Ilan̄ im An iakwe.

• Mwijitļo̧k annan̄in in menono eo epidodo, āinwōt nuknuk, im juon men epen, āinwōt peba bo̧o̧k. Kōnono ippān ajri ro kōn oktak eo ikōtaan bōk juon bōro em̧m̧an bōk juon bōro nana. Kwaļo̧k waanjon̄ak ko jān jeje ko rekwojarjar in armej ro me ekar em̧m̧an būruweer ak nana būruweer, āinwōt Nipai, Leman, Lemuel (1 Nipai 2:16–19); Paul (Jerbal 9:1–22); ak Josep Smith (Josep Smith—Bwebweanto1:11–20). Ilo am̧ kwaļo̧k kajjojo waanjon̄ak kein, kajjitōk ippān ajri ro n̄an kalikkar bōro ko rem̧m̧an ak bōro ko renana.

Aaron kar “kūr jān Anij” (Hibru 5:4). Moses ej Kūr Aaron n̄an kwaļo̧k eo, jān Harry Anderson.

Hibru 5:4

Rikabwijer priesthood ro rej kūr jān Anij.

Hibru 5:4 ej juon eoon eaorōk kōnke ej kalikkar bwe rikabwijer ro an priesthood rej kūr jān Anij. Ejja m̧ool in bwe jabdewōt ej kūr n̄an jerbal ilo Kabun̄ eo an Irooj.

M̧akūtkūt ko Maron̄ Kōm̧m̧ani

• Riiti Moses 5:4 n̄an ajri ro. Kajjitōk ippān juon rikabwijer priesthood n̄an kōmeļeļeiki ta in priesthood. Emaron̄ bar kwaļo̧k elmen an jipan̄ ro jet ilo ak kakūrm̧ool eddo ko an. Bar kajjitōk ippān juon sister ilo ward eo n̄an kwaļo̧k en̄jake eo an ilo an kar kōjenoļo̧k ilo Kabun̄ in. Rōjan̄ e n̄an kwaļo̧k elmen an Irooj kar kōjeraam̧m̧an e kōn kajoor n̄an kakūrm̧ool kūr eo an.

• Jipan̄ ajri ro kakilōklōke laajrak in tōmak ļalem. Kwaļo̧k am̧ naan in kam̧ool ke armej ro kar kūr n̄an kōm̧m̧ane jerbal eo an Anij rej kūr jān Anij jān revelāsōn.

Katakin Katak eo: Ajri ro Rerūttoļo̧k

Hibru 1:1–10; 2:8–10, 17–18

Ij tōmak ilo Jisōs Kraist.

Leta in jeje eo n̄an Hibru kar je n̄an kōkajoorļo̧k tōmak eo an ro Rekwojarjar ilo Hibru ilo Jisōs Kraist. Emaron̄ kōm̧m̧an āinwōt n̄an ajri ro kwoj katakin.

M̧akūtkūt ko Maron̄ Kōm̧m̧ani

• Jitōn̄ kajjojo ajri n̄an jejjo̧ eoon ko ilo Hibru 1:1–10; 2:8–10, 17–18, im kajjitōk ippān ajri ro n̄an lali eoon ko kōn m̧ool ko kōn Jisōs Kraist. Kajjitōk ippāer n̄an je ioon boot eo ta eo rej loe. Bar ta jejeļā kōn Jisōs Kraist? Ajri ro remaron̄ lo ļōmņak ko ilo al ko āinwōt “Ij Jela Bwe Aō Dri Pinmuur Ej Mour” (Hymns, no. 28) ak “He Sent His Son” (Children’s Songbook, 34–35).

• Kajjitōk ippān ajri ro n̄an jin̄aik pijain er make ippān jineer im jemeer. Kajjitōk ippāer n̄an kwaļo̧k ta eo rej āinwōt juon ippān jineer im jemeer. Kōmeļeļeiki bwe ke Hibru 1:3 ej ba bwe Jisōs Kraist ej “kwaļo̧k aiboojoj eo an armej eo [Anij} ,” meļeļein bwe Jisōs im Jemedwōj Ilan̄ ewōr aer ejjab piktok in im m̧wiļ in. Kōnono n̄an ajri ro kōn elmen ļoor Jisōs Kraist ej kepaakļo̧k kōj n̄an Jemedwōj Ilan̄.

Hibru 3:7–19

N̄an bōk tōl im kōjeraam̧m̧an eo an Jemedwōj Ilan̄, jej aikuj “jab kapen būruwōd.”

Ilo Hibru 3, bwebwenato in riIsrael ro ilo āne jem̧aden ej kwaļo̧k katak eo eaorōk n̄an jab kapen būruwōd. Elmen am̧ maron̄ kōjerbal bwebwenato in n̄an katakin ajri ro ilo kūlaaj eo am̧ pedped in?

M̧akūtkūt ko Maron̄ Kōm̧m̧ani

• Kajjitōk ippān ajri ro n̄an ļōmņake men ko me repen im pidodo. (N̄e ekkar, bōktok jet waanjon̄ak ko n̄an kwaļo̧ki n̄an er.) Riit ippān doon Hibru 3:8. Ta meļeļe in n̄an bōk juon bōro epen? Etke Anij ekōņaan bwe jen bōk bōro epidodo?

• Ilo naan ko am make, kwaļo̧k bwebwenato in riIsrael ro kapen būruweer ņae Irooj ilo āne jem̧aden (lale Bōnbōn 14:1–12; Hibru 3:7–19). Kajjitōk ippān ajri ro n̄an ikkure kōn bwebwenato eo. Ta eo enaaj waļo̧k n̄e jej kapen būruwōd ņae Irooj im gospel eo An?

• Kajjitōk ippān n̄an riiti Matu 13:15; Hibru 3:15; Mosaia 11:29; im Moses 6:27. Kajjitōk ippāer n̄an jin̄aiki ioon bo̧o̧t eo m̧ōttan ānbwin ilo an waļo̧k ilo eeon kein. Ta meļeļein n̄an bōk jetōbin lo̧jin̄i, mej, im pen bōro? Elmen ad maron̄ lukkuun lale bwe lo̧jiln̄id, mejed, im būruwōd ren pojak n̄an kile ainikien Jetōb?

Hibru 5:1–4

Rikabwijer priesthood ro rej kūr jān Anij.

Hibru 5 letok juon iien em̧m̧an n̄an kōnono kōn ta in priesthood—kajoor eo im māim eo n̄an jerbal ilo etan Anij—im elmen bōke

M̧akūtkūt ko Maron̄ Kōm̧m̧ani

• Kwaļo̧k pija eo Moses Gives Aaron the Priesthood (Gospel Art Book, no. 15) ilo an juon ajri riit Hibru 5:4. Kōmeļeļeiki bwe Priesthood eo an Aron kar likūt etan Aron. Jipan̄ ajri ro ļōmņaki eddo ko an rikabwjer Priesthood eo an Aron rej kōm̧m̧an (āinwōt peptaij, kōjeraam̧m̧an im leto-letak kwojkwoj eo, im kūrtok ro jet n̄an itok n̄an Kraist; lale Katak im Bujen Ko 20:46–48, 59).

• Jipan̄ ajri ro ļōmņak kōn wāween ko reoktak me armej remaron̄ bōk mālim. N̄an waanjon̄ak, elmen an juon rūkaki, taktō, ak ritōl kien bōk mālim? Elmen an Anij leļo̧k mālim eo An? Kajjitōk bwe ajri ro ren ļōmņak kōn kajjitōk in ilo aer riiti Hibru 5:4 im laajrak in tōmak ļalem. Jipan̄ ajri ro ļōmņak kōn armej ro ilo ward eo me em̧ōj aer bōk mālim eo an Anij—ekoba rikabwijer priesthood ro, barāinwōt em̧m̧aan im kōrā ro me rekar kōjenoļo̧k n̄an jerbal ilo kūr ko rekkar.

Kōketak Ekkatak ilo M̧weo

Kajjitōk ippān ajri ro n̄an kwaļo̧k juon eoon, al, ak m̧akūtkūt raar ekktak ilo kūlaaj rainin ippān baam̧le ko aer ilo iien nokon in jota.

Kōkm̧anm̧anļo̧k Ad Katakin

Ajri ro remaron̄ kile im̧we eo an Jetōb. Katakin ajri ro bwe en̄jake in aenōm̧m̧an, iakwe, im okmāneen me rej en̄jake ilo aer kōnono ak al kōn Jisōs Kraist im gospel eo An ej itok jān Jetōb Kwojarjar.