jodikdik ro rej karreeo juon wall

Nobōm̧ba 13–19

Jemes

“A Kom̧win Ri Kōm̧anm̧an Naan eo, im Jab Ri Ron̄jake Wōt”

Leta eo an Jemes epād ie elōn̄ m̧ool ko me remaron̄ kōjeraam̧m̧an ajri ro me kwoj katakin er. Ļoor Jetōb n̄an lali ewi wōt m̧ool eo kwonaaj kwaļo̧k n̄an er. Ļōmņak ko ilo laajrak in remaron̄ jipan̄.

pija ej bōk jikin kwaļo̧k

Kajjitōk bwe ren Kwaļo̧k

Kajjitōk ippān ajri ro n̄an kwaļo̧k juon katak kōn gospel in me rej keememej ke rekar ekkatak ippān baam̧le eo aer ilo kar wiik eo ļo̧k ak jān Būraimere kūlaaj eo wiik eo ļo̧k. Ālkin an kajjojo ajri kwaļo̧k, kajjitōk ippān bar juon ajri ilo kūlaaj eo n̄an ba ilo tukadu in ta eo eaar ba.

pija ej bōk jikin katakin

Katakin Katak eo: Ajri ro Reddikļo̧k

Jemes 1:5–6

Imaron̄ kajjitōk ippān Jemedwōj Ilan̄ n̄an jipan̄ eō jeļā ta eo em̧ool.

Jipan̄ ajri ro kwoj katakin er meļeļe bwe remaron̄ in bar jepļaakļo̧k n̄an ippān Jemedwōj Ilan̄ kōn māletlet? Kōm̧m̧an āindein enaaj kōjeraam̧m̧an er eļapļo̧k n̄e rej ioon kajjitōk ko reppen.

M̧akūtkūt ko Maron̄ Kōm̧m̧ani

• Jipan̄ ajri ro āliji naan in: “A eļan̄n̄e jabdewōt iaami ej aikuj mālōtlōt, en kajjitōk kōn e ippān Anij” (Jemes 1:5) Elmen ad kajjitōk ippān Anij kajjitōk ko rem̧m̧an? Elmen An uwaake kōj?

• Kwaļo̧k pijain First Vision (Gospel Art Book, no. 90), ak kwaļo̧k pijan alooj eo “Joseph Smith’s First Vision” (ChurchofJesusChrist.org). Kōmeļeļeiki etke riiti Jemes 1:5 ekar im̧we Josep Smith n̄an kajjitōk ippān Jemedwōj Ilan̄ n̄an jipan̄ e kōn juon kajjitōk Josep Smith—Bwebwenato 1:1–20). Kwaļo̧k am̧ naan in kam̧ool bwe Anij ej uwaaki jar ko, im kam̧ool bwe ajri ro remaron̄ jar n̄an E n̄e ewōr aer kajjitōk. Kōtļo̧k bwe ajri ro ren jin̄aiki pijain an Josep Smith riiti Jemes 1:5 im an jar n̄an Jemedwōj Ilan̄.

Jemes 3:1–13

Imaron̄ kōnono jouj.

Ke Jemes ej kam̧ool, ekkatak n̄an ba men ko wōt rejouj n̄an ro jet enaaj jipan̄ kōj erom̧ eļapļo̧k āinwōt Jisōs Kraist (lale Jemes 3:2).

M̧akūtkūt ko Maron̄ Kōm̧m̧ani

• Kwaļo̧k pijain jet men retōn̄al im jet men remeo. Jipan̄ ajri ro meļeļe bwe Jemedwōj Ilan̄ ej kajjitōk ippād n̄an kōjerbal naan ko ad n̄an ba men ko retōn̄al (ak jouj) im jab men ko remeo (ak lej) lale Jemes 3:10). Jipan̄ er ļōmņak kōn waanjon̄ak ko rem̧m̧an jemaron̄ ba n̄an doon.

• Leļo̧k n̄an kajjojo ajri juon jin̄a pidodo in juon armej ej kōnono. Kajjitōk ippān ajri ro n̄an kotake ilo am̧ ba men eo em̧m̧an jemaron̄ kōm̧m̧an ilo naan ko ad (āinwōt kwaļo̧k m̧ool, kautiej, im leļo̧k jipan̄ n̄an ro jet) im likūti n̄e kwoj ba men eo me jejjab aikuj kōjerbale ilo naan ko ad (āinwōt riab, ba etan ro jet, im makoko in ron̄jake jined im jemed).

• Bar riiti ennaan eo ilo Jemes 3:1–13 ilo ami al ippān doon juon al kōn jouj, āinwōt “Kindness Begins with Me” (Children’s Songbook, 145).

Jemes 5:7–11

Bōk kōjeraam̧m̧an ko an Anij ebōk kijenmej.

Kijenmej ejjab aolep iien kajju itok, eļaptata n̄an ajri ro. Ļōmņake elmen am̧ maron̄ kōjerbal naan eo an Jemes n̄an jipan̄ ajri ro me kwoj katakin jeļā kijenmej.

M̧akūtkūt ko Maron̄ Kōm̧m̧ani

• Jipān ajri ro n̄an kwaļo̧k juon iien ke rekar aikuj kattar juon men me relukkuun kōņaan. Kwaļo̧k juon waanjon̄ak ke kwar aikuj kattar. Kōmeļeļeiki bwe kattar juon men jekōņaan ilo ejjeļo̧k elotaan rej ņa etan kijenmej.

• Kōmeļeļeiki Jemes 5:7 ilo naan ko am̧ make, im kwaļo̧k juon pija in juon ine ak mennin eddōk. Etke jej aikuj kijenmej n̄e jej kaddōk mennin eddōk? Ta eo enaaj waļo̧k n̄e jej kajjieon̄ oņaake mennin eddōk in bwe en m̧ōkaj an eddōk? Komaron̄ bar kōnono n̄an ajri ro ta meļeļein kijenmej ippān ro jet im kōj make. Kam̧ool bwe Anij emaron̄ jipan̄ kōj jeļā kijenmej.

• Kwaļo̧k bwebwenato in Job, eo ej waļo̧k ilo Jemes 5:11 āinwōt juon waanjon̄ak kōn kijenmej (lale “Job,” ilo Bwebwenato in Kallim̧ur M̧okta, ak pijan alooj eo ilo ChurchofJesusChrist.org). Ewi wāween an Job kar jeraam̧m̧an ilo an kijenmej?

pija ej bōk jikin katakin

Katakin Katak eo: Ajri ro Rerūttoļo̧k

Jemes 1:5–6

Jemedwōj Ilan̄ enaaj jipan̄ eō jeļā m̧ool eo n̄e ij kappukot An jipan̄.

Ajri ro me kwoj katakin er me reddikļo̧k jidik jān Josep Smith ke ekar riiti Jemes 1:5 im kar im̧we n̄an kappukot Jemedwōj Ilan̄ ilo jar. Ļōmņake elmen am̧ maron̄ jipan̄ ajri ro kwoj katakin kalōk aer tōmak bwe Anij enaaj jipan̄ er n̄e rej aikuj māletlet.

M̧akūtkūt ko Maron̄ Kōm̧m̧ani

• Kajjitōk ippān ajri ro n̄an kwaļo̧k n̄an eok Visōn eo M̧oktata an Josep Smith ilo naan ko aer make (lale Josep Smith—Bwebwenato1:5–20; bar lale pijaan alooj eo “Joseph Smith’s Vision” ilo ChurchofJesusChrist.org). Elmen an kar riiti Jemes 1:5 jipan̄ Josep? Jipan̄ er ļōmņaki waanjon̄ak ko jet an armej ro ilo jeje ko rekwojarjar me rekar bōk juon uwaak n̄an jar ko aer, āinwōt Nipai (lale 1 Nipai 11:1–6) im jein im jatin Jered (lale Ether 2:18–3:9). Ta jet iaan men ko jemaron̄ ba n̄an Jemedwōj Ilan̄ ilo jar?

• Riit ippān ajri ro Josep Smith—Bwebwenato 1:10–14. Kajjitōk ippān ajri ro n̄an pukoti men ko Josep Smith ekar kōm̧m̧ani n̄an bōk uwaak ko n̄an kajjitōk ko an. Elmen ad ļoor waanjon̄ak eo an Josep n̄e ewōr ad kajjitōk?

Jemes 1:22–27; 2:14–26

“Tōmak ke ejjeḷọk jerbal ejjeḷọk tokjān.”

Elmen am̧ maron̄ jipan̄ ajri ro lo jemjerā eo ikōtaan ta eo rej tōmak im ta eo rej kōm̧m̧ane?

M̧akūtkūt ko Maron̄ Kōm̧m̧ani

• Kwaļo̧k n̄an ajri ro juon teen̄ki ejjeļo̧k bātōre in, juon pinjōļ ejjeļo̧k bōran, ak jet men me ejjeļo̧k tokjen ak “remej.” Kajjitōk ippān ajri ro n̄an riiti Jemes 2:14–17. Elmen an menin ekkatak in kwaļo̧k m̧ool eo ilo eoon kein?

• Kajjitōk ippān jet iaan ajri ro n̄an riit Jemes 1:22–27 im ro jet riiti 2:14–18. Innām karuwainene er n̄an kwaļo̧k ta eo remaron̄ kōm̧m̧ane n̄an kwaļo̧k bwe rej rikōm̧anm̧an naan eo. N̄an waanjon̄ak, elmen aer kōjparok bujen peptaij eo aer? Rejeļā ke kajjien ro jet me renan̄inmej ak ajimakeke me remaron̄ loļo̧k er? Elmen aer jipan̄ eļapļo̧k ilo baam̧le ko aer? Komaron̄ bar kakeememej er kōn naan ko remaron̄ kar ron̄ ilo kar jar laplap eo rainin? Elmen ad maron̄ erom̧ rikōm̧anm̧an naan kein?

Ebream ej jar inam̧ōjin em̧ nuknuk eo an

“Ebream ear tōmak Anij” (Jemes 2:23). Ebream ilo Melaaj eo ilo Mamre, jān Grant Romney Clawson

Jemes 3:1–13

Imaron̄ kōnono jouj.

Naan ko jej ba n̄an doon emaron̄ in jab aorōk, ak āinwōt an Jemes kar kam̧ool, remaron̄ kajoor n̄an im̧we, n̄an em̧m̧an ak nana.

M̧akūtkūt ko Maron̄ Kōm̧m̧ani

• Elōn̄ ke juon ilo ward eo, bōlen juon iaan ajri ro me kwoj katakin er, eo ekar jerbal ippān ooj ko ak an jeļā kōn juon men kōn wa ko lojet? Kwomaron̄ kajjitōk ippān n̄an lewaj n̄an eok ļōmņak ko kōn katak ko an Jemes ilo Jemes 3:3–4 kōjerbal naan ko rejouj. Ak lewaj jet iaan ļōmņak ko am̧ make. Ta eo jej ekkatak kake kōn kantōrole lood jān waanjon̄ak kein?

• Kajjitōk ippān ajri n̄an riiti Jemes 3:1–13 im n̄an jin̄aiki juon pija in men ko rej loi me rej kwaļo̧k kōn kantōle lood. Leļo̧k n̄an er iien n̄an kwaļo̧k pija ko im ta eo rekar ekkatak. Al ippān doon juon al kōn kōjerbal naan ko rejouj, āinwōt “Let Us Oft Speak Kind Words” (Hymns, no. 232)

• Ālkin etale Jemes 3:1–13 ippān doon, lale standards for language ilo N̄an Kōkajoorļo̧k Jodikdik Ro ([bok jidikdik eo, 2022], 12). Jipan̄ ajri ro kōttōpare juon kōttōpar n̄an em̧m̧anļo̧k eo ilo wāween aer kōnono n̄an ro jet, im rōjan̄ er n̄an kajjitōk ippān Jemedwōj Ilan̄ n̄an jipan̄ er kōn kōttōpar in.

pija ej bōk jikin ekkatak

Kōketak Ekkatak ilo M̧weo

Kajjitōk ippān ajri ro n̄an kōm̧m̧an jet men wiik in n̄an mour kake ta eo raar ekkatak ilo kūlaaj, āinwōt jar n̄an Jemedwōj Ilan̄ kōn juon kajjitōk ak kajjieon̄ in kijenmej. Kajjitōk ippāer n̄an kwaļo̧k en̄jake ko aer ilo kūlaaj eo tok juon.

Kōkm̧anm̧anļo̧k Ad Katakin

Jipan̄ Ajri ro bwe ren Bōk Koņaer. “Ilo am̧ katakin ajri ro, kōtļo̧k bwe ren ekkal, jin̄a, kōļar, jeje, im ejaak. Men kein reļļapļo̧k jān m̧akūtkūt in kam̧ōņōņō ko—raorōk n̄an ekkatak” (Katakin ilo Wāween an Rilo̧mo̧o̧r, 25).

peij in m̧akūtkūt: Imaron̄ jouj n̄an ro jet