Jisōs Kraist ej kwaļo̧k naan ilo laļ eo an jetōb

An Kraist kwaļo̧k gospel eo ilo laļ en an jetōb, jān Robert T. Barrett

Nobōm̧ba 20–26

1 im 2 Piter

“Lan̄lōn̄ Eļaap jān Maron̄ in Ba im e Obrak kōn Aiboojoj”

M̧okta jān am̧ jino ekkatak 1 im 2 Piter kōn jar. Keememej bwe kōppopo eo am̧ em̧m̧antata n̄an katakin enaaj itok jān imminene am̧ make im baam̧le eo ekkatak.

pija ej bōk jikin kwaļo̧k

Kajjitōk bwe ren Kwaļo̧k

Kwaļo̧k pija eo ilo laajrak eo an wiik in ilo Itok, Ļoor Eō—N̄an Kajjojo Armej im Baam̧le Ko,, kajjitōk ippān ajri ro n̄an kwaļo̧k n̄an eok men ko rejeļā kōn Piter. Kakeememej e bwe Piter ekar juon ritōl an Kabun̄ ālkin an Jisōs kar jerkakpeje, im kōmeļeļeiki bwe 1 Piter im 2 Piter rej leta ko jān e n̄an membōr ro an Kabun̄ eo ilo tōre eo an.

pija ej bōk jikin katakin

Katakin Katak eo: Ajri ro Reddikļo̧k

1 Piter 1:6–7; 3:14

Imaron̄ m̧ōņōņō men̄e iien ko reppen.

Ļōmņake elmen am̧ maron̄ kwaļo̧k eoon kein ilo juon wāween me enaaj jipan̄ ajri ro okatļo̧k n̄an Rilo̧mo̧o̧r n̄e rej ioon apan̄.

M̧akūtkūt ko Maron̄ Kōm̧m̧ani

• Jipan̄ ajri ro ļōmņake waanjon̄ak ko kōn men ko reppen me Jisōs ekar dipuki, āinwōt kōmetak im kajjirere kake. Kōmeļeļeiki bwe enaaj wōr iien ko reppen ilo mour ko ad. Riit 1 Piter 1:6–7; 3:14 ippān doon, im kwaļo̧k juon waanjon̄ak me kwaar ionn juon “mājjejon̄ ami tōmak” im Rilo̧mo̧o̧r ekar jipan̄ eo lo lan̄lōn̄. Ak komaron̄ kwaļo̧k jar eo an Josep Smith ilo Liberty Jail im an Anij kar kaenōm̧m̧an e (lale Katak im Bujen Ko 121:1–8; 123:17).

Josep Smith ilo Jikin Kalbuuj Liberty

Josep Smith ilo Liberty Jail, jān Greg K. Olsen

• Kwaļo̧k juon pija me kwaļo̧k Jisōs im armej ro jet Gospel Art Book elōn̄ men ko, kar kōm̧m̧an Itok, Ļoor Eō—N̄an Kajjojo Armej im Baam̧le Ko). Kajjitōk ippān ajri ro n̄an pukōt Jisōs ilo pija eo. Kam̧ool bwe n̄e jej kappukot Rilo̧mo̧o̧r, E emaron̄ jjpan̄ kōj lo lan̄lōn̄ ilo mour ko ad.

1 Piter 2:9–12

Jemedwōj Ilan̄ ekōņaan bwe in waanjon̄ak n̄an ro jet.

Piter ekar kwaļo̧k bwe jej “ro ri aelōn̄ an Anij” im bwe jerbal ko ad rem̧m̧an remaron̄ “kaiboojoj Anij.”

M̧akūtkūt ko Maron̄ Kōm̧m̧ani

• Kōmeļeļeiki bwe ren jutak jān ijo rej pād ie, ak kwaļo̧k pija in men ko. N̄an waanjon̄ak, juon tampeļ juon jutak kōn men ko peļaakin ak juon to̧l ej utiej. Kōmeļeļeiki bwe n̄e jej kōjparok kien ko, jej jutak im armej ro jet remaron̄ lo waanjon̄ak ko ad. Kōnono kōn jet “jerbal ko rem̧m̧an” me kwaar loi an ajri ro kōm̧m̧ani. Kōmeļeļeiki bwe jerbal ko rem̧m̧an rej āinwōt “kaiboojoj Anij”—rej jipan̄ ro jet en̄jake eļapļo̧k iakwe eo an Anij im kōņaan jerbal n̄an E.

• Kadedeikļo̧k peij in makūtkūt ko ippān ajri ro. Elmen an armej ro loi pija n̄an kaiboojoj Anij?

1 Piter 3:18–20; 4:6

Jetōb ko laļ eo an jetōb rej ekkatak kōn gospel in.

Ālkin An kar mej, Jisōs ekar etal n̄an laļ eo an Jetōb im kar jilkinļo̧k jetōb ko rewānōk n̄an katakin jetōb ko jet ro raar jab gospel in.

M̧akūtkūt ko Maron̄ Kōm̧m̧ani

• Jiron̄ ajri ro kōn juon eo me kwojeļā em̧ōj an jako. Kōmeļeļeiki bwe n̄e armej ro rej mej, jetōb ko aer rej etal jān ānbwin ko aer im etal n̄an laļ eo an jetōb. Riit 1 Piter 3:19 im kōmeļeļeiki bwe ke Jisōs ekar mej, ekar etal n̄an laļ eo an jetōb. Ijeņ, E ekar kajjitōk ippān jetōb ko rōwānōk n̄an kwaļo̧k gospel eo n̄an jetōb ko jet me raar jab bōk gospel in (lale Katak im Bujen Ko 138:30).

• Kwaļo̧k juon pija in juon tampeļ. Kōmeļeļeiki n̄an ajri ro bwe n̄e rerūttoļo̧k, renaaj etal n̄an tampeļ im peptaij kōn ro jibwieer im jim̧m̧aer ro rekar jab peptaij ioon laļin. Jipan̄ ajri ro kanne menmenbwij eo aer (lale juon waanjon̄ak ilo “Family History Coloring Pages,” ChurchofJesusChrist.org).

pija ej bōk jikin katakin

Katakin Katak eo: Ajri ro Rerūttoļo̧k

1 Piter 3:12–17; 4:13–14, 16

Imaron̄ lo lan̄lōn̄ im aenōm̧m̧an men̄e iien ko reppen.

Ajri ro kwoj katakin remaron̄ kar ioon ejja māllejon̄ in ak kajjirere kōn ta eo rej tōmake. Eoon kein remaron̄ jipan̄ er ilo iien ko reppen.

M̧akūtkūt ko Maron̄ Kōm̧m̧ani

• Kōmeļeļeiki bwe jejjo̧ bwebwenato ko kōn aer kar kōnanaik Jisōs, ak kajjitōk ippān ajri ro n̄an riiti—lale, n̄an waanjon̄ak, Matu 12:9–14 ak Luk 22:47–54. Kajjitōk ippān ajri ro n̄e rekar kajjirere ak kōm̧m̧an kōjak kōnke rej tōmak katak ko an Jisōs Kraist. Ewi wāween kar en̄jake eo am̧? Innām riit ippān doon 1 Piter 3:12–14; 4:13–14, 16, im kajjitōk ippān ajri ro n̄an lale ta eo Paul ekar ba kōn en̄taan “kōn kwōjarjar.” Etke jej maron̄ wōt m̧ōņōņō n̄e armej ro jet rej kajjirere kake ta eo jej kōm̧m̧an me ejim̧we?

• Kwaļo̧k juon en̄jake me kwaar lo lan̄lōn̄ im aenōm̧m̧an ilo iien apan̄, ak kwaļo̧k elmen an Rikanaan Josep Smitj kar lo aenōm̧m̧an ke ekar pād ilo Liberty Jail (lale Katak im Bujen Ko 121:1–8; 123:17). Elmen ad maron̄ lo lan̄lōn̄ im aenōm̧m̧an ilo Kraist ilo iien ko reppen?

1 Piter 3:15

Imaron̄ pojak n̄an kwaļo̧k gospel eo.

Ajri ro kwoj katakin renaaj bōk elōn̄ iien ko rem̧m̧an ilo aolepen mour ko aer n̄an uwaaki kajjitōk ko jān armej ro jet kōn tōmak eo aer. Ļōmņake ta eo komaron̄ kōm̧m̧ane n̄an jipan̄ er “pojak iien otemjej bwe koṃwin uwaak.”

M̧akūtkūt ko Maron̄ Kōm̧m̧ani

• Kwaļo̧k kōn juon tōre n̄e juon ekar kajjitōk juon kajjitōk kōn Kabun̄ in, im kōmeļeļeiki am̧ en̄jake n̄an pojak in uwaak. Kajjitōk ippān ajri ro n̄an kōnono kake jabdewōt iien n̄e armej ro rekar kajjitōk ippāer kajjitōk ko kōn Kabun̄ in. Riit ippān doon 1 Piter 3:15. Elmen ad maron̄ ļoor kapilōk eo an Piter ilo eoon in?

• Jipan̄ ajri ro ļōmņake jejjo̧ kajjitōk ko an armej ro remaron̄ kajjitōk kōn Jisōs Kraist ak Kabun̄ in An. Kōtļo̧k bwe ajri ro ren bōk kuņaer kōmeļeļeiki elme aer maron̄ uwaaki kajjitōk kein bwe ren maron̄ in “pojak iien otemjej.” Laajrak in Tōmak ko ej letok pedped in tōmak ko repidodo bwe ajri ro ren maron̄ kōjerbali n̄an uwaaki kajjitōk ko kōn Kabun̄ in.

1 Piter 3:18–20; 4:6

Jetōb ko ilo laļ en an jetōb rej ekkatak kōn gospel in.

N̄e ro rōwānōk remej, rej etal n̄an laļ en an jetōb im kwaļo̧k kōn gospel eo n̄an ro rekar jab bōke ilo laļin.

M̧akūtkūt ko Maron̄ Kōm̧m̧ani

• Jin̄aiki ioon bo̧o̧t eo juon doulul ippān juon ļain io̧lepen. Je Jetōb ilo Paradise ilo io̧lepen doulul eo Kalbuuj an Jetōb ilo jimettan in. Kajjitōk ippān ajri ro n̄an riiti 1 Piter 3:18–20; 4:6 (lale 1 Piter 4:6, footnote a, n̄an kakkobaba in ukook eo an Josep Smith). Kōmeļeļeiki bwe ke Jisōs ekar mej, E ekar etal n̄an ippān jetōb ko ilo paradise. E ekar kean̄ jetōb ko rōwānōk ijeņ n̄an katakin gospel eo n̄an jetōb ko ilo kalbuuj.

• Kajjiōt ippān juon m̧am̧a ak baba ak ajri eo erūttoļo̧k juon iaan ajri ro n̄an kwaļo̧k kōn etal n̄an tampeļ im būki kain̄i n̄an ro jibwier im jim̧m̧aer.

• Kajjitōk ippān ajri ro n̄an kanne menmenbwij eo aer (lale juon waanjon̄ak ilo “Family History Coloring Pages,” ChurchofJesusChrist.org).

pija ej bōk jikin ekkatak

Kōketak Ekkatak ilo M̧weo

Kajjitōk ippān ajri n̄an kwaļo̧k menmenbwij eo aer n̄an ro uwaan baam̧le eo aer im kajjitōk ippāer n̄an jipan̄ kobaiktok et ko jet.

Kōkm̧anm̧anļo̧k Ad Katakin

Kappukot n̄an meļeļe kōn ajri ro kwoj katakin. Kwomaron̄ jeļā kajjien ajri ro kwoj katakin, kōn menin kalikkar ļōmņak ko ilo laajrak in n̄e ekkar n̄an kōnono kake aikuj ko aer. Kwomaron̄ kōjerbal aolep m̧akūtkūtk ko kalikari ilo laajrak in, ejjab baj ro ilo iiō in kurup ko kwoj katakin. (Lale Teaching in the Savior’s Way,, 7.)

peij in m̧akūtkūt: Jemedwōj Ilan̄ ekōņaan bwe in juon waanjon̄ak n̄an ro jet