Kraist ej Kwaļo̧k Naan ilo Laļ eo an Jetōb, jān Robert T. Barrett

Nobōm̧ba 20–26

1 im 2 Pita

“Lan̄lōn̄ ilo lan̄lōn̄ Eļap jān Maron̄ in Ba im E Obrak kōn Aiboojoj”

Ilo am̧ riiti Leta ko an Pita, kwomaron̄ bōk im̧we ko an jetōb. Rekooti im̧we ko am̧ ilo am̧ “pād wōt ilo Jetōb” (Katak im Bujen Ko 76:80) bwe en maron̄ jejjet am̧ eo̧ron̄ ta eo Anij ej katakin eok kake.

Je En̄jake ko Rej Im̧we Eok

Ejjab to ālkin jerkakpeje eo An, Rilo̧mo̧o̧r ekar kōm̧m̧ane juon kanaan me ekar bolen kainepataik Pita. Ekar kanaan bwe renaaj m̧an Pita kōn tōmak eo an, naaj bōke “ijo [e] jab kōņaan … , bakajjien wāween mej eo enaaj kaiboojoj Anij kake” (Jon 21:18–19). Iiō ko tokālik, ke Pita ekar je letok eo an, ekar jeļā bwe kanaan ko an kōn aer nej m̧ane epaak an: “m̧ōkaj an utūk aō im̧ōn kōppād, im āindein ad Iroj Jisōs Kraist ear bakajjien n̄an eō” (2 Pita 1:14). Im aeet naan ko an Pita rekar obrak kōn mijak ak jako kōjatdikdik. Ijjeļo̧kin, ekar katakin bwe armej ro Rekwojarjar n̄an “lan̄lōn̄ eļap,” men̄e rekar “eddodo kōn elōn̄ kapo ko.” Pita ekar kapilōk kōj n̄an keememej bwe “mālejjon̄ [ad] tōmak, … men̄e mālejjon̄ e kōn kijeek,” enaaj tōlļo̧k n̄an “aiboojoj im nōbar ilo waaktok an Jisōs Kraist” im n̄an “lo̧mo̧o̧ren [ad]” (1 Pita 1:6–7, 9 Tōmak eo an Pita emaron̄ kar lukkuun kaeņōm̧m̧an armej ro Rekwojarjar etto, āinwōt an lukkuun kōketak ro Rekwojarjar raan kein, ro me rej barāinwōt “bōk m̧ōttan en̄taan ko an Kraist; bwe, ilo kwaļo̧k An aibojooj [jen] barāinwōt lan̄lōn̄ kōn lan̄lōn̄ e kanooj ļap” (1 Pita 4:13).

Ļōmņak ko n̄an Ekkatak Jeje Ko Rekwojarjar Ippam̧ Make

1 Pita 1:3–9; 2:19–24; 3:14–17; 4:12–19

Imaron̄ lo m̧ōņōņō ilo iien mellijon̄ im en̄taan ko.

Tōre eo Kraist ekar debwāāl ekar jab lukkuun pidodo n̄an erom̧ juon riKūrijtin, im leta eo Pita jinointata ekar kile menin. Ilo jebta ko emen jinointata, kwonaaj loe naan ko im jentōj ko me rej kōmeļeļeik naan in apan̄: eddodo, kapo ko, burom̧ōj, mellijon̄ ko reļļap, im en̄taan ko (lale 1 Pita 1:6; 2:19; 4:12–13). Ak kwonaaj lo naan ko me kam̧ōņōņō—kwomaron̄ kōņaan kōm̧m̧ane juon laajrak in ta eo kwoj loe. N̄an waanjon̄ak, ilo am̧ riiti 1 Pita 1:3–9; 2:19–24; 3:14–17; im 4:12–19, ta eo ej lewaj n̄an eok kōjatdikdik me kwomaron̄ lo lan̄lōn̄ jekdo̧o̧n ilo jekjek ko reppen?

Kwomaron̄ bar riiti ennaan eo an Būreejtōn Russell M. Nelson “Lan̄lōn̄ im Mour ilo Jetōb” (Liaona, Nob. 2016, 81–84) im kappukot men ko rej āinwōt juon ikōtaan ta eo Pita ekar katakin im ta eo Būreejtōn Nelson ekar katakin. Ta eo kōn karōk in lo̧mo̧o̧r im gospel eo an Jisōs Kraist me ej lewaj n̄an eok lan̄lōn̄?

Bar lale Ricardo P. Giménez, “Lo Jikin Kone Jān Ļan̄ ko an Mour,” Liaona, Māe 2020, 101–3.

1 Pita 3:18–20; 4:1–6

Rej kwaļo̧k gospel eo an n̄an ro remej bwe ren maron̄ ekajet er ilo ejjeļo̧k kalijōkļo̧k.

Juon raan kajjojo armej renaaj jutak ilo iien ekajet eo im “kwaļo̧k kōn aer kōm̧m̧an n̄an Eo e epojak bwe En ekajet ro re mour im ro re mej” (1 Pita 4:5). Ewi wāween an Anij ekajet aolep armej ilo ejjeļo̧k kalijōkļo̧k n̄e iien ko rem̧m̧an er n̄an meļeļe im mour kōn gospel eo roktak? Kile wāween an katak eo me Pita ekar katakin ilo 1 Pita 3:18–20; 4:6 ej jipan̄ uwaake kajjitōk in. Ekōjkan an eoon kein kōkajoorļo̧k tōmak eo am̧ ilo jim̧we im ejjeļo̧k kalikjōkļo̧k an Anij?

N̄an etale eļapļo̧k kōn katak in, ekkatak jān Katak im Bujen Ko 138, juon revelesōn eo me Būreejtōn Joseph F. Smith ekar bōke ke kar kejokļo̧kjeņ kōn jeje kein an Pita. Ta m̧ool ko jet me Būreejtōn Smith ekar ekkatak kaki?

Bar lale Gospel Topics, “Baptisms for the Dead,” topics.ChurchofJesusChrist.org.

2 Pita 1:1–11

Kōn kajoor eo an Jisōs Kraist, imaron̄ ejaake kadkadū ekwojarjar.

Kwar ke baj en̄jaek ke erom̧ āinwōt Jisōs Kraist im ejaake m̧wil ko An eban tōprak? Elder Robert D. Hales offered this encouraging thought about how we can develop Christlike attributes: “Mwil ko an Rilo̧moo̧r … jet m̧wil ko reaorōk, im rej ippān doon, ko me rej ejaak ilo kōj elōn̄ ilo wāween ko. Ilo bar juon wāween, jejjab maron̄ bōk juon m̧wil an Kraist ilo ad jab barāinwōt bōki im im̧we ro jet. Ilo an juon m̧wil kajoorļo̧k, innem bar m̧wil ko jet rej kajoorļo̧k” (“Erom juon Rikaļoor an Irooj Jisōs Kraist,” Liaona, Māe 2017, 46).

Kajjojo kadkad ko rem̧m̧an āinwōt an Kraist jej ejaaki ej jipan̄ kōj āje mour ko ad āinwōt rikaļoor ro.

Ilo am̧ riiti 2 Pita 1:1–11, kejokļo̧kjeņ kōn m̧wil ko “kōn kadkadier rekwojarjar” me rej ellaajrak ilo eoon kein. Ilo en̄jake eo am̧, ewi wāween aer “interwoven,” āinwōt an Elder Hales kar kōmeļeļeiki? Ewi wāween aer kalōk doon? Ta ko jet kwoj ekkatak jān eoon kein kōn wāween ad maron̄ erom̧ āinwōt Kraist?

Kwomaron̄ bar kejokļo̧kjeņ kōn “kallim̧ur ko reļaptata im aorōk” Anij ej leļo̧k n̄an Armej ro An rekwojarjar—ekoba kwe (2 Pita 1:4). Ennaan eo an Elder David A. Bednar “Kallim̧ur ko Reļļaptata im Aorōk” (Liaona, Nob. 2017, 90–93) emaron̄ jipan̄ eok meļeļe ta kallim̧ur ko im wāween ad būki.

Ļōmņak ko n̄an Ekkatak Jeje ko Rekwojarjar an Baam̧le im Nokon in Jota

1 Pita 2:5–10.Ilo am̧ riiti eoon kein ippān baam̧le eo am̧, ļōmņak n̄an kōjerbal dōkā ko n̄an jipan̄ ro uwaan baam̧le eo pijaikiļo̧k katak ko an Pita ke Rilo̧mo̧o̧r ej ad “chief corner stone.” Ewi wāween ad āinwōt “ejm̧aan re mour” me Anij ej kōjerbale n̄an kalōk aelōn̄ in kiin̄ eo An? Ta eo jej ekkatak jān Pita kōn Rilo̧mo̧o̧r im ad eddo ilo aelōn̄ in kiin̄ eo An? Ta ennaan eo an Pita n̄an baam̧le eo am̧?

1 Pita 3:8–17.Ewi wāween ad maron̄ “pojak aolep iien n̄an bōk juon uwaak” n̄an ro me rej kajjitōkin kōj kōn tōmak eo ad? Baam̧le eo am̧ emaron̄ m̧ōņōņō in kōm̧m̧an arin ak tieta kōn jekjek ko me juon armej ej leļo̧k n̄an er juon kajjitōk kōn gospel eo.

1 Pita 3:18–20; 4:6.Ta eo baam̧le eo am̧ emaron̄ kōm̧m̧ane n̄an en̄jake aer epaake ro jibum̧ im jim̧aam̧? Bolen kwomaron̄ kam̧ōņōņōik raan in ļotak ko an ro jibum̧ im jim̧aam̧ ilo am̧ kōpooje m̧ōn̄ā ko enno tata ippāer, lale pija ko aer, ak kwaļo̧k bwebwenato in kar mour ko aer. Eļan̄n̄e ekkar, kwomaron̄ bar karōke n̄an bōk kain̄i ko n̄an ro jibum̧ im jim̧aam̧ ilo tampeļ (n̄an bōk jipan̄, loļo̧k FamilySearch.org).

2 Pita 1:16–21.Ilo eoon kein, Pita ekar kakeememej Armej ro Rekwojarjar kōn en̄jake eo an ilo Tōl e Utiej (bar lale Matu 17:1–9). Ta eo jej ekkatak jān eoon kein kōn katakin ko an rikanaan ro? (bar lale Katak im Bujen Ko 1:38). Ta eo ej letok n̄an kōj peran n̄an ļoor rikanaan eo ad emour rainin?

N̄an meļeļe ko reļļapļo̧k ikkijeen katakin ajri ro, lale unin tōl eo an wiik in ilo Itok, Ļoor Eō—N̄an Būraimere.

Al eo kar elmakote: “Family History—I Am Doing It,” Children’s Songbook, 94.

Kōkm̧anm̧anļo̧k Ad Katakin

“Pojak Aolep Iien.” Iien ko rem̧m̧an n̄an katakin me jab kōtmene ilo m̧ōko emaron̄ itok im m̧ōkaj an bar jako, eaorōk bwe kwon kawōr tokjeer n̄e rej itok. Ewi wāween am̧ kajjieon̄ “pojak aolep iien” n̄an katakin ro uwaan baam̧le eo am̧ m̧ool ko im kwaļo̧k “kōjatdikdik eo ej ilowami” (1 Pita 3:15) n̄e ej itok iien n̄an am̧ kwaļo̧k naan? (Lale Teaching in the Savior’s Way, 16.)

Men̄e Pita ekar jelm̧ae eļap matōrtōr im jum̧ae, ekar dim wōt ilo naan in kam̧ool eo an kōn Kraist.