jodikdik ro karreeoiki dipen m̧weo

Nobōm̧ba 13–19

Jemes

“‘A Koṃwin Ri Kōṃanṃan Naan eo, Im Jab Ri Ron̄jake Wōt”

Ilo am̧ riiti Leta eo an Jemes, lukkuun lale naan ko me rej jiktok ippam̧. Ewi wāween am̧ en̄jake jetōb n̄an erom̧ juon “ri kōm̧anm̧an” naan kein? (Jemes 1:22).

Je En̄jake ko Rej Im̧we Eok

Jet iien juon wōt eoon emaron̄ ukōt laļ in. Jemes 1:5 ilo ļōmņak emaron̄ pidodo naan in kapilōk in—eļan̄n̄e kwoj aikuj mālōtlōt, kajjitōk ippān Anij. Ak ke Josep Smith ekar 14 an iiō ekar riiti eoon ko, “āinwōt n̄e eaar deļo̧n̄ kōn eļap an̄in ilo aolep en̄jake ko an [buruōn]” (Josep Smith—Bwebwenato 1:12). Kōn menin ekar im̧we, Josep ekar ļoor naan in katak ko an Jemes im kappukot mālōtlōt ilo an jar. Im Anij ekar lukkuun leļo̧k, leļo̧k n̄an Josep juon iaan lotok ko an jān lan̄ im ekabwilōn̄lōn̄ ilo bwebwenato—Visōn eo M̧oktata. Ilo visōn in ekar ukōt mour eo an Josep im kar tōl n̄an Jepļaaktok eo an Kabun̄ eo an Jisōs Krasit ioon laļ in. Aolep kōj jejeraam̧m̧an rainin kōnke Josep ekar riit im mour kōn James 1:5.

Ta eo kwoj loe ilo am̧ ekkatak Leta eo an Jemes? Bolen juon eoon ak ruo enaaj ukōt eo ak juon eo ejitōnbōro ippam̧. Kwomaron̄ kappukot tōl ilo am̧ kappukot n̄an kakūrm̧ool mijen eo am̧ ilo mour in. Kwomaron̄ peran n̄an kōnono jouj ak n̄an jeļā kijenmej. Kwomaron̄ en̄jake jetōb n̄an kōm̧m̧ane jerbal ko am̧ me em̧m̧an aer m̧ōttanļo̧k tōmak eo am̧. Jabdewtōt men eo ej im̧we eok, kōtļo̧k bwe naan kein ren “bōke … n̄an aolep en̄jake ko an [būruōm̧].” Innām, n̄e kwoj “bōk ilo ineem̧m̧an … naan eo,” āinwōt an kar Jemes je, kom̧win ri kōm̧anm̧an naan eo, im jab ri ron̄jake wōt (lale Jemes 1:21–22).

pija ej bōk jikin ekkatak an juon make

Ļōmņak ko n̄an Ekkatak Jeje Ko Rekwojarjar Ippam̧ Make

Wōn eo kar Jemes?

Aolep rej tōmak bwe rijeje eo Leta eo an Jemes ekar juon ļaddik nejin Meri, jinen Jisōs Kraist, im kōn menin ej half bratōr eo an Rilo̧mo̧o̧r. Jemes ekar ba ilo Matu 13:55; Mark 6:3; Jerbal 12:17; 15:13; 21:18; im Galetia 1:19; 2:9. Ej waļo̧k jān jeje ko rekwojarjar bwe Jemes kar juon ritōl ilo Kabun̄ ilo Jerusalem im kar kūr e āinwōt juon Rijilōk (lale Galetia 1:19).

Jemes 1:2–4; 5:7–11

Niknik kijenmej ej tōl n̄an wānōk.

Ālkin riiti Jemes 1:2–4; 5:7–11, ta eo kwonaaj ba kōn lukkuun ennaan eo an Jemes kōn kijenmej? Emaron̄ jipan̄ n̄an kejokļo̧kjeņ ta eo baam̧le eo an Elder Jeremy R. Jaggi ekar ekkatak kōn kijenmej jān eoon kein (lale “Kōtļo̧k Bwe En Wāppen an Kijenmeje Jerbal eo, im Likūt E Menin Lan̄lōn̄!,” Liaona, Nob. 2020, 99–101). Ta “jerbal eo ewānōk” kōn kijenmej? (Jemes 1:4). Ewi wāween am̧ kwaļo̧k n̄an Irooj bwe kwoj kōņaan kijenmej?

Jemes 1:3–8, 21–25; 2:14–26; 4:17

Tōmak ej aikuj menin jerbal.

Ewi wāween am̧ jeļā eļan̄n̄e ewōr am̧ tōmak ilo Jisōs Kraist? Ewi wāween an jerbal ko am̧ kwaļo̧k tōmak eo am̧ ilo Anij? Ļōmņak kōn kajjitōk kein ilo am̧ ekkatak katak ko an Jemes kōn tōmak. Emaron̄ lukkun kaitoktok limo n̄an bar riit kōn Ebream im Rehab, ruo waanjon̄ak me Jemes ekar ba kake (lale Jenesis 22:1–12; Joshua 2). Ewi wāween aer kar kwaļo̧k ke ekar wōr aer tōmak ilo Anij?

Riiti Jemes 1:3–8, 21–25; 2:14–26; 4:17 emaron̄ jipan̄ eok ļōmņak kōn wāween ko me kwomaron̄ erom̧ juon eo me ej rikōm̧anm̧an naan eo. Je im̧we ko kwoj en̄jaki, im kōkaļļeiki ilo karōk ko n̄an kōm̧m̧ani.

Bar lale Alma 34:27–29; 3 Nipai 27:21.

Ebream ej jar ilo tulikin tent eo an

“Ebream ear tōmak Anij, im em̧ōj watōk e n̄an e āinwōt wānōk” (Jemes 2:23). Ebream ej pād ioon Plains of Mamre, jān Grant Romney Clawson

Jemes 1:26; 3:1–18

Naan ko Ij kōnono kaki ewōr aer kajoor n̄an kōmetak ak kōjeraam̧m̧an ro jet.

Ilubwiljin pija ko an rellōn̄ me ekar kōjerbal ilo leta aolepen leta ko an, jet iaan kajin ko rekajoor im alikkar rej pād ilo naan in kapilōk ko an kōn kajin. Ļōmņak in kōm̧m̧an juon laajrak in aolep wāween ko me Jemes ekar kōmeļeļeiki kōn loon im lo̧n̄iin. Ta eo kajjojo men ko jej keidi n̄an e ak pija ko rej elmakot kōn naan ko jej kōnono kaki? Ļōmņak kōn juon men eo kwomaron̄ kōm̧m̧ane n̄an kōjeraam̧m̧an juon eo kōn naan ko an (lale Katak im Bujen Ko 108:7).

Jemes 2:1–9

Āinwōt juon rikaļoor an Jisōs Kraist, ij aikuj iakwe aolep armej, jekdo̧o̧n ta jekjek ko aer.

Jemes ekar kakkōļ Armej ro Rekwojarjar eļaptata ņae karōk m̧weie im kajejtokjen rijeram̧ōl, ak kakkōļ in remaron̄ iookļo̧k jabdewōt kalijōkļo̧k ko ak bōk wōt ran me jemaron̄ kōm̧m̧ani n̄an ro jet. Ilo am̧ jar im ekkatak jān James 2:1–9, pukote ilo buruōm̧ im ron̄jake unoojdikdik eo an Jetōb Kwojarjar. Emaron̄ lukkuun jipan̄ n̄an bōk jikin naan kein, āinwōt “juon ri jeram̧ōl, im nuknuk ko an re bwiltoonon” (eoon 2), kōn naan ko jet ak jentōj ko me rej kōmeļeļeik juon eo me emaron̄ po n̄an ekajet ilo kalijōkļo̧k. Kwoj ke en̄jake jabdewōt oktak ko kwoj aikuji n̄an kōm̧m̧ane ilo wāween am̧ kōm̧m̧an ak ļōmņak kōn ro jet?

pija eo ej bōk jikin ekkatak an baam̧le

Ļōmņak ko n̄an Ekkatak Jeje ko Rekwojarjar im Nokon in Jota an Baam̧le

Jemes 1:5Ālkin riiti Jemes 1:5, baam̧le eo am̧ remaron̄ kōkaduiki bwebwenato in Visōn eo M̧oktata (lale Josep Smith—Bwebwenato 1:8–20) ak alooje bitio eo “Ask of God: Joseph Smith’s First Vision” (ChurchofJesusChrist.org). Karuwaineneik ro uwaan baam̧le eo n̄an kwaļo̧k naan in kam̧ool ko aer kōn Rikanaan Josep Smith im en̄jake ko an ke Jemedwōj Ilan̄ ekar uwaake jar ko ad.

Jemes 1:26–27.Ļōmņak in alooje bitio in “True Christianity” (ChurchofJesusChrist.org). Innem ta meļeļe eo an Jemes kōn “kabun̄ erreo” ilo Jemes 1:26–27, im kōnono kōn wāween an baam̧le eo am̧ kōm̧m̧an bwe iminene ak tōmak eo am̧ ilo kabun̄ en ļapļo̧k an erreo.

Jemes 3.Jemes 3 ekoba elōn̄ pija ko me rej im̧we katak ko me rej kōjerbal m̧ōttan ko n̄an jipan̄ kakeememej n̄an jipan̄ baam̧le eo am̧ kōnono ilo jouj. N̄an waanjon̄ak, kom̧ maron̄ kōjo̧e juon kijeek im kōnono kōn wāween an juon naan jidikdik im elej emaron̄ ejaake juon būrabōļōm ekilep (lale eoon ko 5–6). Ak kwomaron̄ leļo̧k juon men ekōmōn̄ ilo juon men eo me ekkā an jerbal n̄an m̧ōn̄ā ko retōn̄al—āinwōt lemon juice ilo juon jar in honey. Menin emaron̄ tōl n̄an juon kōnono kōn kōjerbal naan ko re jouj im re kōketak (lale eoon ko 9–14).

Jemes 4:5–8.Etke jej aikuj “ruwaakļo̧k n̄an Anij” (Jemes 4:8) n̄e jej jelm̧ae kapo ko?

Jemes 5:14–16.Būreejtōn Dallin H. Oaks ekar katakin bwe “o jinen im jemen eaikuj ļapļo̧k aer kajjitōk kōn kōjeraam̧m̧an ko an priesthood ilo baam̧le eo” (“Kajoor ko an Priesthood,” Liaona, Māe 2018, 67). Bolen riiti Jemes 5:14–16 im kwaļo̧k en̄jake ko kōn bōk juon kōjeraam̧m̧an an priesthood emaron̄ kōketak ro uwaan baam̧le eo n̄an kajjitōk kōn juon kōjeraam̧m̧an n̄e rej nan̄inmej ak aikuj kajoor ilo mour in jetōb.

N̄an meļeļe ko reļļapļo̧k ikkijeen katakin ajri ro, lale unin tōl eo an wiik in ilo Itok, Ļoor Eō—N̄an Būraimere.

Al eo kar elmakote: “Have I Done Any Good?,” Hymns, no. 223.

Kōkm̧anm̧anļo̧k Am̧ Ekkatak Ippam̧ Make

Jerbale Ta eo kwoj ekkatak. Ilo am̧ ekkatak, ron̄jake unoojdikdik eo jān Jetōb kōn wāween am̧ maro mour kōn ta eo kwoj ekkatak ilo mour eo am̧. Wūjlepļo̧k n̄an ļoore unoojdikdik ko im en ļapļo̧k aer mour kōn gospel eo. (Lale Teaching in the Savior’s Way, 35.)

Josep Smith ej riiti Baibōļ

Katak eo an Jemes n̄an “kajjitōk ippān Anij” (Jemes 1:5) ekar im̧we Josep Smith n̄an kappukot mālōtlōt jān Anij. Pija jān Christina Smith.