Kraist ej jutak ippān juon jiron̄

Balm of Gilead, jān Annie Henrie

Oktoba 30–Nobōm̧ba 5

Ri Hibru 1-6

Jisōs Kraist, “Ej Ri Lo̧mo̧o̧r Indeeo”

Rekoote im̧we ko an jetōb enaaj jipan̄ eok kile ta eo Jetōb Kwojarjar ekōņaan katakin eok. Kōm̧m̧an ekkar n̄an im̧we ko am̧ ej kwaļo̧k tōmak eo am̧ ke im̧we ko rem̧ool.

Je En̄jake ko Rej Im̧we Eok

Kajjojo iaad jej aikuj kaarmejet juon men bwe jen maron̄ bōk gospel eo an Jisōs Kraist—iminene ko renana, tōmak ko rebōd, iaiio ko rejjab em̧m̧an, ak bar jet men. Em̧ool, ilo raan ko jinoin an Kabun̄ in, oktak tok ekkā an meļeļein kōjooļ anij ko rebōd. N̄an riHibru ro (ak riJu ro), oktak tok ekar kam̧ool bwe, eļan̄n̄e ejjab lukkuun pen, epen ļo̧k jidik. Ālkin aolep men, tōmak ko aer im iminene ko aer raorōki rekar dāpdep wōt ilo kabun̄ jar ko aer n̄an Anij eo em̧ool im katak ko an rikanaan ro An, bōk likļo̧k taujin iiō ko. Aeet Rijilōk ro rekar katakin bwe kien Moses ekar kūrm̧ool ilo Jisōs Kraist im bwe juon kien eļap ekar kiiō erom̧ jon̄an an ro ritōmak. Erom̧ rikūrijin enaaj ke meļeļein bwe ri Hibru rej aikuj ebweer jān tōmak im bwebwenato ko aer etto? Leta eo an Hibru n̄an kappukot jipan̄ n̄an uwaak kain kajjitōk ko ilo aer katakin bwe kien Moses, rikanaan ro, im kain̄i ko rej aolep aorōk, ak Jisōs Kraist eļaptata (lale Hibru 1:1–4; 3:1–6; 7:23–28). Ilo m̧ool, aolep men kein rej jitōn̄ļo̧k im kam̧ool bwe Kraist āinwōt Nejin Anij im Messaia eo kar kallim̧ur kake me eto an ri Ju ro kōttare.

Oktak, ilo raan ko etto im rainin, ej meļeļein kōm̧m̧an bwe Jisōs Kraist ej jentōr eo an ad kabun̄ jar im mour ko ad. Ej meļeļein dāpdep wōt ilo m̧ool im kōtļo̧k men ko me rej kōm̧ad kōj jān E, bwe E ej “Ri Lo̧mo̧o̧r indeeo n̄an ro otemjej rej pokake E” (Hibru 5:9).

pija ej bōk jikin ekkatak an juon make

Ļōmņak ko n̄an Ekkatak Jeje Ko Rekwojarjar Ippam̧ Make

Wōn eo ekar je Leta eo n̄an ri Hibru ro?

Jet rimāletlet rekar kajjitōk n̄e Paul ekar je Leta eo n̄an ri Hibru ro. Wāween jeje im riit an riHibru ro āinwōt eoktak jān leta ko jet an Paul, im kape in jeje ko etto rekar jab je etan rijeje eo. Ijoke, kōnke ļōmņak ko rekar kwaļo̧k ilo Hibru rejejjet n̄an katak ko jet an Paul, Armej ro Rekwojarjar ilo Raan ko Āliktata, me rej m̧ōttan ļo̧k iminene ko an ri Kūrijtin ro, em̧ōj būki bwe Paul ekar bōk koņaan ilo leta in.volved in writing this epistle.

Bar lale Bible Dictionary, “Pauline Epistles.”

Hibru 1–5

Jisōs Kraist ej “jatōltōl an aiboojoj” nejin Jemedwōj Ilan̄.

Elōn̄ ri Ju ro rekar lo bwe epen n̄an tōmak bwe Jisōs Kraist ej Nejin Anij. Kile wāween an Leta eo n̄an Hibru kam̧ool kōn E. N̄an waanjon̄ak, ilo am̧ riiti jebta ko ļalem jinointata, kwomaron̄ kōm̧m̧an juon laajrak in taitōļ eo an Jisōs Kraist, eddo ko, m̧wil ko, im jerbal ko me rej waļo̧k. Ta eo eoon kein rej katakin eok kōn Rilo̧mo̧o̧r? Ta eo rej katakin eok kōn Jemedwōj Ilan̄?

Ta eo enaan in jān Elder Jeffrey R. Holland kobaikļo̧k n̄an meļeļe eo an kōn katak ko ilo jebta kein? “Jisōs … ekar itok im kōkm̧anm̧anļo̧k kōļmenļo̧kjen an armej kōn Anij im akweļap ippāer n̄an iakwe Jemeir Ilan̄ āinwōt An aolep iien im enaaj aolep iien iakwe er. … Kōnke menin naajdik ro rej kwole, kōmour ro rinan̄inmej, jab errā ippān ri m̧oņ, akweļap kōn tōmak—en̄in Kraist ilo an kwaļo̧k n̄an kōj iaļ eo an Jemān” (“The Grandeur of God,” Liaona, Nob. 2003, 72).

Hibru 2:9–18; 4:12–16; 5:7–8

Jisōs Kraist ekar en̄taan kōn aolep men ko bwe E en maron̄ meļeļe im jipan̄ eō n̄e ij en̄taan.

Kwoj ke en̄jake ke kwomaron̄ “peran im kepaak n̄an tūroon in jouj” im kappukot tūriam̧o? (Hibru 4:16). Juon ennaan ilo Leta eo n̄an ri Hibru ej bwe jekdo̧o̧n jerawiwi ko im m̧ōjņo ko, epidodo tōpar Anij im kwomaron̄ bōk An jouj. Ta eo kwoj loe ilo Hibru 2:9–18; 4:12–16; 5:7–8 me ej kōkajoor lōke eo am̧ ke Jisōs Kraist enaaj jipan̄ eok kōn apan̄ ko am̧ ilo mour in? Ļōmņak in rekoote ilo juon jōōņōļ ļōmņak im en̄jake ko am̧ kōn ta eo Rilo̧mo̧o̧r ekar kōm̧m̧ane n̄an kwe.

Bar lale Mosaia 3:7–11; Alma 7:11–13; 34; Matu S. Holland, “Menin Letok eo Eaiboojoj an Nejin,” Liaona, Nob. 2020, 45–47.

Hibru 3:7–4:11

Kōjeram̧m̧an ko an Anij repojak n̄an ro rej “jab kapen [būruōer].”

Ilo am̧ bar kwaļo̧k bwebwenato in ri Israel ro etto, Paul ekar kōjatdikdik n̄an kipel ri Ju ro n̄an jab kōm̧m̧ani bōk ko me ro jibūd im jim̧m̧aad rekar kōm̧m̧ani—makoko in bōk kōjeram̧m̧an ko an Anij kōn jab tōmak ko aer. (Kwomaron̄ riiti bwebwenato eo an Paul ilo Bōnbōn 14:1–12, 26–35.)

Ļōmņak kōn wāween an Hibru 3:7–4:11 emaron̄ iookļo̧k eok. N̄an kōm̧m̧an menin, kwomaron̄ kejokļo̧kjeņ kōn kajjitōk kein:

• Ewi wāween ri Israel kalluik Irooj? (lale Hibru 3:8–11). Ta ko rej waļo̧k jān pen bōro?

• N̄aat eo ikar kōtļo̧k bwe buruō en pen? Elōn̄ ke kōjeram̧m̧an ko Anij ej kōņaan bwe en letok me ijjab bōke kōn wōt aō likjab in tōmak?

• Ta eo kwomaron̄ ejaake juon bōro ettā im em̧m̧an? (lale Ether 4:15; Jabōn Kōnnaan Ko 3:5–6; Alma 5:14–15).

Bar lale 1 Nipai 2:16; 15:6–11; Jekab 1:7–8; Alma 12:33–36; Neill F. Marriott, “Kwaļo̧k Būruwōd n̄an Anij,” Liaona, Nob. 2015, 30–32.

pija eo ej bōk jikin ekkatak an baam̧le

Ļōmņak ko n̄an Ekkatak Jeje ko Rekwojarjar an Nokon in Jota an Baam̧le

Hibru 1:8–9.Ilo wāween ta Jisōs ekar kwaļo̧k ke E ej iakwe aolep ro rem̧m̧an im ej kōjdāt kalikjōkļo̧k? Eļan̄n̄e ewōr ad ikdelel enana, ta eo jemaron̄ kōm̧m̧ane n̄an ukōti?

Hibru 2:1–4.Kwomaron̄ ļōmņak kōn object lesson ko n̄an jipan̄ baam̧le eo meļeļe ta meļeļein n̄an dim wōt ilo m̧ool ko an gospel eo “eo me jekar ron̄”? Kwomaron̄ kwaļo̧k menin kōn juon men me epen n̄an dāpij. Ewi wāween an kijejeto ko ad dāpij naan in kam̧ool ko āinwōt bauri im dāpij object in? Ewi wāween ad lukkuun lale bwe “men kein jaar ron̄jaki” jab “eļļāļo̧k” jān kōj? (eoon 1).

Hibru 2:9–10.N̄an kappukot naan ko “Ri tōl in lo̧mo̧o̧r eo aer,” kwomaron̄ jino ilo am̧ kōmeļeļeiki ta eo juon kapen ej kōm̧m̧ane. Ta meļeļe lo̧mo̧o̧r? Ewi wāween an Jisōs Kraist āinwōt juon kapen n̄an kōj im ad lo̧mo̧o̧r?

Hibru 5:1–5.Eoon kein remaron̄ jipan̄ eok bwe en wōr juon kōnono kōn ta meļeļein n̄an kūr jān Anij jān juon eo ewōr an mālim. Ta eo jemaron̄ ekkatak jān waanjon̄ak eo an Jisōs Kraist kōn bōk im kakūrm̧ool kūr ko an?

Moses ej kapit Aaron

“Im ejjeļo̧k armej ej bōk jerbal in em̧m̧an n̄an e, eļan̄n̄e Anij e jab kūr e, āinwōt Aron” (Hibru 5:4). Moses Ej Kūr Aron n̄an Jerbal in Kwaļo̧k Naan, jān Harry Anderson

N̄an ļōmņak ko reļļapļo̧k ikkijeen katakin ajri ro, lale unin tōl eo an wiik in ilo Itok, Ļoor Eō—N̄an Būraimere.

Al eo kar elmakote: “I Need Thee Every Hour,” Hymns, no. 98.

Kōkm̧anm̧anļo̧k Am̧ Make Ekkatak

Kajjieon̄ wāween kepaakļo̧k ko rokkotaktak. Ijjeļo̧kin ekkatak aolep iien jān jeje ko rekwojarjar ilo ejja wāween eo wōt, ļōmņake ļōmņak in ekkatak ko rokkotaktak. N̄an ļōmņak ko jet, lale “Ideas to Improve Your Personal Scripture Study” ilo jinoin bōk in.

Jisōs Kraist

Meram eo an Laļ, jān Walter Rane