Melchizedek ej leļo̧k juon kōjeram̧m̧an n̄an Ebream

Melkizedek ej Kōjeraam̧m̧an Ebream, jān Walter Rane Mennin Letok eo an jin̄a

Nobōm̧ba 6–12

Hibru 7–13

“Pris Eļap n̄an Men ko Rem̧m̧an Renaaj Itok”

Ilo am̧ riiti Hibru 7–13, kwomaron̄ bōk im̧we ko jān Jetōb Kwojarjar. Ļōmņak kōn wāween ko kwomaron̄ rekooti; n̄an waanjon̄ak, kwomaron̄ rekooti ilo laajrak in, ilo margin ko ilo jeje ko rekwojarjar, ak ilo juon nootbok ak jōōņōļ.

Je En̄jake ko Rej Im̧we Eok

Emaron̄ bar Armej ro Rekwojarjar me retiljek ilo jet iien rej en̄taan kōn “kajjirere im kakūtōtōik” me emaron̄ kabweer lōke ko aer (lale Hibru 10:32–38). Paul ekar jeļā bwe riJu ro me rekar oktak n̄an rikūrijtin rekar en̄jake elōn̄ jum̧ae ko kōn tōmak eo aer ekāāl. N̄an kapilōk er n̄an m̧ool wōt n̄an naan in kam̧ool ko aer, ekar kakeememej er kōn juon iminene ak manit an elōn̄ ritōmak ro jān bwebwenato ko aer make: Abel, Enoch, Noa, Ebream, Sara, Josep, Moses—“juon kōdo̧ in rikam̧ool ro” bwe kallim̧ur ko an Anij rem̧ool im eļap tokjeer n̄an ad kōttari (lale Hibru 11; 12:1). Menin ej manit ak iminene eo am̧ barāinwōt. Ej juon jolet an tōmak kar jān aolep ro rekar reiļo̧k “n̄an Jisōs [āinwōt] Ri tōl im Ri koweeppān tōmak eo ad” (Hibru 12:2). Kōn E, jabdewōt iien apan̄ ej kōm̧m̧an bwe jen kōņaan “jenliklik,” ijjeļo̧kin jemaron̄ “ruwaakļo̧k, im en m̧ool būrūōd, im tōmak eo ad en pen wōt” (Hibru 10:22, 38). N̄an kōj, āinwōt n̄an Armej ro Rekwojarjar etto, Jisōs Kraist ej ad “pris eļap n̄an men ko rem̧m̧an renaaj itok” (Hibru 9:11).

pija ej bōk jikin ekkatak an juon make

Ļōmņak ko n̄an Ekkatak Jeje Ko Rekwojarjar Ippam̧ Make

Hibru 7

Melchizedek Priesthood ej jitōn̄ eō n̄an Jisōs Kraist.

Ilo bukwi iiō ko, riJu ro rekar kōjerbal Levitical Priesthood, eo me et eo juon etan ej Priesthood eo an Aron. Ak kōn tarlep in gospel eo an Jisōs Kraist ekar itok jepļaaktok eo kōn Melkesidek Priesthood eo eutiej, eo me ej letok eļapļo̧k kōjeram̧m̧an ko. Ta eo jej ekkatak kōn Melkizedek Priesthood eo jān Hibru 7? Likūt ilo ļōmņak bwe kōttōpar ko an leta in—āinwōt jeje ko jet rekwojarjar—ej n̄an kalōk tōmak ilo Jisōs Kraist, kwomaron̄ je eoon ko me rej kam̧ool kake E.

Erkein rej jet waanjon̄ak ko kōn m̧ool ko jet kwomaron̄ loi:

• Ukok eo an Josep Smith, Hibru 7:3, 21: Ro me rekar ekkapit n̄an Melkesidek Priesthood “em̧ōj likūt āinwōt Nejin Anij” im rej “[pris] iien otemjej.”

• Hibru 7:11: Levitical Priesthood ejjab leļo̧k “weppān” im kōn menin kar bōk jikin kōn Melkesidek (lale Katak im Bujen Ko 84:18–22).

• Hibru 7:20–21: Melkesidek Priesthood jej bōk jān juon “kanejnej im bujen” (lale Katak im Bujen Ko 84:33–44).

Ta kōjeraam̧m̧an ko me kwar bōki jān Melkesidek Priesthood im “kain̄i ko ie”? (Katak im Bujen Ko 84:20). Ewi wāween an Melkesidek Priesthood eo kar jipan̄ eok n̄an itok n̄an Kraist?

Bar lale Alma 13:1–13; Katak im Bujen Ko 121:36–46; Gospel Topics, “Melchizedek Priesthood,” topics.ChurchofJesusChrist.org; Unin Tōl eo n̄an Jeje Ko Rekwojarjar, “Melchizedek,” scriptures.ChurchofJesusChrist.org; Russell M. Nelson, “Spiritual Treasures,” Liaona, Nob. 2019, 76–79; Dallin H. Oaks, “The Melchizedek Priesthood and the Keys,” Liaona, Māe 2020, 69–72.

Hibru 9; 10:1–22

Kain̄i ko etto im raan kein rej jitōn̄ļo̧k Jisōs Kraist.

Ririit ro jinoin tata an bok in Hibru kōn leta eo jenaaj kar lukkuun jeļā kōn m̧ōn kōppād ko etto im kain̄i ko me Paul ekar kōmeļeļeiki. Ak jet rekar jab lukkuun kile bwe kōttōpar kein an kain̄i kein rej n̄an kwaļo̧k kōn katok in pinmuur eo an Jisōs Kraist.

Ilo tōre ko ilo baibōļ, ilo juon iien kakkijen ilowaan juon iiō rej ņa etan Raan in Pinmuur, juon pris eutiej ej deļon̄e juon jikin ekwojarjar(ak Ekwojarjar Otem Ekwojarjar) ilo Jerusalem tampeļ im katok kōn juon goat ak lamb n̄an pinmuur kōn jerawiwiw ko an Israel.

Ilo am̧ riiti kōmeļeļe ko an Paul kōn kain̄i ko, kappukot kōkaļļe ko im katak ko me rej jipan̄ eok kōkm̧anm̧anļo̧k am̧ meļeļe kōn mijen in pinmuur eo an Rilo̧mo̧o̧r.

Kain̄i ko jej bōk koņadd ilo rainin roktak jān ko ilo tōre ko an Paul, ak kōttōpar ko aer rej juon wōt. Ewi wāween an kain̄i ko rainin kam̧ool n̄an eok kōn Jisōs Kraist?

N̄an ekkatak eļapļo̧k kōn iien ko raorōk an riJu ro etto im kōkaļļe ko aer, lale bitio ko “The Tabernacle” and “Sacrifice and Sacrament” (ChurchofJesusChrist.org).

Hibru 11

Tōmak emenin aikuj lōke ilo kallim̧ur ko an Anij.

Eļan̄n̄e juon armej ej kajjitōkin eok n̄an kōmeļeļeik naan in tōmak, ta eo kwon kar ba? Sister Anne C. Pingree ekar kōjerbal ejja naan ko wōt jān Hibru 11 n̄an leļo̧k meļeļein tōmak: “Maron̄ eo ilo jetōb n̄an kipel kōn kallim̧ur ko me jej ‘loe jān ettoļo̧k’ ak me remaron̄ jab pād ilo mour in” (“Seeing the Promises Afar Off,” Liaona, Nob. 2003, 14).

Ļōmņak n̄an ejaake make meļeļe eo am̧ kōn meļeļein tōmak ilo am̧ kejokļo̧kjeņ kōn ļōmņak ko ilo Hibru 11. Ta waanjon̄ak ko in armej ro me kar ba etaer ilo jebta in ej katakin eok kōn tōmak? (Bar lale Ether 12:6–22.)

Ta kallim̧ur ko kwoj loi “afar off”? Ewi wāween am̧ kwaļo̧k n̄an Irooj bwe kwoj “persuaded of them, and [have] embraced them”? (Hibru 11:13).

Bar lale Alma 32:21, 26–43; Jeffrey R. Holland, “An High Priest of Good Things to Come,” Ensign, Nob. 1999, 36–38; Gospel Topics, “Faith in Jesus Christ,” topics.ChurchofJesusChrist.org.

pija eo ej bōk jikin ekkatak an baam̧le

Ļōmņak ko n̄an Ekkatak Jeje ko Rekwojarjar an Baam̧le im Nokon in Jota

Hibru 10:32–36.Kwomaron̄ karuwaineneik ro uwaan baam̧le eo n̄an jeere en̄jake ko ilo jetōb ke rekar en̄jake “illuminated” with truth. Ewi wāween an en̄jake kein jipan̄ kōj “cast not away therefore [our] confidence” ilo iien mellijon̄ ko ak ebbweer?

Hibru 11.Ewi wāween am̧ jipan̄ ro uwaan baam̧le eo am̧ ekkatak jān waanjon̄ak ko retiljek me rekar kwaļo̧k ilo Hibru 11? Emaron̄ lim n̄an kōm̧m̧an arin bwebwenato jet iaan waanjon̄ak ko. Kwomaron̄ etale jet iaan bwebwenato kein ilo Old Testament Stories. Ak bolen baam̧le eo am̧ remaron̄ kōnono kōn waanjon̄ak ko an armej ro retiljek me kom jeļā kake er—ekoba ri etto ro, ritōl ro an Kabun̄ in, im membōr ro ilo jukjuk in pād eo am̧. Kwomaron̄ al juon al kōn tōmak, āinwōt “Faith” (Children’s Songbook, 96).

Hibru 12:2.Ekkar n̄an eoon in, etke Jisōs ekar kōņaan kijenmej im anjo̧ ioon metak im en̄taan ko an ioon debwāāl eo? Ta eo menin ej katakin kōj kōn wāween ad kijenmej im anjo̧ ilo mellijon̄ ko ad? Būreejtōn Russell M. Nelson ekar kwaļo̧k ļōmņak ko rekajoor kōn eoon in ilo ennaan in “Lan̄lōn̄ im Mour ilo Jetōb” (Liaona, Nob. 2016, 81–84).

Hibru 12:5–11.Etke Irooj ej kauwe im kajim̧we kōj? Ta eo jej kile ilo eoon kein kōn wāween an Irooj ļōmņak kōn kauwe? Elmen an eoon kein jelet wāween ad leļo̧k ak bōk kauwe?

N̄an meļeļe ko reļļapļo̧k ikkijeen katakin ajri ro, lale unin tōl eo an wiik in ilo Itok, Ļoor Eō—N̄an Būraimere.

Al eo kar elmakote: “Faith,” Children’s Songbook, 96.

Kōkm̧anm̧anļo̧k Ad Katakin

Kōjerbal al ko n̄an karuwaineneik Jetōb im ekkatak katak ko. Būreejtōnji eo Kein Kajuon ekar ba, “Al ejjeļo̧k jem̧ļo̧kin an kajoor n̄an kōm̧akūt kōj n̄an jetōb ekajoor” (“First Presidency Preface,” Hymns, x). Bolen juon al kōn tōmak, āinwōt “True to the Faith” (Hymns, no. 254), enaaj jipan̄ kōkajoorļo̧k juon kōnono in kōmeļeļe an baam̧le jān Hibru 11.

jekjek in Jerusalem eo etto

Kōkaļļe ko im kain̄i ko an tampeļ ko etto rekar katakin kōn eddo eo an Jisōs Kraist.