jilu kōrā rej etetal ilo nabōj in tampeļ eo

Oktoba 23–29

1 im 2 Timote; Taitōs; Pailimōn

“Kwōn Juon Jon̄ak n̄an ro rej Tōmak”

Jet iien elukkuun jipan̄ n̄an kōm̧m̧ani ekkatak ko am̧ jān jeje ko rekwojarjar kōn juon ak elōn̄ļo̧k kajjitōk ko ilo kōļmenļo̧kjeņ. Karuwainene Jetōb n̄an tōl eok n̄an uwaake ko ilo am̧ ekkatak, im rekoote jabdewōt im̧we ko kwoj en̄jaki.

Je En̄jake ko Rej Im̧we Eok

Ilo leta ko an Paul me ekar je n̄an Timote, Taitōs, Pailimōn, jej lo jidikin ilo bōro kōn juon rikarejaran Irooj. Ejjab āinwōt leta ko jet an Paul n̄an jarlepju eo, men kein kar jeje n̄an kajjojo armej—ro m̧ōttan Paul repaak tata im ro rej iiaio ippāer ilo jerbal eo an Anij—im riiti ej āinwōt n̄e rej ron̄jake an juon oktak tok. Jej lo an Paul kapilōk Timote im Taitōs, ruo ritōl ro ilo jarlepju in ri jar ro, ilo iien kabun̄ jar ko. Jej lo an kōm̧m̧an n̄an ro m̧ōtta Pailimōn n̄an kajim̧we aolep men ippān juon m̧ōttan rikwojarjar im kōm̧m̧an n̄an e āinwōt juon brother ilo gospel in. Naan ko an Paul rekar jab kajju n̄an kōj, im emaron̄ kar jab kōtmene bwe elōn̄ armej renaaj juon raan riiti naan kein. Aeet ej lo ilo leta kein kapilōk im naan in kapilōk ko n̄an kōj, ak jabdewōt iien kwaļo̧k ko ad make ilo jerbal in an Kraist.

pija ej bōk jikin ekkatak an juon make

Ļōmņak ko n̄an Ekkatak Jeje Ko Rekwojarjar Ippam̧ Make

Wōn ro kar Timote im Taitōs?

Timote im Taitōs rekar jerbal ippān Paul ilo jet iaan mijen ko an. Ilo iien jerbal ko aer, Paul ekar kautiej im lōke er. Kar tokālik kūr āinwōt juon ritōl an Kabun̄ in ilo Epesōs, im kar kūr Taitōs āinwōt juon ritōl ilo Crete. Ilo leta kein, Paul ekar leļo̧k n̄an Timote im Taitōs kōmeļeļe im naan in kapilōk ikkijeen eddo ko aer, eo me ekoba kwaļo̧k gospel eo im kūr em̧m̧an ro n̄an jerbal āinwōt bisop ro.

Bar lale Bible Dictionary, “Pauline Epistles,” “Timothy,” “Titus.”

ruo mijenede rej kōnono n̄an juon em̧m̧aan

“Ejjeļo̧k armej en kajeko̧o̧n eok kōn am̧ likao, a kwōn juon jon̄ak n̄an ro rej tōmak” (1 Timote 4:12).

1 Timote 4:10–16

“Kwōn juon Jon̄ak n̄an ro rej Tōmak.”

Timote ekar dik wōt, ak Paul ekar jeļā ke enaaj juon ritōl an Kabun̄ jekdo̧o̧n an dik wōt. Ta kapilōk eo Paul ekar leļo̧k n̄an Timote ilo 1 Timote 4:10–16? Ewi wāween an kapilōk in jipan̄ eok tōl ro jet n̄an Rilo̧mo̧o̧r im gospel eo An?

Bar lale Alma 17:11.

2 Timote

“Bwe Anij ear jab letok n̄an kōj jetōb in lōln̄o̧n̄; a jetōb in kajoor im yokwe im kajim̧we.”

2 Timote kar tōmak bwe leta eo aliktata Paul ekar je, im āinwōt ekar jeļā iien ko an ilo laļ in rekadu (lale 2 Timote 4:6–8). Ewi wāween an Timote kar en̄jake, jeļā bwe e ejjab to enej make ilo an ejjeļo̧k rijipan̄ im ritōl ro ej lōke e? Ta eo Paul ej ba n̄an kōketak e? Kwomaron̄ bar riiti kōn apan̄ ko am̧ make im mijak ilo kōļmenļo̧kjeņ. Ta ennaan in kōjatdikdik kab lōn̄aj ko me Irooj ej letok n̄an kōj ilo 2 Timote?

Bar lale Kelly R. Johnson, “Enduring Power,” Liaona, Nob. 2020, 112–14.

2 Timote 3

Mour kōn gospel eo ej letok jokane jān kauwōtata ko ilo mour in jetōb ilo raan ko āliktata.

Jej mour ilo “raan ko āliktata” me Paul ekar kōnono kake, im “iien ko renana” em̧ōj aer kūrm̧ool (2 Timote 3:1). Ilo am̧ riiti 2 Timote 3, je kauwōtata ko ilo raan ko āliktata me rej kwaļo̧k ilo (bar lale 1 Timote 4:1–3):

Kwomaron̄ ke ļōmņak kōn waanjon̄ak ko kōn kauwōtata ko ilo laļ in epeļaakūm̧—ak ilo mour eo am̧ make? Ewi wāween an kauwōtata kein, āinwōt armej ro rej kōmeļeļeiki ilo eoon 6, “deļon̄ ilo [m̧weo m̧ōm̧], im m̧ōm̧ ko [am̧] rej tōl ļo̧k er”? Ta kapilōk eo kwoj loe ilo 2 Timote 3, im aolep jikin ilo leta kein, me emaron̄ dāpij eok im baam̧le eo am̧ ilo jokne jān kauwōtata ko an mour in jetōb? (lale, n̄an waanjon̄ak, 1 Timote 1:3–11; 2 Timote 2:15–16; Titus 2:1–8).

Wōn eo kar Pailimōn?

Pailimōn ekar juon ri Kūrijtin eo ekar oktak tok n̄an gospel in kōn Paul. Pailimōn ekar wōr ettaan rej kejerpale ilo an rikamakoko im āt eo ej Oneismōs, eo me ekar ko n̄an Rom. Ijen Onesimōs ekar ioon Paul im kar oktak tok n̄an gospel in. Paul ekar bar jilkinļo̧k Onesimōs n̄an Pailimōn kōn juon leta n̄an rōjan̄ Pailimōn n̄an wōnm̧aeiki Onesimōs “ejjab kiiō āinwōt juon rikam̧akoko, a e utiej jān ri kam̧akoko, juon jated jitōnbōro” (Pailimōn 1:16).

Pailimōn

Rikaļoor ro an Jisōs Kraist rej kōm̧m̧an n̄an doon āinwōt jeimjen jeim jati.

Ilo am̧ riiti leta eo an Paul n̄an Pailimōn, kejokļo̧kjeņ kōn wāween am̧ maron̄ mour kōn kapilōk eo n̄an jem̧jerā eo ippān ro jet. Ijin ilaļ rej jet iaan kajjitōk ko me kwomaron̄ ļōmņaki:

• Eoon ko 1–7: Ta eo naan ko āinwōt “ri jerbal ippem” im “ri tariņae ippem” rej elmakote n̄an eok kōn jem̧jerā eo ilubwiljin Armej ro Rekwojarjar? N̄aat eo kar en̄jake “aem̧ōļoļo buruōn” juon bratōr ak sister ilo Kraist?

• Eoon ko 8–16: Ta meļeļein n̄an “jiron̄” im “akweļap”? Etke Paul ekar kālet n̄an akweļap Pailimōn ijjeļo̧kin an ekairiiri e? Ta eo Paul ekar kōjatdikdik kake enaaj dedeļo̧k ilo an bar jilkinļo̧k Onesimōs n̄an Pailimōn?

• Eoon 16: Ta meļeļein n̄an erom̧ “a brother [or sister] beloved … in the Lord”? Kojeļā ke kōn juon eo kwoj aikuji ilo n̄an wōnm̧aeiki ilo wāween in?

pija eo ej bōk jikin ekkatak an baam̧le

Ļōmņak ko n̄an Ekkatak Jeje ko Rekwojarjar an Nokon in Jota an Baam̧le

1 Timote 2:9–10Ta meļeļe n̄an “ekkar [kōj make] … kōn [ad] jerbal rem̧m̧an”? Ta jet iaan jerbal ko rem̧m̧an baam̧le ko ad remaron̄ kōm̧m̧ani ilo wiik in? Komi maron̄ al ippān doon juon al kōn kōm̧m̧an men ko rem̧m̧an, āinwōt “Have I Done Any Good?” (Hymns, no. 223).

1 Timote 4:12.N̄an jipan̄ ro uwaan baam̧le eo ikdelel n̄an erom̧ “juon jon̄ak n̄an ro rej tōmak,” ļōmņak in kūr er n̄an jin̄n̄aiki pijaan armej ro ro rej jon̄an ko rem̧m̧an n̄an er. Ewi wāween an armej rein rej im̧we kōj n̄an ļoor Jisōs Kraist? Ennaan eo an Būreejtōn Thomas S. Monson “Kwōn Juon Waanjon̄ak im juon Meram” (Liaona, Nob. 2015, 86–88) emaron̄ letok jet ļōmņak ko kōn wāween n̄an erom̧ juon waanjon̄ak n̄an ro jet.

1 Timote 6:7–12.Etke kwoj ļōmņak “mani ej okran naan otemjej”? Ta kauwōtata ko jej mije ilo mour ko ad kōn jāān im m̧weiuk ko? Ewi wāween an m̧ōņōņō kōn kōjeraam̧m̧an ko jej bōki?

2 Timote 3:14–17Ekkar n̄an eoon kein, ta kōjeraam̧m̧an ko rej itok n̄an ro im rej ekkatak jej ko rekwojarjar? Bolen ro uwaan baam̧le eo remaron̄ jeere eoon ko rej waļo̧k ilo eļaptata “wor tokjāer.”

Pailimōn 1:17–21.Ta eo Paul ekar m̧ōņōņō in kōm̧m̧an n̄an Onesimōs? Ewi wāween an menin āinwōt ļo̧k ta eo Rilo̧mo̧o̧r ekar kōm̧m̧an n̄an kōj? (bar lale 1 Timote 2:5–6; Katak im Bujen Ko 45:3–5). Ewi wāwee ad ļoor waanjon̄ak ko an Paul im Rilo̧mo̧o̧r?

N̄an ļōmņak ko reļļapļo̧k ikkijeen katakin ajri ro, lale unin tōl eo an wiik in ilo Itok, Ļoor Eō—N̄an Būraimere.

Al eo kar elmakote: “Shine On,” Children’s Songbook, 144.

Kōkm̧anm̧anļo̧k Ad Katakin

Katakin katak ko ralikkar im reļam waan. Gospel eo an eaibojoj ilo wāween eo an me eļam waan (lale Katak im Bujen Ko 133:57). Ijjeļo̧k an kajjieon̄ kam̧ōņōņōik baam̧le eo am̧ kōn katak ko me remenin aikuj n̄an kōppopo, kajjieon̄ katakin katak ko rem̧ool im reļam waan (lale 1 Timote 1:3–7).

ruo ajri ro rej ekkatak jeje ko rekwojarjar

“Im jān ke kwōj ajri, kwaar jeļā jeje ko re kwōjarjar, ko re maron̄ in kamālōtlōt eok n̄an lo̧mo̧o̧r kōn tōmak eo ej ilo Kraist Jisōs” (2 Timote 3:15).