Oktoba 16–22

1 im 2 Tessalonika

“Koweeppān Ami Tōmak”

Eļan̄n̄e rejjab rekoote im̧we ko jej bōk jān Jetōb, jemaron̄ meļo̧kļo̧ki. Ta eo Jetōb ekar im̧we eok n̄an rekoote ilo am̧ riiti 1 im 2 Tessalonika?

Je En̄jake ko Rej Im̧we Eok

Ilo Tessalonika, Paul im Silas kar ņa ruōer “raar ukōje laļ” (Jerbal 17:6). Aer kwaļo̧k naan ekar kalluik jet iaan ritōl ro ilubwiljin ri Ju ro, im ritōl rein rekar kalluik armej ro n̄an juon lam̧ōj ellaaj (lale Jerbal 17:1–10). Āinwōt juon tōpark, Paul im Silas rekar bōk kapilōk n̄an em̧akūt jān Tessolonika. Paul ekar inepata kōn rioktak ro rekāāl ilo Tessalonika im jum̧ae ko rekar jelm̧ae, ak ekar jab maron̄ jepļaak n̄an loļo̧k er. “Ke kōm bane am kōņaanwaj,” ekar je, “Iar jilkinwōj bwe in jeļā kake ami tōmak.” N̄an uwaake, rijipan̄ eo an Paul etan Timothy, eo eto an jerbal ilo Tessolonika, “bōktok n̄an kōm naan em̧m̧an kōn ami tōmak im yokwe” (1 Tessalonika 3:5–6). Ilo m̧ool, Armej ro Rekwojarjar ilo Tessolonika kar jeļā kake er āinwōt waanjon̄ak ko “n̄an ro otemjej rej tōmak” (1 Tessalonika 1:7), im nuuj kōn tōmak eo aer ekar ajedeed n̄an jikin ko otemjej. Pijaikļo̧k lan̄lōn̄ eo an Paul im an deoor n̄an ron̄jake bwe jerbal eo an ilubwiljin armej “jab deļo̧n̄wōj bata” (1 Tessalonika 2:1). Ak Paul ekar jeļā bwe tiljek kar m̧oktaļo̧k ejjab bwe n̄an mour ilo jetōb ilju im jekļaj, im ekar iuwōta kōn kareel ko an rūkaki ro reriab ilubwiljin Armej ro Rekwojarjar (lale 2 Tessalonika 2:2–3). Ennaan eo An n̄an er, im n̄an kōj, ej n̄an wōnm̧anļo̧k wōt n̄an “koweeppān [ad] tōmak” im n̄an “lōn̄ļo̧k wōt ilo men in” ilo iakwe (lale 1 Tessalonika 3:10; 4:10).

Ļōmņak ko n̄an Ekkatak Jeje Ko Rekwojarjar Ippam̧ Make

1 Tessalonika 1–2

Rikaļoor ro an Kraist rej jerbal n̄an doon ilo m̧ool im iakwe.

Ilo 1 Tessalonika, naan ko an Paul rekar kwaļo̧k kōn abōņōņō im lan̄lōn̄ an juon armej eo me ekar kōtļo̧k an make kōmaat an n̄an jerbal n̄an ajri ro nejin Anij. Eļaptaa ilo jebta ko ruo ilo 1 Tessalonika, kwonaaj loe naan ko ak jentōj ko me rej kōmeļeļeiki m̧wil im kōm̧m̧an ko an juon rikaļoor an Irooj. N̄an waanjon̄ak: Ta eo kwoj ekkatak jān 1 Tessalonika 1:5–8; 2:1–13 kōn jerbal n̄an Irooj?

Ļōmņak kōn iien ko am̧ make rem̧m̧an n̄an jipan̄ Anij im ajri ro Nejin. Ta eo kwoj loe ilo jebta kein me rej im̧we eok n̄an kōkm̧anm̧anļo̧k jerbal in jipan̄ eo am̧? Ļōmņak in kajjitōkin eok make kajjitōk ko pedped wōt ioon ta eo kwoj loe, āinwōt “Kom̧ ar jon̄ak n̄an ro otemjej rej tōmak?” (lale 1 Tessalonika 1:7).

1 Tessalonika 3:7–13; 4:1–12

“Kaļapļo̧k wōt ami yokwe doon.”

Paul ekar lan̄lōn̄ kōn tiljek ko an Armej ro Rekwojarjar ilo Tessolonika (lale 1 Tessalonika 3:7–9). Ak ekar barāinwōt kōņaan bwe ren “barāinwōt lōn̄ļo̧k wōt” ilo mour jim̧we (1 Tessalonika 4:1). Ilo am̧ riiti 1 Tessolonika 3:7–13; 4:1–12, kejokļo̧kjeņ kōn wāween am̧ maron̄ “lōn̄ļo̧k wōt” ilo mour in jetōb (1 Tessolonika 4:10). N̄an waanjon̄ak, kile bwe Paul ekar kōjerbal naan ko āinwōt “kōkwojarjar” im “kōkwojarjar.” Ta eo kwoj ekkatak jān jeje ko an Paul kōn meļeļein naan kein? Ewi wāween an Rilo̧mo̧o̧r kar maron̄ jipan̄ eok kōļapļo̧k am̧ kwojarjar im erreo?

Bar lale Unin Tōl eo n̄an Jeje ko Rekwojarjar, “Holy,” “Sanctification,” scriptures.ChurchofJesusChrist.org.

1 Tessalonika 4:16–18; 5:1–10; 2 Tessalonika 1:4–10

Eļan̄n̄e ij tiljek im kōm̧anm̧an wōt, inaaj kōppopo n̄an Itok eo Kein Karuo an Rilo̧mo̧o̧r.

Ilo 1 Tessalonika 5:1–10, Paul ekar kōjerbal jejjo waanjon̄ak n̄an katakin kōn iien eo ke Jisōs ekar jepļaak tok n̄an laļ in. Ilo am̧ ekkatak kōn waanjon̄ak kein, ļōmņak n̄an je im̧we ko me rej itok n̄an eok kōn Itok eo Kein Karuo an Jisōs Kraist:

• “Juon ri ko̧o̧t ilo bon̄”:

• “Kijejeto eļap ioon juon kōrā kōn ajri”:

• Waanjon̄ak ko jet kwoj loi:

Ta m̧ool ko jet kwoj ekkatak jāni 1 Tessalonika 4:16–18; 5:1–10; 2 Tessalonika 1:4–10? Ta eo kar im̧we eok n̄an kōm̧m̧an n̄an lale im kōppopo n̄an itok eo an Rilo̧mo̧o̧r?

Bar lale D. Todd Christofferson, “Kōppopo n̄an Ro̧o̧ltok eo an Irooj,” Laiona, Māe 2019, 81–84.

2 Tessolonika 2

Juon marok jilōn̄lōn̄, ak bun̄ jān m̧ool, kar kanaan kake bwe enaaj itok m̧okta jān Itok eo Kein Karuo.

Ilubwiljin jum̧ae ko, elōn̄ Armej ro Rekwojarjar ilo Tessolonika rekar tōmak kōn Itok eo an Rilo̧mo̧o̧r epaake tok. Ak Paul ekar jeļā bwe m̧okta Jisōs ekar jepļaaktok n̄an laļ in bwe enaaj wōr juon marok jilōn̄lōn̄—juon jum̧ae ak “bun̄” jān m̧ool eo (lale 2 Tessolonika 2:1–4). Kwomaron̄ kam̧ūlaļļo̧k meļeļe eo am̧ kōn Marok Jilōn̄lōn̄ eo—im kam̧olool eo am̧ kōn Jepļaaktok eo—ilo am̧ kejokļo̧kjeņ kōn jet iaan men kein rej ellaajrak:

• Jeje ko rekwojarjar rekar kanaan kōn marok jilōn̄lōn̄: Aiseia 24:5; Amos 8:11–12; Matu 24:4–14; 2 Timote 4:3–4

• Jeje ko rekwojarjar rej kwaļo̧k bwe marok jilōn̄lōn̄ ekar kadede jino ilo iien ko an Paul: Jerbal 20:28–30; Galetias 1:6–7; 1 Timote 1:5–7

• Etale ko ilo kalimjōk ļo̧k kōn Marok jilōn̄lōn̄ eo jān Christian reformers:

  Martin Luther: “Ikar kappukot ejjeļo̧k bar ilōn̄ļo̧k bar ejaake Kabun̄ in kōn jon̄ak ko ippān Jeje Ko Rekwojarjar. … Ij ba bwe rikūriijtin ro rekar kōbōjrak pād ilubwiljin ro rej aikuj kakoņi ak kōjparoki” (in E. G. Schweibert, Luther im His Times: The Reformation from a New Perspective [1950], 590).

  Roger Williams: “Marok jilōn̄lōn̄ eo … ekar ļap an kakkure aolep jon̄an ekar pen aer bar lo meram jān aer kar bun̄ jān tōmak m̧ae Kraist ekar jilkintok rijilōk ko rekāāl n̄an bar kalōk kabun̄ ko ilo wāween ko rem̧m̧an” (in Philip Schaff, The Creeds of Christendom [1877], 851).

Bar lale 2 Nipai 28; Gospel Topics, “Apostasy,” topics.ChurchofJesusChrist.org.

Ļōmņak ko n̄an Ekkatak Jeje ko Rekwojarjar an Nokon in Jota an Baam̧le

1 Tessalonika 3:9–13.Ta eo ej im̧we eok kōn en̄jake ko an Paul kōn ro m̧ōttan? Ewi wāween ad “kōļapļo̧k wōt ami yokwe doon”? (eoon 12).

1 Tessalonika 4:13–18.Ta naan ko ilo eoon kein kōn Jerkakpeje me ej letok kaeņōm̧m̧an?

1 Tessalonika 5:14–25.Ilo am̧ etale kapilōk eo an Paul ilo 1 Tessalonika 5:14–25, karuwaineneik kajjojo uwaan baam̧le eo n̄an kappukot juon naan me baam̧le eo emaron̄ mije. Kappukot wāween ko remejedik n̄an displayiki naan ko ilo m̧ōko āinwōt juon kein kakeememej. N̄an waanjon̄ak, kajjojo armej emaron̄ lo ak jin̄n̄āiki pija ko me rej kōmeļeļe iak kōkajoorļo̧k naan ko ekar kālet.

2 Tessolonika 3:13.Em̧ōj ke ad kar en̄jake “mōk ilo ami kōm̧anm̧an em̧m̧an”—eddodo, bolen, kōn jerbal ko an juon rikaļoor? Ta eo ej jipan̄ kōj n̄e jej en̄jake wāween in? (Lale Galetia 6:9; Katak im Bujen Kos 64:33.) Ewi wāween ad jipan̄ doon n̄e menin ej waļo̧k?

N̄an ļōmņak ko reļļapļo̧k ikkijeen katakin ajri ro, lale unin tōl eo an wiik in ilo Itok, Ļoor Eō—N̄an Būraimere.

Al eo kar elmakote: “I’m Trying to Be like Jesus,” Children’s Songbook, 78–79.

Kōkōm̧anm̧anļo̧k Am̧ Ekkatak Ippam̧ Make

Pukōt revelesōn aolep raan. “Revelesōn ekkā an itok ‘ļain im bar ļain’ (2 Nipai 28:30), ejjab ilo juon wōt iien. … Jab ļōmņak kōn [ekkatak gospe] āinwōt juon men kwoj kōm̧m̧an iien n̄ane āinwōt juon men kwoj aolep iien kōm̧m̧ane” (Teaching in the Savior’s Way, 12).

Kraist eo Em̧ōj an Jerkakpeje, jān Robert T. Barrett