Kraist ej waļo̧k n̄an Paul ilo kaļbuuj

Rilo̧mo̧o̧r eo em̧ōj an jerkakpeje ekar loļo̧k Paul ilo kaļbuuj (lale Jerbal 23:11). Jisōs Kraist emaron̄ kanemwkoj kōj jān “ine in kam̧akoko” (Galetia 5:1).

Jeptōm̧ba 25–Oktoba 1

Galetia

“Etetal ilo Jetōb”

Ilo am̧ riiti ri Galetia, rekoote im̧we ko kwoj en̄jaki. Kōm̧m̧ane menin enaaj jipan̄ eok keememej im kejokļo̧kjeņ kaki ilo ilju im jekļaj.

Je En̄jake ko Rej Im̧we Eok

Gospel eo an Jisōs Kraist ej letok n̄an kōj anemkwoj jān ļorak ko an jetōb. Ak jet iien armej ro rekar en̄jake anemkwoj an gospel eo rej eļļok jān e im “kōņaan bwe kom̧win bar karijeraer” (Galetia 4:9). En̄in ej men eo jet iaan Armej ro Rekwojarjar ilo Galetia rekar kōm̧m̧ane—rekar oktak ļo̧k jān ta eo Kraist rikanemkwoj eo ekar leļo̧k n̄an er (lale Galetia 1:6). Leta eo an Paul n̄an ri Galetia ro, ilo iien eo, ekar juon menin ekairiir n̄an bar rool tok “the liberty wherewith Christ hath made us free” (Galetia 5:1). Kūr in ej juon men eo jej barāinwōt aikuji n̄an ron̄jake im eo̧ron̄ kōnke jekjek kein rej okoktak, apan̄ ko ikōtaan anemkwoj im kam̧akoko ej wōnm̧anļo̧k wōt. Āinwōt Paul kar katakin, ejjab bwe n̄an “kūr kōm n̄an anemkwōjami” (Galetia 5:13); jej aikuj bar “jutak pen” ilo menin (Galetia 5:1) ilo ad atōrtōr wōt ippān Kraist.

pija ej bōk jikin ekkatak an juon make

Ļōmņak ko n̄an Ekkatak Jeje Ko Rekwojarjar Ippam̧ Make

Galetia 1–5

Kien eo an Kraist ej kōm̧m̧an bwe in aņemkwoj.

Paul ekar jeje n̄an Armej ro Rekwojarjar ilo Gatelia ke ekar ekkatak kōn aer kar jebwābwe kōn katak ko an reriab (lale Galetia 1:6–9). Juon iaan katak kein ekar elaajrak n̄an bōk lo̧mo̧o̧r, ri aelōn̄ ko rekar bōk gospel eo menin aikuj n̄an m̧wijm̧wij im n̄an dāpij manit ko jet an kien Moses Moses (lale Galetia 2). Paul ekar ņa etan manit kein “ine in kam̧akoko” (Galetia 5:1). Ilo am̧ riiti kapilōk ko an Paul n̄an ri Galetia, kappukot pedped in katak ko me remaron̄ jipan̄ eok meļeļe ta in m̧ool in anemkwōj. Kwomaron̄ bar kejokļo̧kjeņ kōn iminene ak manit ko me reriab ak ine in kam̧akoko me emaron̄ deļo̧n̄e mour eo am̧. Elōn̄ ke jabdewōt men me ej bōbraeik eok jān am̧ en̄jake anemkwoj me gospel in ej lewaj? Elmen an kar Kraist im gospel eo An “[kanemkwoj eok]”? (Galetia 5:1).

Bar lale 2 Nipai 2:27; 9:10–12.

Galetia 3

N̄an juon rijolet n̄an kōjeraam̧m̧an ko kar kallim̧ur kaki n̄an Ebream.

Jet iaan Armej ro Rekwojarjar ilo Galetia rekar abōņōņō bwe kōnke rekar jab lukkuun kobban (“ineen”) Ebream, reban bōk kōjeram̧m̧an ko kar kallim̧ur kaki, ekoba mour ijo eaibojooj an Anij Ekkar n̄an Galetia 3:7–9, 13–14, 27–29, ta men ko rem̧m̧an me ewōr ippān juon armej n̄an “seed of Abraham”?

N̄an ekkatak eļapļo̧k kōn kōjeraam̧m̧an ko kar kallim̧ur ko me emaron̄ jolete ilo an ine eo, lale ine, lale Gospel Topics, “Abrahamic Covenant,” topics.ChurchofJesusChrist.org. Etke kōjeraam̧m̧an ko kar kallim̧ur kaki n̄an Ebream eaorōk n̄an kwe?

Galetia 3:6–25

Ebream ekar jeļā kōņ gospel eo an Jisōs Kraist.

Rikanaan Josep Smith ekar kōmeļeļeiki: “Jejjab maron̄ tōmak bwe aolep ri etto ro ilo jabdewōt iiō ko kar kajejtokjeer jān lan̄ āinwōt an lōn̄ ro me ren kar aikuj, bwe kōnke aolep me kar kakoņi ak lo̧mo̧o̧reni, rekar lo̧mo̧o̧r kōn kajoor in karōk in pinmuur ekajoor, jon̄an ļap in m̧oktak jān itok eo an Kraist. … Ebream ekar katok, im ijjeļo̧kin menin, Gospel eo ekar bar ajeeded n̄an e” (“The Elders of the Church in Kirtland to Their Brethren Abroad,” The Evening and the Morning Star, Mar. 1834, 143, JosephSmithPapers.org). Etke kwoj ļōmņak eaorōk bwe Armej ro Rekwojarjar ilo tōre ko an Paul n̄an jeļā bwe Ebream im rikanaan ro jet etto rekar jeļā kōn gospel eo an Jisōs Kraist? Etke eaorōk n̄an jeļā menin? (Lale Hilamōn 8:13–20; Moses 5:58–59; 6:50–66.)

Bar lale Teachings of Presidents of the Church: Joseph Smith (2007), 45–56.

Galetia 5:13–26; 6:7–10

Eļan̄n̄e ij “etetal ilo Jetōb,” Inaaj bōk “leen Jetōb.”

Ekkatak eoon kein emaron̄ jipan̄ eok etale lukkuun wāween aer etetal ilo Jetōb. Kwoj ke en̄jake leen eo leen Jetōb me kar kōnono kake ilo eoon ko 22–23? Ta leen ko jet, ak tōprak ko, itok jān mour in jetōb eo kwar kile? Kejokļo̧kjeņ kōn ta eo kwoj aikuji n̄an kōļapļo̧k ad kōjerbal leen in. Ewi wāween ad kōjerbal leen in n̄an kōkm̧anm̧anļo̧k jem̧jerā ko raorōk ilo mour eo am̧?

abōļ ko ioon juon wōjke

Ij aikuj kappukot “leen Jetōb” ilo mour eo am̧.

Eļan̄n̄e kwar kajieon̄ etetal ilo Jetōb ak kijejeto ko am̧ kwaļo̧k ke kwoj mour kōn leen ko kar kallim̧ur kaki, riiti Galetia 6:7–10. Ta ennaan eo kwoj en̄jake Irooj ekar kōpooje n̄an eok ilo eoon kein?

Bar lale Alma 32:28, 41–43; Katak im Bujen Ko 64:32–34.

pija eo ej bōk jikin ekkatak an baam̧le

Ļōmņak ko n̄an Ekkatak Jeje ko Rekwojarjar an Nokon in Jota an Baam̧le

Galetia 3:11.Ta meļeļein “mour kōn tōmak”? Ewi wāween ad mour kōn tōmak āinwōt juon baam̧le?

Galetia 4:1–7.Kwomaron̄ kwaļo̧k kadkadin Galetia 4 ilo ad kōnono kōn oktak ko ikōtaan rijerbal eo an kiin̄ eo im ajri ro nejin. Ta iien ko rem̧m̧an ak juon men jej loe an em̧m̧an me ajri eo nejin juon kiin̄ me ewōr ippān ak ejjeļo̧k ippān juon an rijerbal? Ļōmņak kōn menin ilo am̧ riiti ippān doon eoon ko 1–7. Ta eo eoon kein rej katakin kōn jem̧jerā eo ad ippān Jemedwōj Ilan̄?

Galetia 5:16–26.Ļōmņak in kōnono kōn oktak eo ikōtaan “jerbal in kanniōk” im “leen Jetōb.” N̄an kakobaik jet men ko rekaitoktok limo n̄an kōmeļeļe ko am̧, baam̧le eo am̧ emaron̄ lebōl leen ko roktak jān doon ippān naan ko an Paul me kar kōjerbali n̄an kōmeļeļeik leen eo an Jetōb. Innem kajjojo uwaan baam̧le eo remaron̄ kālet juon, leļo̧k meļeļe eo an, im kōnono kōn juon eo me ej kwaļo̧k waanjon̄ak kōn leen eo. Menin emaron̄ tōl n̄an juon kōmeļeļe kōn wāween ko baam̧le eo am̧ ekar karuwaineneik Jetōb n̄an m̧weo im̧ōm̧ im kōjerbal leen in. Ālkin kōmeļeļe in, komi maron̄ m̧ōņōņō ippān doon kōn juon salad kōm̧m̧an jān leen wōjke ko.

Galetia 6:1–2.Elōn̄ iien ko n̄e juon ilo baam̧le eo am̧ ej “[po] ilo jabdewōt bōd.” Ta kapilōk eo kwoj loe ilo Galetia 6:1–2 kōn ta eo jej aikuj kōm̧m̧ane ilo kain jekjek rōt in?

Galetia 6:7–10.Eļan̄n̄e baam̧le eo am̧ ekar katōki ippān doon, kwomaron̄ kōjerbal en̄jake in n̄an kōmeļeļeik pedped in katak ko “jabdewōt eo armej ej kalbwin e, men in enaaj barāinwōt m̧adm̧ōd e” (eoon 7). Ak kwomaron̄ kajjitōk ippān ro uwaan baam̧le eo leen ko renno tata ippāer ak bejtōbōļ ko im kōnono kōn ta eo ej aikuji bwe en kaddōkļo̧k juon wōjke eo me ej kalle m̧ōn̄ā. (Lale pija eo ilo jem̧ļo̧kin laajrak in katak eo.) Kwomaron̄ kōnono kōn kōjeram̧m̧an ko me baam̧le eo am̧ rej kōjatdikdik n̄an bōke im wāween “reap” kōjeraam̧m̧an ko.

N̄an ļōmņak ko reļļapļo̧k ikkijeen katakin ajri ro, lale unin tōl eo an wiik in ilo Itok, Ļoor Eō—N̄an Būraimere.

Al eo kar elmakote: “Katakin Iō Etetal Lo Meramt,” Children’s Songbook, 177.

Kōkōm̧anm̧anļo̧k Ad Katakin

Jipan̄ baam̧le eo am̧ keidi jeje ko rekwojarjar n̄an er make. Nipai ekar ba, “Iaar karōki tok aolep jeje ko rekwōjarjar n̄an kōm, bwe en n̄an am maron̄ jeraam̧m̧an im jeļā” (1 Nipai 19:23). N̄an jipan̄ baam̧le eo am̧ kōm̧m̧an menin, kwomaron̄ karuwaineneik er n̄an kejokļo̧kjeņ elōn̄ alen n̄e rekar en̄jake leen Jetōb me kar kōmeļeļeiki ilo Galetia 5:22–23. (Lale Teaching in the Savior’s Way, 21.)

pear ko ioon juon wōjke

Paul ekar katakin bwe n̄e jej etetal ilo Jetōb, jenaaj en̄jake “leen Jetōb” ilo mour ko ad.