“Bwaai n Ibuobuoki Riki Tabeua ibukin Reireinakiia Ataei,” Nakomai, Iriirai—Ibukin te Moanrinan: Te Nu Tetemanti 2023 (2023)
“Bwaai n Ibuobuoki Riki Tabeua ibukin Reireinakiia Ataei,” Nakomai, Iriirai—Ibukin te Moanrinan: 2023
Bwaai n Ibuobuoki Riki Tabeua ibukin Reireinakiia Ataei
Bwaai n Ibuobuoki aikai a kona n reke n te Gospel Library app ao n te ChurchofIesuChrist.org.
Nakomai, Iriirai—Ibukiia Aomata n Tatabemaniia ao Utu
Ko kona ni kangaraoi mwakuri ake a na karaoaki man Nakomai, Iriirai—Ibukiia Aomata n Tatabemaniia ao Utu ibukin kabonganakina n am kiraati n te Moanrinan. Tai raraoma ngkana a tia ataei ni karaoi mwakuri akane ma aia utu ni mweengaia; kaokiokana e buokia ataei n reiakinna. Ataei a na tangiria n tuangko bwa a kanga ni karaoi mwakuri ni kauring akanne ma aia utu ao tera ae a reiakinna.
Anene n Taromauri ao Aia Boki n Anene Ataei
Katangitang aika tabu a kaoa te Tamnei, ao a buokiira n namakina ana tangira te Atua, ao reirei te reirei n te anga ae kai uringaki. Irarikin kabonganaakin Boki n Anene ake atia ni boretiaki ao aia Boki n Anene Ataei, ko kona n noori katangitang ao witeo ibukin anene n taromauri ao aia anene ataei aika mwaiti iaon music.ChurchofJesusChrist.org ao n te Sacred Music ao Gospel Media apps.
Ibukin iango, taraa “Kabonganai Katangitang n Reirei te Reirei” ao “Buokiia Ataei n Reiakina ao n Uring Anenen te Moanrinan ao Anene n Taromauri” n te abentekiti n te boki n reirei aei.
Nooria Ami Ataei
E mwaiti atuun reirei ake a rinanoaki n te boki inanon Nooria Ami Ataei: Aia Bokinreirei Kaain te Netiari aika titebo ma ake ko na reireiniia iai kaain te Moanrinan. Riki ngkana ko reireiniia ataei aika a uarereke, iangoia bwa ko na taraa te boki ibukia kaain te netiari ibukin riki taian anene, karaki, mwakuri ni kauring, ao takakaro.
Rao
Te Rao maekatiin e katauraoi karaki ao waaki ni kakukurei aika a kona ni kanakoraoi reirei aika ko angareirei iaona man Nakomai, Iriirai—Ibukin te Moanrinan.
Karaki man Te Nu Tetemanti
Karaki man Te Nu Tetemanti e kona ni buokiia ataei n reiakinii reirei ao karaki ake a kuneaki n te Nu Tetamenti. Ko kona naba ni kunei witeo ni karaki aikai n te Gospel Library app ao n te GospelMedia.ChurchofJesusChrist.org.
Te Boki ae na Karanaki man Karaki ni Koroboki aika Tabu—Te Nu Tetemanti
Te boki aei iai inanona iteraniba ni mwakuri aika a na karanaki ae katauaki bwa a na kanakoraoa aia reirei ataei man te Nu Tetamenti.
Witeo ao Korobanna
Korobanna, witeo, ao tabeua bwaai ni kaongora a konaa ni buokiia ataei ake ko reireiniia ni karekea te mataata n reirei ao ni katamnei karaki ake a irekereke ma koroboki aika tabu. Kawara Gospel Media n GospelMedia.ChurchofJesusChrist.org n noori bwariko ni bwaai ni ibuobuoki ibukin te Ekaretia. E tauraoi naba te Gospel Media n te mobile app. A mwaiti tamnei ake ko na kabonganai n te kiraatiruum ake a kuneaki n te Gospel Art Book.
Reirei n ana Kawai te Tia Kamaiu
Reirei n ana Kawai te Tia Kamaiu e kona ni buokiko n reiakinii ao ni karaoa nanon ana reirei te Tia Kamaiu. Reirei aikai a maroroakinaki ao ni karaoaki n aia bootaki ni kauntira taan reirei.