Хүүхдүүдэд заах нэмэлт эх сурвалж

Эдгээр эх сурвалжийг Gospel Library аппликэйшн, ChurchofJesusChrist.org вэбсайтаас авч болно.

Ирээд, Намайг дага—Хувь хүн, гэр бүлүүдэд зориулав

Та Ирээд, Намайг дага—Хувь хүн, гэр бүлүүдэд зориулав гарын авлага дахь үйл ажиллагааг Хүүхдийн хэсэгтээ зориулан өөрчлөн ашиглаж болно. Хүүхдүүд тэдгээр үйл ажиллагааг гэр бүлийнхэнтэйгээ хамт гэртээ хийсэн эсэхэд санаа зовох хэрэггүй. Давтаж хийх нь хүүхдүүдэд суралцахад нь тусалдаг. Хүүхдүүд үйл ажиллагаануудыг гэрийнхэнтэйгээ хэрхэн хийсэн мөн юу сурч мэдсэнээ танд хэлэхийг хүсэж байж болох юм.

Сүмийн дуулал ба Хүүхдийн дууны ном

Ариун нандин дуу хөгжим нь Сүнсийг урьж, бидэнд Бурханы хайрыг мэдэрч мөн дурсамжтай арга замаар сургаалыг заахад тусалдаг. Сүмийн дуулал ба Хүүхдийн дууны номын хэвлэмэл хувилбарыг ашиглахаас гадна та олон дуулал, хүүхдийн дууны видео, аудиог music.ChurchofJesusChrist.org болон Sacred Music, Gospel Media аппликэйшнаас олж болно.

Санаа авахын тулд энэ эх сурвалжийн хавсралт дахь “Сургаалыг заахын тулд дуу хөгжим ашиглах” мөн “Хүүхдүүдэд Хүүхдийн хэсгийн дуу болон сүмийн дууллыг сурч, эргэн санахад туслах” зэрэг хэсгүүдээс үзнэ үү.

Бяцхан үрсээ болгоогтун

Бяцхан үрсээ болгоогтун: Балчир хүүхдийн ангийн гарын авлага дээр тусгагдсан олон сэдэв Хүүхдийн хэсэгт заадаг сэдэвтэй адилхан. Ялангуяа, хэрэв та бага насны хүүхдүүдэд заадаг бол нэмэлт дуу, түүх, үйл ажиллагаа, гар урлалыг балчир хүүхдийн ангийн гарын авлагаас харж болно.

Найз

Найз сэтгүүл нь Ирээд, Намайг дага—Хүүхдийн хэсэгт зориулав гарын авлагаас таны зааж буй зарчмуудад нэмэлтээр ашиглаж болох түүх, үйл ажиллагаануудыг санал болгодог.

Шинэ Гэрээний түүхүүд

Шинэ Гэрээний түүхүүд нь Шинэ Гэрээн дэх сургаал, түүхүүдийг ойлгож мэдэхэд нь хүүхдүүдэд тусална. Та мөн Gospel Library аппликэйшн болон MediaLibrary.ChurchofJesusChrist.org вэбсайтаас эдгээр түүхийн видеог олж болно.

Судрын түүхийн буддаг ном—Шинэ Гэрээ

Энэхүү эх сурвалж нь хүүхдүүдийн Шинэ Гэрээнээс судлах үйл явцыг сайжруулахад зориулсан, өнгөөр ялган будах хөгжилтэй үйл ажиллагааны хуудаснуудыг агуулдаг.

Видео ба уран зураг

Уран зураг, видео болон бусад медиа нь таны зааж буй хүүхдүүдэд судартай холбоотой сургаал, түүхүүдийг төсөөлөн бодоход тусална. GospelMedia.ChurchofJesusChrist.org дахь Gospel Media дээрээс Сүмийн медиа эх сурвалжийн цуглуулгыг үзэж болно. Gospel Media нь мөн гар утасны аппликэйшн хэлбэрээр байгаа. Та хичээлдээ ашиглаж болох олон зургийг Сайн мэдээний уран зургийн цуглуулгаас авч болно.

Аврагчийн арга барилаар заах нь

Аврагчийн арга барилаар заах нь товхимол Христтэй адил заах зарчмуудыг судалж, хэрэгжүүлэхэд тусална. Эдгээр зарчмыг багш нарын зөвлөлийн хурлаар хэлэлцэж, дадлага хийдэг.