gampeļ eo an Zerubbabel

Kōmeļeļe eo kōn tampeļ eo an Zerubbabel, jān Sam Lawlor

Juļae 18–24

Ezra 1; 3–7; Nihimaia 2; 4–6; 8

“N̄a Ij Kōm̧m̧an Juon Jerbal Eļap”

Ilo am̧ ekkatak, ļōmņake ennaan ko ilo Ezra im Nihimaia eļap aikuji n̄an ajri ro kwoj katakin er. Ejaake juon karōke in katakin me ekitbuuj im̧we ko ilo am̧ bōk im̧we jān Jetōb Kwojarjar.

Je En̄jake ko Rej Im̧we Eok

pija ej bōk jikin kwaļo̧k

Kajjitōk bwe ren Kwaļo̧k

Je ioon boot eo Zerubbabel, Ezra, im Nihimaia. Jin̄a ak kwaļo̧k jet pija me eiokļo̧k armej rein, āinwōt juon tampeļ, jeje ko rekwojarjar, im waaļ eo an Jerusalem. Jipan̄ ajri ro keidi āt ko n̄an pija ko, im kōtļo̧k aer kwaļo̧k ta eo rejeļā kake ta eo armej rein raar kōm̧m̧ane.

pija ej bōk jikin katakin

Katakin Katak eo: Ajri ro Reddikļo̧k

Ezra 3:8–13

Tampeļ ej bōktok n̄an eō lan̄lōn̄.

Bwebwenato eo ilo Zerubbabel im RiJu ro raar bar kalōke tampeļ eo emaron̄ jipan̄ ajri ro kwoj katakin er m̧ōņōņō kōn kōjeraam̧m̧an ko rej itok kōn wōt m̧weeo im̧ōn Irooj.

M̧akūtkūt ko Maron̄ Kōm̧m̧ani

• Kajjitōk ippān ajri ro n̄an kwaļo̧k ta eo ekōm̧m̧an bwe ren m̧ōņōņō. Kwaļo̧k juon pija in juon eo ej etōn̄dikdik itum̧aan in juon tampeļ (āinwōt pija in ilo laajrak in), im kajjitōk ippān ajri ro etke armej in emaron̄ m̧ōņōņō. Kam̧ool bw e tampeļ eo ej m̧weeo im̧ōn Irooj, im jiron̄ er kōn juon tōre ke kwaar en̄jake m̧ōņōņō kōnke tampeļ eo.

• Riit n̄an ajri ro m̧ōttan eo āliktata in Ezra 3:12, kōmeļeļeiki bwe ke RiJu ro raar door pedped eo an tampeļ eo, “elōn̄ lan̄lōn̄.” Kajjitōk ajri ro bwe ren lam̧ōj kōn lan̄lōn̄. Jipan̄ er ļōmņake un ko jemaron̄ lan̄lōn̄ kake kōn tampeļ eo. N̄an waanjon̄ak, ilo tampeļ jej kōm̧m̧ani kallim̧ur ko ippān Anij me ekōm̧m̧an bwe baam̧le ko ad ren ippān doon indeeo.

• Al ippān ajri ro juon al kōn tampeļ, āinwōt “I Love to See the Temple”” (Children’s Songbook,95). Ālkin kajjojo ļain, bōjrak im kajjitōk ippān juon ajri n̄an kwaļo̧k men eo em̧m̧an ippān kōn tampeļ.

  juon baam̧le ej etetal ioon meļan ko an tampeļ

  Tampeļ eo emaron̄ unjen lan̄lōn̄ eo ad ilo mour ko ad.

Nihimaia 2:17–20; 6:1–9

Irooj enaaj jipan̄ eō kadedeikļo̧k jerbal eo An.

Ke Nihimaia ekar kōkm̧anm̧anļo̧k waaļ eo an Jerusalem, rikōjdāt ro an raar kajjieon̄ in kōbōjrak e, ak eaar tiljek wōt n̄an jerbal eo an. Ta jet iaan men ko raorōk Irooj eaar kōņaan bwe ajri ro ren kōm̧m̧ane, im elmen am̧ maron̄ im̧we er n̄an tiljek n̄an jerbal eo?

M̧akūtkūt ko Maron̄ Kōm̧m̧ani

• Kwaļo̧k n̄an ajri ro bwebwenato eo ilo Nihimaia (lale Nihimaiai 2:17–20; 6:1–9; Dieter F. Uchtdorf, “We Are Doing a Great Work and Cannot Come Down,” Liahona, May 2009, 59–62). Jiron̄ļo̧k ajri ro ta eo Nihimaia ekar ba ke armej ro raar kōm̧m̧an kōjak kake e kōn an kōm̧m̧ane waaļ eo an Jerusalem: “Anij in lañ ko, Enaaj kajeraaṃṃankōm, kōn men in, kōm ro ri karijeran naaj jutak im kalōk” (Nihimaia 2:20). Kajjitōk ippān ajri ro n̄an jutak im katen wōt n̄e n̄an jipan̄ kōm̧m̧nae waaļ eo an Jerusalem.

• Bōktok jet pirōk n̄an kūlaaj, im kōtļo̧k an ajri ro kōjerbali n̄an jipan̄ eok kalōk juon waaļ (ak jin̄aik juon waaļ ioon boot eo). Jipan̄ ajri ro ļōmņake jet iaan men ko raorōk Jemedwōj Ilan̄ emaron̄ kajjitōk ippāer n̄an kōm̧m̧ane, āinwōt ekkatak kilen riiti jeje ko rekwojarjar. Kōn aolep kōļmenļo̧kjeņ ko raar kwaļo̧ki, kajjitōk ippāer n̄an kobaiki juon pirōk n̄an waaļ eo. Kōmeļeļeik bwe ke Nihimaia ekar kōm̧m̧ane jerbal eo an eaorōk n̄an kōm̧m̧ane waaļ eo an Jerusalem, armej ro raar kajjieon̄ kabōjrak e. Riiti 1 Nihimaia 6:9, im kajjitōk ippān ajri ro n̄an kajutak peier n̄e kwoj riiti “kwōn kakajoor pā kā peiō.” Jiron̄ļo̧k ajri ro kōn juon tōre ke kwaar en̄jake an Anij kōkajoor pā ko peiūm̧ n̄an kōm̧m̧ane jerbal eo An.

Nihimaia 8:1–12

Jeje ko rekwojarjar rej juon kōjeraam̧m̧an.

Kwomaron̄ kōjerbal bwebwenatoin Ezra riiti kien eo n̄an jipan̄ ajri ro ļōmņake elmen ad kar jeraam̧m̧an n̄an bōk jeje ko rekwojarjar.

M̧akūtkūt ko Maron̄ Kōm̧m̧ani

• Jiron̄ļo̧k ajri ro bwe Ezra eaar riiti jeje ko rekwojarjar n̄an armej ro an. Riit eļaaj jet naan jān Nihimaia 8:2–3, 5–6, 8–9, 12 me ej kōmeļeļeik ta eo armej ro raar kōm̧m̧ane ke raar ron̄ jeje ko rekwojarjar, im kajjitōk ippān ajri ro ren jerbale naan kein. Etke jej kam̧oolol bwe ewōr ippād jeje ko rekwojarjar?

• Kajjitōk ippān ajri ro n̄an kōļare peij in m̧akūtkūt eo an wiik in. Ilo aer kōm̧m̧ane, kwaļo̧k n̄an ajri ro elmen riiti jeje ko rekwojarjar kar kepaakļo̧k eok n̄an Rilo̧mo̧o̧r.

pija ej bōk jikin katakin

Katakin Katak eo: Ajri ro Rerūttoļo̧k

Ezra 3:8–13; 6:16–22

Tampeļ ej bōktok n̄an eō lan̄lōn̄.

Ilo am̧ etale ippān ajri ro bwebwenatoin Zerubbabel im RiJu ro bar kalōk tampeļ eo, lale wāween ko n̄an kam̧ool kōn m̧ōņōņō eo me ej itok n̄an kōj kōnke ewōr ippād tampeļ rainin.

M̧akūtkūt ko Maron̄ Kōm̧m̧ani

• Kajjitōk ippān ajri ro n̄an jerbal ippān doon n̄an lali naan ko ilo Ezra 3:10–13 me ej kwaļo̧k elmen an RiJu ro kar en̄jake ke tampeļ eo ilo Jerusalem ekar bar ekkal. Elmen ad kwaļo̧k ad m̧ōņōņō bwe ewōr tampeļ ko ioon laļin rainin> Jipan̄ ajri ro ļōmņake wāween ko remaron̄ keppopo n̄an etal n̄an tampeļ.

• Kwaļo̧k n̄an ajri ro am̧ en̄jake kōn tampeļ. Elmen an kar tampeļ jipan̄ eo epaakeļo̧k Jemedwōj Ilan̄ im Rilo̧mo̧o̧r eo? Etke jej kōjeraam̧m̧ane n̄e juon tampeļ ej aje? Leļo̧k n̄an ajri ro iien n̄an je elmen aer en̄jake kōn tampeļ eo, im rōjan̄ er n̄an kwaļo̧k ta eo rear je n̄an baam̧le eo aer.

Nihimaia 2; 4; 6

Irooj enaaj kōkajoorļo̧k eō n̄an kōm̧m̧ane “juon jerbal eļap.”

Ewōr juon an Irooj jerbal eaorōk n̄an ajri ro kwoj katakin er. Ta eo remaron̄ ekkatak jen Nihimaia kōn kadedeļo̧k jerbal eo men̄e renaaj ioon jum̧ae.

M̧akūtkūt ko Maron̄ Kōm̧m̧ani

• Etale ippān ajri ro bwebwenatoin Nihimaia bar kōm̧m̧an waaļ eo ej jepooļe Jerusalem, ekoba an kar ioon jum̧ae. Riit ippān doon Nihimaia 2:19, im kajjitōk ippān ajri ro n̄an kwaļo̧k jekjek ko me juon armej emaron̄ kajjirere kake kōn ad kōm̧m̧ane ta eo ejim̧we. Ekkar n̄an Nihimaia 2:20, elmen uwaak eo an Nihimaia? Elmen ad maron̄ uwaak n̄e armej ro rej kōm̧m̧an kōjak ak kōnanaik kōj n̄an kōm̧m̧ane ta eo ejim̧we?

• Riit ippān doon Nihimaia 6:1–9. Elmen an kar rikōjdāt ro an Nihimaia kar bar kajjieon̄ bwe en bōjrak an jerbale waaļ eo, im elmen an kar uwaak? Ta jerbal eo Anij ekōņaan bwe jen kōm̧m̧an( lale, n̄an waanjon̄ak, Mosaia 18:8–10). Elmen ad maron̄ ļoor waanjon̄ak eo an Nihimaia ilo eoon 9 n̄e epen n̄an kōm̧m̧ane ta eo Anij eaar kajjitōk ippād n̄an kōm̧m̧ane?

Nihimaia 8:1–12

Ij jeraam̧m̧an n̄e ij ekkatak jeje ko rekwojarjar.

Armej ro ilo Jerusalem rekar jab ron̄jake naan ko an Anij ilo juon iien eaitok m̧okta jen an Ezra riit n̄an armej ro. Bwebwenato eo an Ezra ekakeememej kōj elmen an aorōk jeje ko rekwojarjar n̄an kōj.

M̧akūtkūt ko Maron̄ Kōm̧m̧ani

• Kajjitōk ippān ajri ro n̄an lale Nihimaia 8:1–12 n̄an naan ko ak naan ko me ej kwaļo̧k elmen an kar armej ro en̄jake kōn ron̄jake naan in Anij. Kajjitōk ippān ajri ro n̄an kwaļo̧k elmen aer en̄jake ke raar riiti jeje ko rekwojarjar, im bar kwaļo̧k am̧ en̄jake.

• Kajjitōk ippān ajri ro n̄an riiti Nihimaia 8:8, im kajjitōk ippāer ta eo ejipan̄ er meļeļe jeje ko rekwojarjar. Kwaļo̧k n̄an er elmen kōjerbal jeje ko rekwojarjar āinwōt Unit Tōl n̄an Jeje ko rekwojarjar im Gospel Topics (ChurchofJesusChrist.org). Kajjitōk ippān ajri ro n̄an kwaļo̧k jen men raar ekkatak kōn Rilo̧mo̧o̧r jān jeje ko rekwojarjar.

pija ej bōk jikin ekkatak

Kōketak Ekkatak ilo M̧weo

Kajjitōk ippān ajri ro n̄an kālet jet men raar ekkatak rainin me rekōņaan kwaļo̧k n̄an baam̧le ko aer.

Kōkōm̧anm̧anļo̧k Ad Katakin

Kōppopo ilo Jetōb. “Katakin gospel eo ilo kajoor ej meļeļe in ejjab baj kōpooj wōt juon katak ak kōpooj kōj make. … Rūkaki ro an gospel eo rewājepedik—m̧okta jen aer ļōmņak kōn kobban katak eo im wāween katakin kūlaaj eo—ļōmņak wōt n̄an kobrak buruōer kōn Jetōb Kwojarjar” (Teaching in the Savior’s Way, 12).

peij in m̧akūtkūt eo: Jeje ko Rekwojarjar rej juon kōjeraam̧m̧an