An Ester jar

Ester, jen James Johnson

Juļae 25–31

Ester

“Aṃ Kar Itok … n̄an Iien Rōt In”

Rikanaan ro rej peran ilo kam̧ool kōn Jisōs Kraist. Kōlmenļo̧kjeņ elmen am̧ naaj jipan̄ ajri ro lo im̧we eo an Rilo̧mo̧o̧r ilo bwebwenato eo an Ester.

Je En̄jake ko Rej Im̧we Eok

pija ej bōk jikin kwaļo̧k

Kajjitōk bwe ren Kwaļo̧k

Kwaļo̧k n̄an ajri ro juon pijain Ester (lale unin tōl eo an wiik in ilo Itok, Ļoor Eō—N̄an Kajjojo Armej im Baam̧le ko). Ilo an ajri ro jibwe pija eo, kajjitōk ippāer n̄an kwaļo̧k jet men rejeļā kōn bwebwenatoin Ester.

pija ej bōk jikin katakin

Katakin Katak eo: Ajri ro Reddikļo̧k

Ester 2:5–7

Imaron̄ jipan̄ baam̧le eo aō.

Ke ro jinen im jemen Ester raar mej, eo rilikin Mordekai eaar kōjparok e. Kwomaron̄ kōjerbal en̄jake eo aer āinwōt juon iien em̧m̧an n̄an kōnono kōn jipan̄ ro uwaan baam̧le ko ad.

M̧akūtkūt ko Maron̄ Kōm̧m̧ani

• Ioon boot eo, je pija ko me rej bōk jikin Ester, jinen im jemen, im eo rilikin Mordekai. Kōmeļeļeiki bwe ro jinen im jemen Ester raar mej, kōn menin Ester ekar aikuji juon eo bwe en kōjeparok e. Riiti Ester 2:7 n̄an ajri ro, im kajjitōk ippān ajri ro n̄an ron̄jake ta eo Mordekai ekar kōm̧m̧ane. Jipan̄ ajri ro ļōmņak kōn aikuj ko an ro uwaan baam̧le eo men ajri ro remaron̄ jipan̄ kake.

• Kajjitōk ippān jet iaan ajri ro n̄an kōm̧m̧ane juon men remaron̄ jerbale n̄an jipan̄ baam̧le ko aer, im kajjitōk ippān ajri ro n̄an kajjirereik ta eo rej kōm̧m̧ane. Kajjitōk ippāer n̄an kōnono kake men ko rej kōm̧m̧ani n̄an kōjeraam̧m̧an baam̧le ko aer, im kwaļo̧k jet men ko remaron̄ kōm̧m̧ani.

• Al juon al kōn jerbal ippān doon, eo āinwōt “When We’re HelpingChildren’s Songbook,198). Kwaļo̧k am̧ naan in kam̧ool me ejipan̄ baam̧le ko ad kōm̧m̧an bwe jen m̧ōņōņō.

Ester 4:15–16

Imaron̄ peran.

Ajri ro kwoj katakin naaj ioon jekjek ko n̄e rej aikuji jipan̄ eo an Irooj n̄an peran. Elmen am̧ naaj jipan̄ er ekkatak jān waanjon̄ak eo an Ester kōn peran?

M̧akūtkūt ko Maron̄ Kōm̧m̧ani

• Ajri ro kwoj katakin rejeļā ke meļeļein ta in peran? Kwao̧k jidik kōmeļeļe, āinwōt “Peran meļeļein kōm̧m̧ane ta eo ejim̧we n̄e kwoj mijak.” Kwaļo̧k bwebwenatoin Ester (lale “Queen Esther” ilo Old Testament Stories), n̄an jipan̄ ajri ro lo elmen an kar Ester peran. Kōtļo̧k an ajri ro kōjerbal peij in m̧akūtkūt eo an wiik in n̄an kwaļo̧k bwebwenato eo.

• Kwaļo̧k juon pija in Ester (lale unin tōl eo an wiik in ilo Ļoor Eō—N̄an Kajjojo Armej im Baam̧le ko). Al juōn al ippān ajri ro kōn kappukot m̧ool eo, āinwōt “I Will Be ValiantChildren’s Songbook,162). Kalikkar naan ko im naan ko ilo al eo ej kōmeļeļeik Ester, im kam̧ool bwe Rilo̧mo̧o̧r emaron̄ jipan̄ ajri ro peran.

• Kwaļo̧k ajri ro kōn iien eo ke Jisōs Kraist ekar peran, n̄an waanjon̄ak, ke E eaar en̄taan kōn jerawiwi ko ad, jim̧or ilo Gethsemane im ioon dōbwāā eo (lale Matu 26:36–39; 27:33–35). Kajjitōk ippān ajri ro n̄an kwaļo̧k juon iien ke raar peran (ļōmņak in karon̄ baam̧le ko m̧oktaļo̧k n̄an kajjitōk ippāer kōn jet waanjon̄ak). Ta eo ekar jipan̄ er n̄an peran? Jiron̄ļo̧k ajri ro elmen an Irooj kar jipan̄ eok peran ke kwaar mijak.

  Ester im kiin̄ eo

  Ester im̧aan kiin̄ eo, jān Minerva K. Teichert

pija ej bōk jikin katakin

Katakin Katak eo: Ajri ro Rerūttoļo̧k

Ester 4:14

Jemaron̄ erom kein jerbal ko ilo pein Anij.

Ke Ester ekar lukkuun mijak, Mordekai ekar rōjan̄ e n̄an katakin e bwe bōlen Irooj eaar kōm̧m̧an bwe en leroij “n̄an baj tōre in” (Ester 4:14). Kōļmenļo̧kjeņ elmen an Irooj kepooj ro ajri ro nejin kwoj katakin n̄an iien ko rem̧m̧m̧an n̄an kōjeraam̧m̧an er.

M̧akūtkūt ko Maron̄ Kōm̧m̧ani

• Kūrtok juon bwe en kōjan̄ juon al n̄an ajri ro kōn juon kein kōjan̄jan̄, ak likūt juon pijain juon eo ej kōjan̄jan̄. Kōnono kake ta meļeļe juon kein jerbal ilo pein Anij. Etale bwebwenatoin Ester ippān ajri ro (lale “Queen Ester ” ilo Old Testament Stories), im kajjitōk ippāer n̄an kōnono kake elmen an kar Ester juon kein jerbal ilo pein Irooj n̄an kadedeļo̧k jibadbad ko An. Elmen ad maron̄ in juon kein jerbal ilo pein Irooj?

• Ālkin lale bwebwenato eo an Ester, kaddepe juon kaat ippān juon iaan etan armej eo jān bwebwenato eo ilo tulikin kajjojo ajri. Kajjitōk ippān ajri ro n̄an kajjieon̄ in pukote etan wōn eo ilo likiier ilo aer kajjitōk ippān ajri ro jet kajjitōk kein āinwōt “Armej in ekar ke wānōk?” ak “Armej in ekar ke juon kōrā” Innām kōnono elmen an Mordakai im Ester kar kein jerbal ilo pein Irooj n̄an lo̧mo̧o̧ren Riju ro.

Ester 3:1–11; 4:10–17

Jemedwōj Ilan̄ ejipan̄ eō bōk peran n̄e ij mijak.

N̄āāt eo kwaar lo an ajri ro kwoj katakin bōk peran? Ta en̄jake ko kwomaron̄ kwaļo̧ki n̄e kwoj aikuji Irooj n̄an peran?

M̧akūtkūt ko Maron̄ Kōm̧m̧ani

• Je ioon boot eo Mordakai eaar kwaļo̧k peran jen … im Ester eaar kwaļo̧k peran jen … kajjitōk ippān ajri ro n̄an riiti Ester 3:1–11 im ro jet riiti Ester 4:10–17. Kajjitōk ippāer n̄an kōjerbal ta eo raar riiti n̄an kadedeļo̧k jentōj eo ioon boot eo. Innām je Inaaj kwaļo̧k peran jen … im kajjitōk ippān ajri ro n̄an laajraki men ko Jemedwōj Ilan̄ ekōņaan bwe ren kōm̧m̧ani me ebōk peran. Ekōjkan ad maron̄ erom āinwōt Mordakai im Ester?

• Kajjitōk ippān ajri ro n̄an ļōmņak jekjek ko rej ioon me emaron̄ kar pen n̄an kōm̧m̧ane men eo ejim̧we. Je ioon boot eo naan in peran ko an Ester “āindein inaaj deļo̧n̄ n̄an ippān kiin̄ eo, … im eḷan̄n̄e I jako, ekwe, I jako.” (Ester 4:16). Jipan̄ ajri ro mour kake naan ko an Ester n̄an er make n̄an bōk jikin “deļo̧n̄ n̄an ippān kiin̄ eo” kōn juon wānōk ak kālet eo epen me remaron̄ kōm̧m̧ane. Innām kajjitōk ippāer n̄an bōk jikin “jako” kōn men eo ejjab kam̧ōņōņō me emaron̄ itok jen kōm̧m̧ane ta eo ejim̧we. Etke em̧m̧anļo̧k n̄an kōm̧m̧ane men eo ejim̧we, men̄e epen jekjek eo?

• Kwaļo̧k pija eo “Choose the Harder Right” (ChurchofJesusChrist.org), im kajjitōk ippān ajri ro n̄an kālet “men ko reppen” ilo mour ko ad me renaaj kāleti. Kōnono elmen an Jisōs Kraist juon waanjon̄ak n̄an pedped in.

Ester 4:1–3, 10–17

Jitlo̧k emaron̄ jipan̄ eō im kōjeraam̧m̧an ro jet.

Ilo iien aikuj, Ester im Riju ro raar jitlo̧k. Ekōjkan am̧ maron̄ jipan̄ ajri ro kwoj katakin er meļeļe jetōbin kōjeraam̧m̧an ko an jitlo̧k?

M̧akūtkūt ko Maron̄ Kōm̧m̧ani

• Kajjitōk ippān ajri ro n̄an kōm̧m̧ane juon elaajrak in men ko remaron̄ jitlo̧k kaki (eļan̄n̄e, remaron̄ lale “Fasting and Fast Offerings” ilo True to the Faith, 66–69). Innām kajjitōk ippāer n̄an riiti Ester 4:1–3, 10–17 n̄an lale etke Riju ro im Ester rekar jitlo̧k. Rōjan̄ ajri ro n̄an ļōmņak juon wun remaron̄ aikuji juon jipan̄ jān Irooj, im kwaļo̧k bwe rej kōm̧m̧an wun in m̧ōttan jitlo̧k eo aer ilo Jabōt in jitlo̧k eo tok juon.

• Kajjitōk ippān ajri ro n̄an katen wōt n̄e rej kōmeļeļeik n̄an juon m̧ōttaer etke rej jitlo̧k. Ta eo renaaj kar ba? kwaļo̧k n̄an er Unin Tōl n̄an Jeje ko Rekwojarjar, “Fast, Fasting” (scriptures.ChurchofJesusChrist.org) n̄e rej aikuj jipan̄. Kwaļo̧k juon waanjon̄ak ke kwaar jitlo̧k n̄an bōk jipan̄ an Irooj. Kajjitōk ippān ajri ro n̄an kwaļo̧k en̄jake ko aer kōn men ko raar jitlo̧k kaki.

pija ej bōk jikin ekkatak

Kōketak Ekkatak ilo M̧weo

Al juon al ippān doon kōn juon pedped kwaar ekkatak ilo kūlaaj rainin (lale topic index ilo Children’s Songbook n̄an itiea). Kajjitōk ippāer n̄an al al eo ippān baam̧le ko aer.

Kōkōm̧anm̧anļo̧k Ad Katakin

Mour kōn ta eo kwoj katakin. Am̧ katakin enaaj kajoorļo̧k eļan̄n̄e komaron̄ kam̧ool jān en̄jake eo am̧ make kōn kōjeraam̧m̧an ko kōn mour kōn gospel eo. Ilo am̧ kāālet pedped in katak ko n̄an katakin ajri ro, kōļmenļo̧kjeņ kōn ekōjkan an naaj ļapļo̧k am mour kōn pedped in katak ko. (Lale Teaching in the Savior’s Way, 13–14

peij in m̧akūtkūt eo: Imaron̄ in peran