jilu em̧maan rej kōnono n̄an juon em̧m̧aan ioon melaaj eo

Ekajet ko an Job, jān Joseph Brickey

O̧kwōj 1–7

Job 1–3; 12–14; 19; 21–24; 38–40; 42

“Inaaj Kōjatdikdik Wōt Kōn E”

Ilo am̧ kar ekkatak bwebwenato eo an Job, ta ennaan ko kwaar loi n̄an mour eo am make? Ewi iaan ennaan ko kwaar en̄jake ke ajri ro kwoj katakin raikuj ron̄?

Je En̄jake ko Rej Im̧we Eok

pija ej bōk jikin kwaļo̧k

Kajjitōk bwe ren Kwaļo̧k

Kwaļo̧k n̄an ajri ro juon pija in kein tariņae (lale unin tōl eo an wiik in ilo Itok, Ļoor Eō—N̄an Kajjojo Armej im Baam̧le ko). Kajjitōk ippān ajri ro elmen aer en̄jake kōn en̄jake eo an em̧m̧aan eo ilo pija eo. Kajjitōk ippāer n̄an kwaļo̧k jabdewōt meen rekar jeļā kōn Job.

pija ej bōk jikin katakin

Katakin Katak eo: Ajri ro Reddikļo̧k

Job 1–2; 13:15

Jemedwōj Ilan̄ im Jisōs Kraist naaj jipan̄ eō ilo iien ko reppen ilo aō tōmak Er.

Job eaar leke Anij im kar maron̄ in tiljek wōt men̄e eaar ioon apan̄ ko reppen. Bwebwenato eo an Job emaron̄ jipan̄ ajri ro kōkajoorļo̧k tōmak eo aer ilo Jemedwōj Ilan̄ im Jisōs Kraist bwe ren maron̄ in pojak n̄an jelm̧ae apan̄ ko aer make.

M̧akūtkūt ko Maron̄ Kōm̧m̧ani

• Kajjitōk ippān ajri ro an kwaļo̧k ta eo rejeļā kake kōn Job, im jipan̄ er meļeļe ta eo ekar waļo̧k n̄an e (lale Job 1–2; “Job” ilo Old Testament Stories). Kajjitōk ippāer eo wāween nej kar aer en̄jake ne enkar er Job. Wōn emaron̄ jipan̄ kōj būrom̧ōj n̄e men ko rewaļo̧k n̄an mour ko ad? Kwaļo̧k juon pijain Jisōs Kraist, im kōmeļeļeiki bwee tōmak eo an Job ilo Irooj ekar jipan̄ e ilo iien ko an reppen (lale Job 1:21).

• Riit n̄an ajri naan ko an Job ilo Job 13:15: “Ij kōjadrikdrik wōt ilo E.” N̄an jipan̄ ajri ro meļeļe ta meļeļein leke ilo Anij, kōnono n̄an er kōn armej ro jet rej leke er. N̄an waanjon̄ak, ta eo jej leke ro jined im jemed n̄an kōm̧m̧ane? Ta eo jej en̄jake im̧we n̄an kōm̧m̧ane? Ta eo jej leke Jemedwōj Ilan̄ im Jisōs Kraist n̄an kōm̧m̧ane? Kwaļo̧k am̧ leke ilo Jemedwōj Ilan̄ im Jisōs Kraist, im jipan̄ ajri ro ļōmņake wāween ko remaron̄ kwaļo̧k aer iakwe im leke Er.

Job 19:25.

Jisōs Kraist ej aō Ripinmuur.

Job ekar maron̄ in nikniki apan̄ ko an im en̄taan kōnke tōmak eo an ilo Irooj. Ekōjkan am̧ naaj jipan̄ ajri ro kōkajoorļo̧k tōmak ko aer bwe Jisōs Kraist, ad Ripinmuur?

M̧akūtkūt ko Maron̄ Kōm̧m̧ani

• Kwaļo̧k juon pija in Jisōs ioon dōbwāāl eo ak an kar kallib ilo lōb Gospel Art Book, nos. 57, 58). Kajjitōk ippān ajri ro n̄an kōmeļeļeik ta eo ej waļo̧k ilo pija eo. Riit n̄an ajri ro naan in kam̧ool eo an Job ilo Job 19:25. Kwaļo̧k juon pija in jerkakpeje Rilo̧mo̧o̧r (lale Gospel Art Book, nos. 59, 60; see also this week’s activity page), and testify that Jesus Christ was resurrected and lives today. Etke jej kam̧moolol bwe Jisōs ekar jerkakpeje?

• Kwaļo̧k juon pija in Job, im kōmeļeļeik bwe Job ekar lukkuun metak kōn ānbwiniin ekar kinejnej aolepen. Eaar jako m̧weeo im̧ōn, im ajri ro nejin raar mej. Ak Job ekar jeļā jet men relukkuun aorōk me rekar leļo̧k n̄an e aenōm̧m̧an. Riiti Job 19:25, im kajjitōk ippān ajri ro ta eo Job ekar jeļā. Kwaļo̧k n̄an ajri ro elmen am̧ jeļā bwe Jisōs Kraist emour, im kajjitōk ippān ajri ro n̄an kwaļo̧k naan in kam̧ool ko aer kōn E.

  em̧m̧aan eo ej reilo̧k

  Job, jān Gary L. Kapp

• Kajjitōk ippān ajri ro n̄an kōļare peij in m̧akūtkūt eo an wiik in. N̄e rej kōm̧m̧ane, al juon al kōn Jerkakpeje eo an Jisōs, āinwōt “Did Jesus Really Live Again?” ak “Jesus Has RisenChildren’s Songbook, 64, 70). Kajjitōk ippān ajri ro elmen aer en̄jake kōn Jisōs, im jipan̄ er meļeļe bwe jemaron̄ en̄jake em̧m̧an jān Jetōb Kwojarjar n̄an jipan̄ kōj jeļā bwe Jisōs Kraist em̧ool.

pija ej bōk jikin katakin

Katakin Katak eo: Ajri ro Rerūttoļo̧k

Job 1–2; 12; 19

Jemedwōj Ilan̄ im Jisōs Kraist naaj jipan̄ eō anjo̧ ioon apan̄ ko aō n̄e ij tōmak ilo Er.

Kajjojo armej ewōr aer raan ko reppen, im jet armej ewōr aer apan̄ ko me eto kitier. Tōmak eo an Job ilo Anij ekar rie e ilo apan̄ ko an. Ļōmņake elmen bwebwenato in an maron̄ jipan̄ ajri ro kalōk tōmak ilo Jemedwōj Ilan̄ im Jisōs Kraist bwe ren maron̄ in jelm̧ae apan̄ ko aer, kiiō im tokālik.

M̧akūtkūt ko Maron̄ Kōm̧m̧ani

• Kajjitōk ippān ajri ro n̄an kwaļo̧k ta eo rejeļā kōn bwebwenatoin Job. Kain rot kar armej e? Ta eo ekar waļo̧k n̄an e? Elmen an kar uwaak n̄an apan̄ ko an? Kwaļo̧k n̄an er eoon ko ilo Job 1–2 n̄an jipan̄ er kwaļo̧k bwebwenato eo (lale Job 1:1, 13–22; 2:7–10; bar lale “Job” in Old Testament Stories). Kajjitōk ippān ajri ro n̄an kwaļo̧k aer en̄jake kōn bwebwenato in an Job.

• Kwaļo̧k jet pijain Jisōs Kraist an iaio̧ ippān armej ro, im kajjitōk ippān ajri ro ta aer en̄jake an pija kein katakin kōj kōn wōn eo Jisōs Kraist im elmen jekjek in E. Bar ta jejeļā kōn E? Kajjitōk ippān ajri ro n̄an riiti jet iaan eoon kein ilaļ n̄an lale men ko Job ekar jeļā kake kōn Irooj: Job 12:10, 13, 16; 19:25–27. Etke eaorōk n̄an jeļā kōn menin kein kōn Rilo̧mo̧o̧r?

• Kajjitōk ippān ajri ro n̄an riiti Job 19:14–19, im kajjitōk ippāer ta eo eoon kein rej ba kake elmen an armej ro jet kar kōm̧m̧an n̄an Job. Elmen ad en̄jake n̄e en kar waļo̧k n̄an kōj? Kajjitōk ippān ajri ro n̄an riiti Job 19:23–27 n̄an lale elmen an Job kar lo aenōm̧m̧an ilo jekjek rot in. Ta eo eoon kein rej katakin kōj kōn Rilo̧mo̧o̧r? Etke eaorōk n̄an jeļā bwe E ej mour im iakwe kōj? (lale Jon 17:3).

• Al ippān doon juon al me ej kam̧ool kōn Jisōs Kraist, āinwōt “Ijeļā Aō RiPinmuur Ej MourAl ko Al in Ajri, no.28). Ta eo al in ej kwaļo̧k kake etke eaorōk n̄an bōk juon naan in kam̧ool bwe Jisōs Kraist emour? Jiron̄ļo̧k ajri ro elmen am̧ jeļā bwe Rilo̧mo̧o̧r emour im etke kwoj kam̧m̧oolol kōn jeļā in. Rōjan̄ ajri ro n̄an kwaļo̧k aer en̄jake im naan in kam̧ool barāinwōt.

Job 19:13–19; 22:5

Ro m̧ōttad rem̧m̧an rej nōbar im rōjan̄ doon.

Ke Joab ekar apan̄, ro m̧ōttan rekar ba bwe Anij ekar kaje kōn an kar jerawiwi. Bwebwenato in emaron̄ jipan̄ eok katakin ajri ro ilo juon wāween em̧m̧antata n̄an uwaake juon m̧ōttaer eo ewōr an apan̄ (lale Job 16:1–5.

M̧akūtkūt ko Maron̄ Kōm̧m̧ani

• Kajjitōk ippān ajri ro n̄an etale elōn̄ men ko reppen me rekar waļo̧k n̄an Job (lale Job 1:13–19; 2:7). Riit ippān doon Job 19:14, 19, lale elmen an ro m̧ōttan Job kar kōm̧m̧an n̄an apan̄ ko an (bar lale Job 22:1–5). Kajjitōk ippān ajri ro n̄an katen wōt n̄e er kar ro m̧ōttan Job—elmen aer kar kajjieon̄ in jipan̄ e? Rōjan̄ er n̄an ļōmņake juon eo m̧ōttaer eo me ej dipļo̧k men ko reppen im karōk jet men remaron̄ kōm̧m̧ane n̄an kwaļo̧k iakwe im jipan̄ n̄an eo m̧ōttaer.

• Kajjitōk ippān ajri ro n̄an laajrak jet men ko rem̧m̧an juon m̧ōttad im n̄an ņaetan juon m̧ōttad eo ewōr ippān men kein. Kwaļo̧k juon pija in Jisōs Kraist. Ilo wāween rot Jisōs ej juon m̧ōttad eo em̧m̧an n̄an kōj kajjojo? Ekōjkan ad maron̄ ļoor waanjon̄ak eo An?

pija ej bōk jikin ekkatak

Kōketak Ekkatak ilo M̧weo

Kajjitōk ippān ajri ro n̄an kwaļo̧k n̄an juon uwaan baam̧le ak m̧ōttan juon wāween me Jemedwōj Ilan̄ im Jisōs Kraist emaron̄ jipan̄ er n̄e ewōr aer iien ko reppen.

Kōkōm̧anm̧anļo̧k Ad Katakin

Kam̧ool kōn kōjeraam̧m̧an ko kar kallim̧ur kaki. N̄e Irooj ej letok juon kien, ekkā An kallim̧ur kōn kōjeraam̧m̧an ko n̄an kōjparok kien ko. N̄e kwoj kajjitōk ippān ajri in Būraimere ro n̄an mour kōn juon pedped in katak eo em̧ool, kwaļo̧k kallim̧ur ko Anij ekar kōm̧m̧ane kōn rikanaan ro n̄an ro me rej mour kōn pedped in katak jab eo. Kwomaron̄ barāinwōt kwaļo̧k naan in kam̧ool kōn kōjeraam̧m̧an ko kwaar būki jen mour kake pedped eo.

peij in m̧akūtkūt: Jisōs Kraist ej aō Ripinmuur