“O̧kwōj 15–21. Sam Ko 49–51; 61–66; 69–72; 77–78; 85–86: ‘Inaaj Kwaļo̧k Ta eo Ear Kōm̧m̧an N̄a Aō,’” Itok, Ļoor Eō—N̄an Būraimere: Kallim̧ur Mokta 2022 (2021)
“O̧kwōj 15–21. Sam Ko 49–51; 61–66; 69–72; 77–78; 85–86,” Itok, Ļoor Eō—N̄an Būraimere: 2022
Lo̧mo̧o̧re Eo Ekar Jako, jān Michael T. Malm
O̧kwōj 15–21
Sam Ko 49–51; 61–66; 69–72; 77–78; 85–86
“Inaaj Kwaļo̧k Ta eo Eak Kōm̧m̧an N̄an Aō”
Waanjon̄ak eo am̧ āinwōt juon rikatak an gospel in emaron̄ wōr juon im̧we ekajoor n̄an ajri ro. Kwaļo̧k n̄an er en̄jake ko an ilo jetōb kōn ekkatak gospel in.
Je En̄jake ko Rej Im̧we Eok
Kajjitōk bwe ren Kwaļo̧k
Kwaļo̧k n̄an ajri ro juon eoon jān sam ko, juon al, ak juon al in ajri me ejipan̄ eok en̄jake iakwe eo an Rilo̧mo̧o̧r. Leļo̧k n̄an kajjojo ajri jidik iien n̄an kōm̧m̧an āinwōt.
Katakin Katak eo: Ajri ro Reddikļo̧k
N̄e ij kōm̧m̧ani kālet ko rebōd, Jisōs Kraist emaron̄ jipan̄ eō oktak.
Jipan̄ ajri ro meļeļe bwe bōd rej m̧ōttan mour wabanban in im bwe jemaron̄ bōk jipan̄ jān Jisōs Kraist n̄an anjo̧ jeni.
M̧akūtkūt ko Maron̄ Kōm̧m̧ani
-
Kwaļo̧k juon bwebwenato ekaduk jān mour eo am̧ a jen eo Jera ak Liaona, kōn juon ajri eo ekar kōm̧m̧ane juon kālet ebōd ak bōk jipan̄ jān Rilo̧mo̧o̧r n̄an em̧m̧anļo̧k “The Shiny Bicycle” at ChurchofJesusChrist.org). Riiti Sam Ko 51:10, im kwaļo̧k m̧ōņōņō eo kwoj en̄jake n̄e Rilo̧mo̧o̧r ej jipan̄ eok bōk “juon bōro erreeo” im “juon jetōb jim̧we.”
-
Jipan̄ ajri ro kadedeļo̧k peij in m̧akūtkūt eo an wiik in. Jitōn̄ ļo̧k kajjojo pija, im kajjitōk ippān ajri ro n̄an kōmeļeļeik ta eo rej loe. Riiti naan ko n̄an jipan̄ ajri ro jeļā kōn ukweļo̧k im jeo̧rļo̧k bōd.
Imaron̄ ba n̄an armej ro kōn Jisōs Kraist.
Tōmak ekobrak naan ko an juon ajri bōk kajoor eo ejjejet n̄an kam̧weiir bōro ko. Leļo̧k n̄an ajri ro leke bwe naan in kam̧ool eo aer kōn Jisōs Kraist emaron̄ jipan̄ ro jet.
Jemaron̄ kōnono n̄an ro jet kōn ta eo Jisōs ekar kōm̧m̧ane n̄an kōj.
M̧akūtkūt ko Maron̄ Kōm̧m̧ani
-
Riit n̄an ajri ro Sam Ko 71:8, im jin̄aik juon lon̄i kileplep ioon boot eo. Kajjitōk ippāer n̄an jipan̄ “kanne” lon̄i eo kōn men ko jemaron̄ ba n̄an ro jet kōn Jisōs Kraist.
-
Leto-letak juon pija in Jisōs Kajjitōk ippān ajri ro n̄an bōk kūņaer kotak pija eo im ba juon men rejeļā kōn E. Ta eo E ekar kōm̧m̧ane n̄an kōj? (Pija ko ilo Gospel Art Book emaron̄ letok jet ļōmņak.)
Jemedwōj Ilan̄ ej ron̄jake im uwaake jar ko ad.
Elōn̄ iaan sam ko rej āinwōt jar n̄an Anij n̄an jipan̄, tōl, im kōjparok. Ļōmņake elmen am̧ maron̄ jipan̄ kalōk tōmak eo aer bwe Jemedwōj Ilan̄ ej ron̄jake im uwaake er n̄e rej jar.
M̧akūtkūt ko Maron̄ Kōm̧m̧ani
-
Kajjitōk ippān ajri ro elmen aer kōnono ippān armej ro rej jokwe ettoļo̧k. Kwaļo̧k n̄an er men ko jemaron̄ kōjerbale n̄an kōnono, āinwōt juon talboon ak leta. Riit n̄an er Sam Ko 86:7. Elmen ad “kūr ioon” Jemedwōj Ilan̄? Elmen An ukwaake kōj?
-
Kajjitōk ippān ajri ro n̄an jerbale men ko rej kōm̧m̧ani aolep raan, āinwōt jerkak, m̧ōn̄ā in jibbon̄, etal n̄an jikuuļ, ak kiki. Jipan̄ er lale iien ko ilo raan eo n̄e remaron̄ jar n̄an Jemedwōj Ilan̄. Kam̧ool bwe jemaron̄ jar n̄an E jabdewōt iien, im E enaaj iien otemjej ron̄jake kōj.
-
Al juon al ippān doon kōn jar, āinwōt “A Child’s Prayer” (Children’s Songbook, 12–13). Jiron̄ļo̧k ajri ro kōn juon tōre ke Anij eaar uwaaki jar ko am̧.
“Inaaj keememej jerbal ko an Anij.”
Jeje ko rekwojarjar remaron̄ kalōk ad tōmak ilo Jisōs Kraist n̄an jipan̄ kōj keememej An “iien ko remootļo̧k.”
M̧akūtkūt ko Maron̄ Kōm̧m̧ani
-
Riit n̄an ajri ro Sam Ko 77:11, im jiron̄ļo̧k er elmen am kajjieon̄ in “keememej jerbal ko an Irooj,” ekoba jerbal ko An ilo mour eo am̧. Kajjitōk ippān ajri ro n̄an jin̄aik pija ko n̄an jipan̄ er keememej men ko reļļap Ekar kōm̧m̧ani.
-
Kwaļo̧k pija ko jān bok in ak jān Itok, Ļoor Eō—N̄an Kajjojo Armej im Baam̧le ko n̄an kakeemej ajri ro kōn bwebwenato ko raar ekkatak ilo Kallim̧ur M̧okta kōn men ko reļļap Irooj ekar kōm̧m̧ani n̄an armej ro An. Kajjitōk ippāer ewi wōt bwebwenato ko em̧m̧an ippāer im etke.
Katakin Katak eo: Ajri ro Rerūttoļo̧k
Ukweļo̧k ej juon oktak in bōro.
Sam Ko 51 epād ie jet m̧ool ko kōn ukweļo̧k. Ewi wāween am̧ jipan̄ ajri ro lo m̧ool kein?
M̧akūtkūt ko Maron̄ Kōm̧m̧ani
-
Leļo̧k n̄an kajjojo ajri juon eoon jān peij in m̧akūtkūt eo an wiik in. Kajjitōk ippāer n̄an lale naan ko me ej katakin er jet men kōn ukweļo̧k. Kōtļo̧k bwe ren je naan ko ioon boot eo. Ālkin an aolep kwaļo̧k, kajjitōk ippān ajri ro elmen aer kar uwaake juon m̧ōttaer eo ej kajjitōk, “ta meļeļein ukweļo̧k?”
-
Jin̄aik juon bōro ioon boot eo. Kajjitōk ippān ajri ro n̄an ņaetan jet jerawiwi ko me Setan ej kapo kōj n̄an kōm̧m̧ani. Je jerawiwi ko ilowaan bōro eo. Kajjitōk ippān ajri ro n̄an lal naan eo bōro ilo Sam Ko 51:10, 17. Ta eo eoon kein rej katakin kōj kōn ukweļo̧k eoon 6). Jipan̄ ajri ro meļeļe bwe men̄e jej bōjrak in kōm̧m̧an jerawiwi, būruwōd eaikuj in oktak bwe jen ukweļo̧k. Kajjitōk ippān ajri ro jereko jerawiwi ko bōro eo ioon boot im je naan ko rekāāl me ej kōmeļeļeik oktak eo ilo būruwōd n̄e jej ukweļo̧k. Kwaļo̧k naan in kam̧ool eo am̧ bwe Anij emaron̄ “ejake ilo [kōj] juon bōro erreeo” n̄e jej ukweļo̧k (eoon 10).
“Inaaj keememj wōt jerbal ko an Irooj.”
RiIsrale ro raar katakin ajri ro nejier kōn kabwilōn̄lōn̄ ko an Anij eaar kōm̧m̧ani n̄an er bwe ajri ro ren “maron̄ karōk aer kōjatdikdik ilo Anij” (Sam Ko 78:7).
M̧akūtkūt ko Maron̄ Kōm̧m̧ani
-
Kajjitōk ippān ajri ro n̄an kwaļo̧k n̄an eok jet bwebwenato ko em̧m̧an ippāer jān jeje ko rekwojarjar (pija ko jān Gospel Art Book emaron̄ jipan̄ er ļōmņaki bwebwenato ko). Etke em̧m̧an ippāer bwebwenato kein? Ta eo bwebwenato kein rej katakin kōj kōn Irooj? Riit ippān doon Sam Ko 77:11; 78:7. Etke eaorōk n̄an “keememj jerbal ko an Irooj”?
-
Kajjitōk ippān ajri ro n̄an riiti Sam Ko 66:16 im kajjitōk kake ak je uwaak ko n̄an kajjitōk ko “Ta eo Irooj ekar kōm̧m̧ane n̄an jetōb eo aō?” Innām kōtļo̧k bwe ren kwaļo̧k uwaak ko aer, n̄e rekōņan. Ta eo jemaron̄ kōm̧m̧ane n̄an “keememj iien otemjej” (Moronai 4:3; 5:2) ta eo Irooj ekar kōm̧m̧ane n̄an kōj?
Irooj ekōņaan bwe in jeorļo̧k bōd.
N̄e jej jerawiwi, Setan ekōņaan bwe jen ļōmņak bwe Irooj ejamin jeo̧rļo̧k ad bōd. Jipan̄ ajri ro kalōk aer tōmak bwe Irooj ej “pojak in jeo̧rļo̧k bōd; im kalōn̄ļo̧k tiriam̧o” (Sam Ko 86:5).
M̧akūtkūt ko Maron̄ Kōm̧m̧ani
-
Kwaļo̧k juon pijain Rilo̧mo̧o̧r eo Itok, Ļoor Eō—N̄an Kajjojo Armej im Baam̧le ko), im kajjitōk ipān ajri ro ta naan ko ren kar kōjerbali n̄an kōmeļeļeik E. Kajjitōk ippāer n̄an lali naan ko me ej kōmeļeļeik E ilo Sam Ko 86:5, 13, 15. N̄e aikuj, jipan̄ er kōmeļeļeik naan kein. Ta eo jemaron̄ kar ba n̄an eo m̧ōttad eo me ej en̄jake bwe Anij ej illu ippāer n̄e rej jerawiwi?
-
Al juon al ipppān ajri ro juon al me kwomaron̄ meļeļe bwe Rilo̧mo̧o̧r ej jeo̧rļo̧k bōd , āinwōt “Ij Ļokjenaō” (Hymns, no. 193). Kwaļo̧k am̧ naan in kam̧ool bwe Jisōs Kraist ekōņaan jeo̧rļo̧k ad bōd.
Kōketak Ekkatak ilo M̧weo
Kajjitōk kajjojo ajri n̄an Rōjan̄ er n̄an kwaļo̧k un in n̄an juon ilo m̧weeo. Kam̧ool bwe naan ko aer naaj kōjeram̧m̧an armej eo.
Kōkōm̧anm̧anļo̧k Ad Katakin
Kwaļo̧k leke. “N̄e ekkar [ajri] ro rejeļā ke kwoj er leke er, aer leke ilo jerbal eo ekwojarjar naaj eddōkļo̧k. … Iakwe eo etinkwardik me kwojarļā remaron̄ eddoik n̄an er make im jeb kōn kōj make.” (Teaching in the Savior’s Way, 28).