Rilomo̧o̧r eo ippān sip

Irooj Ej Aō Seperd, jān Yongsung Kim, havenlight.com

O̧kwōj 8–14

Sam Ko 1–2; 8; 19–33; 40; 46

“Irooj Ej Aō Seperd”

Laajrak in ej kwaļo̧k jet ennaan ko rem̧m̧an kōn Sam Ko eo enaaj kōjeraam̧m̧an ajri ro, ak jab bw ejabwe n̄an ajri rein. Ļoor im̧we eo an Jetōb.

Je En̄jake ko Rej Im̧we Eok

pija ej bōk jikin kwaļo̧k

Kajjitōk bwe ren Kwaļo̧k

Jejjo raan m̧oktaļo̧k, kajjitōk ippān jejjo ajri n̄an bōktok n̄an kūlaaj jin̄a ko rej bōk jikin men ko er im baam̧le ko aer raar riiti ilo Sam Ko ilo wiik in, āinwōt juon seperd (lale Sam Ko 23:1), juon kab (lale Sam Ko 23:5), ak juon bōro (lale Sam Ko 24:4). Kajjitōk ippāer n̄an kōnono kake jin̄a ko aer im juon eoon jān Sam Ko me ej kōnono kōn er.

pija ej bōk jikin katakin

Katakin Katak eo: Ajri ro Reddikļo̧k

Sam Ko 19:1; 33:5

“Lan̄ ko rej kwaļo̧k ōn aiboojoj an Anij.”

Sam Ko 19 im 33 kwaļo̧k bwe jemaron̄ lo kam̧ool eo kōn aiboojoj im em̧m̧an eo an Anij ipeļaakid ilo kōm̧anm̧an ko An raiboojoj. Jipan̄ ajri ro ekkatak n̄an lo pein Anij ilo laļin ipeļaakier.

M̧akūtkūt ko Maron̄ Kōm̧m̧ani

• Kwaļo̧k n̄an ajri ro jet pijain men ko raiboojoj Anij ekar kōm̧anm̧ani, ak reilo̧k jen wintō eo n̄an lo men kein. Kajjitōk ippān ajri ro ta eo em̧m̧an kōn menin kōm̧anm̧an eo an Jemedwōj Ilan̄. Riiti Sam Ko 19:1 ak 33:5, im kajjitōk ippān ajri ro elmen aer en̄jake kōn Jemedwōj Ilan̄ n̄e rej lo menin kōm̧anm̧an ko An.

• Al juon al kōn menin kōm̧anm̧an ko an Anij, āinwōt “The World Is So Lovely” (Children’s Songbook,233). Kajjitōk ippān ajri ro n̄an bōk jabdewōt men Anij ekar kōm̧anm̧ani (āinwōt men eo ej waļo̧k ilo al in) im jin̄aik juon pija in n̄an kwaļo̧k n̄an baam̧le ko aer.

Sam Ko 23

“Irooj ej aō Seperd.”

N̄e ajri ro remaron̄ jeļā ilo iiō eo rej dik wōt bwe Irooj ej aer seperd, renaaj kōņaan ļoor E “ilo iaļen wānōk.”

M̧akūtkūt ko Maron̄ Kōm̧m̧ani

• Leļo̧k n̄an kajjojo ajri juon kape in peij in m̧akūtkūt eo an wiik in, ak leļo̧k n̄an er kajjojo juon pija jān peij in m̧akūtkūt eo. Kajjitōk ippāer bwe ren ron̄jake ilo am̧ riiti Sam Ko 23. Kajjitōk ippāer n̄an jitōn̄ļo̧k ak kotak juon pija n̄a rej ron̄ an waļo̧k ilo sam ko. Kwaļo̧k am naan in kam̧ool bwe Jisōs ej kea kake kōj, āinwōt juon seperd an kōjparok sip ko an.

• Jiron̄ļo̧k ajri ro jet wāween ko kwojeļā bwe Rilo̧mo̧o̧r ej iakwe eok. Kajjitōk ippān ajri ro n̄an jutak juon alen im kwaļo̧k jet wāween ko rejeļā bwe Jisōs ej iakwe er. Al ippān doon juon al me emaron̄ leļo̧k n̄an er ļōmņak ko, eo āinwōt “I Feel My Savior’s Love” (Children’s Songbook, 74–75).

Sam Ko 30:5

Jisōs Kraist emaron̄ ukōt būrom̧ōj n̄an m̧ōņōņō.

Kōļmenļo̧kjeņ elmen am̧ naaj jipan̄ ajri ro bōk kam̧ool eo aer make kōn m̧ōņōņō eo Jisōs Kraist ekar letok n̄an kōj n̄e jej būrom̧ōj.

M̧akūtkūt ko Maron̄ Kōm̧m̧ani

• Kajjitōk ippān ajri ro n̄an katen wōt n̄e rej jan̄ ilo am̧ riit jān Sam Ko 30:5, “Jan̄ enaaj pād wōtilo bon̄.” Innām kajjitōk ippāer bwe ren m̧ōņōņō ilo am̧ riiti, “A lan̄lōn̄ enaaj itok ñe e jibbōn” Ālijji naan eo jidik iien, im kam̧ool n̄an ajri ro bwe kōn Jisōs Kraist, būrom̧ōj eo jej en̄jake ilo mour in emaron̄ bōk jikin m̧ōņōņō eo.

• Kwaļo̧k juon pijain Rilo̧mo̧o̧r eo, im jiron̄ ajri ro kōn jet men Eaar kōm̧m̧ani n̄an eo me ebōktok n̄an eok m̧ōņōņō. Kajjojo ajri en bōk kūņaan n̄an kotak pija eo im kwaļo̧k ta eo Jisōs ekar kōm̧m̧ane bwe en bōktok n̄an er m̧ōņōņō.

pija ej bōk jikin katakin

Katakin Katak eo: Ajri ro Rerūttoļo̧k

Sam Ko 23; 27–28; 32; 46

Irooj eaar letok n̄an eō aenōm̧m̧an, kajoor, im tōl.

Elōn̄ iaan Sam Ko rej kam̧ool kōn kōjeraam̧m̧an ko an Irooj ilo mour ko ad. Kwomaron̄ kōjerbal Sam Ko n̄an jipan̄ ajri ro jeļā leke E im oktaļo̧k n̄an E.

M̧akūtkūt ko Maron̄ Kōm̧m̧ani

• Je ioon boot eo Irooj ej . Kōtļo̧k bwe ajri ro ren kālet juon ak elōn̄ļo̧k eoon in riit kein ilaļ: Sam Ko 23:1; 27:1; 28:1; 28:7; 32:7; 46:1. Kajjitōk ippāer n̄an kadedeļo̧k jentōj eo ioon boot eo kōjerbal ta eo rejeļā jān eo eo aer. Jipan̄ ajri ro kōnono ta eo kōkaļļein kein rej katakin kōj kōn Irooj.

• Kwaļo̧k n̄an ajri ro juon pija in juon lamb. Kajjitōk ippār n̄an ņaetan jet men juon lamb eaikuj bwe en jokne im emourur, im rōjan̄ er n̄an lale ilo Sam Ko 23:1–4 n̄an lōmņa ko. Innām kwaļo̧k pijain juon ajri. Ta eo jej aikuji bwe jen jokne im emourur ilo jetōb? Riit ippān doon Sam Ko 23, im kajjitōk ippān ajri elmen an seperd eo kōm̧m̧an ilo sam ko maron̄ keidi n̄an ta eo Jisōs ekar kōm̧m̧ane n̄an kōj.

Concepción Chile Temple

Jej aikuj erreeo ilo jetōb im kwojarjar n̄an deļo̧n̄ im̧aan mejen Irooj.

Sam Ko 24: 3–4

N̄an deļo̧n̄e tampeļ eo, jej aikuji “pā ko rerreeo, im juon bōro ekwojarjar.”

Ilo an ajri ro reim̧aanļo̧k n̄an deļo̧n̄e tampeļ eo juon raan, jipan̄ er meļeļe bwe remaron̄ pojak n̄an erreeo ilo jetōb jen Pinmuur eo an Rilo̧mo̧o̧r.

M̧akūtkūt ko Maron̄ Kōm̧m̧ani

• Kwaļo̧k n̄an ajri ro juon pija in juon tampeļ. Kajjitōk ippāer n̄an riiti Sam Ko 24:3 im pukot naan ko me ekakeememej er kōn tampeļ. Innām riit ippān doon eoon 4 n̄an jeļā wōn emaron̄ deļo̧n̄e tampeļ (kōmeļeļeik jabdewōt naan ko rejjab meļeļe). Elmen an pā ko peid ettoonon? Elmen an pā ko peid im būruwōd ettoonon? Elmen ad karreeoik peid? Elmen an Rilo̧mo̧o̧r eo jipan̄ kōj karreoik peid im būruwōd ilo jetōb? (N̄e ejipan̄, kōmeļeļeiki bwe “pā ko” ilo eoon in emaron̄ pinej jenkwan kōm̧m̧an ko ad im “bōro” emaron̄ pinej jenkwn ikdeleel ko ad.)

• Etale ippān ajri ro jibadbad ko rekkar n̄an bōk juon peba in mālim an tampeļ (lale Russell M. Nelson, “Naan in Ikkilōk ko,” Kweilo̧k eo Eļap, Okt. 2019; ak kajjitōk ippān juon iaan bisoprik n̄an kōnono kōn jibadbad ko rekkar ippān kūlaaj eo). Kajjitōk ippān ajri ro n̄an kālet juon men rej en̄jake kar im̧wee n̄an kōm̧m̧ane n̄an keppopo n̄an erreeo n̄an deļo̧n̄e tampeļ eo.

Sam Ko 46:10

“Ikōn̄ wōt im jeļā ke N̄a Anij.”

Kajjieon̄ ikōn̄ im kautiej, kōjekdo̧o̧n boub ko ipeļakūm̧, emaron̄ jipan̄ kōj kalōk naan in kam̧ool ko ad bwe Anij emour.

M̧akūtkūt ko Maron̄ Kōm̧m̧ani

• Jipan̄ ajri ro kakilōklōke ļain eo jinoin ilo Sam Ko 46:10:“Ikōn̄ wōt im jeļā ke N̄a Anij.” Kōnono n̄an er kōn ta eo emaron̄ meļeļein n̄an “ikōn̄ wōt,” jim̧or ilo kanniōk im ilo ļōmņak. Kwaļo̧k n̄an ajri ro juon en̄jake eo me “ikōn̄,” ekar kōkajoor naan in kam̧ool eo am̧ kōn Jemedwōj Ilan̄. Kajjitōk ippān ajri ro n̄an kwaļo̧k jabdewōt en̄jake ko ekar wōr aer. Etke ikōn̄ ej juon wāween eaorōk n̄an jeļā bwe Anij emour?

• Kajjitōk ippān ajri ro n̄an etale ippam̧ ta eo rej kōm̧m̧ane ilowaan juon raan. Jipan̄ er ļōmņake iien ko ilo raan eo aer ke raar kajjieon̄in “ikōn̄” im en̄jake epaakļo̧k Jemedwōj Ilan̄. Rōjan̄ er n̄an karōk juon kōttōbar n̄an kōjerbal iien ko ilo wiik eo ej n̄an kōkajoor naan in kam̧ool eo aer kōn Jemedwōj Ilan̄.

• Kajjitōk ippān ajri ro n̄an kōlaajraki men ko jemaron̄ kōm̧m̧an n̄an jeļā kōn kōj make bwe Jemedwōj Ilan̄ ej m̧ool im bwe Ej iakwe kōj. Kajjitōk ippāer n̄an kālet jet men jān laajrak eo me rekōņaan kōm̧m̧ane.

pija ej bōk jikin ekkatak

Kōketak Ekkatak ilo M̧weo

Kajjitōk ippān ajri ro n̄an kālet juon eoon em̧m̧an ippāer jān sam ko rekar kōnono kake rainin. Kōketak er n̄an kwaļo̧k laajrak eo aer ippān juon uwaan baam̧le ak eo m̧ōttaer.

Kōkōm̧anm̧anļo̧k Ad Katakin

Mije aikuj ko an ajri ro. Āinwōt juon rūkaki, kopād ilo juon jerbal eo ejejjet n̄an meļeļe aikuj ko an ro kwoj katakin. Am̧ en̄jake, am̧ jeļā kōn ajri ro, im im̧we eo an Jetōb enaaj jipan̄ eo jeļā m̧akūtkūt rot eo n̄an kalōt aer tōmak ilo Jemedwōj Ilan̄ im Jisōs Kraist.

peij iin m̧akūtkūt: “Irooj ej aō seperd”