“O̧kwōj 22–28. Sam Ko 102–103; 110; 116–119; 127–128; 135–139; 146–150: ‘Men Otemjej Ewor Ae Menono Ren Nōbar Irooj’” Itok, Ļoor Eō—N̄an Būraimere: Kallim̧ur Mokta 2022 (2021)
“O̧kwōj 22–28. Sam Ko 102–103; 110; 116–119; 127–128; 135–139; 146–150,” Itok, Ļoor Eō—N̄an Būraimere: 2022
Aolep Bukwe Renaaj Bukwelōlō, jān J. Kirk Richards
O̧kwōj 22–28
Sam Ko 102–103; 110; 116–119; 127–128; 135–139; 146–150
“Men Otemjej Ewor Aer Menono Ren Nōbar Irooj”
Eļan̄n̄e kwoj aikuj eļapļo̧k ļōmņak ilo am̧ kōppopo n̄an katakin, lale “Bar Jet Kein Katakin n̄an Katakin Ajri ro” im “Tōpar Aikuj ko an Ajri ro Reddikļo̧k” ilo jinoin kein ekkatak in.
Je En̄jake ko Rej Im̧we Eok
Kajjitōk bwe ren Kwaļo̧k
Kwaļo̧k pija in ilo laajrak eo an wiik in ilo Itok, Ļoor Eō—N̄an Kajjojo Armej im Baam̧le ko, im kajjitōkin ajri ro n̄an kōmeļeļeik ta eo ej waļo̧k ilo pija eo. Jipan̄ er lo ekkiejel ko ikōtaan pija ko im ta eo raar ekkatak ilo bok in sam ko.
Katakin Katak eo: Ajri ro Reddikļo̧k
Naan ko an Anij ej āinwōt juon meram.
Ajri ro kwoj katakin er rej pād ilo iaļ in ļo̧k n̄an Jemedwōj Ilan̄. Naan eo an Anij emaron̄ jipan̄ er dāpdep ilo iaļ in kiiō im ilo aolepen mour ko aer.
M̧akūtkūt ko Maron̄ Kōm̧m̧ani
-
Kwaļo̧k pijain men ko kwaļo̧ki ilo Sam Ko 119:105, im kajjitōk ippān ajri ro n̄an likūt pija ko ilo karōkier ilo am̧ riiti eoon eo. Kajjitōk ippān ajri ro n̄an ālijji naan ko jān eoon eo ippam̧ ilo am̧ kwaļo̧k pija ko.
-
Kajjitō ippān ajri ro n̄an kōnono kake ta en̄jake eo n̄e emarok. Ta men ko me repen kōm̧m̧ani ilo marok? Kwomaron̄ karuwaineneik juon ajri n̄an kajjieon̄ kōm̧m̧ani men ko ilo an mejāer kilōk, āinwōt jin̄aik juon pija. Etke men kein repidodo n̄an kōm̧m̧ani n̄e ewōr meram? Jipan̄ ajri ro meļeļe elmen an naan eo an Anij, āinwōt an waļo̧k ilo jeje ko rekwojarjar im naan ko an rikanaan ro remour, kōmeram ad iaļ ļo̧k n̄an ippān Jemedwōj Ilan̄.
Jemedwōj Ilan̄ im Jisōs Kraist rejeļā kajjieō im rej iakwe eō.
Ilo mour ko ad, jej aikuj in keememej bwe Jemedwōj Ilan̄ im Jisōs rejeļā kajjied kajjojo. Sam Ko 139 emaron̄ jipan̄ am̧ katakin ajri ro bwe Er rejeļā er im iakwe er.
M̧akūtkūt ko Maron̄ Kōm̧m̧ani
-
Kōm̧m̧ane juon laajrak ekadu in men ko kwojeļā kōn kajjojo ajri. Ilo am̧ riiti laajrak ko juon ilo̧k juon, kajjitōk ippān ajri ro n̄an kajirereiki wōn eo ej kōmeļeļeiki. Riit Sam Ko 139:1–3, im jipan̄ ajri ro meļeļe naan ko remaron̄ jab jeļā. Kam̧ool bwe Jemedwōj Ilan̄ im Jisōs rejeļā lukkuun kajjier—er, ta eo ej kam̧ōņōņōik im kabūrom̧ōj er, im men ko rem̧m̧an rej kōm̧m̧ani.
-
Riiti Sam Ko 139:23, im kajjitōk ippān ajri ro n̄an likūt peier ilo ubweer n̄e koba “bōro” im ren jibwe bōraer n̄e koba “ļōmņak.” Kwaļo̧k juon tōre kwaar en̄jake ke Anij ejeļā būruwōm̧ im ļōmņak ko am̧.
Imaron̄ nōbar Irooj.
N̄an nōbar Iroooj meļeļein n̄an kwaļo̧k ad kam̧m̧oolol im iakwe E. Jipan̄ ajri ro jeļā bwe jej nōbar ilo ad kōm̧m̧ani men ko āinwōt al, jar, im pokake katak ko An.
M̧akūtkūt ko Maron̄ Kōm̧m̧ani
-
Kajjitōk ippān ajri ro n̄an kwaļo̧k en̄jake ko n̄e juon ekar nōbar er ak jiron̄ļo̧ er ekar em̧m̧an aer kōm̧m̧ane. Kwaļo̧k jet iaan men ko rem̧m̧an jān Sam Ko 146:6–9 me Irooj ekar kōm̧m̧ani, im kajjitōk ippān ajri ro n̄an kōnono kaki men ko jet Ekar kōm̧m̧ani n̄an kōj. Jipan̄ er ļōmņak kōn wāween ko remaron̄ nōbar E kōn men ko.
-
Al ippān doon kōn juon al kōn nōbar, eo āinwōt “Reverently, QuietlyChildren’s Songbook,26). Kōmeļeļeik bwe RiIsrael ro etto, Sam Ko rekar āinwōt al al ko jej al kaki rainin n̄an kabun̄jar im nōbar Anij.
Katakin Katak eo: Ajri ro Rerūttoļo̧k
Irooj ej letok n̄an kōj aenōm̧m̧an im kōjatdikdik.
Anij ej jeļā kōn apan̄ im būrom̧ōj ko ad, im E ekōņaan kaenōm̧m̧an im rōjan̄ kōj. Jipan̄ ajri ro kalōk aer tōmak ilo E bwe ren maron̄ jepļaak n̄an E ilo iien aikuj.
Kōmour, jān J. Kirk Richards
M̧akūtkūt ko Maron̄ Kōm̧m̧ani
-
Kajjitōk ippān juon iaan ajri ro n̄an riiti Sam Ko 102:1–2. Elmen an Irooj maron̄ jipan̄ kōj ilo iien apan̄ ko ad? Elmen ad kajjitōk jipan̄ eo An? Kwaļo̧k juon en̄jake me kwaar en̄jake ke Anij eaar uwaaki jar ko am̧ ke kwaar pād ilo aikuj, im kajjitōk ippān ajri ro n̄an kwaļo̧k en̄jake im naan in kam̧ool ko aer.
-
Kajjitōk ippān ajri ro n̄an lale naan in kaenōm̧m̧an im kōjatdikdik ilo Sam Ko 103. Elmen an naan kein jipan̄ armej ro rej ioon apan̄ ko? Rōjan̄ ajri ro n̄an je naan ko rej lo ewōr tokjeer n̄an kakeememej er bwe Irooj emaron̄ jipan̄ er n̄e ewōr aer apan̄ ko.
Naan in Anij ejipan̄ eō ļoor ial eo An.
Men̄e laļ in emaron̄ in marok jet iien, naan in Anij enaaj ba kajjien ad iaļ im jipan̄ kōj jepļaakļo̧k n̄an Ippān.
M̧akūtkūt ko Maron̄ Kōm̧m̧ani
-
Jin̄a ioon boot eo juon pija in juon meram (āinwōt juon ļam̧) im juon pijain jeje ko rekwojarjar. Kajjitōk ippān ajri ro n̄an riiti Sam Ko 119:105. Elmen an meram jipan̄ kōj? Elmen an naan in Anij jipan̄ kōj? Kajjitōk ippān ajri ro n̄an je uwaak ko aer ioon boot eo iturin pija ko. Elmen naan in Anij āinwōt juon meram? Elmen an jipan̄ kōj pād wōt ilo iaļ in me ej tōļo̧k n̄an ippān Jemedwōj Ilan̄?
-
Kōjeno̧ļo̧k ajri ro ilo m̧ōttan ko, im leļo̧k n̄an kajjojo m̧ōttan juon iaan eoon kein ilaļ: Sam Ko 119:47–48; Sam Ko 119:105; 1 Nipai 11:25; 2 Nipai 31:20. Kajjitōk ippāer n̄an riiti eoon ko im lale ta eo Jemedwōj Ilan̄ ekar letok n̄an kōj n̄an jipan̄n̄ kōj pād wōt ilo iaļ in lo̧k n̄an Ippān. Kajjitōk ippān ajri ro n̄an kōļmenļo̧kjeņ im kwaļo̧k ta eo raar en̄jake n̄an kōm̧m̧ane kōn wōt ta eo raar ekkatak.
-
Al juon al ippān doon kōn ļoor iaļ eo an Anij, āiwōt “I Will Walk with JesusChurchofJesusChrist.org Ta eo jaar ekkatak jān al in kōn elmen ad pād wōt ilo iaļin ejim̧we?
Jemedwōj Ilan̄ im Jisōs Kraist remaron̄ jipan̄ eō jeļā kilen em̧m̧anļo̧k.
Sam Ko 139 kwaļo̧k bwe Anij ejeļā men otemejeļo̧k kōn kōj, ekoba kajoor im m̧ōjņo ko ad. N̄e jej oktakļo̧k n̄an E, Emaron̄ katakin kōj ta eo jej aikuji n̄an kōm̧m̧ane n̄an erom̧ āinwōt E.
M̧akūtkūt ko Maron̄ Kōm̧m̧ani
-
Je naan ko Sam Ko 139:23–24 ioon boot eo, im kajjitōk ippān ajri ro n̄an ļaini naan ko me ej kōmeļeļeik men ko Anij emaron̄ kōm̧m̧ani n̄an kōj. Etke jej kōņaan bwe Anij en kōm̧m̧ani men kein? Elmen ad kajjitōk Ippān n̄an “tōl [kōj] ilo iaļ eo indeeo”?
-
Rōjan̄ ajri ro n̄an “kappukot” mour ko aer make ko an wāween remaron̄ em̧m̧anļo̧k ie ilo eria emen ilo būrokraam̧ eo an Ajri ro im Jodikdik ro—jetōb, iaio̧, ānbwiin, im jeļālo̧kjeņ. Kakkememej er bwe Irooj ejeļā elmen aer maron̄ em̧m̧anļo̧k ilo kajjojo eria kein, im rōjan̄ er n̄an kapput tōl eo An.
-
Al juon al kōn elmen an Jemedwōj Ilan̄ maron̄ jipan̄ kōj em̧m̧anļo̧k, āinwōt eoon eo kein karuo in “Help Me Dear Father” (Children’s Songbook, 99). Kwaļo̧k elmen an Jemedwōj Ilan̄ im Jisōs Kraist kar jipan̄ eok em̧m̧anļo̧k.
Kōketak Ekkatak ilo M̧weo
Ekkā, kwomaron̄ kajjitōk ippān juon iaan ajri ro im juon iaan baam̧le eo an n̄an kwaļo̧k ilo kūlaaj ta eo raar kōm̧m̧ane n̄an ekkatal gospel eo ilo kapijuknen. Rōjan̄ aolepen ajri ro n̄an kwaļo̧k ļōmņak kein n̄an baam̧le ko aer.
Kōkōm̧anm̧an Ad Katakin
Kōjerbal al. Al ko an Būraimere im al in jar ko remaron̄ jipan̄ ajri ro im kwaļo̧k m̧ool ko an gospel in ilo juon wāween ban meļo̧kļo̧ke. Remaron̄ barāinwōt dāpij itok limo ilo bōk kuņaan eo an ajri ro ilo ekkatak. (Lale Teaching in the Savior’s Way,22.)