em̧m̧aan eo ej ekkatak jeje ko rekwojarjar

O̧kwōj 29–Jeptōm̧ba4

Jabōn Kōnnaan Ko 1–4; 15–16; 22; 31; Ekklisiastis 1–3; 11–12

“Mijak Jeova Jinoin Jeļāļo̧kjeņ”

Ilo am̧ ekkatak Jabōn Kōnnaan Ko im Ekklisiastis, ļōm̧ņak kōn ajri ro kwoj katakin er. Ta ennaan ko jān eoon kein remaron̄ jipan̄ er en̄jake aer epaakeļo̧k Jemedwōj Ilan̄ im Jisōs Kraist?

Je En̄jake ko Rej Im̧we Eok

pija ej bōk jikin kwaļo̧k

Kajjitōk bwe ren Kwaļo̧k

Jin̄n̄a ilo ioon bo̧o̧t eo pija in men ko me rekar waļo̧k ilo bok in Jabōn Kōnnan Ko, āinwōt juon bōro (love), juon meram, ak juon iaļ. Jipan̄ ajri ro riiti Jabōn Kōnnaan Ko 3:5; 4:18,26, im kajjitōk ippāer n̄an kwaļo̧k jet men ko raar ekkatak kōn men ko jān eoon kein.

pija ej bōk jikin katakin

Katakin Katak eo: Ajri ro Reddikļo̧k

Jabōn Kōnnaan Ko 3:5

Imaron̄ lōke ilo Irooj kōn aolepān būruwō.

N̄e jej lōke Irooj kōn aolepen būruwōd, ewōr ad tōmak ilo E im jeļā bwe E enaaj jipan̄ kōj.

M̧akūtkūt ko Maron̄ Kōm̧m̧ani

• Kōtļo̧k bwe juon ajri en kotak juon pijain Rilo̧mo̧o̧r ilo am̧ riiti Jabōn Kōnnaan Ko 3:5. Kwaļo̧k n̄an ajri ro ta meļeļein lōke Irooj n̄an kwe. Kajjitōk ippān ajri ro n̄an kōm̧m̧an juon bōro (love) ilo peier ak kotak peier ilo būruweier n̄an āliji naan eo “lōke Jeova kōn aolepen būruom̧” elōn̄ alen.

• Jin̄aik juon bōro (love) kileplep ioon bo̧o̧t eo, im jipan̄ ajri ro ļōmņaki men ko remaron̄ kōm̧m̧ani n̄an kwaļo̧k ke rej lōke Irooj. Kajjitōk ippāer n̄an jin̄aiki ļōmņak ko aer ilowaan bōro eo ak ioon juon peba jidikdik. Rōjan̄ er n̄an kwaļo̧k kōttōpar eo aer ippān baam̧le ko aer.

ruo ajri rej kōnono

Ajri ro remaron̄ leļo̧k “naan in uwaak e jouj” n̄an kōjerbal naan ko rejouj (Jabōn Kōnnaan Ko 15:1).

Jabōn Kōnnaan Ko 15:1,18

Imaron̄ kōjerbal naan ko rejouj.

Ilo mijak ak jekjek in inepata, jemaron̄ in po n̄an uwaak ilo illu. Jabōn Kōnnaan Ko 15:1,18 ej katakin kōj elmen ad oktak jen illu.

M̧akūtkūt ko Maron̄ Kōm̧m̧ani

• Riiti Jabōn Kōnnaan Ko 15:1 n̄an ajri ro, im kōmeļeļeiki aolep naan ko ak naan ko me remaron̄ in jab jeļā kaki. Kwaļo̧k jejjo waanjon̄ak in jekjek ko me juon ajri emaron̄ in illu (āinwōt akweel ippān brother ak sister eo an). Jipan̄ er ļōmņak kōn “naan in uwaak e jouj,” ak naan ko rejouj, remaron̄ kōjerbali ijello̧kin naan in illu ko. Jipan̄ er kaaminene ba naan ko rejouj ak ilo ainikien eo emeļak.

• Al ippān doon juon al kōn jouj, eo āinwōt “When We’re Helping” (Children’s Songbook,145). Ta eo al in ej katakin kōj kake kōn jouj?

• N̄an jipan̄ ajri ro meļeļe ta meļeļein “e rum̧wij an illu” (Jabōn Kōnnaan Ko 15:18), kwaļo̧k juon bwebwenato an juon make ke kwaar (ak ro jet kojeļā) rekar en̄jake illu ak kar kālet bwe ren jouj. Kajjitōk ippān ajri ro n̄an kwaļo̧k waanjon̄ak ko aer make. Jipan̄ ajri ro ļōmņake men ko remaron̄ kōm̧m̧ane ijjelo̧kin illu. N̄an waanjon̄ak, remaron̄ ļōmņak kōn Jisōs, kajjitōk ippān Jemedwōj Ilan̄ n̄an jipan̄ er, al juon al in Būraimere n̄an er make, ak, n̄e ekkar, jutak im etal.

Jabōn Kōnnaan ko 22:9

Imaron̄ leļo̧k ta eo ekar wōr ippa n̄an ro jet.

Ajri ro reddik remaron̄ ekkatak n̄an jipan̄ armej ro ipeļaakier ro rej pād ilo aikuj. Elmen am̧ maron̄ im̧we er n̄an leļo̧k ta eo ewōr ippaer n̄an ro jet?

M̧akūtkūt ko Maron̄ Kōm̧m̧ani

• Kwaļo̧k n̄an ajri ro jet pija in ro jet rej jerbal ak jipan̄ armej ro rej pād ilo aikuj, ekoba pijain Rilo̧mo̧o̧r (āinwōt Gospel Art Book, nos. 42, 44,46). Kajjitōk ippān ajri ro n̄an jiron̄ eok ta eo ej waļo̧k ilo kajjojo pija ko. Riit n̄an ajri ro Jabōn Kōnnaan Ko 22:9. Kōmeļeļeik bwe juon wāween jemaron̄ jipan̄ ej leļo̧k “kijen ro rijeram̧ōl,” ak elōn̄ wāween ko jet n̄an jipan̄ ro rej pād ilo aikuj. Kajjitōk ippān ajri ro n̄an jin̄aik juon pija in er make aer jipan̄ ro jet.

• Bōktok n̄an kūlaaj jet kein ekkatak me kwomaron̄ kwaļo̧k n̄an ajri ro, āinwōt pija ko ak kōļar ko. Ilo am̧ leļo̧k juon n̄an kajjojo ajri, ba, “Inaaj leļo̧k n̄an [etan ajri eo].” Kōtļo̧k an ajri ro bōk kūņaer kwaļo̧k kein ekkatak ko n̄an doon. Ta jet iaan men ko jemaron̄ leļo̧k n̄an ro jet?

• Al ippān doon juon al kōn jerbal in jipan̄, āinwōt “Give,’ Said the Little Stream” (Children’s Songbook,236). Ak kwaļo̧k pijain alooj eo “Gordon Hinckley: Lessons I Learned as a Boy” (ChurchofJesusChrist.org). Kajjitōk ippān ajri ro elmen aer en̄jake n̄e rej jipan̄ ro jet.

pija ej bōk jikin katakin

Katakin Katak eo: Ajri ro Rerūttoļo̧k

Jabōn Kōnnaan Ko 1:7; 2:5; 15:33; 16:6; Ekklisiastis 12:13

N̄an “mijak Anij” meļeļein iakwe im pokake E.

Juon iaan ennaan ko raorōk ilo Jabōn Kōnnaan ko im Ekklisiastis ej n̄an “mijak Anij, im kōjparok kien ko An” (Ekklisiastis 12:13). Kōļmenļo̧kjeņ elmen am̧ maron̄ jipan̄ ajri ro meļeļe ta meļeļein mijak Anij.

M̧akūtkūt ko Maron̄ Kōm̧m̧ani

• Kajjitōk ippān ajri ro n̄an kōllaajraki jet men ko me armej remaron̄ mijak. Innām kajjitōk ippāer n̄an riiti Jabōn Kōnnaan Ko 1:7 im Ekklisiastis 12:13). Ta meļeļein mijak Anij? N̄an jipan̄ uwaake kajjitōk in, kajjitōk ippān juon ajri n̄an riiti bar eoon in, bōk jikin naan eo “mijak” kōn naan eo “kautiej.” Āliji m̧akūtkūt in kōn naan ko āinwōt “iakwe,” “pokake,” ak “pokake.” Elmen an menin ukōt jeļā eo ad kōn ta meļeļein mijak Anij?

• Kajjitōk ippān kajjojo ajri n̄an kālet juon iaan eoon kein im riiti, pukot naan eo “mijak”: Jabōn Kōnnaan Ko 1:7; 2:5; 15:23: 16:6. Kajjitōk ippān ajri ro n̄an kwaļo̧k ta eo eoon ko aer ej katakin kōn kōjeraam̧m̧an ko me rej itok n̄e jej mijak Irooj, eo meļeļein bwe jej kwaļo̧k ad kakwojarjar im kautiej E (bar lale Jabōn Kōnnaan Ko 14:26–27). Ekōjkan ad kwaļo̧k n̄an Irooj ke jej iakwe im kautiej E?

Jabōn Kōnnaan Ko 3:5–7

“Lōke ilo Irooj kōn aolepen būruwōm̧.”

• Riit ippān doon Jabōn Kōnnaan Ko 3:5–7, im kajjitōk ippān ajri ro n̄an laajraki men ko eoon kein rej ba jen kōm̧m̧ani im jab kōm̧m̧ani. Kajjitōk ippāer ta eo rej en̄jake kōn meļeļein men kein. Ta em̧m̧an ko jej loi ippān armej ro jej lōke? Ta em̧m̧an ko repād ippān Irooj me ekar jipan̄ kōj lōke E?

• N̄an kwaļo̧k ta meļeļein “jab atartar ioon jeļāļo̧kjeņ eo am̧,” kōtļo̧k an ajri ro kajjieon̄ katartarļo̧k juon aļaļ ak juon penjōļ ņae elōn̄ men ko, āinwōt juon bok ak jidik m̧ōttan peba. Men ta eo em̧m̧antata an jerbal? Etke eaorōk n̄an “lōke ilo Irooj” im jab atartar ioon “jeļāļo̧kjeņ eo ad make”?

Jabōn Kōnnaan Ko 15:1,18; 16:32

“Eo e rum̧wij an illu.”

Kōnono ilo illu ekkā an kōm̧m̧an bwe jekjek eo renana en nanalok wōt. Eoon in ej kwaļo̧k bwe naan ko im m̧wiļ ko ad remaron̄ joļo̧k illu.

M̧akūtkūt ko Maron̄ Kōm̧m̧ani

• Je naan ko illu im inepata ioon bo̧o̧t eo, im kwaļo̧k juon waanjon̄ak in akwāāl me emaron̄ wōr ippān ajri ro. Innām kajjitōk ippān ajri ro n̄an riiti Jabōn Kōnnaan Ko 15:1,18; 16:32 im pukot naan in kapilōk eo remaron̄ in leļo̧k n̄an ajri ro rej akwāāl. Kajjojo iien ajri ro rej kwaļo̧k juon ļōmņak, kajjitōk ippāer n̄an jereļo̧k m̧ōttan naan ko ioon boot eo. Kajjitōk ippāer n̄an bōk jikin naan ko ippān m̧wiļ ko an Kraist jet me rej bōktok aenōm̧m̧an.

• Jipan̄ ajri ro ļōmņak kōn bwebwenato ko ilo jeje ko rekwojarjar ke Rilo̧mo̧o̧r eaar kwaļo̧k ta eo ekar kwaļo̧ke ilo Jabōn Kōnnaan Ko 15:1,18; 16:32. N̄an ļōmņak ko, remaron̄ lale ilo Jon 8:1–11; 18:1–11. Al ippān doon juon al kōn waanjon̄ak eo anRilo̧mo̧o̧r, āinwōt “I’m Trying to Be like Jesus” (Children’s Songbook, 78–79). Elmen ad ļoor waanjon̄ak eo an Jisōs ilo ad iaio̧ ippān ro uwaan baam̧le ko, ro m̧ōttad, im ro jet?

pija ej bōk jikin ekkatak

Kōketak Ekkatak ilo M̧weo

Jipan̄ ajri ro kālet juon eoon raar riiti ilo kūlaaj me em̧m̧an ippāer. Rōjan̄ er n̄an kwaļo̧k eoon eo ippān baam̧le ko aer im kwaļo̧k n̄an er ta eo raar ekkatak jene.

Kōkōm̧anm̧anļo̧k Ad Katakin

Kōkōm̧anm̧anļo̧k āinwōt juon Rūkaki Āinwōt Kraist. Kōļmenļo̧kjeņ kōn wāween ko komaron̄ kōļapļo̧k bōklekōt eo am̧ n̄an jipan̄ ajri ro kalōk tōmak eo aer ilo Jemedwōj Ilan̄ im Jisōs Kraist. Etale kajjitōk ko an juon make ilo peij 37 in Teaching in the Savior’s Way emaron̄ jipan̄.

peij in m̧akūtkūt: Imaron̄ kōjerbal naan ko rejouj.