“O̧kwōj 1–7. Job 1–3; 12–14; 19; 21–24; 38–40; 42: ‘Inaaj Kōjatdikdik Wōt Kōn E,’” Itok, Ļoor Eō—N̄an Kajjojo Armej im Baam̧le ko: Kallim̧ur M̧okta 2022 (2021)

“O̧kwōj 1–7. Job 1–3; 12–14; 19; 21–24; 38–40; 42,” Itok, Ļoor Eō—N̄an Kajjojo Armej im Baam̧le Ko: 2022

Pija

em̧m̧an ro jilu rej kōnono ippān juon em̧m̧aan ej pād laļ

The Judgments of Job, jān Joseph Brickey

O̧kwōj 1–7

Job 1–3; 12–14; 19; 21–24; 38–40; 42

“Inaaj kōjatdikdik Wōt Kōn E”

Ilo am̧ riit kōn Job, Jetōb eo enaaj tōl eok n̄an lo m̧ool ko raorōk me rej iook waj eok. Je ta eo kwoj lo, im kōļmenļo̧kjeņ kōn wāween an m̧ool men kein me rej iookwaj eok.

Je En̄jake ko Rej Im̧we Eok

Āindein ilo ad bwilōn̄ etke men ko renana rej waļo̧k n̄an armej ro rem̧m̧an—ak n̄an wāween in, etke men ko rem̧m̧an rej waļo̧k n̄an armej ro renana. Etke Anij enaaj, eo ej jim̧we, kōtļo̧k menin? Kajjitōk ko āinwōt kein rej kappukot jān en̄jake ko an Job, juon iaan armej ro rem̧m̧an me men ko renana rej waļo̧k n̄an er. Kōn mellijon̄ ko an Job, eo m̧ōttan ekar bwilōn̄ eļan̄n̄e ekar lukkuun em̧m̧an ālkin aolep men ko. Job ekar jutak kōn an make mour jim̧we im bwilōn̄ etke Anij ejjab Ak jekdo̧o̧n en̄taan eo an im an bwilōn̄, Job ekar dāpij wōt m̧ool eo an im tōmak eo an ilo Jisōs Kraist. Ilo bok in Job, tōmak ej nej baj wōr kajjitōk wōt im jelm̧ae idajon̄jon̄ ak ejamin kajju jo̧o̧l. Ejjab meļeļein bwe aolep kajjitōk ko rej uwaak. Ak bok in Job ej katakin bwe m̧ae rej uwaak, kajjitōk ok im tōmak remaron̄ bōk jikier ilo juon wōt iien ilo juon wōt jikin, jekdo̧o̧n ta eo ej waļo̧k ilo tōre en, jemaron̄ ba ad Irooj, “Inaaj Kōjatdikdik Wōt Kōn E” (Job 13:15).

N̄an juon etale ekadu an bok in Job, lale “Job” ilo Unin Tōl n̄an Jeje Ko Rekwojarjar (scriptures.ChurchofJesusChrist.org).

Pija

Learn More image

Pija

pija ej bōk jikin ekkatak an juon make

Ļōmņak ko n̄an Ekkatak Jeje Ko Rekwojarjar Ippam̧ Make

Job 1–3; 12–13

Aō lōke ilo Jemedwōj Ilan̄ im Jisōs Kraist emaron̄ jipan̄ eō dāpdep wōt ilo tōmak ilo aolep jekjek ko.

Jepta ko jinoin ilo bok in Job rej kwaļo̧k jerbal eo an Setan āinwōt juon rinan im ri ņa ruōn armej, ejjab n̄an kōmeļeļe wāween an Anij im Setan jelm̧ae doon. Ilo am̧ riiti ta naan ko an Setan kōn Job (lale Job 1:9–11; 2:4–5), kwomaron̄ kejo̧kļo̧kjeņ eļan̄n̄e ejja men in wōr emaron̄ kar ba kōn kwe. Komaron̄ kajjitōkin eok make, Ta un ko n̄an dāpdep wōt ilo tōmak n̄an Anij? Kejōkļo̧kjeņ kōn mellijon̄ ko Job ekar leļo̧k im uwaak ko an (lale Job 1:20–22; 2:9–10). Ta eo kwoj ekkatak jān e me emaron̄ jipan̄ eok jelm̧ae apan̄ ko am̧?

Men̄e Job ekar kajjieon̄ dāpdep wōt ilo tōmak, mellijon̄ ko an im an en̄taan rekar wōnm̧aanļo̧k wōt (lale en̄jake in būrom̧ōj eo an ilo jebta 3). Ilo m̧ool, en̄taan eo an ekar lukkuun ļap, im ro m̧ōttan rekar elmakote bwe Anij ekar kajiki (lale Job 4–5; 8; 11). Ilo am̧ riiti m̧ōttan uwaak eo an Job ilo jepta ko 12–13, ļōmņak kōn ta eo Job ekar jeļā kōn Anij im ekar kōm̧m̧an bwe en maron̄ wōnm̧aanļo̧k wōt im lōke, jekdo̧o̧n en̄taan eo an im uwaak ko an me rekar jab uwaak. Ta eo kwojeļā kōn Anij me ejipan̄ eok jelm̧ae apan̄ ko? Kwar ke jeļā kōn m̧ool kein, im em̧ōj ke aer kōkajoorļo̧k tōmak eo am̧?

Job 19

Jisōs Kraist ej aō Ripinmuur.

Jet iien m̧ool ko me relukkuun aorōk rej waļo̧k n̄an kōj ilo iien ad liājļoļ eļap. Kejōkļo̧kjeņ kōn mellijon̄ ko me Job ekar kōmeļeļeik ilo Job 19:1–22 im m̧ool ko me ekar kwaļo̧k ilo Job 19:23–27. Innem kejōkļo̧kjeņ kōn wāween am̧ jeļā bwe am̧ Ripinmuur ej mour. Ta oktak eo me jeļā in ej kōm̧m̧an bwe kwon en̄jake mellijon̄ ko reppen?

Bar lale Katak im Bujen Ko 121:1–12; 122.

Job 21–24

“N̄e em̧ōj an māllejon̄ eō, Inaaj kwaļo̧k āinwōt gold.”

Ilo am̧ riit eļapļo̧k kōn arto artak eo ikōtaan Job im ro m̧ōttan kōn un ko kōn en̄taan eo an Job, kwomaron̄ kejo̧kļo̧kjeņ kōn wāween am̧ naaj uwaake kajjitōk eo ilo bōro in arto artak eo aer: Etke ro rejim̧we mour ko aer jet iien rej en̄taaan im ro renana jet iien rejjab bōk kaje? Ļōmņak kōn menin ilo am̧ riiti Job 21–24. Ta eo kwojeļā kake kōn Jemedwōj Ilan̄ im karōk eo An me emaron̄ jipan̄ letok uwaak ko? Lale, n̄an waanjon̄ak, 2 Nipai 2:11–13; Mosaia 23:21–23; 24:10–16; Ebream 3:22–26; Dallin H. Oaks, “Jum̧ae ilo Men Otemjej,” Liaona, Māe 2016, 114–17.

Bar lale L. Todd Budge, “Lōke eo Ejjejet im Pen,” Liaona, Nob. 2019, 47–49.

Job 38; 40; 42

Jeļā eo an Anij eļapļo̧k jān n̄a.

Illu kōn an ro m̧ōttan ņa ruōn (lale Job 16:1–5; 19:1–3), Job ekar bar jan̄ im pukot juon kōmeļeļe kōn en̄taan eo an (lale Job 19:6–7; 23:1–9; 31). Elder Neal A. Maxwell ekar lo bwe “n̄e jejjab maron̄ iien ko an Anij ekajoor pōtata,” āinwōt an jerbal jab maron̄ kōttar iien ko an Anij, “jej elmakot ke jejeļā ta eo em̧m̧an tata n̄an kōj. Ruwamejet, ejjab ke—kōj ro jej kōnak waj ko ilo peier jej kappukot n̄an kapilōk E eo ej eddoikļo̧k awa im kalanta ko” (“Hope through the Atonement of Jesus Christ,” Ensign, Nov. 1998, 63). Kejōkļo̧kjeņ kōn naan kein ilo am̧ riiti uwaak ko an Job ilo jepta ko 38 im 40. Ta m̧ool ko Ekar katakin Job kaki? Etke m̧ool kein raorōk n̄an kōj bwe jen jeļā ilo ad apan̄ kōn mellijon̄ im kajjitōk ko ilo mour in? Ta ko rej im̧we eok kōn uwaak eo an Job ilo Job 42:1–6?

Pija

pija eo ej bōk jikin ekkatak an baam̧le

Ļōmņak ko n̄an Ekkatak Jeje ko Rekwojarjar an Baam̧le im Nokon in Jota

Job 1:20–22.N̄an meļeļe ewi wāween an Job kar en̄jake, āinwōt kōmeļeļeiki ilo eoon kein, baam̧le eo am̧ emaron̄ riiti “Job” ilo Old Testament Stories ak kōm̧m̧an arin Job 1:13–22. Ta eo jemaron̄ ekkatak jān waanjon̄ak eo an Job?

Job 14:14.Ewi wāween ad naaj uwaake kajjitōk ko an Job ilo eoon in? Ewi wāween an Alma 11:42–44 maron̄ jipan̄ kōj? (Bar lale bitio in “He Lives—Celebrate Easter Because Jesus Christ Lives,” ChurchofJesusChrist.org.)

Job 16:1–5.Jej ke āinwōt ro m̧ōttan Job, eo ekar ekajet e im lo ruōn Job ke ekar aikuj kaenōm̧m̧an? (lale Job 16:1–4; bar lale Jon 7:24). Ewi wāween an naan ko ad maron̄ kōkajoorļo̧k ro jet ilo ien būrom̧ōj ko aer? (lale Job 16:5).

Job 19:23–27.Ālkin am̧ riiti eoon kein, ro uwaan baam̧le eo remaron̄ kwaļo̧k wāween aer kar jeļā bwe Rilo̧mo̧o̧r emour. Kwomaron̄ jerbal ippān doon n̄an likūt naan in kam̧ool ko am̧ (ak jin̄a in Rilo̧mo̧o̧r an ajri ro) ilo juon bok, āinwōt juon jōnōļ an baam̧le (lale eoon 23). Komaron̄ bar al juon al me ej kam̧ool kōn Rilo̧mo̧o̧r, āinwōt “Ij Jela Bwe Aō Dri Pinmuur Ej Mour” (Al ko Al in Ajri, peij 28), im kwaļo̧k naan ko me rej kōkajoorļo̧k tōmak eo am̧ ilo E.

Job 23:8–11.Ta meļeļein n̄an “etal ie” jān mellijon̄ ko ad “āinwōt gold”? (bar lale bitio “The Refiner’s Fire,” ChurchofJesusChrist.org). Wōn eo jejeļā eo ekar kōm̧m̧ane menin? Ajri ro remaron̄ lan̄lōn̄ ilo aer kōm̧m̧ani men ko kōn naan ko jān eoon 10 kar je ioon. Komaron̄ bar kōnono kōn wāween an Jisōs Kraist kar anjo̧ ioon mellijon̄ ko An (lale Luk 22:41–44; Katak im Bujen Ko 19:16–19).

N̄an ļōmņak ko reļļapļo̧k n̄an katakin ajri ro, lale unin tōl eo an wiik in ilo Itok, Ļoor Eō—N̄an Būraimere.

Al eo kar elmakote: “Aō DriPinmuur ej mour,” Hymns, no. 135.

Kōkm̧anm̧anļo̧k Am̧ Ekkatak Ippam̧ Make

Pijaikļo̧k. Ļōmņak ko eļap meļeļeier emaron̄ itok ilo ad kajjieon̄ likūt kōj make ilo jeje ko rekwojarjar. N̄an waanjon̄ak, likūt eok make emaron̄ jipan̄ eok kejo̧kļo̧kjeņ kōn jem̧jerā eo am̧ ippān Jemedwōj Ilan̄ im Jisōs Kraist.