Jisōs ej etetal ippān sip eo

Irooj Aō Seperd, jān Yongsung Kim, havenlight.com

O̧kwōj 8–14

Sam Ko 1–2; 8; 19–33; 40; 46

“Irooj Aō Seperd”

Jab en̄jake ke ewōr jon̄an am̧ kōjerbal ilo Sam Ko ak pedped in katak ok kar elmakoti ilo laajrak in. Kōtļo̧k bwe Jetōb eo en tōl eok n̄an m̧ool ko me rejipan̄ eok en̄jake am̧ epaakeļo̧k Irooj.

Je En̄jake ko Rej Im̧we Eok

Jejjab lukkuun jeļā alikkarin wōn eo ekar je Sam Ko. Jet iaan rekar iookļo̧k Kiin̄`Devid, ak elōn̄ iaer, ri jeje ro me jejaje wōn. Aeet ālkin riiti Sam Ko, jemaron̄ en̄jake āinwōt n̄e jejeļā buruōn ri jeje Sam Ko, jekdo̧o̧n n̄e jejjab jeļā etaer. Ta eo jejeļā kake e bwe Sam Ko rekar jet m̧ōttan kabun̄jar ko raorōk ilubwiljin ri Israel ro, im jejeļā bwe ekar emakijkij an Rilo̧mo̧o̧r kouti er. Ilo Sam Ko, jej bōk juon iaļ n̄an en̄jake jetōb an armej ro etto an Anij. Jej lo wāween aer kar en̄jake kōn Anij, ta ko rekar inepata kaki, im ewi wāween aer kar lo aenōm̧m̧an. Āinwōt ritōmak ro rainin, aolepān laļ in, jej kōjerbal wōt naan kein ilo ad kabun̄jar n̄an Anij. Rijeje ro an Sam Ko āinwōt n̄an lōn̄ iaļan aer kar en̄jake jetōb ko ad im āinwōt lo juon wāween n̄an kwaļo̧k wāween ad en̄jake kōn Anij, ta eo jej inepata kake, im wāween ad lo aeņōm̧m̧an.

Kōn juon etale ekadu kōn bok in Jenesis, lale “Sam ko” ilo Bible Dictionary.

pija ej bōk jikin ekkatak an juon make

Ļōmņak ko n̄an Ekkatak Jeje Ko Rekwojarjar Ippam̧ Make

Sam Ko 1; 23; 26–28; 46

Sam Ko ej katakin kōj n̄an lōke Irooj.

Kwomaron̄ lo ilo am̧ riiiti Sam Ko jon̄an emakijkijin an rijeje ro kwaļo̧k aer mijak, burumōj, ak ikūm̧kūm̧. En̄jake kein ekkā aer waļo̧k n̄an aolep, jekdo̧o̧n armej in tōmak. Ak ta eo ej kōm̧m̧an bwe Sam Ko en im̧we ej uwaak ko rej litok, ekoba lōke eo elikio ilo Irooj. Ļōmņak kōn ennaan kein reim̧we ilo am̧ riiti Sam Ko 1; 23; 26–28; 46. Lali ilo laajrak in, im je ta eo kwoj lo:

• Kūr ko n̄an lōke Irooj.

• Naan ko me rej kōmeļeļeik Irooj:

• Naan ko me rej kōmeļeļeik aeņōm̧m̧an, kajoor, im kōjeraam̧m̧an ko jet E litok:

• Naan ko me rej kōmeļeļeik ro me rej lōke E:

Sam Ko 2; 22

Sam Ko rej tōl kōļmenļo̧kjeņ ko ad n̄an mour im iien kwaļo̧k naan an Jisōs Kraist.

Jejjo iian Sam Ko rej jitōn̄ļo̧k mour eo an Jisōs Kraist. Rūkirijtōn ro ilo tōre ko an Kallim̧ur Ekāāl rekar bar lo bwe koneekjeņ—n̄an waanjon̄ak, rekar kile ilo Sam Ko 2 juon eoon n̄an mellijon̄ ko an Jisōs im̧aan mejān Kiin̄ Herod im Pontius Pailat (lale Jerbal 4:24–30). Ļōmņak in riiti Sam Ko 2 im 22 ippān ļo̧k Matu 27:35–46; Lu 23:34–35; im Jon 19:23–24. Kappukot koonekjeņ ko ikōtaan naan ko ilo Sam Ko im mour eo an Rilo̧mo̧o̧r, im kappukot wōt koneekjeņ ko me āinwōt juon ilo am̧ ekkatak bok in Sam Ko ilo aolep jejjo wiik ko rej pedotok.

Pijaikļo̧k ke kwe eo ri Ju ilo tōre eo an Jisōs eo ekar jeļā kōn Sam Ko im lo koneekjeņ ko n̄an mour eo an Rilo̧mo̧o̧r. Ewi wāween an jeļā in maron̄ kar juon kōjeraam̧m̧an n̄an eok?

Bar lale Sam Ko 31:5; 34:20; 41:9; Luk 24:44; Hibru 2:9–12.

Sam Ko 8; 19; 33

“The earth is full of the goodness of the Lord.”

Riiti Psalms 8; 19; im 33 emaron̄ imwe eok n̄an ļōmņak kōn elōn̄ menin kōm̧anm̧an ko an Irooj reaibojooj. Lukkuun lale ļōmņak im en̄jake ko am̧ ilo am̧ kōm̧m̧ane. Ewi wāween an kōm̧anm̧an ko an Irooj “kōnnaan kōn aiboojoj an Anij” n̄an eok.? (Sam Ko 19:1).

Sam Ko 19:7–11; 29

Naan eo an Irooj ekajoor, “re kalan̄lōn̄ būruōd.”

Ilo Sam Ko, naan ko āinwōt naan in kam̧ool, taitōl, kien, im ekajet ko remaron̄ iookļo̧k naan ko an Irooj. Likūt ilo kōļmenļo̧kjeņ eo am̧ ilo am̧ riiti Sam Ko 19:7–11. Ta eo eoon kein rej elmakot n̄an eok kōn naan ko an Irooj? Ta eo Sam Ko 29 ej katakin eok kōn Ainikien? Ilo en̄jake eo am̧, em̧ōj ke an naan ak ainikien Irooj kar jejjet n̄an kōmeļeļe ko?

Concepción Chile Tampeļ

Jej aikuj erreo ilo jetōb n̄an deļon̄e aelōn̄ an Irooj.

Sam Ko 24; 26–27

Deļo̧n̄e aelōn̄ eo an Irooj emenin aikuj erreo.

Kōnke tampeļ ilo Jerusalem kar kalōke ioon juon tōl, naan eo “toļ in Irooj” (Sam Ko 24:3) emaron̄ kōnnaan kōn tampeļ ak aelōn̄ eo an Anij? Ta eo menin ej kobaik waj n̄an jeļā eo am̧ kōn Sam Ko 24? Ta meļeļein n̄an eok n̄an erreo ilo bōro?? (Sam Ko 24:4).

Ta eo Sam Ko 26 im 27 ej katakin eok kōn m̧weo im̧ōn Irooj?

Bar lale Sam Ko 15; David A. Bednar, “Clean Hands and a Pure Heart,” Liahona, Nov. 2007, 80–83.

pija eo ej bōk jikin ekkatak an baam̧le

Ļōmņak ko n̄an Ekkatak Jeje ko Rekwojarjar an Baam̧le im Nokon in Jota

Sam Ko 22.Ilo an juon uwaan baam̧le eo riit sam ko, ro jet remaron̄ kappukot men ko rej āinwōt juon ilo Matu 27:35–46. Innem remaron̄ kwaļo̧k en̄jake ko aer kōn Jisōs Kraist im pinmuur eo An n̄an kōj.

Sam Ko 23.Sam Ko 23 ekar juon im̧we kōn jejjo al in jar ko, āinwōt “The Lord Is My Shepherd” im “The Lord My Pasture Will Prepare” (Hymns, nos. 108, 109). Bolen baam̧le eo am̧ emaron̄ kōņaan al juon iaan al in jar kein im pukot naan ko ilo Sam Ko me remaron̄ kar im̧we naan ko ilo al ko. Ak remaron̄ lan̄lōn̄ ilo aer jin̄n̄aik pija in men ko rej lo ilo sam ko ak al in jar ko im kōtļo̧k bwe ro uwaan baam̧le eo ren kajirere eoon ak naan ko ilo al ko me rejejjet n̄an pija ko. Ewi wāween an Irooj āinwōt juon Sepert n̄an kōj?

Sam Ko 24:3–5.N̄an kōmejajaik aorōk pe erreo im bōro erreo, kwomaron̄ riit Sam Ko 24:3–5 ilo an ro jet uwaan baam̧le eo kwaļ peier. Ta eo pā ko rej jutak kake ilo Sam Ko? Ta eo bōro ej jutak kake? Ta eo jemaron̄ kōm̧m̧ane n̄an karreoik peid ilo jetōb im karreoik buruōd?

Sam Ko 30:5, 11.Sam Ko 30:5 epād ie kallim̧ur eo bwe “jan̄ enaaj pād wōt ilo bon̄, a lan̄lōn̄ enaaj itok n̄e e jibbon̄.” Ewi wāween an Irooj ukōt burom̧ōj n̄an lan̄lōn̄? Jet iaan ro uwaan baam̧le eo remaro̧n̄ lan̄ ilo aer kōm̧m̧an arin ta eo eoon 11 ej kōmeļeļeiki.

Sam Ko 33.Je jete kōttan an naan eo aolep ej jerbal ilo sam ko Ta eo jej ekkatak kōn Irooj jān naan in elōn̄ alen āliji, eļaptata ilo eoon ko 13–15?

Sam Ko 46:10.Komaron̄ kōm̧m̧ane juon men ippān doon me ro uwaan baam̧le eo rej aikuj “pād wōt.” Ewi wāween am̧ pād wōt jipan̄ kōj jeļā wōn Anij? Ta iien ko rem̧m̧an me jemaron̄ pād wōt im jeļā wōn Anij?

N̄an ļōmņak ko reļļapļo̧k n̄an katakin ajri ro, lale unin tōl eo an wiik in ilo Itok, Ļoor Eō—N̄an Būraimere.

Al eo kar elmakote: “The Lord Is My Shepherd,” Hymns, no. 108.

Kōkm̧anm̧anļo̧k Am̧ Ekkatak Ippam̧ Make

Mejādik. Jeje ko rekwojarjar āinwōt Sam Ko ekkā aer im̧we armej ro n̄an nōbar Irooj ilo wāween ko remejādik. Eļan̄n̄e kwoj en̄jake em̧akūt n̄an kwaļo̧k am̧ wūjlepļo̧k ilo al, poem, pija, ak wāween ko jet, jerbal ekkar n̄an en̄jake ko. Ļōmņak in kwaļo̧k ta eo kwoj ejaake n̄an jipan̄ ro jet kalōk tōmak ilo Jemedwōj Ilan̄ im Jisōs Kraist.

Jisōs ej ineek sip eo ioon airan

Seperd eo Em̧m̧an, jān Ken Spencer