Ļōmņak ko n̄an Keememeji

Riiti Poem ko ilo Kallim̧ur M̧okta

Ilo bok ko ilo Kallim̧ur M̧okta me ej itok m̧okta jān bok in Job, jej lo elōn̄ wōt bwebwenato ko—bwebwenato ko me rej kōmeļeļeik m̧akūtkūt ko ilo bwebwenato etto jān juon jeļā ilo jetōb Noa ekar jek juon wa, Moses ekar lo̧mo̧o̧ren ri Israel ro, Hanna ekar jar bwe en wōr juon nejin ļaddik, im ko jet. Jino ippān Job, jej lo juon oktak ilo kilen jeje, āinwōt rijeje ro an Kallim̧ur M̧okta rekar ukōt kajin poem n̄an kwaļo̧k en̄jake ko rem̧ūlaļ ak kanaan ko reļļap im aorōk ilo juon wāween ememļo̧kjeņ.

Em̧ōj kadede ad kar loe jejjo waanjon̄ak kōn poem ko rekar emejaje ilo aolep bok ko ikkijeen bwebwenato ko etto ilo Kallim̧ur M̧okta. Im jān bok in Job m̧aanļo̧k, jenaaj lo eļapļo̧k. Bok an Job, Sam Ko, im Jabōn Kōnnaan reiten aolepeer rej poem, bwe rej m̧ōttan ļo̧k jeje ko an rikanaan ro āinwōt Aisea, Jeremaia, im Amos. Kōnke riit poem eoktak jān riit juon bwebwenato, meļeļe bwe emenin aikuj bwe en oktak wāween ak kilen kōm̧m̧an. Erkein rej jet iaan ļōmņak ko me remaron̄ kōm̧m̧an bwe riitiin̄ eo am̧ kōn poem ko ilo Kallim̧ur M̧okta ren lukkun ļap meļeļeier.

Jeļā ļo̧k kōn Poem ko ilo kajin Hibru

M̧oktata, emaron̄ jipan̄ eok n̄an keememej wōt ilo ļōmņak eo am̧ bwe poem eo ilo kajin Hibru ilo Kallim̧ur M̧okta ejjab pedped wōt ioon ryhme, āinwōt jet iaan poem ko jet Im men̄e rhythm, wordplay, im āliji in ainikien ko rej jet jekjek ko ekkā aer waļo̧k ilo poem ko ilo kajin Hibru etto, ekkā aer jebwābwe ilo ukook. Juon jekjek eo jej kile, ijoke, ej āliji in ļōmņak ak itia ko, jet iien rej ņa etan “kajjim̧we.” Eoon in jān Aisea ewōr ie juon waanjon̄ak eļam waan:

• Kaņōk kajoor eo am̧, O Zaion;

• Kaņōk nuknuk ko am̧ re wūlio, O Jerusalem (Aiseia 52:1).

29 jebta ilo Sam Ko elōn̄ ļain ko rej kajjim̧we ippān doon—en̄in ej juon waanjon̄ak:

• Ainikien Irooj e kajoor;

• ainikien Irooj eobrak kōn aibojooj (Sam Ko 29:4).

Im en̄in ej juon waanjon̄ak ilo eo me kōn jeļā bwe lain̄ eo kein karuo ej kajjim̧we wōt ippān ļain eo kein kajuon me ekar kōm̧m̧an bwe eoon eo en pidodoļo̧k ad meļeļe:

• Iar lewōj bwe en erreo n̄iōmi ilo aolep jikin kweilo̧k ko ami,

• im kōm̧m̧an bwe en ejjeļo̧k pilawā ilo aolep jikin jokwe ko ami (Amos 4:6).

Ilo waanjon̄ak kein, juon itia rej āliji kōn jidik okoktak. Wāween in emaron̄ kwaļo̧k aorōk itia ko rej āliji ilo aer kōjerbal okoktak ko n̄an lukkun juon kōmeļeļe elikio ak kōkm̧anm̧anļo̧k.

Ilo bar jet wāween, naan kein ruo rekajjim̧we rej kōjerbal ejja kajin eo wōt n̄an kwaļo̧k oktakin ļōmņak ko, āinwōt ilo waanjon̄ak in:

• naan in uwaak e jouj, ej kajeorļo̧k illu:

• a naan e pen ej poktake illu aetok (Jabōn Kōnnaan Ko 15:1).

Naan kein rekajjim̧we rejjab waļo̧k ilo jide. Rijeje eo ekar je ilo elōn̄ unin. Ekar kōtļo̧k bwe ren kwaļo̧k en̄jake ak m̧ool ko an jetōb me ekajoor im aibojooj. Kōn menin n̄e kwoj kile naan ko rekajjim̧we ilo jeje ko ilo Kallim̧ur M̧okta, kajjitōkin eok make ewi wāween an jipan̄ eok meļeļe ennaan eo an rijeje eo. N̄an waanjon̄ak, ta eo Aisea ekar kajjieon̄ ba n̄an iookļo̧k “kajoor” ippān “nuknuk ko am̧ rewūlio” im “Zaion” ippān “Jerusalem”? (Aiseia 52:1). Ta eo jemaron̄ kōjem̧ļo̧k naan in kake “juon uwaak e jouj” eļan̄n̄e jejeļā bwe “naa e pen” ej oktan.? (Jabōn Kōnnaan Ko 15:1).

Ekar Kōjepļaaktok Jetōb eo Aō, jān Walter Rane

Poem ko ilo kajin Hibru āinwōt juon M̧ōtta Ekāāl

Emaron̄ lukkuun jipan̄ eok n̄an keidi poem in riit eo n̄an ioon ak jelm̧ae juon armej ekāāl. N̄an waanjon̄ak, kwomaron̄ keidi poem in riit ko ilo Kalim̧m̧ur M̧okta n̄an ioon ak jelm̧ae juon armej jān juon laļ ettoļo̧k im manit an bar juon laļ eo ejjab kōnono kajin eo jej kōjerbale—im juon eo me ruo jima taujin iiō rūttoon. Armej ro emaron̄ ba men ko jejjab meļeļe kaki jinoin, ak ejjab meļeļe ejjab aorōk naan ko ej tin ba n̄an kōj. Kōn kijenmej im tūriam̧o̧, eo m̧ōWith some patience and some compassion, eo m̧ōttad ekāāl emaron̄ āliktata erom̧ juon eo m̧ōttad ejitōnbōro. Jej aikuj joļo̧k iien ippān doon, kajjieon̄ meļeļe men ko jān jeļā ak ļōmņan eo an. Jemaron̄ lo bwe ilo buruōd jej lukkuun meļeļe kōj kajjojo.

Kōn menin jinoin am̧ riiti eoon ko jān Aisea, n̄an waanjon̄ak, ļōmņake juon kadkad ekāāl n̄an juon eo m̧ōttād ekāāl. Kajjitōkin eok make, “Ta im̧we im en̄jake eo aō?” Ta en̄jake eo eoon in ej letok—men̄e kwojjab meļeļe aolep naan ko? Innem bar riiti, jejjo alen n̄e kwomaron̄. Jet armej rej lo eļapļo̧k meļeļein ilo aer riit eoon ko ilo aer kōļap ainikier. Kile jet jet iaan naan ko remālij Aisea ekar kāāleti, eļaptata naan ko me rej jin̄n̄aik juon pija ilo kōļmenļo̧kjeņ eo am̧. Ta en̄jake eo kwoj en̄jake kōn pija kein? Ta eo pija ko rej elmakote kōn wāween an Aiseia en̄jake? N̄e eļapļo̧k am̧ ekkatak kōn rijeje poem ro ilo Kalim̧m̧ur M̧okta, enej ļapļo̧k am̧ nej lo bwe naan ko rekar kāleti im wāween ko n̄an kwaļo̧k ennaan ko rem̧ūlaļ ilo jetōb.

Poem ko remaron̄ erom̧ ro m̧ōttam̧ raibojooj kōn rej jipan̄ kōj meļeļe kōn en̄jake ko im iminene ko ad. Poem ko ilo Kalim̧m̧ur M̧okta eļap aer aorōk, kōnke rej jipan̄ kōj meļeļe bwe en̄jake ko raorōk tata im iminene ko—ko me rej iookļo̧k jem̧jerā ko ad ippān Anij.

Ilo am̧ ekkatak kōn poem ko ilo Kalim̧m̧ur M̧okta, keememej bwe ekkatak jeje ko rekwojarjar eļap an aorōk n̄e ej tōl kōj n̄an Jisōs Kraist. Kappukot kōkaļļe ko, pija ko, im m̧ool ko me rej kalōk tōmak eo ilo E. Ron̄jake unoojdikdik ko an Jetōb Kwōjarjar ilo am̧ ekkatak.

Bok ko kōn Māletlet

Juon kurup in poem ko ilo Kallim̧ur M̧okta ej ta eo rimāletlet ro rej ņa etan “bok ko kōn māletlet.” Job, Jabōn Kōnnaan Ko, im Ekklisiastis rej pād ium̧win kurup in Ke sam ko rej kwaļo̧k en̄jake in nōbar, burom̧ōj, im kabun̄jar, bok ko kōn māletlet rej pedped wōt ioon kapilōk ko m̧ūlaļier, kajjitōk ko reiookļo̧k jeļā an armej. Bok in Job, n̄an waanjon̄ak, ej kappukot kajim̧we eo an ANij im un ko kōn en̄taan an armej. Jabōn Kōnnaan ko rej letok kapillōk kōn wāween mour em̧m̧an, ekoba naan kapeel ko me kar aiini im jake n̄an epepen ko m̧oktaļo̧k. Im Ekkelisiastis ej kajjitōk kōn unin mour in—ilo an aolep men ko ke aolep men jab to aer pād im rej bōk jikier ilo jide, ia eo jej pukot meļeļe eo em̧ool ie? Komaron̄ ļōmņak kōn bok ko kōn māletlet āinwōt jet ekōnono ko retinwadik kōn rijipan̄ ro reim̧we ro rekōņaan kwaļo̧k jet iaan men ko rej kalimjōki kōn Anij im laļ in me Ekar kōm̧anm̧ane—im bolen jipan̄ eok meļeļe men kein em̧m̧anļo̧k jān ta eo kwar kōm̧m̧an m̧okta.