“O̧kwōj 15–21. Sam Ko 49–51; 61–66; 69–72; 77–78; 85–86: ‘Inaaj Kwaļo̧k Ta eo Ear Kōm̧m̧an N̄an Aō,’” Itok, Ļoor Eō—N̄an Kajjojo Armej im Baam̧le ko: Kallim̧ur M̧okta 2022 (2021)
“O̧kwōj 15–21. Sam Ko 49–51; 61–66; 69–72; 77–78; 85–86,” Itok, Ļoor Eō—N̄an Kajjojo Armej im Baam̧le ko: 2022
SKōjparok Ta eo Ekar Jako, jān Michael T. Malm
O̧kwōj 15–21
Sam Ko 49–51; 61–66; 69–72; 77–78; 85–86
“Inaaj Kwaļo̧k Ta eo Ear Kōm̧m̧an N̄an Aōl”
Laajrak in ej kwaļo̧k jet iaan unin kōnono in katak me ej kwaļo̧k ilo Sam Ko. Ilo am̧ ekkatak, naan ko ralikkar, pija ko, ak itia ko me rejiktok ilo kōļmenļo̧kjeņ eo am̧. Ta eo kwoj en̄jake Irooj ej kajjieon̄ katakin eok?
Je En̄jake ko Rej Im̧we Eok
Rijeje ro an Sam Ko ej lukkun kwaļo̧k en̄jake ko rem̧ūlaļ ilo poem ko aer. Rej je kōn en̄jake in ebweer, mijak, im kaburom̧ōjm̧ōj. Ilo jet iien, remaron̄ āinwōt n̄e rej Anij ej kōjo̧o̧l er, im jet Sam Ko rej kwaļo̧k ainikien illu im inepata. Eļan̄n̄e kwoj en̄jake en̄jake kein, riiti Sam Ko emaron̄ jipan̄ jeļā bwe ejjab kwe wōt kwoj en̄jake en̄jake kein. AK kwonaaj barāinwōt lo bwe Sam Ko me remaron̄ kōketak eok n̄e kwoj en̄jake en̄jake kein, kōnke ri jeje Sam Ko rej bar nōbar Irooj kōn An em̧m̧an, bwilōn̄ kōn An kajoor, im lan̄lōn̄ kōn An tūriam̧o̧. Rekar jeļā bwe laļin eddodo kōn nana im jerawiwi ak Irooj “[Kwōj] em̧m̧an, im kōņaan joļo̧k bō” (Sam Ko 86:5). Rekar meļeļe bwe tōmak ilo Irooj ejjab meļeļe kwojamin apān̄ kōn ikūm̧kūm̧, jerawiwi, ak mijak. Ej meļeļein bwe kwojeļā Wōn eo kwon reilo̧k n̄an n̄e kwoj en̄jake en̄jake kein.
Ļōmņak ko n̄an Ekkatak Jeje Ko Rekwojarjar Ippam̧ Make
Lo̧mo̧o̧r ej itok im kōn wōt Jisōs Kraist.
Sam Ko 49 ewōr juon ennaan kōn “ro rettā m ro re utiej, ri m̧weiie im ri jeram̧ōl jim̧or” (eoon 2). Ta eo kwonaaj ba kōn ennaan in? Ta eo kwoj en̄jake kōn Sam Ko 62:5–12 ej kobaļo̧k ilo ennaan in?
Riiti Sam Ko emaron̄ im̧we eok n̄an kejōkļo̧kjeņ kake wāween ko me jet armej rej likūt lōke ko aer ilo men ko ijjeļo̧kin Anij n̄an bōk lo̧mo̧o̧r (lale Sam Ko 49:6–7). Ewi wāween an naan in kam̧ool eo am̧ jelōt mour eo am̧ ke “Anij enaaj pinmuur [Aō] jān kajoor eo an [lūp]”? (eoon 15).
Bar lale Jabōn Kōnnaan Ko 28:6; Alma 34:8–17.
Kōn tūriam̧o̧ eo an Rilo̧mo̧o̧r, imaron̄ bōk jeorļo̧k in jerawiwi ko aō.
Akweļap kōn tūriam̧o̧ ilo Sam Ko 51 rej waļo̧k jān Kiin̄ Devid, eo ekr ajļo̧k kōn an kakkure kien erreo im ekar m̧ōrō (lale 2 Samuel 11). Jekdo̧o̧n n̄e jerawiwi ko are rejjab lukkuun ļap, jemaron̄ iookļo̧k n̄an aikuj in tūriam̧o me ej waļo̧k ilo sam ko. Jemaron̄ barāinwōt ekktak juon men kōn ta meļeļein n̄an ukweļo̧k. N̄an waanjon̄ak, ta naan ko ak jentōj ko ilo Sam Ko 51 ej katakin eok kōn m̧wil eo jej aikuj bwe jen maron̄ ukweļo̧k? Ta eo jemaron̄ ekkatak kōn tokjen Pinmuur eo an Rilo̧mo̧o̧r me emaron̄ wōr ilo mour eo am̧?
Komaron̄ kajjitōkin ejja kajjitōk eo wōt ilo am̧ riiti Sam Ko 85–86. Komaron̄ bar lale jentōj ko me rej kōmeļeļeik Irooj. Ewi wāween an jentōj kein kōkajoorļo̧k tōmak eo am̧ bwe E enaaj jeorļo̧k am̧ bōd? (lale, n̄an waanjon̄ak, Sam Ko 86:5, 13, 15).
Bar lale Alma 36; Russell M. Nelson, “Jemaron̄ Kōm̧m̧an Em̧m̧anļo̧k im Maron̄ Em̧m̧anļo̧k,” Liaona, Māe 2019, 67–69; Carole M. Stephens, “M̧aajta Rikemour eo,” Liaona, Nob. 2016, 9–12.
Sam Ko 51:13–15; 66:16–17; 71:15–24
Naan in kam̧ool eo aō kōn Jisōs Kraist emaron̄ jipan̄ ro jet itok n̄an E.
Kejōkļo̧kjeņ kōn wāween an naan in kam̧ool eo am̧ kōn Jisōs Kraist im kajoor in pinmuur eo An. Innem, ilo am̧ ekkatak Sam Ko 51:13–15; 66:16–17; 71:15–24, ļōmņak kōn wāween am̧ maron̄ karuwaineneik ro jet n̄an “item lo jerbal ko an Anij” (San Ko 66:5). Ta meļeļein n̄an eok n̄an “kōnono n̄an [Ami] wānōk ium̧win aolepen raan”? (Sam Ko 71:24). Ewi wāween am̧ nej ba n̄an ro je “ta eo Ear kōm̧m̧ane n̄an [jetōb ko Ami]”? (Sam Ko 66:16).
Bar lale Mosaia 28:1–4; Alma 26.
Jemaron̄ kwaļo̧k n̄an ro jet naan in kam̧ool ko ad kōn ta eo Irooj ekar kōm̧m̧an n̄an kōj.
Irooj enaaj jiipan̄ eok ilo iien eo am̧ im aikuj ko reidin̄
Jejjo Sam ko rej kōmeļeļeik ko, ilo kajin ekanoor, ta eo ej āinwōt ilo am̧ ettoļo̧k jān Anij im n̄an lukkuun aikuji jipan̄ eo An. Komaron̄ ļōmņak n̄an kappukot kain kōmeļeļe rōt in ilo Sam Ko 63:1, 8; 69:1–8, 18–21; 77:1–9. Ta eo kwoj lo ilo Sam Ko 63; 69; 77–78 me emaron̄ letok alikkar ko ilo Sam Ko?
N̄e kwoj ineptata, ewi wāween an jipan̄ eok “keememej jerbal ko an Irooj” im “menin bwilōn̄ ko [An] jān iien ko re m̧ootļo̧k”? (Sam Ko 77:11). Jet iaan menin bwilōn̄ rej kōmeļeļeikier ilo Sam Ko 78. Ilo am̧ riiti kōn er, kejo̧kļo̧kjeņ kōn ta eo ej jipan̄ eok “likūt [am̧] katmāne ilo Anij” (eoon 7). Ta en̄jake im imminene ko jān menmenwbij eo am̧ rej im̧we eok?
Ļōmņak ko n̄an Ekkatak Jeje ko Rekwojarjar an Baam̧le im Nokon in Jota
-
Sam Ko 51:17.Ļōmņak kōn wāween ko komaron̄ katakin baam̧le eo am̧ ta meļeļe n̄an bōk juon bōro erub. N̄an waanjon̄ak, ro uwaan baam̧le eo emaron̄ bōk iien n̄an kōpeļļo̧k juon men me elukkuun pen kabarin, āinwōt lep ak juon nut. Ewi wāween an buruōd jet iien āinwōt kilen men ko repen? Ewi wāween ad maron̄ kōpelļo̧k n̄an Irooj? Riiti Sam Ko 51 ippān doon emaron̄ letok itia ko jet.
-
Sam Ko 61:2–3.Ro uwaan baam̧le eo remaron̄ itok limoer ilo jin̄n̄a pija kōn kōkaļļe ko ilo eoon ko im kōmeļeļe kōn wāween an Jisōs Kraist āinwōt juon “dekā” e utiej, “juon jikin tilekek n̄an [kōj],” im “juon m̧ōn ebbaar e kajoor.”
-
Sam Ko 71:17; 78:5–7.Ta eo Irooj ekōņaan bwe kwon “kōjjeļāik … ro [nejimi] kaki”? (Sam Ko 78:5). Bōlen kajjojo ro uwaan baam̧le ko remaron̄ kwaļo̧k juon waanjon̄ak kōn “jerbal ko re menin bwilōn̄” an Irooj, āinwōt bwebwenato ko ilo jeje ko rekwojarjar, juon en̄jake, ak naan in kam̧ool an juon make, me ej jipan̄ er “likūt aer katmāne ilo Anij” (Sam Ko 71:17; 78:7).
-
Sam Ko 72.Sam Ko 72 kar je jān Devid kōn eo nejin Solomon, ak eļaptata emaron̄ bar iookļo̧k Jisōs Kraist. Ilo an baam̧le eo am̧ riiti sam ko, remaron̄ kotak juon pijaan Rilo̧mo̧o̧r n̄e reloe eoon ko me rej kakeememej er kōn Jisōs Kraist. Ewi wāween ad jipan̄ kakūrm̧ool ikdeleel ko me “aolepen laļ in en obrak kōn an aibojooj”? (Sam Ko 72:19; bar lale Katak im Bujen Ko 65:2).
-
Sam Ko 85:11.Eoon in emaron̄ im̧we juon ekkōnono kōn m̧akūtkūt ko raorōk an Jepļaaktok eo an gospel eo—ewi wāween an Bok in Mormon m̧ool eo me ej “[eddek] jān laļ” im wāween an ribōkto bōk ennaan kar “wanlaļtak jān lan̄” (bar lale Moses 7:62). Bitio eo “Preparation of Joseph Smith: Tutored by Heaven” (ChurchofJesusChrist.org) ej kwaļo̧k jet iaan iien ko raorōk.
N̄an ļōmņak ko reļļapļo̧k n̄an katakin ajri ro, lalee unin tōl eo an wiik ilo Itok, Ļoor Eō—N̄an Būraimere.
Al eo kar elmakote: “Ij Aikuj Yuk Aolep Awa,” Al ko Al in Ajri, pg. 8
Kōkōm̧anm̧anļo̧k Ad Katakin
Kōjerbal elōn̄ jekjek ko. “Kappukot wāween ko komaron̄ kobaiki n̄an kijejeto ko am̧ n̄an katakin kōn gospel eo. Kōm̧m̧ane menin enaaj kobaik em̧m̧an im aibojooj n̄an en̄jake in. … Ļōmņak wāween an al jerbal, bwebwenato, pija ko, im jekjek in pija ko jet remaron̄ karuwaineneik Jetōb eo” (Teaching in the Savior’s Way, 22).
Jab Pere, Thomas, jān J. Kirk Richards