“Aokati 15–21. Taian Areru 49–51; 61–66; 69–72; 77–78; 85–86: “Na Tuangngkami te Bwai ae E Karaoia nakon Tamneiu,’” Nakomai, Iriirai—Ibukin te Moanrinan: Te O Tetemanti 2022 (2021)
“Aokati 15–21. Taian Areru 49–51; 61–66; 69–72; 77–78; 85–86,” Nakomai, Iriirai—Ibukin te Moanrinan: 2022
Saving That Which Was Lost(Kamaiua Are E a Tia ni Bua), iroun Michael T. Malm
Aokati 15–21
Taian Areru 49–51; 61–66; 69–72; 77–78; 85–86
“Na Tuangngkami te Bwai ae E Karaoia nakon Tamneiu”
Am katooto ngkai ko reiakina te euangkerio e kona ni iai mwiina ae korakora iaoia ataei. Tibwaia ma ngaiia am taneiai n tamnei n reiakina te euangkerio.
Korei Am Namakin
Kaunga te Tibwatibwa
Tibwauaia ma am ataei te kibu man taian areru, te anene n taromauri, ke aia anene ataei are e buokiko n namakina ana tangira te Tia Kamaiu. Anganiia ataei n tatabeman aia tai ni karaoa naba anne.
Reirei te Reirei: Ataei aika a Uarereke
Ngkana I karaoi rinerine aika a bure, Iesu e buokai ni karaoa te bitaki.
Buokiia ataei ni mataata bwa te kaairua bon mwakoron te maiu ae mamate ao are ti kona ni karekea te buoka mairoun Iesu Kristo n tokanikai iaoia.
Waaki ni Kakukurei aika a Kona ni Karaoaki
-
Tibwaua te karaki ae bebete, man oin maium ke man te Friend ke Riaona, taekan te ataei are karaoa te rinerine ae kaairua ma e karekea buokana mairoun te Tia Kamaiu n riki n tamaroa (ibukin te katooto, taraa te witeo “The Shiny Bicycle” at ChurchofJesusChrist.org). Wareka Taian Areru 51:10, ao tibwaua te kimwareirei are ko namakinna ngke te Tia Kamaiu e buokiko n karekea “te nano ae itiaki” ao “te tamnei ae eeti.”
-
Kaotia nakoia ataei te iteraniba ibukin waaki ni kukurei n te wiiki aei. Kotei taian tamnei n tatabeua, ao tuangiia ataei ni kabwarabwara bwa tera ae a nooria. Wareka atuun wareware ni buokiia ataei n reiakina taekan te rairannano ao te kakabwarabure.
I kona n tuangiia tabeman taekan Iesu Kristo.
Te onimaki-kaonaki n aia taeka ataei iai mwaakana ae onoti n riingii naano. Anganiia ataei te koaua raoi bwa aia koaua iroun Iesu Kristo e konaa ni buokiia tabeman.
Ti kona ni marooro ma tabeman n taekan Iesu bwa tera are e a tia ni karaoia ibukira.
Waaki ni Kakukurei aika a Kona ni Karaoaki
-
Warekia nakoia ataei Taian Areru 71:8, ao korea te wii ae bubura iaon te burakibooti. Tuangiia bwa a na buokiko “kanoa” te wii ma bwaai aika ti kona tuangiia tabeman taekan Iesu Kristo.
-
Kabuta tamnein Iesu imarenaia. Tuangiia ataei n ikaruoruo n taua te tamnei ao n taekina teuana te bwai are a ataa Taekana. Tera ae E a tia ni karaoia ibukira? (Tamnei inanon te Gospel Art Book e kona ni katauraoi tabeua iango.)
Te Tama are i Karawa e ongo ao e kaekai au tataro.
A mwaiti man taian areru bon kanga tataro nakon te Atua ibukin te buoka, tararua, ke kamanoaki. Iangoia bwa kona kanga ni buokiia ataei ni katea aia onimaki bwa Tamara are i Karawa e ongo ao e kaekaia ngkana a tataro.
Waaki ni Kakukurei aika a Kona ni Karaoaki
-
Titirakiniia ataei bwa a na kanga n taetae ma aomata ake a maeka n raroanako. Kaotia nakoia bwaai are ti konaa ni kabongana n reitaki iai, n aron ngkai te tareboon ke te reta. Warekia nakoia Taian Areru 86:7. E kanga arora n “wewete nakon” Tamara are i Karawa? E kanga aron kaekaara Irouna?
-
Kaoia ataei ni karaoa te kaotioti iaon bwaai are a karaoi ni katoa bong, n aron te nakonako, amwarake n te ingabong, nakoia n reirei, ke nakoia ni matu. Buokiia ni kunei taai inanon te bong ngke a konaa n tataro nakon Tamaia are i Karawa. Kabwarabwara bwa ti kona n tataro Nakoina n taainako, ao E na bon ongongo n taainako iroura.
-
Anenea te anene n taekan te tataro, n aron “A Child’s Prayer” (Aia Boki n Anene Ataei, 12–13). Taekina te tai are ngke te Atua e kaeka am tataro.
“Na ururinga ana mwakuri te Uea.”
Koroboki aika tabu e kona ni katea ara onimaki iroun Iesu Kristo man buokiira ni uring Ana “kamiimi ake ngkoangkoa.”
Waaki ni Kakukurei aika a Kona ni Karaoaki
-
Warekia nakoia ataei Taian Areru 77:11, ao tuangiia bwa ko na kanga ni “uringa ana mwakuri te Uea,” n reitaki ma Ana mwakuri inanon maium. Kaoiia ataei bwa a na korei tamnei ni buokiia ni uring bwaai ake a korakora are E a tia ni karaoi.
-
Kaota taian tamnei man te boki aei ke man Nakomai, Iriirai—Ibukiia Aomata n Tatabemaniia ao Utu, ni kauringiia ataei man karaki ake a tia n reiakin inanon te O Tetemant iaon bwaai ake a korakora are te Uea e a tia ni karaoi ibukiia Ana aomata. Titirakiniia bwa tera mai ibuakon karaki aikai ae a tatangiria riki ao bukin tera.
Reirei te Reirei: Ataei aika a Ikawai Riki
Te rairannano bon bitakin te nano.
Taian Areru 51 kanoana tabeua koauan taekan te rairannano. Ko na kanga ni buokiia ataei ni kunei koaua aikai?
Waaki ni Kakukurei aika a Kona ni Karaoaki
-
Angania ataei n tatabemania kakateuana aia kibu man koroboki aika a tabu n te iteraniba ibukin te waaki ni kakukurei n te wiiki aei. Tuangiia bwa a na kakaai taeka are e reireiniia te bwai teuana n taekan te rairannano. Tuangia bwa a na korei taeka iaon te burakibooti. Imwiin baneia n tia n tibwatibwa, tuangiia ataei a na kanga ni kaekaa te rao are e titiraki, “Tera ae e nanonaki n raira nanom?”
-
Korea tamnein te aati iaon te burakibooti. Tuangiia ataei n aranii tabeua buure are Tatan e karirira ni karaoi. Korei buure akanne inanon te aati. Tuangiia ataei ni kakaai taeka nano inanon Taian 51:10, 17. Tera e reireiniira kiibu aikai n taekan te rairannano? (taraa naba kibu 6). Buokiia ataei ni mataata bwa e ngae ngkana ti toki ni karao te bure, nanora e kainanoa te bitaki n te aro are ti na rairinanora. Tuangiia ataei bwa a na kamaunaa te bure inanon te aati iaon te burakibooti ao ni korea te taeka ae boou are kabwarabwara te bitaki inanora ngkana ti rairinanora. Tibwaua am koaua are te Atua e konaa ni “karika inano[ra] bwa te nano ae itiaki” ngkana ti rairi nanora (kibu 10).
Taian Areru 66:16; 77:11; 78:7
“Na uringa ana mwakuri te Uea”
Kaain Iteraera a reireiniia natiia taekan kakai are te Atua e karaoi ibukiia n te aro are natiia “aonga ni kaaki aia kantaninga iroun te Atua” (Taian Areru 78:7).
Waaki ni Kakukurei aika a Kona ni Karaoaki
-
Tuangiia ataei bwa a na tibwauai aia kakaraki are a tatangiria man booki aika tabu (tamnei man te Gospel Art Book e na kona ni buokiia n iangoi karaki). Bukin tera a tangiri karaki aikai? Tera ae e reireiniira karaki aikai n taekan te Uea? Warekia n ikotaki Taian Areru 77:11; 78:7. Bukin tera e bon kakawaki ni “uringnga ana mwakuri te Uea”?
-
Tuangiia ataei ni wareka Taian Areru 66:16 ao ingoa taekan ke korei taian reke nakon te titiraki “Tera ae e a tia ni karaoia te Uea ibukin tamneiu?” Ngkanne tuangiia bwa a na tibwauai aia reke, ngkana a tangiria. Tera ae ti kona ni karaoia ni “uringnga n taainako” (Moronaai 4:3; 5:2) tera ae e a tia ni karaoia te Uea ibukira?
E tangiria te Uea ni kabwarai buure.
Ngkana ti bure, Tatan e tangiriira n iangoia bwa te Uea e na bon aki kabwarai ara bure. Buokiia ataei ni katea aia onimaki bwa te Uea e bon “tauraoi ni kabwara bure; ao e bati ana nanoanga” (Taian Areru 86:5).
Waaki ni Kakukurei aika a Kona ni Karaoaki
-
Kaota tamnein te Tia Kamaiu (n aron are teuana inanon Nakomai, Iriirai—Ibukiia Aomata n Tatabemaniia ao Utu), ao tuangiia ataei tera taeka are a na kabonga ni kabwarabwara Taekana. Kaoiia ni kakaai taeka are e na kabwarabwara Taekana inanon Taian Areru 86:5, 13, 15. Ngkana e kainnanoaki, buokiia bwa a na kabwarabwarai taeka aikai. Tera ae ti kona n taekinna nakon te rao are e namakinna bwa te Atua e bon un irouiia ngkana a bure?
-
Anene ma ataei n te anene are ko namakinna bwa e na buokiia ni mataata aron te Tia Kamaiu ni kakabwara bure, n aron are “I Stand All Amazed” (Anene n Taromauri, nambwa 193). Tibwaua am koaua are Iesu Kristo e tangiria ni kabwarai ara bure.
Kaungaa te Kamatebwai n te Mweenga
Kaoiia ataei n tatabeman ni kaota teuana bukina ae a tangira Tamaia are i Karawa ao Iesu Kristo. Kaungaia bwa a na tibwaua bukina anne ma temanna ni mweengaia. Kakoaua are aia taeka e na kakabwaia te aomata anne.
Kanakoraoan Ara Anga reirei
Kaota te koaua raoi. “Ngkana [ataei] a namakina are ko onimakiniia, aia koaua raoi n aia konabwai ae mairoun te Atua e na rikirake. … Ma te nano n tangira kaotia ae ko ataia bwa bon tabeia ibukin oin reiakinaiai” (Reirei n ana Kawai te Uea, 28).