Iehove bon te Tia Kawakinai, iroun Yongsung Kim, havenlight.com

Aokati 8–14

Taian Areru 1–2; 8; 19–33; 40; 46

“Iehova Bon te Tia Kawakinai”

Te kabwarabwara aei e taekin tabeua kiibuntaeka aika tamaroa inanon Taian Areru are e na kakabwaiaia ataei, ma tai tii toki ikai kakaai riki tabeua. Iriiran ana Kairiiri te Tamnei.

Korei Am Namakin

Kaunga te Tibwatibwa

Tabeua te bong imwaina, kaoiia tabeman ataei ni uotii korotamnei nakon te kiraati are e tei ibukin bwaai are a wareki ngaiia ma aia utu inanon Taian Areru n te wiiki aei, n aron te tia kawakin tiibu (taraa Taian Areru 23:1), te mwangko (taraa Taian Areru 23:5), ke te aati (taraa Taian Areru 24:4). Kaoiia ataei bwa a na maroroakinna taekan aia korotamnei ao te kibu man Taian Areru are a taekinaki iai.

Reirei te Reirei: Ataei aika a Uarereke

Taian Areru 19:1; 33:5

“Karawa e katanoata mimitongin te Atua.”

Taian Areru19 ao 33 a reireia bwa ti na kona ni kunei kakoauaan te mimitong ao tamaroan te Atua ni bwaai nikabne are a katobibiira inanon Ana karikibwai ae tikauarerei. Buokiia ataei n reiakinna n noora bain te Atua inanon te aonaaba ni katobibiira.

Waaki ni Kakukurei aika a Kona ni Karaoaki

• Kaotia nakoia ataei tabeua tamnein tamaroan bwaai are karikii te Atua, ke taraa tinanikun te winto n ikotaki n tarai bwaai akanne. Tuangiia ataei tera ae a tangiria iaon ana karikibwai te Atua. Warekia teuana mai iai Taian Areru 19:1 ke 33:5, ao tuangiia ataei bwa e kanga aia namakin iaon Ana karikibwai te Atua.

• Anenea te anene iaon ana karikibwai te Atua, n aron “The World Is So Lovely” (Aia Boki n Anene Ataei,233). Kaoiia ataei bwa a na anaa te bwai teuana are e karikia te Atua (n aron te bwai ae taekinaki n te anene) ao korea tamneina n tibwaia ma aia utu.

Taian Areru 23

“Iehova Bon te Tia Kawakinai.”

Ngkana ataei a kona n reiakinaki n roroia ae a uarereke are te Uea bon aia tia kawakiniia, a na rang bebete riki Iriirana “inanon kawain te raoiroi.”

Waaki ni Kakukurei aika a Kona ni Karaoaki

• Anganiia ataei n tatabeman katooton iteraniba ibukin waaki ni kakukurei n te wiiki aei, ke anganiia n tatabemania te tamnei man te iteraniba ibukin waaki ni kakukurei. Kaoiia n ongora ngkai ko wareka Taian Areru 23. Tuangiia bwa a na kotei ke tabekarake te tamnei ngkana a ongo taekana n taekinaki inanon Taian Areru. Kaota am koaua bwa Iesu e tabeakiniira, n aron te kawai are te tia kawakin tiibu e tabeakiniia ana tiibu.

• Tuangiia ataei tabeua kawai ae ko ataia are te Tia Kamaiu e tangiriko. Kaoiia ataei bwa a na teirake temanna imwin temanna ao n tibwaua tabeua kawai are ataia bwa Iesu e tangiriia. Anenea te anene n ikotaki are e n konaa n anganiia iango, n aron “I Feel My Savior’s Love” (Aia Boki n Anene Ataei, 74–75).

Taian Areru 30:5

Iesu Kristo e konaa n raira te nanokawaki nakon te kimwareirei.

Iangoia raoi bwa ko na kanga ni buokiia ataei ni karekea oin a kakoaua n te kimwareirei are Iesu Kristo e anganiira ngkana ti nanokawaki.

Waaki ni Kakukurei aika a Kona ni Karaoaki

• Kaoiia ataei bwa aongkoa a tang ngkai ko wareware man Taian Areru 30:5, “Tao e tang te aba ni kangaina.” Ngkanne tuangiia bwa a na kimwareirei ngkai ko wareka, “Ma te kimwareirei e roko inanon te ingabong.” Kaokioka te kibuntaeka aei tabeua te tai, ao kakoaua nakoia ataei bwa bukin Iesu Kristo, te nanokawaki are ti namakinna n te maiu aei e kona n oneaki mwiina ma te kimwareirei.

• Kaota tamnein te Tia Kamaiu, ao tuangiia ataei taekan tabeua bwaai are E a tia ni karaoi ibukim are e uota te kimwareirei. Angania ataei n tatabeman aia tai n taua te tamnei ao tibwaia bwa tera ae karaoia Iesu ni uota te kimwareirei nakoia.

Reirei te Reirei: Ataei aika a Ikawai Riki

Taian Areru 23; 27–28; 32; 46

Te Uea e anganai te rau, te korakora, ao te tararua.

A mwaiti man Taian Areru kakoauaan ana kakabwaia te Uea inanon maiura. Ko kona ni kabongana Taian Areru ni buokiia ataei n reiakina te onimaki Irouna ao n rairaki Nakoina.

Waaki ni Kakukurei aika a Kona ni Karaoaki

• Koreia iaon te burakiboti Te Uea bon . Anganiia ataei n rinea teuana ke raka man koroboki aika tabu aikai ni wareki: Taian Areru 23:1; 27:1; 28:1; 28:7; 32:7; 46:1. Tuangiia bwa ana kabwanina te tiententi iaon te burakiboti ni kabongana bwa tera are a reiakin man koroboki aika tabu. Buokiia ataei ni marooroakin bwa tera taian kanikina aikai n reireniira taekan te Uea.

• Kaotia nakoia ataei tamnein te tiibu te teei. Tuangiia bwa ana arani bwaai tabeua are e kainanoia te tiibu te teei ni mano ao ni marurung, ao kaungaiia n taraia inanon Taian Areru 23:1–4 ibukin taian iango. Ngkanne kaota tamnein te ataei. Tera ae ti kainnanoia n riki ni mano ao marurung n te maiu n tamnei? Warekia n ikotaki Taian Areru 23, ao tuangiia ataei bwa e kanga bwaai are karaoia te tia kawakin tiibu inanon Taiain Areru aei ni kona ni kabotauaki nakon bwa tera ae karaoia Iesu ibukira.

Ti riai n riki n itiaki n tamneira ao n tamaroa n roko imatan te Uea.

Taian Areru 24:3–4

Te rin n te tembora, ti kainanoi, “baai aika itiaki, ao naano aika itiaki.”

N aroia ataei n ingainga ni kan rin n te tembora teuana te tai, buokiia bwa a na mataata bwa a kona ni katauraoi man riki n itiaki n tamneia rinanon ana Mwakuri ni Kamaiu te Tia Kamaiu.

Waaki ni Kakukurei aika a Kona ni Karaoaki

• Kaotia nakoia ataei tamnein te tembora. Kaoiiabwa a na wareka Taian Areru 24:3 ao ni kakaai taeka are e kauringiia taekan te tembora. Ngkanne warekia n ikotaki kibu 4 n reiakinna bwa antai ae kona n rin n te tembora (kabwarabwarai taeka aika aki kinaaki). E kanga baira ni barekareka n rabwata? E kanga baira ao nanora ni barekareka n tamnei? Ti kanga ni kaitiaki baira n rabwata? E kanga te Tia Kamaiu ni buokiira ni kaitiaki baira ao nanora n tamnei? (Ngkana e ibuobuoki, kabwarabwara bwa “baai” inanon te kibu aei e kona n tei ibukin ara mwakuri ao “nanora” e kona n tei ibukin kukureira.)

• Manga rinanoi ma ataei bwaai aika tangiraki ni karekean te tembora rekomente (taraa Russell M. Nelson, “Closing Remarks,” Riaona, Nobembwa. 2019, 120–22; ke kaoa kaain te bitiobiriki ni marooroa bwaai aika tangiraki ma te kiraati). Kaoiia ataei n rinea teuana te bwai are a na namakina kaungakiia ni karaoi ni katauraoi n tau n rin n te tembora.

Taian Areru 46:10

“Tei Moa, ao Kam na Atai Bwa te Atua Ngai.”

Anaakin ara tai n rau ao n tei, n aki ongea te katabetabe ni katobibiira, e konaa ni buokiira ni katei ara koaua bwa te Atua e maiu.

Waaki ni Kakukurei aika a Kona ni Karaoaki

• Buokiia ataei ni kamatenukuna te moan rain man Taian Areru 46:10: “Tei Moa, ao kam na atai bwa Ngai te Atua.” Marooro mangaiia n taekan bwa tera e nanonaki n “Tei Moa,” n te rabwata ao te iango. Tibwauaia ma ataei te taneiai n aron “tei moa” kakorakora am kakoaua iroun Tamara are i Karawa. Tuangiia ataei bwa a na tibwaua bwaai ake a tia n rinanona. Bukin tera te tei moa te kawai ae kakawaki n ataia bwa te Atua e maiu?

• Kaoiia ataei ni manga rinanoi ma ngkoe bwa tera ae a karaoia inanon te bong koraki. Buokiia n iangoi taai inanon aia bong ngkana a kona ni kataia n “tei moa” ao namakina te kaan nakon Tamara are i Karawa. Kaungaiia ni katei aia kouru ni kabongana aron taai inanon wiiki aika a na roko ni kakorakora kakoauaan Tamara are i Karawa.

• Kaoiia ataei ni karinanii tabeua bwaai are ti konaa ni karaoia n ataia i bon iroura bwa Tamara are i Karawa e bon koaua ao are E tangiriira. Kaoiia bwa a na rinea te bwai teuana man ake a karinanaki are a tangiria ni karaoi.

Kaungaa te Kamatebwai n te Mweenga

Kaoiia ataei n rinea te kibu are a tangiria man Taian Areru are a tia ni taetae iaona n te bong aei. Kaungaiia bwa a na tibwaua te kibu anne ma kaain te utu ke raoia.

Kanakoraoan Ara Anga reirei

Katuruturu iaon kainnanoia ataei. Ngkai ngkoe te tia reirei, ko bon mena n te nakoa ae onoti n atatai ni kainanoila ake ko reiakiniia. Am taneiai, itamaomaom ma ataei, ao ana tararua te Tamnei ae Raoiroi e na buokiiko n ataia bwa tera waaki ni kakukurei ae e na reiakinaki are e na taraa ni katea aia onimaki iroun Tamara are i Karawa ao Iesu Kristo.