“Tebetembwa 12–18. Itaia 13–14; 24–30; 35: “Te Mwakuri ae Kamimi ma ni Kakuba,’” Nakomai, Iriirai—Ibukin te Moanrinan: Te O Tetemanti 2022 (2021)
“Tebetembwa 12–18. Itaia 13–14; 24-30; 35,” Nakomai, Iriirai—Ibukin te Moanrinan: 2022
Sacred Grove (Te Buakonikai ae Tabu), iroun Brent Borup
Tebetembwa 12–18
Itaia 13–14; 24–30;35
“Te Mwakuri ae Kamiimi ma ni Kakuba”
Imwiin te kamatebwai ma te tataro ae korakora Itaia 13–14; 24–30;35, bairei waaki ni kakukurei ni buokiia n reireiniia ataei. E kona te iango n te waaki ni kakukurei ae oti inano ni karaoaki ti ibukiia rooro ni kurubu nako.
Korei Am Namakin
Kaunga te Tibwatibwa
Kaoia ataei bwa a na teirake ngkana a tangiria n tibwaua te bwai ae a tibwa reiakinna ibukin te euangkerio n te mweenga ao n te ekaretia. Anganiia ataei n tatabemaniia nako aia tai n tibwatibwa.
Reirei te Reirei: Ataei aika a Uarereke
Iai te buaka i karawa.
Imwain karikan te aonaaba, Tamara are i Karawa e rinea Iesu Kristo bwa ara Tia Kamaiu. Itaia 14:12–14 e kabwarabwara te kainikatonga are e kaotia Tatan n te Kauntira i Karawa imwain te maiu aei.
Waaki ni Kakukurei aika a Kona ni Karaoaki
-
Kabongana “Introduction: Our Heavenly Father’s Plan” (n te New Testament Stories, 1–3) ke n te anene “I Lived in Heaven” (Aia Boki n Anene Ataei,4) n tuangiia ataei taekan te Buaka i Karawa imwain ae ti bungiaki. (Ngkana ko karaoia, karin mwakoro n taeka man Itaia 14:12–14 aika a kabwarabwara Tatan.) Imwiina kaoia ataei bwa a na karekea aia tai n taekina te karaki nakoim. Katuruturua ni kamatata ae Iesu Kristo e ira a na baire Tamara are i Karawa ao e riki bwa ara Tia Kamaiu.
-
Iaon te burakibooti, korea tamnein te buroo ma te taeka Tatan ao te ubu ae nanokawaki inanona. Kabwarabwara bwa e taekinna Tatan i nanona, “N na karietaata au kaintokanuea i etan ana itoi te Atua” (Itaia 14:13), are nanona bwa e tangiria n nakoraoi riki nakon Tamara are i Karawa. Kaoa te ataei bwa e na korea te buro riki teuana, n te tai aei ma te taeka Iesu ao te ubu ae kukurei inanona. Buokia ni kaotaia ataei ae e tangiria Iesu ni karaoa te bwai ae tangiria Tamara are i Karawa bwa E na karaoia (taraa Mote 4:1–2). Ti na kanga ni kona n ira Ana katoto Iesu?
“E ongaki te mate irouna n aki toki” (Itaia 25:8).
E a mangauti Iesu Kristo.
Iesu Kristo e kona ni katoka te nanokawaki ae ti namakinna ibukin te mate. Ibukina bwa E tokanikai iaon te mate, ti na bane ni bane ni mangauti naba.
Waaki ni Kakukurei aika a Kona ni Karaoaki
-
Kaota tamnein Mangautin Iesu Kristo, ao tuangiia ataei bwa a na tibwaua te bwai ae a ataia n te tamnei. Ngkana e kainnaoaki, tibwauaia mangaia karakinan Iesu ngke tia ni manga kautaki (taraa “Jesus Is Risen,” n te New Testament Stories, 139–44). Katanga ke anenea te anene iaon taekan te Mangauti, n aron “Jesus Has Risen” (Aia Boki n Anene Ataei,70), ao kaoia ataei bwa a na tibwauaia bwa a kanga n namakinna ae e uti Iesu man te mate.
-
Tuangiia ataei ibukin temanna ae ko kinaa ae e a tia ni mate. Tera aron ara namakin ngkana temanna ae ti tangiria e mate? Kaoia ataei bwa a na korea tamnein ubun temanna ae tang. Ngkanne wareka Itaia 25:8 nakoia. Tera ae na karaoia Iesu nakon ran nimatara ngkana ti mitina temanna ae e a tia ni mate? Kaoia ataei bwa a na korea tamnein te ubu ae kukurei. Kaota am koaua bwa bukina ngkai e a mangauti Iesu Kristo., ti kona n namakina te mwengaraoi ngkana e mate temanna ao n ataia bwa ti na mangauti n te bong teuana.
Te Uea E kaoka Ana Ekaretia rinanon Iotebwa Timiti.
Kaokan te euangkerio bon te “mwakuri ae kamimi ma ni kakuba” (Itaia 29:14). Tibwauaia ma ataei tabeua bwai aika kamimi aika e karaoi te Uea—ao n teimatoa ni karaoia—ni kaoka Ana euangkerio n ara bong.
Waaki ni Kakukurei aika a Kona ni Karaoaki
-
Kaoia ataei bwa a na tuangko te bwai ae ataia ibukin Iotebwa Timiti. Ngkana e kainnanoaki, tibwauaia mangaiia “Joseph Smith’s First Vision” (inanon Karaki man Reirei ao Berita aika Tabu, 9–12). Wareka Itaia 29:12, ao kabwarabwara bwa e ngae ngke Iotebwa Timiti e aki iangoaki bwa e “reirei” irouia aomata aika mwaiti, Iesu Kristo e kaoka te euangkerio rinanona.
-
Wareka Itaia 29:14 nakoia ataei, ao tibwauaia ma ngaia taeka tabeua aika ti tebo nanoia n aron “kamimi” ao “kakuba.” Kaoti bwaai aika a tei ibukin tabeua a na mwakuri te Uea aika kamimi ni boong aika kaitira, n aron tamnein te Moan ni Kaotioti ke Iotebwa Timiti ni karekea te nakoanibonga (taraa Gospel Art Book, nambwa. 90, 93,94) ke kaobiin Ana Boki Moomon. Kaoia ataei bwa a na rinea te rongorongo ao n tibwauaia bwa bukin tera e kamimi nakoia.
Reirei te Reirei: Ataei aika a Ikawai Riki
Itaia 24:3–5; 29:7–10; 30:8–14
Kitanan te koaua nanona te tannako mairoun te Uea ao Ana burabeti.
Warekan a na kauring Itaia ibukin te kangaanga ni kitanan te koaua e kona ni buokiia ataei ni motikia irouia bwa a na tiku ni koaua nakon te Uea ao n iriia Ana burabeti.
Waaki ni Kakukurei aika a Kona ni Karaoaki
-
Korea te taeka kitanan te koaua iaon te burakibooti. Kaoia ataei bwa a na kakaea nanona inanon “Kitanan te Koaua” inanon te Kairi nakon Booki aika tabu (scriptures.ChurchofIesuChrist.org). Kaoia bwa a na wareka Itaia 24:5; 30:9–11 ao koroi aran bwaai aika a karaoi aomata n ana tai Itaia are e kairiia nakon kitanan te koaua. Ngkanne kaoia ataei bwa a na bitii bwaai ake a koreaki nakon bwaai aika ti na kona ni karaoi bwa ti aonga n teimatoa ni kokoaua nakon te Uea.
-
Tibwaua te kiraati nakon te bea, ao anganiia taian bea n tatabeua nako bwa a na wareka teuana mai ibuakon kiibu aikai: Itaia 24:3–5; Itaia 29:7–10; ke Itaia 30:8–14. Kaoia bwa a na koroi tamnei ake a tei ibukin te bwai ae a warekia. Ngkai a tibwaua aia korotamnei, buokiia ni maroroakin bwaai aika reirei a na taeka Itaia ao bukin tera ti riai n teimatoa ni koaua nakon te Uea.
Kaokakin te euangkerio bon te “mwakuri ae kamimi.”
Ko na kanga ni buokiia ataei n ataia bwa ngaia bon mwakoron “ana mwakuri ae kamimi” te Uea (Itaia 29:14) ibukiia aika itiaki ni boong aika kaitira?
Waaki ni Kakukurei aika a Kona ni Karaoaki
-
Kaoti tamnein tabeua bwaai aika riki aika kamimi ngke e kaokaki te euangkerio (taraa Gospel Art Book, nambwa. 90–95, ke te iteraniba ni waaki n te wiiki aei). Bootaki ni wareka Itaia 29:14, 18,24, ao kaoia ataei bwa a na kakaei taeka ao mwakoro n taeka aika irekereke ma bwaai aika riki inanon tamnei. Titirakiniia ataei bwa a kanga ni kona ni buoka ana “mwakuri ae kamimi” te Uea (kibu14).
-
Tibwaua te taneiai ae bwarabwara raoi ni buokiia ataei n ataa nanon te mangauti . Ibukin te Katooto, taekina taekan te bwai ae bua ao ko kanga ni kunea. Buokiia ataei ni kabotaua te bwai aei nakon Kaokan te euangkerio. Ni kaineti ma Itaia 29:13–15, bukin tera ti kainnanoa Kaokan bwaai? Tera mwakuri aika kamimi aika e karaoi te Uea ni kaoka iai Ana euangkerio?
Ana reirei Itaia e kaira te aomata bwa e na ataa Iesu Kristo ao n Iria.
Ana reirei Itaia e kona ni kairiia ataei aika ko reireiniia nakon te Tia Kamaiu ao ni kateimatoaia n uring bwaai aika E a tia ni karaoi ibukiia.
Waaki ni Kakukurei aika a Kona ni Karaoaki
-
Koroi kiibu man booki aika tabu aikai iaon mwakorokoron beeba aika kaokoro: Itaia 14:3; Itaia 25:8; Itaia 28:16; Mataio 11:28–30; 1Korinto 15:53–57; Ereman 5:12. Anganiia atae beeba, ao kaoia bwa a na koroi iaon beeba koaua aika a reiakin man kiibu ao bootaki ni mwakuri ni kabotaui kiibu aika a reirei koaua aika ti tebo. Ni kaineti ma kiibu aikai, tera bwaai aika tamaroa aika e a tia te Uea ni karaoi ibukira?
-
Tuagiia ataei bwa a na rinea te mwakoro n taeka man Itaia 14:3; 25:8; ke 28:16 are e kauringiia iai taekan Iesu Kristo. Tuangiia bwa a na korea te mwakoro n taeka iaon te mwakoro ni beeba ao korea tamnein te Tia Kamaiu are a na kona ni kateia ni mwengaia.
Kaungaa te Kamatebwai n te Mweenga
Tuangiia ataei bwa a na korea taekan ke ni korea tamnein te bwai ae a tia n reiakinna n te kiraati n te bong aei. Kaungaia bwa a na tibwauaia ma aia utu ke kaain te kiraati aika aki ira te Moanrinan n te bong aei.
Kanakoraoan Ara Anga reirei
Bitii waaki ni kakukurei ake a bootau ma aroia ataei aika aki toamau. Bitaki aika uarereke nakon waaki ni kakukurei e kona ni kakoaua bwa a kona ataei ni kabane n reirei. Te katooto, ngkana te waaki ni kakukurei e taekinna bwa e na kaotaki te tamnei, kam kona n anenea te kuna ae irekereke ma ngaia ni kairiia ataei ake iai aia kaangaanga n aia taratara.