Aokati 29–Tebetembwa4

Taeka n Rabakau 1–4; 15–16; 22; 31; Te Minita 1–3; 11–12

‘Moan Rikin te Rabakau makan Iehova”

Ngkai ko kamatebwaia Taeka n Rabakau ao te Minita, iangoia ataei ake ko reireiniia. Tera rongorongo man koroboki aika tabu aikai ae a kona ni buokiia n namakina ae a uakaan riki ma te Tama are i Karawa ao Iesu Kristo?

Korei Am Namakin

Kaunga te Tibwatibwa

Korei iaon te burakibooti tamnein bwaai ake a taekinaki n ana boki Taeka n Rabakau, n aron te aati, te ota, ke te kawai. Buokiia ataei bwa a na wareka Taeka n Rabakau 3:5; 4:18,26, ao kaoiia bwa a na tibwa te bwai are a reiakinna ibukin bwaai aikai man koroboki aika tabu.

Reirei te Reirei: Ataei aika a Uarereke

Taeka n Rabakau 3:5

I kona n onimakina te Uea ma nanou ni kabane.

Ngkana ti onimakina te Uea ma nanora ni kabane, iai ara onimaki Irouna ao n ataia bwa E na buokiira.

Waaki ni Kakukurei aika a Kona ni Karaoaki

• Angan temanna te ataei bwa e na taua tamnein te Tia Kamaiu ngkai ko wareka Taeka n Rabakau 3:5. Tuangiia ataei tera ae nanonaki iroum n onimakinan te Uea. Kaoiia ataei bwa a na karaoa te buroo ma baia ke n taui baia iaon burooia inanon kaokiokan te mwakoro n taeka “onimakina Iehova n nanom ni kabanea” n te tai ae mwaiti.

• Korea tamnein te buroo ae bubura iaon te burakibooti, ao buokiia ataei bwa a na iangoi bwaai are a na kona ni karaoi ni kaotia bwa a onimakina te Uea. Kaoiia bwa a na korea tamnein aia iango inanon te aati ke iaon te mwakoro ni beeba. Kaungaia bwa a na tibwaua aia iango ma aia utu.

Ataei a kona n anga “te kaeka ae nimamannei” man kabonganaan taeka n akoi (Taeka n Rabakau 15:1).

Taeka n Rabakau 15:1,18

I kona ni kabonganai taeka n akoi.

Ni baika a riki aika a korakora man kananokawaki, ti kona ni kariiriaki bwa ti na kaeka ma te un. Taeka n Rabakau 15:1,18 e reireiniira arora ni kona n raira nako te un.

Waaki ni Kakukurei aika a Kona ni Karaoaki

• Wareka Taeka n Rabakau 15:1 nakoia ataei, ao kamataatai taeka nako ke mwakoron taeka are a boou nakoia. Tibwauai tabeua bwaai aika a riki ike e na un iai te ataei (n aron te kauntaeka ma mwaanem ke tarim). Buokiia bwa a na iangoi “kaeka ae nimamannei,” ke taeka n akoi, a kona ni kabonganai n oneimwiin taeka aika a karika te unuun. Buokiia bwa a na kataneiaia n atong bwaai aikai ma te nimamanne ke n te bwanaa ae rau.

• Bootaki anenea te kuna ae taekan te akoi, n aron “Kindness Begins with Me” (Aia Boki n Anene Ataei,145). Tera ae reireiniira te anene aei ibukin te riki n akoi?

• Ni buokiia ataei ni kamataataia tera nanon ae ko na “waeremwe n un” (Taeka n Rabakau 15:18), karakina oin rongorongom ngke ko (ke temanna ae ko ataia) ae e un ma e rineia bwa e na akoi. Tuangiia ataei bwa a na tibwauai naba oin aia taneiai. Buokiia ataei n iangoi bwaai ake a kona ni karaoi n oneamwiin are ko a rangi n un. N aron te katooto, a kona n iangoa Iesu, butiia te Tama are i Karawa bwa e na buokiia, anenea kunan te Moanrinan ni bon nakoia, ke, ngkana e kona, waekoa katoka te bwai are e na karika uniia.

Taeka n Rabakau 22:9

I kona n tibwai bwaai ake irou ma tabeman.

Ataei aika a uarereke a kona n reireinaki bwa a na kanga ni buokiia aomata ake irarikiia ake a rootaki n te kainnano. Ko na kanga ni kaungaia bwa a na tibwa are a karekea ma tabeman?

Waaki ni Kakukurei aika a Kona ni Karaoaki

• Kaota nakoia ataei tabeua tamneia tabeman ngke a beku ke a buokiia aomata ake a rootaki n te kainnano, n raonaki ma tamnein te Tia Kamaiu (n aron Bokin Tamnein te Euangkerio, nambwa. 42, 44,46). Titirakiniia ataei bwa a na tuangko bwa tera ae e riki n taian tamnei. Wareka nakoia ataei Taeka n Rabakau 22:9. Kamataata bwa teuana te kawai ae ti kona ni beku iai bon te anganako “te kariki nakon are e kainnano ,” ma a mwaiti riki kawai ni buokiia ake a rootaki n te kainnano. Kaoiia ataei bwa a na bon korei tamneia ngke a buoka temanna.

• Uoti nakon te kiraati tabeua bwaai are ko kona n tibwaia ma ataei, n aron taian tamnei ao kureiaon. Ngkai ko angan te ataei temanna ma temanna, n atonga, “N na tibwaia ma [aran te ataei]” Kariaia ataei bwa a na ikaruoruo n tibwai bwaai i bon irouia. Tera tabeua bwaai aika ti kona n tibwai ma tabeman?

• Ikotaki n anenea te kuna iaon te mwakuri n ibuobuoki, n aron “Give,’ Said the Little Stream” (Aia Boki n Anene Ataei,236). Ke kaota te witeo “Gordon Hinckley: Lessons I Learned as a Boy” (ChurchofJesusChrist.org). Tuangiia ataei bwa tera aia namakin ngkana a buokiia tabeman.

Reirei te Reirei: Ataei aika a Ikawai Riki

Taeka n Rabakau 1:7; 2:5; 15:33; 16:6; Te Minita 12:13

Ni “maaka te Atua” nanona n tangiria ao n ongotaeka Irouna.

Teuana te rongorongo ae kakawaki n Taeka n Rabakau ao n te Minita bon “maakan te Atua, ao ni kawakin Ana tua” (Te Minita 12:13). Iangoia raoi bwa ko na kanga ni buokiia ataei ni matata bwa tera ae nanonaki ni maaka te Atua.

Waaki ni Kakukurei aika a Kona ni Karaoaki

• Kaoiia ataei bwa a na korei ni karinani bwaai are a bae ni maakua aomata. Ngkanne tuangiia bwa a na wareka Taeka n Rabakau 1:7 ao Te Minita 12:13. Tera ae nanonaki ni maaka te Atua? Ni buoka ni kaeka te titiraki aei, tuanga te ataei bwa e na manga wareka riki te kibu, n oneamwiin te taeka ae “maaka” n te taeka ae “karinerine.” Kaokioka te waaki ni kakukurei aei ma te taeka ae “tangira,” “ongotaeka,” ke “ongeaaba.” E kanga te bitaki aei ni bita ara atatai n nanon te taeka ae maaka te Atua?

• Kaoa te ataei temanna ma temanna n rinea teuana mai buakon kiibu akana imwiina ni wareka, ni kakaea te taeka “maaku”: Taeka n Rabakau 1:7; 2:5; 15:33; 16:6. Tuangiia ataei bwa a na tibwaia tera ae e reiakinaki n aia kibu ibukin kakabwaia are a na roko ngkana ti maaka te Uea, are nanona bwa ti kaotia bwa ti karinea ao ni karinerine (taara naba Taeka n Rabakau 14:26–27). Ti na kangaa ni kaotia nakon te Uea bwa ti karinea?

Taeka n Rabakau 3:5–7

“Ko na onimakina Iehova n nanom ni kabane”

• Bootaki wareka Taeka n Rabakau 3:5–7, ao kaoiia ataei bwa a na korei ni karinani bwaai ake a taekin kiibu aikai bwa ti riai ni karaoi ao aika ti aki riai ni karaoi. Titirakiniia tera aia namakin ibukin bwaai aikai n tatabeua n ae nanonaki irouia. Tera anua ake ti kunei irouia aomata ake ti onimakiniia? Tera anuan te Uea ake irouna are a buokiira n onimakinna?

• Ni kaotia bwa tera nanon n “aki onimakina oin wanawanam,” tuangiia ataei bwa a na karaara te kai ke te bentira nakon bwaai aika a kakaokoro, n aron te boki ke te mwakoro ni beeba. Baikara bwaai aika nakoraoi karaoia? Bukin tera e kakawaki “onimakinan te Uea” ao n aki onimakina “oin wanawanara”?

Taeka n Rabakau 15:1,18; 16:32

“E raira nako te un te kaeka ae nimamanei.”

Ngkana ko taetae ma te un n taainako e karikirakea riki te kangaanga ao ni kakorakora naba. Kiibu aikai a reireiniira bwa ara taeka ao anuara a kona n raira nako te bono n nano ke te un.

Waaki ni Kakukurei aika a Kona ni Karaoaki

• Korea te taeka un ao kauntaeka iaon te burakibooti, ao tibwa katooton te kauntaeka are e reke irouia ataei. Ngkanne tuangiia ataei bwa a na wareka Taeka n Rabakau 15:1,18; 16:32 ao kakaea te taeka n reirei are a na kona n anganiia ataei are a kauntaeka. Ni katoa tai are a tibwa te iango ataei i bon irouia, kaoiia bwa a na kamaunai iteran taian taeka iaon te burakibooti. Kaoiia bwa a na oneimwiin taeka akanne ma tabeman ngke a kabwarabwara anuan Kristo are e uota te rau.

• Buokiia ataei n iangoi karaki inanon koroboki aika tabu ngke e kaotia te Uea te bwai are e reiakinaki n Taeka n Rabakau 15:1,18; 16:32. Ibukin iango, a kona n nooria n Ioane 8:1–11; 18:1–11. Bootaki anenea te kuna ae taekan ana katooto te Tia Kamaiu, n aron “I’m Trying to Be like Jesus” (Aia Boki n Anene Ataei, 78–79). Ti na kanga n ira ana banna ni katooto Iesu ngkai ti iwawaki ma kaain ara utu, raoraora, ao tabeman?

Kaungaa te Kamatebwai n te Mweenga

Buokiia ataei n rinea te kibu are a warekia n te kiraati ae a tangiria. Kaungaia bwa a na tibwa te kibu anne ma aia utu ao n tuangiia tera ae a reiakinna mai iai.

Kanakoraoan Ara Anga reirei

Kanakoraoa arom n riki bwa te tia reirei ae aekakin Kristo. Iangoi raoi kawai are a na kon ni karikirakea am konabwai ni buokiia ataei ni karikirakea aia onimaki iroun te Tama are i Karawa ao Iesu Kristo. Titiraki ni ukeriko n taraam i bon iroum iaon te iteraniba37 n Reirei n ana Kawai te Tia Kamaiu e kona n ibuobuoki.