The Mocking of Christ, saunia e Carl Heinrich Bloch

26 Setema–2Oketopa

Isaia 50–57

“Ua Ia Tauave o Tatou Tiga, ma Ia Tauave o Tatou Faanoanoaga”

O leIsaia 50–57 o loʻo iai ni gagana matagofie e le malamalama ai tamaiti o loʻo e aʻoaʻoina. A o e sauni e aoao atu, mafaufau loloto i mea moni faigofie o loʻo aoao mai e nei upu ma pe faʻafefea ona e fesoasoani i tamaiti e aʻoaʻoina.

Tusi Faamaumau Ou Lagona Uunai

Valaaulia le Fefaasoaai

Uunai tamaiti taitoatasi e fetufaai mai le auala latou te iloa ai e alofa Iesu Keriso ia i latou. Fai atu ia i latou e faasoa mai mea o latou faia e faaalia ai latou te alolofa ia Iesu.

Aoao atu le Aoaoga Faavae: Tamaiti Laiti

Isaia 53:4

Na puapuagatia Iesu mo au aua e alofa o Ia ia te au.

E ala i Lana taulaga togiola, na puapuagatia ai Iesu Keriso mo a tatou agasala ma ave i Ona luga “o tatou tiga” ma “o tatou faanoanoaga.” Faafefea ona e molimau atu i tamaiti e uiga i le Togiola a le Faaola?

Gaoioiga e Mafai Ona Fai

• Faaali atu ata o le Faaola o puapuagatia i luga o le satauro ma le Faatoaga o Ketesemane (tagai Tusi Ata o le Talalelei, nu. 56, 57, po o matuapu 51–53 i Tala o le Feagaiga Fou). Fai i tamaiti e faamatala mai mea ua latou vaaia i ata ma fetufaai mai mea ua latou iloa e uiga i le mea o loʻo tupu. Aisea na puapuagatia ai Iesu mo i tatou?

• Faitau atu i tamaiti mai le Isaia 53:4: “Ua na tauave o tatou tiga, ma na tauave o tatou faanoanoa.” Faaali atu i tamaiti se mea mamafa (poʻo se ata o se mea mamafa), ma valaaulia i latou e faʻafoliga e sii i luga se mea mamafa. Faamatala o le “mafatia” ma le “tiga” (po o le faanoanoa) e mafai ona lagonaina le mamafa ma faigata ona tauaveina. Ia molimau atu o le a fesoasoani Iesu Keriso ia i tatou e tauaveina nei mea aua e alofa o Ia ia te i tatou.

Isaia 55:6

E mafai ona ou sailia le Alii ma valaau atu ia te Ia.

Mafaufau pe faapefea ona e fesoasoani i tamaiti ia malamalama i le uiga o le “saili” ia Iesu io latou olaga atoa.

Gaoioiga e Mafai Ona Fai

• Nanā se ata o Iesu i se mea i totonu o le potu, ma valaaulia tamaiti e sue. Faitau atu upu nei “Ia outou saili ia Ieova manu o mafai ona maua o ia” o loo maua i le Isaia 55:6. Fai i tamaiti e taʻu mai ni auala e mafai ai ona latou saili le Alii—o lona uiga latou te taumafai malosi e aoao e uiga ia te Ia ma faalatalata ia te Ia. Soo se taimi lava na tuu mai ai e se tamaititi se tali, nana le ata, ma valaaulia le tamaitiiti e “saili” mo ia.

• Fesoasoani i tamiti e aoao upu i le pese “Saili Vave Le Alii” (Tusipese a Tamaiti,82,) poʻo se isi pese e uiga i le latalata atu i le Faaola. Faaaoga le itulau o gaoioiga o lenei vaiaso e fesoasoani ai i tamaiti e filifili se mea o le a latou faia e “saili … i le Aliʻi.”

• Faitau le fuaitau “Ia outou saili ia Ieova manu o mafai ona maua o ia” o loo maua i le Isaia 55:6. E faapefea ona tatou valaau atu i le Tama Faalelagi? Fai i tamaiti e talanoa e uiga i mea latou te tauina mai ia latou tatalo. Ia molimau atu e alofa le Tama Faalelagi ia i latou ma e faafofoga mai ia latou pe a latou tatalo.

Aoao atu le Aoaoga Faavae: Tamaiti Matutua

Isaia 51–52

E valaaulia a’u e le Alii e “ofu [loʻu] malosi.”

I le Isaia51 ma le52, na faaaoga e le Alii fasifuaitau e pei o le “ala mai,” “tu i luga,” ma “ofu lou malosi” e musuia Ona tagata ia ola e tusa ai ma o latou gafatia paia. Mafaufau pe mafai faapefea e nei fuaitau ona musuia tamaiti o loo e aoaoina.

Gaoioiga e Mafai Ona Fai

• Ao le amataina le vasega, tusi i luga o le laupapa ni nai fuaitau mai le Isaia 51–52 o lo o faamatala ai gaoioiga na finagalo le Alii i Ona tagata e fai, e pei o le “Sii i luga ou mata,” “Ala mai,” “Tu i luga,” “Lulu oe mai le efuefu,” ma le “Alualu i luma i le fiafia” (Isaia 51:6,17; 52:2,9). Tuu atu i tamaiti e auauai i le faatinoina o se tasi o fuaitau ao taumafai le vaega o totoe e mate po o le a le taga. A maeʻa avanoa taʻitasi, faaali i tamaiti le fuaitau i tusitusiga paia, ma talanoaina ma i latou le uiga faaleagaga o le fuaitau. O le a le mea ua fetalai mai le Alii tatou te faia? Faʻafefea ona tatou faia ia mea taʻitasi?

• Valaaulia tamaiti e faitau le Isaia 51:1,4,7 ma faʻailoa mai poʻo ai o loʻo fetalai i ai le Aliʻi ma mea e finagalo o Ia latou te faia. O le a le uiga o le “faalogo i le” Alii? Ina ia faataʻitaʻi, fai atu i se tasi o tamaiti e aumai ni faatonuga faigofie e tatau ona mulimuli ai isi. Aisea e faigata ai i nisi taimi ona faʻalogo ma usitaʻi i le Alii? Faafefea ona tatou faaali i le Alii tatou te “faalogo ia te Ia”?

Because of Love, saunia e Angela Johnson [Tagata FaiFaatagata]

Isaia 53:3-9

Na tauave e Iesu Keriso i Ona lava luga a’u agasala ma o’u tiga.

Faafefea ona e faaaogaina upu a Isaia e fesoasoani ai i tamaiti ia malamalama loloto i le mea na faia e le Faaola mo i latou?

Gaoioiga e Mafai Ona Fai

• Faaali atu ni ata o loʻo faaalia ai le puapuaga ma le maliu o Iesu Keriso (tagai, mo se faataitaiga, Tusi Ata o le Talalelei, nu. 56, 57, 58). Faitau faatasi le Isaia 53:3-6,9, ma valaaulia tamaiti e vaavaai mo fasifuaitau e faamatala ai mea na tutupu i ata. Molimau atu o le faitau selau o tausaga ao lei puapuagatia Iesu Keriso mo i tatou, o perofeta e pei o Isaia sa aoao atu e uiga i nei mea taua na tutupu. Aisea e taua ai i tagata ona iloa nei mea i le tele o tausaga muamua atu? (tagai Alema 39:15–19).

• Ia valaaulia tamaiti e faitau le Isaia 53: 4–7 ma saili upu e faamatala ai le mea na puapuagatia ai le Faaola mo i tatou. Fai atu ia i latou e tusi upu nei i luga o le laupapa. Aisea na Ia puapuagatia ai o tatou “tiga,” “mafatiaga,” ma “amioletonu”? (tagai foi Alema 7:11–12). Faasoa atu i tamaiti pe na faapefea ona fesoasoani le Faaola ia te oe e tauave ou tiga ma mafatiaga. Tuu atu ia latou e faasoa mai o latou lagona e uiga i le Faaola ma mea na Ia faia mo i latou.

Isaia 55:7–9

O ala a le Aliʻi e maualuga atu i oʻu ala.

A tatou malamalama o manatu ma ala a le Aliʻi e maualuga atu nai lo tatou, e atili ai ona faigofie ona faatuatua ia te Ia.

Gaoioiga e Mafai Ona Fai

• Fesili i tamaiti po o ai latou te o i ai pe a fai o loʻo iai so latou faafitauli faigata, ma aisea. Faitau ma tamaiti le Isaia 55:8-9, ma fai ia latou e faalogo pe aisea e tatau ai ona tatou sailia le taʻitaʻiga a le Alii pe a tatou manaʻomia se fesoasoani.

• Tusi i luga o le laupapa le lagi ma le eleele, ma faaigoa i latou Lagi ma le Lalolagi. Valaaulia tamaiti e faitau le Isaia 55:9 e iloa ai le mea na faatusatusa e le Aliʻi i le lagi ma le lalolagi, ma fai atu ia latou e faaopopo isi igoa i ata. O le a le uiga o ala ma mafaufauga a le Alii e “maualuga” nai lo tatou? Aisea e taua ai le iloa o lenei mea?

• Talanoaina ma tamaiti nisi o ala a le Aliʻi e maualuga atu nai lo tatou ala. Mo se faataʻitaʻiga, o le a Lana auala e faia ai tagata agasala? (tagai Mareko 2:15–17). O le a Lana auala e taʻitaʻia ai isi? (tagai Mataio 20:25–28). E faapefea ona ese Ona ala mai ala o isi? Tau atu i tamaiti le auala ua e aʻoaʻo ai e faatuatuaina ala ma mafaufauga maualuga a le Aliʻi.

Uunaia le Aoaoina i le Aiga

Fautua atu i tamaiti latou te setiina se sini e mafai ona fesoasoani latou te latalata atili ai ia Iesu Keriso, fuafua i se mea na latou aoaoina i le vasega i le aso. Valaaulia i latou e fetufaai atu lena sini ma se tagata o le aiga.

Faaleleia o Lo Tatou Aoao Atu

Fesoasoani i tamaiti laiti e aoao mai tusitusiga paia. Ina ia fesoasoani i tamaiti e aoao mai tusitusiga paia, taulai i se fuaiupu se tasi o le mau pe na o se fasi fuaitau autu foi. O nisi taimi atonu e te faitauina se fuaitau, e mafai ona e valaaulia tamaiti e tutu i luga pe sii o latou lima pe a latou faalogo i se upu po o se fasifuaitau patino e te manao e taulai i ai.